Adhyaya 52

Couplet 1

କହନ୍ତି ବ୍ୟାସଙ୍କ ନନ୍ଦନଗୋବିନ୍ଦପାଦେ ଦେଇ ମନ

Couplet 2

ଏବେ ହୋ ଶୁଣ ନରନାଥଭକତ ବତ୍ସଳ ଅନନ୍ତ

Couplet 3

ମଥୁରାଦାଣ୍ତେ ଗନ୍ଧ ଘେନିକୁବୁକା ନାମେ ଯେ କାମିନୀ

Couplet 4

କୃଷ୍ଣଙ୍କୁ ମାଗିଥିଲା ବରଭୋ ନାଥ ଯିବୁ ମୋର ପୁର

Couplet 5

ତାହାର ଭାବ ହୃଦେ ବହିକରୁଣାସିନ୍ଧୁ ଭାବଗ୍ରାହୀ

Couplet 6

ଉଦ୍ଧବ ସଙ୍ଗେ ବିଜେକଲେକୁବୁଜା ଭୁବନେ ମିଳିଲେ

Couplet 7

ଗୋବିନ୍ଦ ଆଗମନ ଆଶେଗୃହ ମଣ୍ତିଛି ମନତୋଷ

Couplet 8

ସୁନ୍ଦର ଗୃହ ଉପହାରକି ଅବା ଦେବା ପଟାନ୍ତର

Couplet 9

ସୁଗନ୍ଧ ଧୂପଦୀପ ବାସଅମୂଲ୍ୟମଣିରତ୍ନ ତ୍ରାସ

Couplet 10

ଗନ୍ଧ ଚନ୍ଦନ ପରିମଳପବନ ବହଇ ଶୀତଳ

Couplet 11

କାମ ଉପାୟ ସନ୍ଦୀପନଦେଖି ମୋହିତ ହୁଏ ମନ

Couplet 12

ମୁକୁତା ପ୍ରବାଳ ଖଞ୍ଜଣିଉପରେ ଚନ୍ଦ୍ରାତପ ଟାଣି

Couplet 13

ରତ୍ନ ପଲଙ୍କେ ଶେଯ ପାଡ଼ିରତ୍ନପାଦୁକା ସୁନାପିଢି

Couplet 14

ସୁଗନ୍ଧ ଧୂପ ଥୋଇ ତଳେଉପରେ ଲମ୍ବେ ଫୁଲମାଳ

Couplet 15

କୃଷ୍ଣ ଆଗମ ପଥ ଚାହିଁକୁବୁଜା ଦେହେ ଜ୍ଞାନ ନାହିଁ

Couplet 16

ନିମିଷ ଯୁଗପ୍ରାୟ ମଣିରଜନୀ ଦିବସ ନ ଗଣି

Couplet 17

ଜାଣିଣ ପ୍ରଭୁ ନାରାୟଣବିଜୟ କଲେ ତା ଭୁବନ

Couplet 18

ହରିଙ୍କି ନିଜ ଦ୍ୱାରେ ଦେଖିସଂଭ୍ରମେ ଆସନ ଉପେକ୍ଷି

Couplet 19

ସଙ୍ଗତେ ଘେନି ସଖୀଗଣପୂଜିଲା ଗୋବିନ୍ଦ ଚରଣ

Couplet 20

ରତ୍ନପାଦୁକା ତଳେ ଥୋଇସୁତୀର୍ଥ ଜଳେ ପାଦ ଧୋଇ

Couplet 21

ଝୀନବସନେ ପାଦ ପୋଛିନିଜ ମଥାରେ ଗର୍ଭେ ସିଞ୍ଚି

Couplet 22

ଅର୍ଘ୍ୟ ଆଚମନେ ତୋଷଇଅଧରେ ମଧୁରସ ଦେଇ

Couplet 23

ଏମନ୍ତେ କୃଷ୍ଣଙ୍କୁ ପୂଜିଲାଉଦ୍ଦବ ନିକଟେ ମିଳିଲା

Couplet 24

ବିବିଧ ମତେ ଉପହାରେପୂଜିଲା ଉଦ୍ଧବ ପୟରେ

Couplet 25

ରତ୍ନଆସନ ତଳେ ଥୋଇକୁବୁଜା ଗଲା ଭୋଳ ହୋଇ

Couplet 26

ଉଦ୍ଧବ ହରଷ ବଦନଚରଣେ ଚାଲିଲା ଆସନ

Couplet 27

ଏକାନ୍ତେ ଭୂମିରେ ବସିଲାକୃଷ୍ଣଚରଣେ ମନ ଦେଲା

Couplet 28

କୁବୁଜା ଗୃହ ମଧ୍ୟେ ଯାଇକୃଷ୍ଣଙ୍କୁ ପଲଙ୍କେ ବସାଇ

Couplet 29

ତାହାର ଭାବେ ବଶ ହରିରତ୍ନପଲଙ୍କେ ବିଜେକରି

Couplet 30

ଅଶେଷ ବ୍ରହ୍ମାଣ୍ତ ଠାକୁରକପଟେ ମନୁଷ୍ୟ ବେଭାର

Couplet 31

କୁବୁଜା କୁଙ୍କୁମ ଲେପିଣତକ୍ଷଣେ ସାରିଲା ସ୍ନାହାନ

Couplet 32

ଝୀନ ବସନ ରତ୍ନସାରଘେନିଣ ନାନା ଅଳଙ୍କାର

Couplet 33

ହୃଦେ ଚନ୍ଦନ କଣ୍ଠେ ହାରତାମ୍ବୁଳେ ସୁରଙ୍ଗ ଅଧର

Couplet 34

ସୁଧା ଆସବ ପାନ କଲାଗୋବିନ୍ଦ ଛାମୁରେ ମିଳିଲା

Couplet 35

ହାସବଦନେ କାମବତୀକଟାକ୍ଷେ ମୋହିଲା ଶ୍ରୀପତି

Couplet 36

କୁବୁଜା ଚାହିଁ ବନମାଳୀଡାକନ୍ତି ବେନିଭୁଜ ତୋଳି

Couplet 37

ନବସଙ୍ଗମେ ଲାଜ ପାଇକୁବୁଜା ନ ପାରଇ ଯାଇ

Couplet 38

ସଂକୋଚେ ଗମନ ସଧୀରେରତ୍ନକଙ୍କଣ ବେନିକରେ

Couplet 39

ମାୟା ମୋହିଲେ ଭାବଗ୍ରାହୀଲାଜ ଛାଡ଼ିଲା କୃଷ୍ଣେ ଚାହିଁ

Couplet 40

ଗୋବିନ୍ଦ ଭୁଜେ ଭୁଜ ଦେଇପଲଙ୍କେ ବସାଇଲେ ନେଇ

Couplet 41

କୁବୁଜା କୃଷ୍ଣେ ଘେନି କୋଳେଗନ୍ଧ ଲେପିଲା ପୂଣ୍ୟବଳେ

Couplet 42

ରମିଲେ କମଳାର ବରଅଶେଷ ବ୍ରହ୍ମାଣ୍ତ ଠାକୁର

Couplet 43

କୁବୁଜା କାମଭୋଳେ କରିକୃଷ୍ଣ ଚରଣ କରେ ଧରି

Couplet 44

ଚକ୍ଷୁ ହୃଦୟ କୁଚ ଭରେଆଘ୍ରାଣ କଲା ନାସାଦ୍ୱାରେ

Couplet 45

ଯେତେ କଳୁଷ ଦେହେ ଥିଲାଗୋବିନ୍ଦ ଚରଣେ ମାଜିଲା

Couplet 46

ନିର୍ଭରେ ବେନିଭୁଜ ତୋଳିହୃଦେ ଲଗାଇ ବନମାଳୀ

Couplet 47

ଆନନ୍ଦ ରୂପ ଭଗବାନନିବିଡେ କଲା ଆଲିଙ୍ଗନ

Couplet 48

ଜନ୍ମୁଁ ସଞ୍ଚିଲା ବହୁ ପାପହେଳେ ଛାଡ଼ିଲା ତିନିତାପ

Couplet 49

ଯେ ହରି କଇବଲ୍ୟନାଥଲୋଡ଼ି ନ ପାନ୍ତି ମୁନି ସନ୍ଥ

Couplet 50

ତାଙ୍କୁ କୁବୁଜା ଘେନି କୋଳେଗନ୍ଧ ଲେପିଲା ପୁଣ୍ୟବଳେ

Couplet 51

ହସି ବୋଇଲେ ନାରାୟଣବର ତୁ ମାଗ ଗୋ ବହନ

Couplet 52

ଦେଖ ହୋ ଭାଗ୍ୟବଳ ତାରକୃଷ୍ଣଙ୍କୁ ମାଗିଲା ସେ ବର

Couplet 53

ଭୋ ନାଥ ରହ କିଛିଦିନତୋଷ ନୋହିଲା ମୋର ମନ

Couplet 54

ପଦ୍ମଲୋଚନ ତୋର ସଙ୍ଗେକ୍ରୀଡା କରିବି ନାନାରଙ୍ଗେ

Couplet 55

ମୁିନି କହନ୍ତି ରାଜା ଆଗଦେଖ ଏ କୁବୁଜାର ଭାଗ୍ୟ

Couplet 56

ଶୁଣି ସାନନ୍ଦ ଗୋପୀନାଥେତହିଁ ରହିଲେ ଦିନାକେତେ

Couplet 57

କାମନା ପୂର୍ଣ୍ଣ କରି ତାରତହୁଁ ଚଳିଲେ ଦାମୋଦର

Couplet 58

ଅଶେଷ ସୁଖ ଭୋଗ ଦେଇଉଦ୍ଧବ ସଙ୍ଗେ ଭାବଗ୍ରାହୀ

Couplet 59

ପ୍ରବେଶ ଆପଣା ମନ୍ଦିରଶୁଣ ହୋ କୁବୁଜା ବେଭାର

Couplet 60

ଦୁର୍ଲ୍ଲଭ ଯାର ପାଦସେବାଲୋଡି ନ ପାନ୍ତି ସୁରଦେବା

Couplet 61

ତାହାଙ୍କୁ ତପବଳେ ପାଇବିଷୟସୁଖ ଯେ ଲୋଡ଼ଇ

Couplet 62

କୁତ୍ସିତମତି ବୋଲି ତାରେପଡ଼ଇ ଦୁଃଖ ଅନ୍ଧକାରେ

Couplet 63

ଅଜ୍ଞାନ ବିପ୍ର ଜଗନ୍ନାଥକାହିଁ ପାଇବ କୃଷ୍ଣପଥ

Couplet 64

ଶୁଣ ହୋ ଅଭିମନ୍ୟୁ ସୁତମଥୁରା ପୁରେ ଜଗନ୍ନାଥ

Couplet 65

ରଜନୀ ଅନ୍ତେ ମନେ ଗୁଣିଦୟା ସାଗର ଚକ୍ରପାଣି

Couplet 66

କଳ୍ପିତ-କାର୍ଯ୍ୟ ଉପଦେଶେପଣ୍ତୁ ତନୟଙ୍କ ଉଦ୍ଧେଶ୍ୟେ

Couplet 67

ଅକ୍ରୁରହିତ ମନେ ଗୁଣିରାମ ଉଦ୍ଧବ ସଙ୍ଗେ ଘେନି

Couplet 68

ମିଳିଲେ ଅକ୍ରୁର ମନ୍ଦିରଦୟାସାଗର ଦାମୋଦର

Couplet 69

ନିକଟେ ଦେଖି ବନ୍ଧୁଜନଅକ୍ରୁର ହରଷ ବଦନ

Couplet 70

ଆନନ୍ଦେ କୃଷ୍ଣ ସଙ୍ଗ ପାଇନିବିଡେ଼ ଆଲିଙ୍ଗନ ଦେଇ

Couplet 71

ପୁଲକେ ଅଶ୍ରୁଜଳ ବହେପ୍ରଣାମ କଲା କୃଷ୍ଣପାୟେ

Couplet 72

ରାମର ପାଦେ ପୁଣ ପଡ଼ିଉଦ୍ଧବ କର ହୃଦେ ଭିଡ଼ି

Couplet 73

ରାମଗୋବିନ୍ଦ ବନ୍ଧୁପଣେନମିଲେ ଅକ୍ରୁର ଚରଣେ

Couplet 74

ଅକ୍ରୁର ନିଜ ଘରେ ନେଇଉତ୍ତମ ଆସନେ ବସାଇ

Couplet 75

ଜାଣଇ ପୂଜାର ବିଧାନଆନନ୍ଦ ମନେ ଛନଛନ

Couplet 76

ସୁବର୍ଣ୍ଣପାତ୍ରେ ଜଳ ନେଇରାମଗୋବିନ୍ଦ ପାଦ ଧୋଇ

Couplet 77

ପାଦଉଦକ ଶିରେ ଘେନିଭାବେ ବୁଜିଲା ଚକ୍ଷୁ ବେନି

Couplet 78

ଦିବ୍ୟବସନ ଗନ୍ଧମାଳେପୂଜିଲା ମଦନଗୋପାଳେ

Couplet 79

ମଣିମୁକୁତା ହାର ରଙ୍ଗେମଣ୍ତିଲା ଗୋବିନ୍ଦର ଅଙ୍ଗେ

Couplet 80

ରାମଙ୍କୁ ଦେଇ ଅଳଙ୍କାରଭାବେ ଯୋଡିଲା ବେନିକର

Couplet 81

ଖଟେ ବସାଇ ଦାମୋଦରଚରଣ ଚାପଇ ଅକ୍ରୁର

Couplet 82

ରାମର ପାଦେ ହସ୍ତ ଦେଇବିଶ୍ୱାସେ ଅକ୍ରୁର ବୋଲଇ

Couplet 83

ଭୋ ନାଥ ପ୍ରଭୁ ନାରାୟଣଅଶେଷ ବ୍ରହ୍ମାଣ୍ତ କାରଣ

Couplet 84

ପାପିଷ୍ଠ କଂସରାଜା ମଲାଆମ୍ଭର କୁଳେ ଭାଗ୍ୟ ଥିଲା

Couplet 85

ତାହାର ଭୟେ ଯଦୁବଂଶନିଶ୍ଚୟେ ହେଉଥିଲା ଧ୍ୱଂସ

Couplet 86

ତାହାଙ୍କୁ ହେଳେ ନାଶ କଲବୁଡ଼ିଲା ଭେଳା ଉଦ୍ଧରିଲ

Couplet 87

ଏ କୁଳ ଏବେ ତ ବଢ଼ିବଅବନିତଳେ ଯଶ ଥିବ

Couplet 88

ତୁମ୍ଭେ ଯେ ପ୍ରକୃତିପୁରୁଷଲୀଳା ଏ ସଂସାରେ ପ୍ରବେଶ

Couplet 89

ଜଗତ ନାନାରୂପ ହୋଇତୁମ୍ଭ ଶରୀରୁ ପ୍ରକାଶଇ

Couplet 90

ଏଣୁ ଜଗତମୟ ନାମାକି ଅବା କରିବା ଉପମା

Couplet 91

କାର୍ଯ୍ୟକାରଣ ବିଚାରଣେତୋ ବିନୁ ନାହିଁ ଅନ୍ୟ ଜଣେ

Couplet 92

ତୁମ୍ଭେ ଏ ସଂସାର ଭିଆଇଜୀବ ପରମ ରୂପ ହୋଇ

Couplet 93

ଆତ୍ମାର ତେଜ ବଳ ତୁମ୍ଭେପ୍ରବେଶ କ୍ରୀଡ଼ା ଅନୁଭାବେ

Couplet 94

ନାନାପ୍ରକାରେ ରୂପହୋଇଏ କଥା ନିଗମ ଜାଣଇ

Couplet 95

ସଚରାଚର ଭୂତଯୋନିଶବଦ ଆଣି କୂଣ ଘେନି

Couplet 96

ବହୁ ପ୍ରକାରେ ପ୍ରକାଶନ୍ତିତୁମ୍ଭ ମହିମା ନ ଜାଣନ୍ତି

Couplet 97

ଏମନ୍ତ ପ୍ରକାଶ ତୁମ୍ଭରକେବଳ ଆତ୍ମାଜ୍ଞାନ ସାର

Couplet 98

ପ୍ରପଞ୍ଚ ନାନା ରୂପ ହୋଇମାୟାସଂସାରେ ବିହରଇ

Couplet 99

ତୁ ପୁଣି ତୋହର ଆୟତ୍ତମାୟାରେ ଭ୍ରମାଉଁ ଜଗତ

Couplet 100

ସୃଷ୍ଟି ପାଳନ ସଂହାରଣରଜ ସାତ୍ତ୍ୱିକ ତମଗୁଣ

Couplet 101

ଏଣୁ ଯେ ତୋର ବନ୍ଧନାହିଁଯେଣୁ ଏହାର ହେତୁ ତୁହି

Couplet 102

ଉପାଧି ରୂପ ତନୁ ଯାରଜନ୍ମ ମରଣ ନାହିଁ ତାର

Couplet 103

ତରଙ୍ଗ ଯେହ୍ନେ ନାଶ ଯାଇନିଶ୍ଚଳ ଭାବେ ଜଳ ଥାଇ

Couplet 104

ଗୁଣ ବେଭାର ଯାର ଭେଦତାହାର ଦୁଃଖ ସୁଖେ ଖେଦ

Couplet 105

ଅଭେଦ ଆତ୍ମା ତୁ ପ୍ରତ୍ୟକ୍ଷତୋହର ନାହିଁ ବନ୍ଧ-ମୋକ୍ଷ

Couplet 106

ନାହିଁ ତୋହର ଭିନ୍ନ ଭାବଏଣୁ କେ ମହିମା କହିବ

Couplet 107

ତୋର ବଚନ ଶ୍ରୁତିଗଣସଂସାର-ହିତର କାରଣ

Couplet 108

ପାଷାଣ୍ତେ ନିଜ ବାଦବଳେବେଦ ନିନ୍ଦନ୍ତି ଯେତେବେଳେ

Couplet 109

ତୁ ନାଥ ସତ୍ତ୍ୱଗୁଣ ଭଜୁତାହାଙ୍କ ଗର୍ବ ହେଳେ ଗଞ୍ଜୁ

Couplet 110

ନିନ୍ଦନ୍ତି ନିଜ ଧର୍ମ କର୍ମତୋର ଶରୀର ସର୍ବଧର୍ମ

Couplet 111

ଈଶ୍ୱର ଆଦି ଦେବ ଯାଏଁନିନ୍ଦା କରନ୍ତି ପଶୁପ୍ରାୟେ

Couplet 112

ପ୍ରକୃତିପୁରୁଷ ତୁ ଅଟୁସ୍ତିରୀପୁରୁଷ ରୂପେ ଖଟୁ

Couplet 113

ପାଷାଣ୍ତେ କରନ୍ତି ତା ଭିନ୍ନସର୍ବଶରୀରେ ନାରାୟଣ

Couplet 114

ଏହା ଯେ ବିଚାର ନ କରେତାହାକୁ ଲେଖିବ ପଶୁରେ

Couplet 115

ତାହାଙ୍କ ଦର୍ପ କରି ନାଶନରକେ ଦେଉ ତାଙ୍କୁ ବାସ

Couplet 116

ଏମନ୍ତେ ପ୍ରଭୁ ନରହରିଯାଦବ ବଂଶେ ଅବତରି

Couplet 117

ବସୁଦେବର ଘରେ ନାଥଅଂଶେ ହୋଇଲୁ ଦେହବନ୍ତ

Couplet 118

ଅବନୀଭାରା ନିବାରଣଅଶେଷ ବ୍ରହ୍ମାଣ୍ତ କାରଣ

Couplet 119

ଅସୁରବଳ କରି ନାଶଥୋଇବୁ ଯଦୁକୁଳେ ଯଶ

Couplet 120

ଏମନ୍ତ ମହିମା ତୋହରବିଜୟ କଲୁ ମୋର ପୁର

Couplet 121

ଦେବତା ପିତୃ ଭୂତ ରୂପତୁ ନାଥ ସକଳ ସ୍ୱରୂପ

Couplet 122

ତୁ ଯହିଁ ହୋଇବୁ ପ୍ରକାଶସେ ଧନ୍ୟ ପୁଣ୍ୟ ଗୃହବାସ

Couplet 123

ତୋହର ଚରଣ ଉଦକପବିତ୍ର କରେ ତିନିଲୋକ

Couplet 124

କେଉଁ ପଣ୍ତିତ ତୋ ଚରଣଛାଡ଼ି ଭଜିବ ଆନଜଣ

Couplet 125

ଭକତପ୍ରିୟ ତୁହିସତ୍ୟବଚନ ତୋର ତହିଁ

Couplet 126

ତୁ ଜୀବଆତ୍ମା ତତ୍ତ୍ୱ ଜାଣୁଶୁଭଅଶୁଭ ପରିମାଣୁ

Couplet 127

ଭକ୍ତି ଅନୁରୂପେ ଫଳଦେଉ ତୁ ଭକତବତ୍ସଳ

Couplet 128

ଭାବକୁ ଆତ୍ମା ଦେଉ ତୁହିବୃଦ୍ଧି ବିନାଶ ତୋର ନାହିଁ

Couplet 129

ତୁ ଯେ ସକଳ ମୁକ୍ତିଦାତାଭବଜଳଧିରୁ ତାରନ୍ତା

Couplet 130

ଆମ୍ଭେ ସକଳ ହତଜ୍ଞାନକେବଳ ଭାଗ୍ୟେ ଜନାର୍ଦ୍ଦନ

Couplet 131

ତୋତେ ପାଇଲୁ ପୁଣ୍ୟଫଳେଚିହ୍ନି ନ ପାରୁ ଚର୍ମଡୋଳେ

Couplet 132

ସକଳ ସୁର ସିଦ୍ଧ ଯତିଜାଣି ନ ପାରନ୍ତି ତୋ ଗତି

Couplet 133

ସୁତ କଳତ୍ର ଧନ ମିତ୍ରଗୃହ ବାନ୍ଧବ ବୃତ୍ତି କ୍ଷେତ୍ର

Couplet 134

ଏ ରୂପେ ତୋର ମାୟାଫାନ୍ଦେବନ୍ଧନେ ଅଛୁଁ ଆମ୍ଭେ ହାଦେ

Couplet 135

ତୋହର ଅଛି ଯେବେ ଦୟାଭୋ ନାଥ ଛେଦ ବେଗେ ଏହା

Couplet 136

ତୁ ନାଥ ଚଉବର୍ଗଦାତାତୋ ତହୁଁ ନାହିଁନା କରତା

Couplet 137

ତୁ ନାଥ କର ଏଥୁଁ ପାରଶରଣ ଗଲି ତୋ ପୟର

Couplet 138

ଏମନ୍ତ ଅକ୍ରୁରର ବାଣୀଶୁଣି ହସନ୍ତି ଚକ୍ରପାଣି

Couplet 139

ମୋହିଲେ ଅକ୍ରୁରର ମନକୋମଳ ଗଭୀର ବଚନ

Couplet 140

କହନ୍ତି ପ୍ରଭୁ ଭାବଗ୍ରାହୀମାୟାମୋହନ ନେତ୍ରେ ଚାହିଁ

Couplet 141

ତୁ ମୋର ଗୁରୁ ପିତାମାତବାନ୍ଧବ ମଧ୍ୟରେ ପୂଜିତ

Couplet 142

ଆମ୍ଭେ ତୋହର ପୁତ୍ର ଦୁଇତୋର ପୋଷଣେ ଆମ୍ଭ ଦେହୀ

Couplet 143

ତୋହର ପାଦେ ସେବାକରିତେବେ ସେ ଥିବୁ ଦେହ ଧରି

Couplet 144

ତୋ ପରି ସାଧୁ ସେବାକରିତେବେ ସେ ଭବୁ ହୋଇପାରି

Couplet 145

ଆପଣା ହିତ ସାଧ୍ୟମତେଦେବଦାନବ ଏ ଜଗତେ

Couplet 146

ଏ ଭାବ ସାଧୁଜନେ ନାହିଁହସି ବୋଲନ୍ତି ଭାବଗ୍ରାହୀ

Couplet 147

ଜଳେ ପୂରିତ ତୀର୍ଥଗଣଦେବତା ମୃତ୍ତିକା ପାଷାଣ

Couplet 148

ଏହାଙ୍କୁ ସେବୁଥିଲେ ନିତିଅନେକନ କାଳେ ଫଳ ଦ୍ୟନ୍ତି

Couplet 149

ସାଧୁଙ୍କ ଦରଶନ ମାତ୍ରେଦୂରିତ ନ ରହଇ ଗାେତ୍ରେ

Couplet 150

ବନ୍ଧୁଙ୍କ ମଧ୍ୟେ ଶ୍ରେଷ୍ଠ ମୋରଏବେ ତୁ ମୋ ବଚନ କର

Couplet 151

ହସ୍ତିନାପୁର ଯାଅ ବେଗେକହଇ କଥା ତୋର ଆଗେ

Couplet 152

ପଣ୍ତୁରାଜାର ପଞ୍ଚସୁତପିତାମରଣେ ଅରକ୍ଷିତ

Couplet 153

ଅଛନ୍ତି ଧୃତରାଷ୍ଟ୍ରପୁରେବନ୍ଦୀ ଯେସନେ ବନ୍ଦୀଘରେ

Couplet 154

ଅମ୍ବିକାସୁତ ଚକ୍ଷୁହୀନତାହାର ପୁତ୍ର ଦୁର୍ଯ୍ୟୋଧନ

Couplet 155

ଶତେକ ପୁତ୍ର ମଧ୍ୟେ ଶ୍ରେଷ୍ଠଉଗ୍ରସ୍ୱଭାବ ମହାଦୁଷ୍ଟ

Couplet 156

ରାଜା ତାହାରେ ବଶ ହୋଇସମେ ନ ଦେଖେ ପାଞ୍ଚଭାଇ

Couplet 157

ତାଙ୍କ ନିମନ୍ତେ ନାଶଯିବପୃଥ୍ୱୀର ଭାରା ଉଶ୍ୱାସିବ

Couplet 158

ତୁ ଏବେ ଯାଅ ମୋର ବୋଲେତାଙ୍କ କୁଶଳ ବୁଝ ଭଲେ

Couplet 159

ଭୋ ତାତ ଚଳ ବେଗ ହୋଇକହି ଉଠିଲେ ବେନିଭାଇ

Couplet 160

ଶୁଣି ଅକ୍ରୁର କୃତକୃତ୍ୟବୋଲଇ ଶୁଣ ଗୋପୀନାଥ

Couplet 161

ମଣୋହି ସାରି ବିଜେକରମୁଁ ଯିବି ହସ୍ତିନାନଗର

Couplet 162

ଅକ୍ରୁରବାକ୍ୟ କର୍ଣ୍ଣେ ଶୁଣିହରଷ କୃଷ୍ଣ ହଳପାଣି

Couplet 163

ବେଗେ ତୁ ମଣୋହି କରାଇହସ୍ତିନା ଯାଅ ବେଗ ହୋଇ

Couplet 164

ଭିତରପୁରେ ବେନିଭାଇମଣୋହି କରାଇଲା ନେଇ

Couplet 165

ଅମୃତପାନ ଘୃତ ସୁରଭୁଞ୍ଜନ୍ତି ରାମ ଦାମୋଦର

Couplet 166

ଉଦ୍ଧବ ଭୁଞ୍ଜନ୍ତି ହରଷେକ୍ଷୀରି ଶାକର ଘୃତରସେ

Couplet 167

ଭୁଞ୍ଜି ସାନନ୍ଦ ବେନିଭାଇଯମୁନାନୀରେ ମୁଖ ଧୋଇ

Couplet 168

ହସ୍ତ ପଖାଳି ବାସ ଗୁଆଅକ୍ରୁର ଯୋଗାଏ ବିଡ଼ିଆ

Couplet 169

ଭୁଞ୍ଜନ୍ତି ରାମ ଦଇତ୍ୟାରିରତ୍ନପଲଙ୍କେ ବିଜେକରି

Couplet 170

କେଶେ ସାଜଇ ଦିବ୍ୟ ଗଭାରାମଗୋବିନ୍ଦ ମୁଖପ୍ରଭା

Couplet 171

ଚନ୍ଦନ ଶ୍ରୀଅଙ୍ଗେ ବୋଳଇକଣ୍ଠେ ବିବିଧ ମାଳା ଦେଇ

Couplet 172

ହୃଦେ ପଦକ କଣ୍ଠେ ମଣିକୁଣ୍ତଳ ରବିତେଜ ଜିଣି

Couplet 173

କଚଟି ବାହୁଟି ସାଜଇଅଷ୍ଟରତନମାଳା ଦେଇ

Couplet 174

ଦେଇଣ ନାନା ଉପହାରଚରଣେ ପଡ଼ିଲା ଅକ୍ରୁର

Couplet 175

ରାମ ଗୋବିନ୍ଦ ପାଦ ଧରିଅଶ୍ରୁ ଗଳଇ ମୋଦଭରି

Couplet 176

ରାମ ଗୋବିନ୍ଦ ଦୟା କଲେପଲ୍ୟଙ୍କେ ନେଇ ବସାଇଲେ

Couplet 177

ବୋଲନ୍ତି ଆମ୍ଭର ପିଅରବସୁଦେବ ହୁଁ ଶ୍ରେଷ୍ଠ ସାର

Couplet 178

ଜୀବନ୍ତେ ଭୋଗ ତୁ କରିବୁଅନ୍ତେ ମୋ ଶରୀରେ ପଶିବୁ

Couplet 179

ଅକ୍ରୁର ନାରୀ ହୀରାବତୀମିଳିଲା ରାମକୃଷ୍ଣ କତି

Couplet 180

ଶତେକ ସୁନ୍ଦର କାମିନୀପୁତ୍ର ଦୁହିତା ସଙ୍ଗେ ଘେନି

Couplet 181

ସୁଗନ୍ଧ ନାନା ଉପହାରପୂଜିଲା ରାମଦାମୋଦର

Couplet 182

ଗୋବିନ୍ଦ ମହାତୋଷ ହୋଇବର ଦିଅନ୍ତି ଭାବଗ୍ରାହୀ

Couplet 183

ଅନେକ ହୋଇବ ସମ୍ପଦକେ କହୁ ତୁମ୍ଭର ଆନନ୍ଦ

Couplet 184

ମୋର ଚରଣେ ଚିତ୍ତ ରହୁମୋ ନାମ ଧରି ଦିନ ଯାଉ

Couplet 185

ଭକତି ତୁମ୍ଭର ହୋଇବଏ ଘୋରଜଳେ ନ ପଡ଼ିବ

Couplet 186

ଏମନ୍ତ ବର ଦେଇ ହରିତୋଷିଲେ ଅକ୍ରୁରର ନାରୀ

Couplet 187

ରାମ ଉଦ୍ଧବ ସଙ୍ଗେ କରିନିଜ ଭୁବନେ ଯାଇ ମିଳି

Couplet 188

ଅକ୍ରୁର ହରଷ ବଦନେଗଲା ସେ ହସ୍ତିନା ଭୁବନେ

Couplet 189

ସେ ରାମକୃଷ୍ଣ ପାଦଯୁଗେଚିତ୍ତ ମୋ ରହୁ ଧ୍ୟାନଯୋଗେ

Couplet 190

ସୁଜନେ ଏହି ଭାବେ ରସକଟିବ ଭବବନ୍ଧପାଶ

Couplet 191

ନାମେ ସକଳ ପାପ ହରଏ ଘୋର - ସଂସାରୁ ନିସ୍ତର

Couplet 192

ବୋଲଇ ଦାସ ଜଗନ୍ନାଥସୁଜନ ହିତେ ଭାଗବତ