Adhyaya 50

Couplet 1

ଶୁଣ ପାଣ୍ତବ-ଚୂଡ଼ାମଣିମଥୁରାପୁରେ ଚକ୍ରପାଣି

Couplet 2

ସଂହାରି ଗଜ-ମାଲ-କଂସଯଦୁଙ୍କୁ ଦେଇ ଗ୍ରାମଦେଶ

Couplet 3

ସକଳ ବେଦବିଦ୍ୟା ଜାଣିଯମର ଘରୁ ପୁତ୍ର ଆଣି

Couplet 4

ଗୁରୁଙ୍କୁ କରି ସନମାନମୋହିଲେ ମଥୁରାଭୁବନ

Couplet 5

ଦୟାସାଗର ନରହରିମନେ ସୁମରି ଗୋପନାରୀ

Couplet 6

ଆନନ୍ଦେ ରଜନୀ ପାହିଲାରବିକିରଣ ପ୍ରକାଶିଲା

Couplet 7

ଉଦ୍ଧବେ ରାଇ ନରହରିକହନ୍ତି କରେ କର ଧରି

Couplet 8

ତୁ ଦେବଗୁରୁଙ୍କର ଶିଷ୍ୟଜ୍ଞାନ ତୋ ଅତି ହିଁ ବିଶେଷ

Couplet 9

ସୁବୁଦ୍ଧିଜନ ମଧ୍ୟେ ସାରଯାଦବକୁଳେ ମନ୍ତ୍ରୀବର

Couplet 10

ତୁ ଅଟୁ ମିତ୍ର ଯେଣୁ ମୋରକହଇ ଶୁଣ ମୋ ଉତ୍ତର

Couplet 11

ଏକାନ୍ତେ ଭଜୁଥାଉ ତୁହିତୋହର ମନ ମୁଁ ଜାଣଇଁ

Couplet 12

ତୁ ମୋର ପ୍ରିୟ ଅଟୁ ଯେବେଗୋପପୁରକୁ ଯାଅ ତେବେ

Couplet 13

ଅକ୍ରୁର ଯେତେବେଳେ ମୋତେରଥେ ବସାଇ ଗୋପପଥେ

Couplet 14

ଆଣିଲାବେଳେ ଗୋପନାରୀମୋହର ରଥ ଥିଲେ ଧରି

Couplet 15

ମୁଁ ତାଙ୍କୁ କହିଲି ବିଶ୍ୱାସେଉତ୍ସବ ଦେଖିବାର ଆଶେ

Couplet 16

ତୁମ୍ଭେ ଗୋ ଥାଅ ସ୍ଥିରମନେଆମ୍ଭେ ଆସିବୁ ଚାରିଦିନେ

Couplet 17

ତେଣୁ ସେ ଆମ୍ଭରେ ଭରଷାକରିଣଥିବେ ପ୍ରତିଆଶା

Couplet 18

ମୋତେ ନ ଦେଖି ଖେଦମନମରମେ ଦହଇ ମଦନ

Couplet 19

ନିମିଷେ ଶତଯୁଗ ମଣିଅଛନ୍ତି ଗୋପର ତରୁଣୀ

Couplet 20

ତୁ ମୋର ଆଜ୍ଞା ଘେନିଯାଅଗୋପ-କାମିନୀ ମଧ୍ୟେ କହ

Couplet 21

ଗୋପୀଙ୍କ ମନ ମୋର ତହିଁମୁଁ ତାଙ୍କ ଜୀବନ ଅଟଇ

Couplet 22

ଦେହବେଭାର ମୋର ଅର୍ଥେଛାଡ଼ି ଭଜିଲେ ମୋର ପଥେ

Couplet 23

ଇଷ୍ଟଦେବତା ତାଙ୍କ ମୁହିଁମୋ ତହୁଁ ଆନଗତି ନାହିଁ

Couplet 24

ଏ ଲୋକଧର୍ମ ଛାଡ଼ି ମୋତେଭଜନ୍ତି ଭକ୍ତିଭାବ ଚିତ୍ତେ

Couplet 25

ତାହାଙ୍କୁ ବହଇ ମୁଁ ହୃଦେସେବନ୍ତି ମୋର ପଦ୍ମପାଦେ

Couplet 26

ପ୍ରିୟଜନଙ୍କ ପ୍ରିୟ ମୁହିଁଦଇବେ ଦୂରେ ଅଛି ରହି

Couplet 27

ସଂସାର ଚେଷ୍ଟା ଛାଡ଼ି ଚିତ୍ତେମୋର ସଙ୍ଗତି ଅବିରତେ

Couplet 28

ନିତ୍ୟେ ସୁମରି ମୋର ଗତିକ୍ଷଣକ୍ଷଣକେ ମୋହ ଯାନ୍ତି

Couplet 29

ବିରହ-ବିଯୋଗେ କାତରମନ ନିବେଶି ମୋ ପୟର

Couplet 30

ଦେହ ଧରନ୍ତି ଅତିକଷ୍ଟେପଞ୍ଚପରାଣ କଣ୍ଠତଟେ

Couplet 31

କୃଷ୍ଣ ଆସିବେ ଗୋପପୁରଏଣେ ଭରଷା ତାହାଙ୍କର

Couplet 32

ଏମନ୍ତେ କୃଷ୍ଣର ସନ୍ଦେଶଘେନି ଉଦ୍ଧବ ମନେ ତୋଷ

Couplet 33

ଆନନ୍ଦେ ବସିଲା ବିମାନେଚଳିଲା ବରଜ-ଭୁବନେ

Couplet 34

ଦିବସଶେଷେ ଗୋପେ ମିଳିଗଗନେ ଉଡେ଼ ଗୋରୁଧୂଳି

Couplet 35

ରବି ପଶ୍ଚିମେ ଅସ୍ତ ଗଲାଉଦ୍ଧବ ଗୋପରେ ମିଳିଲା

Couplet 36

ଗୋପେ ପଶନ୍ତେ ଗୋରୁଙ୍କରଧୂଳିରେ ଛନ୍ନ ଦିବାକର

Couplet 37

ଗାଈଙ୍କ ଋତୁ ଦେଖି ତୋଷେଗର୍ଜିଣ ଧାଉଁଛନ୍ତି ବୃକ୍ଷେ

Couplet 38

ଗାଈଏ ସ୍ତନ କ୍ଷୀରଭାରେବତ୍ସାଙ୍କୁ ଡ଼ାକନ୍ତି ହୁଙ୍କାରେ

Couplet 39

ଯେସନେ ସମୁଦ୍ର ଉଲ୍ଲୋଳବତ୍ସାଏ ଧାମନ୍ତି ଗହଳ

Couplet 40

ଗୋରୁେଦୋହନ ରାବ ସଙ୍ଗେମୁରଲୀ ନାଦ ନବରଙ୍ଗେ

Couplet 41

ରାମଗୋବିନ୍ଦଙ୍କ ଚରିତବେଣୁଶବଦେ ପୂରେ ଗୀତ

Couplet 42

ଗୋପୀଗୋପାଳ ରୂପବନ୍ତସୁନ୍ଦର ଘର ଦ୍ୱାର ପଥ

Couplet 43

ଅଗ୍ନି ଅତିଥି ବିପ୍ରଗଣେଗୁରୁଦେବତାଙ୍କ ପୂଜନେ

Couplet 44

ଧୂପ ପ୍ରଦୀପ ପୁଷ୍ପସାରସୁନ୍ଦର ଗୋପାଳଙ୍କ ପୁର

Couplet 45

ପୁଷ୍ପିତବନ ଚାରିଦିଗେପକ୍ଷୀ ଭ୍ରମର ନାଦ ରଙ୍ଗେ

Couplet 46

ପଦ୍ମକୁମୁଦେ ଜଳରାଶିହଂସ-ସାରସେ ପରଶଂସି

Couplet 47

ଅତି ସୁନ୍ଦର ଗୋପପୁରକି ଅବା ଦେବା ପଟାନ୍ତର

Couplet 48

ନନ୍ଦର ମନ୍ଦିରେ ଉତ୍ସବଆନନ୍ଦେ ମିଳିଲେ ଉଦ୍ଧବ

Couplet 49

ନନ୍ଦ ଉଠିଲା ବେଗେ ଦେଖିତକ୍ଷଣେ ଆସନ ଉପେକ୍ଷି

Couplet 50

ଜାଣିଲା କୃଷ୍ଣର ଏ ଦୂତଆନନ୍ଦେ ନନ୍ଦ କୃତକୃତ୍ୟ

Couplet 51

କୃଷ୍ଣର ପ୍ରାୟ ତାକୁ ମଣିପୂଜିଲା ଦେଇ ଅର୍ଘ୍ୟ ପାଣି

Couplet 52

ଦଧି ଶାକର କ୍ଷୀର ଅନ୍ନଭୁଞ୍ଜି ଉଦ୍ଧବ ତୋଷମନ

Couplet 53

ତାମ୍ବୁଳ ମୁଖବାସ ଦେଇପଲ୍ୟଙ୍କେ ବସାଇଲା ନେଇ

Couplet 54

ସୁଖେ ବସାଇ କୃଷ୍ଣଦୂତନନ୍ଦ ହୋଇଲା କୃତକୃତ୍ୟ

Couplet 55

ଉଦ୍ଧବ ପଦେ ଦେଇ କରଶୋକେ କହଇ ଗୋପବୀର

Couplet 56

ତୁ ଭାଗ୍ୟବନ୍ତ ଯଦୁବୀରମିତ୍ର ବସୁଦେବ ମୋହର

Couplet 57

ତାର କୁଶଳେ ମୋର ଇଷ୍ଟନିଶ୍ଚୟେ ମଲା କଂସ ଦୁଷ୍ଟ

Couplet 58

ସାଧୁଙ୍କୁ ଦିଏ ଯେ କଷଣତାକୁ ସଂହାରେ ନାରାୟଣ

Couplet 59

କଂସର ସଙ୍କଟୁ ତାରିଲା ବନ୍ଧୁବାନ୍ଧବ ଆବୋରିଲା

Couplet 60

ଏ କଥା ଭାଗ୍ୟଟି ଆମ୍ଭରଉଦ୍ଧବ ଶୁଣ ମୋ ଉତ୍ତର

Couplet 61

ତୁ ଯେ ଗୋବିନ୍ଦର ବିଶ୍ୱାସକ୍ଷଣେ ନ ଛାଡ଼ୁ ତାର ପାଶ

Couplet 62

କୃଷ୍ଣକୁ ମୋର ବଡ଼ ସ୍ନେହତାର କୁଶଳ ମୋତେ କହ

Couplet 63

ଯଶୋଦା ଜନନୀ ତାହାରସୁହୃଦେ ଗୋପର କୁମର

Couplet 64

ଗୋରୁ ଗୋପାଳ ଗୋପପୁରସେ କୃଷ୍ଣ ଜୀବନ ଆମ୍ଭର

Couplet 65

ଏ ବୃନ୍ଦାବନ ଗୋବର୍ଦ୍ଧନଯମୁନାଜଳ ରମ୍ୟସ୍ଥାନ

Couplet 66

ଉଦ୍ଧବ କହ ତୁ ବହନକୃଷ୍ଣ କି କରେ ସୁମରଣ

Couplet 67

ବନ୍ଧୁବାନ୍ଧବ ଦେଖିବାରେସେ କୃଷ୍ଣ ଆସିବ କି ବାରେ

Couplet 68

ନିଶ୍ଚୟ ସତ୍ୟ କି ଉଦ୍ଧବଦୟା କି କରିବେ ମାଧବ

Couplet 69

କେବେ ଦେଖିବୁ ତା ବଦନସୁନ୍ଦର ଚକ୍ଷୁ ନାସା କର୍ଣ୍ଣ

Couplet 70

ରଙ୍ଗଅଧର ସ୍ମିତମୁଖଦେଖିଲେ ଖଣ୍ତେ ଭବଦୁଃଖ

Couplet 71

ଦାବାନଳର ମୁଖୁଁ ତାରିଇନ୍ଦ୍ର ବିବାଦେ ଗିରି ଧରି

Couplet 72

ବୃଷଭ ଅଘା ମଣିଚୂଡ଼ତୃଣ ଶକଟ ବକାସୁର

Couplet 73

ଅନେକ ମାରି ଘୋର ଦୃଷ୍ଟଆମ୍ଭର ଫେଡ଼ିଲା ସଙ୍କଟ

Couplet 74

ଅପାଙ୍ଗ କଟାକ୍ଷ ଲୋଚନସୁନ୍ଦର ହସିତ ବଦନ

Couplet 75

ମେଘ-ଗଭୀର ମୃଦୁବାଣୀତାହାର ଲୀଳା ମନେ ଗୁଣି

Couplet 76

ଆମ୍ଭର କ୍ରିୟାକର୍ମ ଗଲାସୁମରି ଗୋବିନ୍ଦର ଲୀଳା

Couplet 77

ନଦୀ ପର୍ବତ ବନଭୂଇଁଗୋବିନ୍ଦ ପାଦଚିହ୍ନ ଚାହିଁ

Couplet 78

ଯହିଁ ଯେମନ୍ତେ କ୍ରୀଡ଼ା କଲା ଆମ୍ଭର ମନରୁ ନ ଗଲା

Couplet 79

ଚିତ୍ତ ନ ରହେ ହୃଦଗତେଜୀବନ ଧରିବୁ କେମନ୍ତେ

Couplet 80

ଗର୍ଗବଚନ ମନେ ଗୁଣିନିଶ୍ଚୟେ ଅଛଇ ମୁଁ ଜାଣି

Couplet 81

ଯଦୁବଂଶର ସୁଖହିତେକେଉଁ ଦେବତା ଭୂମିଗତେ

Couplet 82

ଉଭୟ ରୂପେ ଅବତାରଜୀବନ ରହିଲା ଆମ୍ଭର

Couplet 83

ଦଶସହସ୍ର ମତ୍ତଗଜବଳ ବହଇ ଭୋଜରାଜ

Couplet 84

ଚାଣୂର ମୁଷ୍ଟିକ ଯେମନ୍ତଗଜ କୁବଳୟା ମାହୁନ୍ତ

Couplet 85

ଏହାଙ୍କୁ ଲୀଳାୟେ ସଂହାରିପଶୁଙ୍କୁ ଯେସନେ କେଶରୀ

Couplet 86

କଂସର ଯେଉଁ ଯାତ୍ରା ଧନୁଉଦ୍ଧବ ତୁ ତ ଭଲେ ଜାଣୁ

Couplet 87

ସ୍ୱଭାବେ ଉଚ୍ଚ ତିନିତାଳବଜ୍ରହୁଁ ଆଣ୍ଟ ତାର ବଳ

Couplet 88

ସେ ଧନୁ କଲା ବେନିଖଣ୍ତହସ୍ତୀ ଯେସନେ ଇକ୍ଷୁଦଣ୍ତ

Couplet 89

ବରଷା ଦେଖି ଗୋପପୁରହସ୍ତେ ତୋଳିଲା ଗିରିବର

Couplet 90

ସପତଦିନ ବରଷିଲାକୃଷ୍ଣ କରେ ଗରି ଥିଲା

Couplet 91

ପ୍ରଳମ୍ବା ଧେନୁକା ଦଇତଷଣ୍ଢା ଅସୁର ତୃଣାବର୍ତ୍ତ

Couplet 92

ବକା ମାୟାବୀ ବଳବନ୍ତଦେବଦେନବେ ଦେଖି ଭୀତ

Couplet 93

ଏହାଙ୍କୁ ହେଳାଏ ମାଇଲାଲୀଳାମାତ୍ରକେ ମୋର ବଳା

Couplet 94

ଶୁକ ବୋଲନ୍ତି ରାୟେ ଶୁଣନନ୍ଦ ସୁମରି କୃଷ୍ଣଗୁଣ

Couplet 95

ସୁତ-ଲାଳସେ ଦୃଢ ଚିତ୍ତକାନ୍ଦଇ ପ୍ରାଣ କଣ୍ଠାଗ୍ରତ

Couplet 96

କଣ୍ଠକୁଣ୍ଠିତ ଶୋକନାଦେପଡ଼ଇ କୃଷ୍ଣଦୂତ ପାଦେ

Couplet 97

ପ୍ରେମ ଆନନ୍ଦ ହୃଦେ ଘେନିବିକଳେ ନନ୍ଦ ହେଲା ତୁନି

Couplet 98

ନନ୍ଦ କହଇ କୃଷ୍ଣକଥାଶୁଣି ଯଶୋଦା ମନେ ବ୍ୟଥା

Couplet 99

ପୁତ୍ରର ଗୁଣକର୍ମମାନଗୁଣି ହୋଇଲା ହତଜ୍ଞାନ

Couplet 100

କ୍ଷୀର ବରଷି ପୟୋଧରେକାନ୍ଦଇ ଶୋକେ ଗୁରୁତରେ

Couplet 101

ଏମନ୍ତ ଶୋକ ତାଙ୍କ ଦେଖିଉଦ୍ଧବ ମନେ ଉପଲକ୍ଷ୍ୟି

Couplet 102

ନନ୍ଦ-ଯଶୋଦାଙ୍କର ଭାଗ୍ୟକୃଷ୍ଣ-ବିଷୟେ ଅନୁରାଗ

Couplet 103

ଦେଖି ଉଦ୍ଧବ ମନେ ଗୁଣିଆନନ୍ଦେ କହେ ମୃଦୁବାଣୀ

Couplet 104

ମୋ ବୋଲ ଶୁଣ ନନ୍ଦରାୟେଜ୍ଞାନ ନ ହାର ମାୟାମୋହେ

Couplet 105

ଏ ମହୀତଳେ ଯେତେ ଜନତାହାଙ୍କ ମଧ୍ୟେ ତୁମ୍ଭେ ଧନ୍ୟ

Couplet 106

ଏଡେ଼ ଭକତି ଯୋଗସାରଗୋବିନ୍ଦ ବିଷୟେ ତୁମ୍ଭର

Couplet 107

ଏ ବଳରାମ ଶିରୀଧରଜଗତ ଜନନୀ ପିଅର

Couplet 108

ପ୍ରଧାନ ପୁରୁଷ ଏ ଦୁଇଭଲେ ନିଗମ ନ ଜାଣଇ

Couplet 109

ଜୀବର ଜୀବନ ମୁରାରିପ୍ରକୃତି ରାମରୂପ ଧରି

Couplet 110

ସକଳଭୂତେ ଅନ୍ତର୍ଯ୍ୟାମୀପୁରାଣ ପୁରୁଷ ଏ ବେନି

Couplet 111

ଜୀବର ଜ୍ଞାନ ଏ ଈଶ୍ୱରବିଷ୍ଣୁର ମାୟା ଅଗୋଚର

Couplet 112

ପ୍ରାଣ-ବିଯୋଗ-କାଳେ ଜନତାହାଙ୍କ ପାଦେ ଦେଲେ ମନ

Couplet 113

ଅର୍ଜିଲା ଶୁଭାଶୁଭକର୍ମତକ୍ଷଣେ କରଇ ଦହନ

Couplet 114

କୋଟିଏ ସୂର୍ଯ୍ୟ ତେଜ ବହିପରମବ୍ରହ୍ମେ ନିମଜ୍ଜଇ

Couplet 115

ଭାରା ନିବାରଣେ ଅନନ୍ତମନୁଷ୍ୟେ ହୋଇଛନ୍ତି ଜାତ

Couplet 116

ଅଖିଳ-ଲୋକଆତ୍ମା-ହରିସୃଷ୍ଟି ପାଳନେ ଅଧିକାରୀ

Couplet 117

ତୁମ୍ଭର ଭାବ କୃଷ୍ଣ ତହିଁଏମନ୍ତ ଦେଖିଲାତ ନାହିଁ

Couplet 118

ମନୁଷ୍ୟ ସାଧ୍ୟକର୍ମ ଯେତେତୁମ୍ଭେ ନ କଲ ଅବା କେତେ

Couplet 119

ତୁମ୍ଭର ପ୍ରିୟ ସେ ମାଧବନିକଟେ ଗୋପକୁ ଆସିବ

Couplet 120

କଂସ ସଂହାରି ରଙ୍ଗମଧ୍ୟେସକଳ ଜନ ସୁଖ ସାଧେ

Couplet 121

ଯେ କଂସ ଜଗତର ଖଳଭୟେ କମ୍ପନ୍ତି ଯଦୁବଳ

Couplet 122

ତାହାକୁ ମାରି ନରହରିଯାହା ବୋଇଲେ ହସ୍ତଧରି

Couplet 123

ସେ କଥା କରିବେ ତୁମ୍ଭରସତ୍ୟବଚନ ଏ ମୋହର

Couplet 124

ଖେଦ ନ କର ତୁମ୍ଭେ ହୃଦେକୃଷ୍ଣ ପାଇବ ଅପ୍ରମାଦେ

Couplet 125

ସେ ହରି ସର୍ବଭୂତ ଦେହେନିବାସ ଆଦିତ୍ୟର ପ୍ରାୟେ

Couplet 126

ତାହାର ପ୍ରିୟ-ରିପୁ ନାହିଁଉତ୍ତମ ମଧ୍ୟମ ନୋହଇ

Couplet 127

ସମ-ଅସମ ନାହିଁ ତାରଭାବକୁ ଥାଇ ନିକଟର

Couplet 128

ନାହିଁ ତାହାର ତାତ-ମାତଦାରା-ତନୟ-ବନ୍ଧୁ-ମିତ୍ର

Couplet 129

ପରଆପଣା ଯାର ନାହିଁତାହାର ଜନ୍ମମମୃତ୍ୟୁ କାହିଁ

Couplet 130

ତ୍ରିବିଧକର୍ମ ନାହିଁ ତାରଯେତେ ଏ ଲୋକର ବେଭାର

Couplet 131

ଦେବ ମନୁଷ୍ୟ ପଶୁଯୋନିତାହାର ଯୋଗମାୟା ଘେନି

Couplet 132

ଜନ୍ତୁଏ ଆତଯାତ ହୋନ୍ତିଜଳଫୋଟକା ଯେହ୍ନେ ଥାନ୍ତି

Couplet 133

କେବଳ କ୍ରୀଡ଼ାରଙ୍ଗମତେସାଧୁଙ୍କୁ ରଖିବା ନିମନ୍ତେ

Couplet 134

ଜଗତେ ବହଇ ଶରୀରଧର୍ମପାଳନେ ଶିରୀଧର

Couplet 135

ନିର୍ଗୁଣ ହୋଇ ଗୁଣେ ମିଶେଜଗତ ପାଳିବାର ଆଶେ

Couplet 136

ସ୍ୱଭାବେ ଚେଷ୍ଟା ଯାର ନାହିଁତ୍ରିଗୁଣେ ପ୍ରତିମା ନଚାଇ

Couplet 137

ସର୍ଜଇ ପାଳଇ ଜଗତଅନନ୍ତ କରୁଥାଇ ଅନ୍ତ

Couplet 138

ଭ୍ରମନ୍ତା ପ୍ରାଣୀଙ୍କର ଯେହ୍ନେସଂସାରେ ଭ୍ରମୁଥାଇ ଶୂନ୍ୟେ

Couplet 139

ସେ ଯେହ୍ନେ ସତ୍ୟପ୍ରାୟ ମଣିଆପଣା ଭ୍ରମକୁ ନ ଜାଣି

Couplet 140

ଚିତ୍ତରେ ମାୟାଭ୍ରମ ଲଇଁବୋଲଇ କରୁଅଛି ମୁହିଁ

Couplet 141

ଏଟି ଜୀବର ଅହଙ୍କାରମାୟାଭିଆଣ ଏ ହରିର

Couplet 142

ତୁମ୍ଭେ ଯେ ବୋଲ ଦାମୋଦରନିଶ୍ଚୟ ଆମ୍ଭର କୁମର

Couplet 143

ସକଳ ଜନ୍ତୁ ଆତ୍ମଭୂତତାତଜନନୀ ସେ ଅନନ୍ତ

Couplet 144

ସକଳ ଜୀବଆତ୍ମା ହରିମାୟାର ବଳେ ଅଛି ଧରି

Couplet 145

ଏଣୁ ସେ ଈଶ୍ୱର ବୋଲାଇଜନ୍ମ ମରଣ ତାର ନାହିଁ

Couplet 146

ଯେତେ ହୋ ନନ୍ଦ ଦେଖୁ ତୁହିଭୂତଭବିଷ୍ୟ ଯେତେ ହୋଇ

Couplet 147

ସ୍ଥାବର ଜଙ୍ଗମ ଜଗତଯେତେକ ଅଳପ ବହୁତ

Couplet 148

ହରିହୁଁ ନୁହଇଟି ଆନସକଳ ପ୍ରଭୁ ଭଗବାନ

Couplet 149

ଉଦ୍ଧବ କହୁଁ ନନ୍ଦ ଆଗେରଜନୀ ପାହିଲାକ ବେଗେ

Couplet 150

ଗୋପୀଏ ନିଦ୍ରାଗତେ ଥିଲେଶୟନ ତେଜିଣି ଉଠିଲେ

Couplet 151

ବେଗେ ଜାଳିଲେ ଦୀପପନ୍ତିଦଧିମନ୍ଥନ୍ତେ ଦୃଢମତି

Couplet 152

ବାସ୍ତୁମାର୍ଜନ ଛେରା ଦେଇସୁବାସଜଳେ ମୁଖ ଧୋଇ

Couplet 153

ସ୍ୱଭାବେ ନାନା ଅଳଙ୍କାରଭୂଷଣ ମଣିରତ୍ନ ସାର

Couplet 154

ପ୍ରଦୀପ ତେଜେ ବିରାଜନ୍ତିଗଗନେ ଯେହ୍ନେ ତାରାପନ୍ତି

Couplet 155

ଖୁଆ ଦଉଡ଼ି ଧରି କରେଦଧି ମନ୍ଥନ୍ତି ଧୀରେ ଧୀରେ

Couplet 156

କରେ କଙ୍କଣ ତାଡ଼ ଶୋହେହୃଦରେ ହାର ଜନମୋହେ

Couplet 157

ସ୍ତନ ନିତମ୍ବ ହେମମାଳକୁଣ୍ତଳ ଅଳକା କପୋଳ

Couplet 158

ଚଳନ୍ତି ମନ୍ଥନର ବେଳାରଙ୍ଗକମଳ ପ୍ରାୟେ ଡେ଼ାଳା

Couplet 159

ପଦ୍ମଲୋଚନ ନାମ ଧରିଉଚ୍ଚେ ଗାବନ୍ତି ବ୍ରଜନାରୀ

Couplet 160

ଦଧିମନ୍ଥନର ଶବଦସଙ୍ଗେ ମିଳିଲା ଗୀତନାଦ

Couplet 161

ସକଳ ମଙ୍ଗଳ ସେ ହରିଶୁଭିଲା ଦଶଦିଗ ପୂରି

Couplet 162

ଦଧିମନ୍ଥନେ ଗୀତନାଦଶୁଣନ୍ତେ ଦେବତା ଆନନ୍ଦ

Couplet 163

ଦେବେ ବୋଲନ୍ତି ନିସ୍ତରିଲୁନାମ ଭକ୍ତମୁଖୁଁ ଶୁଣିଲୁ

Couplet 164

ଏମନ୍ତେ ରଜନୀ ପାହିଲାରବିକିରଣ ପ୍ରକାଶିଲା

Couplet 165

ମନ୍ଥନ ସାରି ଗୋପୀ ସୁଖେକୁମ୍ଭ ଘେନିଣ ନିଜ କାଖେ

Couplet 166

ଯମୁନା ଯାଉଁ ଯାଉଁ ଧୀରେଦେଖିଲେ ନନ୍ଦରାଜଦ୍ୱାରେ

Couplet 167

ସୁବର୍ଣ୍ଣରଥ ରତ୍ନମୟଯୋଚିଲା ଅଛି ଚାରି ହୟ

Couplet 168

ଧ୍ୱଜେ ଶୋଭିତ ମଣିସାରତା ଦେଖି କରନ୍ତି ବିଚାର

Couplet 169

ଏଟି କାହାର ଦେଖ ରଥଆବୋରି ଅଛି ରାଜପଥ

Couplet 170

ଇନ୍ଦ୍ରବିମାନ ପ୍ରାୟ ଦିଶେଗୋପୀ ମିଳିଲେ ଯାଇ ପାଶେ

Couplet 171

ବୋଲନ୍ତି ଅକ୍ରୁର ଅଇଲାଯେ କୃଷ୍ଣେ ମଧୁପୁର ନେଲା

Couplet 172

ଥୋକେ ବୋଲନ୍ତି ମଲା କଂସଅକ୍ରୁର ତାହାର ବିଶ୍ୱାସ

Couplet 173

ଆମ୍ଭ ଶୋଣିତ ମାଂସ ନେବକଂସକୁ କ୍ରିୟାପିଣ୍ତ ଦେବ

Couplet 174

ଏମନ୍ତୁ କହୁଁ ଗୋପନାରୀଉଦ୍ଧବ ନିତ୍ୟକର୍ମ ସାରି

Couplet 175

ଆସି ମିଳିଲା ଦିବ୍ୟରଥେଗୋପୀ ଦେଖନ୍ତି ରାଜପଥେ

Couplet 176

ବୋଲଇ ବିପ୍ର ଜଗନ୍ନାଥଗୋପୀ ବେଢିଲେ ଯାଇ ରଥ

Couplet 177

ସେ ଗୋପୀ ଉଦ୍ଧବ ପାଦେସୁଜନେ ନମ ହୋ ଆନନ୍ଦେ

Couplet 178

ଭକତି ହୋଇବ ତୁମ୍ଭରତରିବ ଭବ ମହାଘୋର