Adhyaya 49

Couplet 1

କହନ୍ତି ବ୍ୟାସଙ୍କର ସୁତଶୁଣ ରାଜନ ପରୀକ୍ଷିତ

Couplet 2

ରାମଗୋବିନ୍ଦ ଏକମେଳେନନ୍ଦର ନିକଟେ ମିଳିଲେ

Couplet 3

କରଅଞ୍ଜଳି ଦେଇ ଶିରେନମିଲେ ତାହାଙ୍କ ପୟରେ

Couplet 4

ନନ୍ଦର ଚରଣେ ପ୍ରଣମିଅଶେଷ ଜନ୍ତୁ ଅନ୍ତର୍ଯ୍ୟାମୀ

Couplet 5

ରାମଗୋବିନ୍ଦ ମାୟାବଳେବସିଲେ ବେନିଭାଇ କୋଳେ

Couplet 6

ବେନିବାଳକ କୋଳେ ଜାକିସ୍ନେହେ ବୁଜିଲେ ବେନି ଆଖି

Couplet 7

ଆନନ୍ଦେ ଅଶ୍ରୁଜଳ ବହେନନ୍ଦକୁ ଚାହିଁ ଦେବରାୟେ

Couplet 8

କହନ୍ତି ଶୁଣ ଆହେ ତାତଆମ୍ଭେ ତୁମ୍ଭର ବେନିସୁତ

Couplet 9

ତୁମ୍ଭେ ପାଳିଲ ସ୍ନେହ ବହିତାତ ଜନନୀ ପ୍ରାୟ ହୋଇ

Couplet 10

ଅନାଥ ବାଳକଙ୍କୁ ଆଣିଧର୍ମେ ପୋଷନ୍ତି ଯେଉଁ ପ୍ରାଣୀ

Couplet 11

ସେ ଧର୍ମପିଅର ଜନନୀବୋଲନ୍ତି ବେଦମତେ ମୁନି

Couplet 12

ହେ ତାତ ଯାଅ ଗୋପପୁରବନ୍ଧୁବାନ୍ଧବ ଘେନି ତୋର

Couplet 13

ମୁଁ ଏଥି ରହି ଦିନାକେତେବନ୍ଧୁବାନ୍ଧବ ମୋର ଯେତେ

Couplet 14

ତାହାଙ୍କୁ ନିଶ୍ଚିନ୍ତ କରାଇଯେ ଯାହା ବାସ ତାଙ୍କୁ ଦେଇ

Couplet 15

ପଛେ ମୁଁ ଯିବି ଗୋପପୁରଭୋ ତାତ ବିଳମ୍ବ ନ କର

Couplet 16

ଏମନ୍ତ କହି ଭାବଗ୍ରାହୀନନ୍ଦର ହସ୍ତେ ହସ୍ତ ଦେଇ

Couplet 17

କଂସର ଯେତେକ ଭଣ୍ତାରନନ୍ଦକୁ ଦେଲେ ଦାମୋଦର

Couplet 18

ବୋଇଲେ ଗୋପେ ହୁଅ ରାଜାଆନନ୍ଦେ ପାଳ ଜନ ପ୍ରଜା

Couplet 19

ନନ୍ଦ ଗୋପାଳଙ୍କର ମନମୋହିଲେ ପ୍ରଭୁ ଭଗବାନ

Couplet 20

ରାମଗୋବିନ୍ଦେ ଘେନି କୋଳେଚୁମ୍ବନ ଦେଲେ ସୁଖଭୋଳେ

Couplet 21

ଯେତେ ବାଳକ କୃଷ୍ଣସଙ୍ଗେଗୋପେ ବଢ଼ିଲେ ନବରଙ୍ଗେ

Couplet 22

କୃଷ୍ଣଙ୍କୁ ଜଣେ ଜଣେ ଧରିବୋଲନ୍ତି ଆଲିଙ୍ଗନ କରି

Couplet 23

ହେ ରାମକୃଷ୍ଣ ତୁମ୍ଭ ସଙ୍ଗେବନେ ବଞ୍ଚିଲୁ ନାନାରଙ୍ଗେ

Couplet 24

ହେ ପ୍ରଭୁ ତୋର ଜନ୍ମକାଳୁଆମ୍ଭେ ଯେ କ୍ଷଣେ ଛାଡ଼ିଲୁାା

Couplet 25

ଏବେ ଛାଡ଼ିଲ କିସପାଇଁବଞ୍ଚିବୁ କାହା ମୁଖ ଚାହିଁ

Couplet 26

ଶୁଣି ବୋଲନ୍ତି ବେନିଭାଇମୋହନ ନୟନେ ଅନାଇଁ

Couplet 27

ଗୋପାଳେ ଯାଅ ଯେଝା ଘରମନ ନିବେଶି ମୋ ପୟର

Couplet 28

ଆମ୍ଭର ମନ ତୁମ୍ଭ ତହିଁନିକଟେ ଯିବୁ ବେନିଭାଇ

Couplet 29

ଏମନ୍ତେ ଜଣେ ଜଣେ ତୋଷିଗୋପାଳ ପୁଅକୁ ଆଶ୍ୱାସି

Couplet 30

କୃଷ୍ଣର ଆଜ୍ଞା ନନ୍ଦ ପାଇକାନ୍ଦଇ ପୁଣ ପୁଣ ଚାହିଁ

Couplet 31

ପୁଣି ସେ ରାମକୃଷ୍ଣ ଲଇକୋଳେ ବସାଇ ଚୁମ୍ବ ଦେଇ

Couplet 32

ମନ ନିବେଶି କୃଷ୍ଣପାଦେବୁଡ଼ିଲା ଶୋକ ଗଦଗଦେ

Couplet 33

ବାଜଇ ବୀରତୂର ବାଦ୍ୟଘେନାଇ ସକଳ ସମ୍ପଦ

Couplet 34

ନନ୍ଦ ଚଳିଲା ଗୋପପୁରଶୁଣ ରାଜନ କୁରୁବୀର

Couplet 35

ଏ ଯେତେ ଦେଖି କୃଷ୍ଣଭାବପୁତ୍ରଙ୍କୁ ପାଇ ବସୁଦେବ

Couplet 36

ଦ୍ୱିଜଙ୍କ ସଙ୍ଗେ ପୁରୋହିତଅଣାଇଁ କହଇ ଉଚିତ

Couplet 37

ଏ ଯେ ମୋହର ବେନିବାଳେଗୋପୁଁ ଅଇଲେ ଏତେକାଳେ

Couplet 38

ଏହାଙ୍କ କ୍ରିୟା-କର୍ମ ନାହିଁସଂସ୍କାର କର ବେନିଭାଇ

Couplet 39

ବସୁଦେବର ବୋଲ ଶୁଣିବ୍ରାହ୍ମଣେ ରାମକୃଷ୍ଣ ଘେନି

Couplet 40

କଲେ ଯେ ବେଦ-କ୍ରିୟାକର୍ମକୁଳଉଚିତ ଯଥାଧର୍ମ

Couplet 41

ଆନନ୍ଦ ହୋଇ ବସୁଦେବବିପ୍ରଙ୍କୁ କରାଇ ଉତ୍ସବ

Couplet 42

ଅୟୁତେ ଧେନୁ ବତ୍ସାମୂଳେମଣ୍ତିଲା ନାନା ଅଳଙ୍କାରେ

Couplet 43

କୃଷ୍ଣର ଜନ୍ମକାଳେ ଯାହାମନେ କଳ୍ପିଲା ପୁଣ୍ୟଦେହା

Couplet 44

ବିପ୍ରଙ୍କୁ ଦେଲା ମନତୋଷେକଲ୍ୟାଣ କଲେ ସେ ହରଷେ

Couplet 45

ବସାଇ ରାମକୃଷ୍ଣ ଦୁଇଆନନ୍ଦମନେ ବେଦ କହି

Couplet 46

ଗାୟତ୍ରୀମନ୍ତ୍ର ବିଦ୍ୟାଧର୍ମକୁଳଉଚିତ ଦଶକର୍ମ

Couplet 47

କରାଇ ଗଲେ ବିପ୍ରଜନେକୃତାର୍ଥ ବସୁଦେବ ମନେ

Couplet 48

ଯେ ହରି ସର୍ବବିଦ୍ୟା ହେତୁଦାନ ଆଶ୍ରମ ତପ ତତ୍ତୁ

Couplet 49

ମନୁଷ୍ୟ ଜନ୍ମ ଯଦୁପତିତେଣୁ ହୋଇଲେ ବିଦ୍ୟାଅର୍ଥୀ

Couplet 50

ଗୋବିନ୍ଦ ବିଚାରନ୍ତି ରହିବିଦ୍ୟା ପଢିବା ଆମ୍ଭେ କାହିଁ

Couplet 51

ଶୁଣି ବୋଲନ୍ତି ହଳଧରଅବନ୍ତୀ ରାଜ୍ୟେ ବିପ୍ରବର

Couplet 52

କଶ୍ୟପ ଗୋତ୍ରେ ବିଦ୍ୟମାନତାହାଙ୍କ ସାନ୍ଦୀପନୀ ନାମ

Couplet 53

ଏମନ୍ତ ଭାଳି ବେନିଭ୍ରାତେବିଜୟ କଲେ ଏକରଥେ

Couplet 54

ରାମଗୋବିନ୍ଦ ଯୋଗବଳେଅବନ୍ତୀ ନଗରେ ମିଳିଲେ

Couplet 55

ନିତି ଘେନନ୍ତି ଗୁରୁଦୀକ୍ଷାପାଠ ପଠନେ ବଡ଼ ଇଚ୍ଛା

Couplet 56

ପୂଜନ୍ତି ଗୁରୁଙ୍କ ଚରଣଦେବତା ପ୍ରାୟେ ଆଚରଣ

Couplet 57

ସେବନ୍ତି ଗୁରୁଭାବ ଜାଣିଧର୍ମପାଳନେ ଚକ୍ରପାଣି

Couplet 58

ଭକ୍ତି ଦେଖି କୃଷ୍ଣରାମଗୁରୁ ହୋଇଲେ ତୋଷମନ

Couplet 59

ପଢାନ୍ତି ବ୍ରହ୍ମ-ବେଦସାରସକଳ ଶାସ୍ତ୍ର ନିତ୍ୟାଚାର

Couplet 60

କହିଲେ ଧନୁର୍ବେଦ ରଙ୍ଗେଧର୍ମ ମୀମାଂସା ନ୍ୟାୟ ସଙ୍ଗେ

Couplet 61

ଉପାୟ ଦଣ୍ତ ତର୍କବିଧିଯେ ରାଜନୀତି ସର୍ବସିଦ୍ଧି

Couplet 62

ଯେ ହରି ସର୍ବଶାସ୍ତ୍ରମୟେକୋଟି ବ୍ରହ୍ମାଣ୍ତ ଯାର ଦେହେ

Couplet 63

ଗୁରୁଙ୍କ ମୁଖୁଁ ଶୁଣି ବେଳେସକଳ ବିଦ୍ୟା ଅବହେଳେ

Couplet 64

ରାମଗୋବିନ୍ଦ ମନତୋଷେଚାରିଦିବସ ବେନିମାସେ

Couplet 65

ପଢି ସାନନ୍ଦ ବେନିଭାଇବୋଲନ୍ତି ଶିରେ କରଦେଇ

Couplet 66

ଭୋ ବିପ୍ର ଆଜ୍ଞା ଯେବେ ହୋଇଗୁରୁଦକ୍ଷିଣା ଆମ୍ଭେ ଦେଇ

Couplet 67

ପୂଜିବୁ ତୁମ୍ଭର ପୟରମେଲାଣି ଦିଅ ଯିବୁ ଘର

Couplet 68

ଶୁଣି ସାନନ୍ଦ ବିପ୍ରବରକହିଲେ ପତ୍ନୀର ଆଗର

Couplet 69

ଶୁଣ ଭାବିନୀ ଚିତ୍ରକଥାରାମଗୋବିନ୍ଦଙ୍କ ବ୍ୟବସ୍ଥା

Couplet 70

ସକଳଶାସ୍ତ୍ର ଆମ୍ଭ ପାଶେବସି ପଢିଲେ ବେନିମାସେ

Couplet 71

କେ କହୁ ତାହାଙ୍କ ମହିମାସକଳଗୁଣେ ସିଦ୍ଧକର୍ମା

Couplet 72

ନୁହନ୍ତି ମନୁଷ୍ୟ ଶରୀରକି ଅବା ରବି ସୁନାସୀର

Couplet 73

ଗୁରୁଦକ୍ଷିଣା ସେ ଯାଚନ୍ତିକହ ତୁ ଫିଟୁ ମନଭ୍ରାନ୍ତି

Couplet 74

ଶୁଣି ସାନନ୍ଦ ବିପ୍ରନାରୀକହନ୍ତି ବେନିକର ଯୋଡ଼ି

Couplet 75

ଭୋ ନାଥ ଶୁଣ ମୋର ବାଣୀଆମ୍ଭର ପୁରେ କମଳିନୀ

Couplet 76

ଅନେକ ସମ୍ପତ୍ତି ଆମ୍ଭରଜୀବନ ହୋଇଲା ଅସାର

Couplet 77

ସନ୍ତତି ନାହିଁ ଆମ୍ଭ ଘରେକି ସୁଖ ସଂସାର ବେଭାରେ

Couplet 78

ଆମ୍ଭର ପୁତ୍ରଗୋଟି ଥିଲାପ୍ରଭାସତୀର୍ଥେ ନାଶ ଗଲା

Couplet 79

ସେ ପୁତ୍ର ଯେବେ ଆଣିଦ୍ୟନ୍ତେତେବେ ସେ ଜୀବନ ରଖନ୍ତେ

Couplet 80

ଆନ ସମ୍ପଦେ ନାହିଁ କାର୍ଯ୍ୟଶୁଣି ସାନନ୍ଦମନେ ଦ୍ୱିଜ

Couplet 81

ରାମଗୋବିନ୍ଦ ମୁଖଚାହିଁବୋଲନ୍ତି ଶୁଣ ମନଦେଇ

Couplet 82

ପ୍ରଭାସତୀର୍ଥେ ମୋ କୁମରମରିଛି ଦ୍ୱାଦଶବର୍ଷର

Couplet 83

ତାହାକୁ ଯେବେ ଦେବ ଆଣିତୋଷିବ ଆମ୍ଭର ଘରଣୀ

Couplet 84

ଯେବେ ପାରିବ ତାହା ଦେଇତେବେ ଦକ୍ଷିଣା ମୋର ପାଇ

Couplet 85

ହୋଇବ କୃତାର୍ଥ ଜୀବନତୁମ୍ଭେ ପାଇବ ଯଶ-ଧର୍ମ

Couplet 86

ଶୁଣି ସାନନ୍ଦମନ ହୋଇରଥେ ବସିଲେ ବେନିଭାଇ

Couplet 87

ଗୋବିନ୍ଦ ଯୋଗମାୟା ବଳେମିଳିଲେ ବାରାନିଧି କୂଳେ

Couplet 88

ବଳରାମଙ୍କୁ କୃଷ୍ଣ ଚାହିଁଭୋ ପ୍ରଭୁ ଥାଅ କୂଳେ ରହି

Couplet 89

ରଥୁଁ ଓହ୍ଲାନ୍ତେ ନନ୍ଦବଳାତକ୍ଷଣେ ବରୁଣ ମିଳିଲା

Couplet 90

ଜଳୁଁ ବାହାର ବେଗେ ହୋଇକରଅଞ୍ଜଳି ଶିରେ ଦେଇ

Couplet 91

ବୋଇଲ ଶୁଣ ନାରାୟଣଅଶେଷ ବ୍ରହ୍ମାଣ୍ତ କାରଣ

Couplet 92

କିମ୍ପାଇ ଅଇଲ ମୋ ପୁରଶୁଣି ବୋଲନ୍ତି ଚକ୍ରଧର

Couplet 93

ଆମ୍ଭର ଗୁରୁପୁତ୍ର ନେଇଲୁଚାଇ ଥୋଇଅଛୁ କାହିଁ

Couplet 94

ଆମ୍ଭେ ତୋଷିବୁ ଗୁରୁନାରୀବରୁଣ ଆଣ ବେଗକରି

Couplet 95

ଶୁଣି ବରୁଣ ମହାଭୟେପଡ଼ିଲା କୃଷ୍ଣପଦ୍ମପାଏ

Couplet 96

ଭୋ ନାଥ ଗୁରୁପୁତ୍ର କାହିଁତୁ କି ନ ଜାଣୁ ଭାବଗ୍ରାହୀ

Couplet 97

ମୋର ଭିତରେ ଶଙ୍ଖାସୁରତୁ ଯେ ମାଇଲୁ ଚକ୍ରଧର

Couplet 98

ବ୍ରହ୍ମାଙ୍କୁ ଦେଲୁ ବେଦ ନେଇତାହାର ପୁତ୍ରେକ ଅଛଇ

Couplet 99

ନାମ ତାହାର ପଞ୍ଚଜନମାୟାଦୀ ଅସୁରନନ୍ଦନ

Couplet 100

ସେ ଅବା ନେଇଅଛି ହରିଶୁଣି ସାନନ୍ଦ ନରହରି

Couplet 101

ବଳଦେବଙ୍କୁ ତୀରେ ଥୋଇଜଳେ ପଶିଲେ କୃଷ୍ଣ ଯାଇ

Couplet 102

ଅଗାଧଜଳେ ଭାବଗ୍ରାହୀଧଇଲେ ଅସୁରକୁ ଯାଇ

Couplet 103

ମୁଷ୍ଟି ପ୍ରହାରିଲେ ପ୍ରଚଣ୍ତଶିର ହୋଇଲା ବେନିଖଣ୍ତ

Couplet 104

ତାର ଉଦରେ ଭଗବାନଖୋଜିଲେ ଗୁରୁଙ୍କ ନନ୍ଦନ

Couplet 105

ଖୋଜି ନ ପାଇ ପଦ୍ମମୁଖତାର ଉଦରୁ ନାଭିଶଙ୍ଖ

Couplet 106

ଘେନି ବାହାର ବ୍ରହ୍ମରାଶିରାମର ସଙ୍ଗେ ରଥେ ବସି

Couplet 107

କହନ୍ତି କମଳାର ବରଭୋ ସ୍ୱାମୀ ଯିବା ଯମପୁର

Couplet 108

ଗୁରୁବାଳକ ଏଥେ ନାହିଁଏମନ୍ତ ବୋଲି ରଥବାହି

Couplet 109

ଯାନ୍ତେ କରନ୍ତି ଶଙ୍ଖନାଦଖଣ୍ତିଲେ ଜନ୍ତୁଙ୍କ ବିଷାଦ

Couplet 110

ଯମର ଗଡ଼ଦ୍ୱାରେ ଯାଇଗୋବିନ୍ଦ ଶଙ୍ଖନାଦ ବାଇ

Couplet 111

ଯମଯାତନା ଘୋରପଥେନିବାସିଥିଲେ ପ୍ରାଣୀ ଯେତେ

Couplet 112

ଶୁଣି କୃଷ୍ଣର ଶଙ୍ଖନାଦଖଣ୍ତିଲେ ଘୋର-ପାପବନ୍ଧ

Couplet 113

ହୋଇଲେ ଚାରିଚାରି ଭୁଜଶଙ୍ଖ କମଳ ଗଦାତେଜ

Couplet 114

ଚକ୍ରତେଜ ସହିତେ ଚିହ୍ନତକ୍ଷଣେ ଉଠିଲେ ଗଗନ

Couplet 115

ଶଙ୍ଖ ଶବଦ ଘନେ ସ୍ପୁରିଯମଭୁବେନେ ପଡେ଼ ହୁରି

Couplet 116

ଯମକୁ ଜଣାଇଲେ ଦୂତବିଜୟ କଲେ ଗୋପୀନାଥ

Couplet 117

ତୋର ସମ୍ପଦ ଆଜୁଁ ଗଲାତା ଶୁଣି ଯମ ଭୟ କଲା

Couplet 118

ଚିତ୍ରଗୁପତ କର ଧରିବେଗେ ଭେଟିଲା ନରହରି

Couplet 119

କୃଷ୍ଣଚରଣ ତଳେ ପଡିଯମ ବୋଲଇ କରଯୋଡି

Couplet 120

ଭୋ ନାଥ ନିସ୍ତରିଲି ମୁହିଁବିଜୟ କଲ କାହିଁପାଇଁ

Couplet 121

ଶୁଣି ବୋଲନ୍ତି ଶିରୀରଙ୍ଗଗୁରୁଙ୍କ ପୁତ୍ର ଆଣ ବେଗ

Couplet 122

ତାର ମରଣକାଳ ଜାଣିତୋହର ଦୂତେ ଛନ୍ତି ଆଣି

Couplet 123

ମୋର ବଚନେ ଆଣ ତୁହିଁଆନ କେ ପାରିବଟି ନେଇ

Couplet 124

ଶୁଣି ସାନନ୍ଦ ଜନ୍ତୁନାଥକୃଷ୍ଣଙ୍କୁ ଦେଲା ଗୁରୁପୁତ୍ର

Couplet 125

ଗୁରୁ-ବାଳକ କର ଧରିରଥେ ବସିଲେ ଦଇତ୍ୟାରି

Couplet 126

ବସିଲେ ଯାଇ ରାମ ତୁଲେଗୁରୁ-ବାଳକ ଘେନି କୋଳେ

Couplet 127

ଅବନ୍ତୀପୁରେ ବନମାଳୀଗୁରୁ-ମନ୍ଦିରେ ବେଗେ ମିଳି

Couplet 128

ରଥୁଁ ଓହ୍ଲାଇ ଦାମୋଦରଗୁରୁକୁମର ଧରି କର

Couplet 129

ଭିତରେ ପଶି ବେନିଭାଇଗୁରୁ-କାମିନୀ କୋଳେ ନେଇ

Couplet 130

ସୁତ ବସାଇ ପ୍ରଦକ୍ଷିଣହସି ବୋଲନ୍ତି ନାରାୟଣ

Couplet 131

ତୁମ୍ଭର ପୁତ୍ର ମାଏ ନିଅଦକ୍ଷିଣା ଦେବୁ ଆଜ୍ଞା ଦିଅ

Couplet 132

ଶୁଣି ଉଠିଲେ ଗୁରୁନାରୀରାମ-ଗୋବିନ୍ଦ କର ଧରି

Couplet 133

କଲ୍ୟାଣ କରି ଚୁମ୍ବ ଦେଇତୁମ୍ବରେ ନିଉଛାଳି ହୋଇ

Couplet 134

ଆନ ସମ୍ପଦେ କାର୍ଯ୍ୟ ନାହିଁକୃତାର୍ଥ କଲ ପୁତ୍ର ଦେଇ

Couplet 135

ଏମନ୍ତ କହି ବେନିଜନଚାହାଁନ୍ତି କୃଷ୍ଣର ବଦନ

Couplet 136

ଲୋଚନୁ ଅଶ୍ରୁଜଳ ବହେକୃଷ୍ଣ ମୋହିଲେ ମାୟାମୋହେ

Couplet 137

ତକ୍ଷଣେ ହୋଇ ତୋଷମନଆନନ୍ଦେ କରନ୍ତି କଲ୍ୟାଣ

Couplet 138

ଯାଅ ମଥୁରା ବେନିଭାଇଅକ୍ଷୟ ହେଉ ତୁମ୍ଭ ଦେହୀ

Couplet 139

ଯେତେ ପଢ଼ିଲ ମୋର ତହୁଁଅକ୍ଷୟ ହୋଇ ହୃଦେ ରହୁ

Couplet 140

ମୋର ଆୟୁଷ ଯଶ ଯେତେତୁମ୍ଭଙ୍କୁ ହେଉ ପରାପତେ

Couplet 141

ତକ୍ଷଣେ ଗୁରୁ-ଆଜ୍ଞା ପାଇରଥେ ବସିଲେ ବେନିଭାଇ

Couplet 142

ମନ ନିବେଶି ଗୁରୁପାଦେମଥୁରା ଗଲେ ଅପ୍ରମାଦେ

Couplet 143

ଗୁରୁ-କାମିନୀ ପୁତ୍ର ପାଇଆନନ୍ଦ କେ ପାରିବ କହି

Couplet 144

ବେନିସ୍ତନରୁ ଖିର ଝରେସ୍ତନ୍ୟ ପିଆନ୍ତି ସ୍ନେହଭରେ

Couplet 145

କେ କହୁ ଗୁରୁଙ୍କ ଆନନ୍ଦଯାହାର ଶିଷ୍ୟ ଆଦିକନ୍ଦ

Couplet 146

ଏବେ ହୋ ଶୁଣ ନୃପବରକୃଷ୍ଣ ମିଳିଲେ ମଧୁପୁର

Couplet 147

କୃଷ୍ଣ ଆଗମନେ ଆନନ୍ଦଆସି ମିଳଲେ ଯଦୁବୃନ୍ଦ

Couplet 148

ଦେଖି ଆନନ୍ଦ ଭାଇବେନିହରଷ ପିଅର-ଜନନୀ

Couplet 149

ସେ ଆଦିକନ୍ଦ ପାଦତଳେସୁଜନେ ଚିନ୍ତ ଧ୍ୟାନବଳେ

Couplet 150

କହଇ ଜଗନ୍ନାଥ ଦାସହରିଚରିତ ସୁଧାରସ