Skandha 10
Adhyaya 46
Couplet 1
ବୋଲନ୍ତି ଶୁକ ମୁନିବରସାନନ୍ଦେ ଶୁଣ କୁରୁବୀର
Couplet 2
ରାମଗୋବିନ୍ଦ ମଧୁବନେଭେଟିଲେ କଂସଦୂତମାନେ
Couplet 3
ନିକଟେ ଦୂତଙ୍କୁ ରୁହାଇସ୍ନାହାନ କଲେ ବେନିଭାଇ
Couplet 4
ଭୋଜନ କଲେ ଦୁଧସରଆନନ୍ଦେ ନାନା ଉପହାର
Couplet 5
ବିବିଧ ରତ୍ନ ଅଳଙ୍କାରବସ୍ତ୍ର ପିନ୍ଧିଲେ ପୀତ ନୀଳ
Couplet 6
ମାଲ ଦୁନ୍ଦୁଭିଘୋଷ ଶୁଣିସାନନ୍ଦ କୃଷ୍ଣ ହଳପାଣି
Couplet 7
ଗୋପାଳ ପୋଏ ସଜ ହୋଇମଧ୍ୟେ ବିଜୟ ବେନିଭାଇ
Couplet 8
ମଥୁରା ନଗରେ ପଶିଲେକଂସର ଦୂତେ ଆଗେ ଗଲେ
Couplet 9
ପଡ଼ଇ କ୍ଷଣେ କ୍ଷଣେ ହୁରିଉଲୁକାପାତେ ବସୁନ୍ଧରୀ
Couplet 10
ଆକାଶେ ଧୂମମୟ ଜ୍ୟୋତିମେଘେ ଲୁଚିଲେ ଛାୟାପତି
Couplet 11
ପଥେ ଆସନ୍ତେ ଭାଇ ବେନିବିବିଧ ବାଦ୍ୟନାଦ ଧ୍ୱନି
Couplet 12
ଯୋଡ଼ି ମର୍ଳ ଶଙ୍ଖ ବାଜେଶରଦମେଘ ଯେହ୍ନେ ଗର୍ଜେ
Couplet 13
ରାମଗୋବିନ୍ଦ ଦେଖି ପଥେଲୋକେ ମିଳିଲେ ଯୂଥେଯୂଥେ
Couplet 14
ଏକ ଆରକେ ସଜ ହୋଇକାମିନୀଗଣେ ଛନ୍ତି ଧାଇଁ
Couplet 15
ସକଳେ ଘରଦ୍ୱାରା ଛାଡ଼ିଧାମନ୍ତି ରାଜପଥ ମାଡ଼ି
Couplet 16
ସ୍ତିରୀ ପୁରୁଷ ବାଳବୃନ୍ଦେଗୋବିନ୍ଦ ଦେଖିବାର ସଧେ
Couplet 17
ଆଗେ ଧାମନ୍ତି ବଳବନ୍ତଗହଳ ମଥୁରାର ପଥ
Couplet 18
ଅନଳ ଦେଖିଣ ପତଙ୍ଗେଯେହ୍ନେ ଧାମନ୍ତି ଉଦ୍ବେଗେ
Couplet 19
ଦେଖନ୍ତି ନରନାରୀ ମିଳିହରଷେ ଦେଇ ହୁଳହୁଳି
Couplet 20
ରାମଗୋବିନ୍ଦ ମୁଖ ଚାହିଁନୟନ ପିଛାଡ଼ି ନୋହଇ
Couplet 21
ଦେହ ସଂସାର ପାସୋରିଲେଆନନ୍ଦସାଗରେ ବୁଡ଼ିଲେ
Couplet 22
ସ୍ୱର୍ଗେ ଦେଖନ୍ତି ଦେବତାଏରାମଗୋବିନ୍ଦର ବିଜୟେ
Couplet 23
ମଙ୍ଗଳନାଦେ ଅପସରୀଦେଖନ୍ତି ଦିଗପାଳେ ମିଳି
Couplet 24
ପବନ ବହଇ ଶୀତଳଶୂନ୍ୟେ ଉଡ଼ନ୍ତି ମେଘମାଳ
Couplet 25
ଜନଗହଳ ରାଜପଥେଗୋବିନ୍ଦ ଦେଖନ୍ତି ଉଷତେ
Couplet 26
କହନ୍ତି ଏକ ଆରେ ଚାହିଁକାନ୍ଦି ହୃଦୟେ କର ଦେଇ
Couplet 27
ଦେଖ ଗୋ କଂସର ନିର୍ଦ୍ଦୟେକି ଦୋଷ କଲେ ବାଳପୋଏ
Couplet 28
ଲୁଚି ଏ ଥିଲେ ନନ୍ଦଘରେସୋଦର ମଉଳାର ଡ଼ରେ
Couplet 29
କି ଦୋଷ କଲେ ଏ ତାହାରଦୁଷ୍ଟ ଦାନବ ଦୁରାଚାର
Couplet 30
ଏହାଙ୍କୁ ଆଣିଅଛି ଧରିବଳେ ମାରିବ ଘରେ ଭରି
Couplet 31
କେମନ୍ତେ ସହିବଟି ଧର୍ମଏହାଙ୍କୁ କରି ଏଡ଼େ କର୍ମ
Couplet 32
ଏ ପୋଏ ଗୋପପୁରେ ଥିଲେକି ଅପରାଧ ଅବା କଲେ
Couplet 33
ଏହାଙ୍କୁ କରି ପ୍ରାଣେ ନାଶଭାଙ୍ଗିବ ଗୋପପୁର ଦେଶ
Couplet 34
ଏହାଙ୍କ କଷ୍ଟ ଦେଖିବାରେଚାଲ ନ ଥିବା ଏ ନଗରେ
Couplet 35
ହୃଦୟ ଧରିବା କେମନ୍ତେଏହାଙ୍କୁ ନ ଦେଖିଲେ ନେତ୍ରେ
Couplet 36
ଏମନ୍ତ କହି ନରନାରୀବିକଳେ ଚାହାନ୍ତି ମୁରାରି
Couplet 37
ହୃଦୟେ ବିଚାରି ବିକଳନୟନୁ ବହେ ଅଶ୍ରୁଜଳ
Couplet 38
ରାମଗୋବିନ୍ଦ ଗୋପବାଳେମିଳିଲେ କଂସ ରଙ୍ଗଦ୍ୱାରେ
Couplet 39
ଦେଖିଲେ ଦ୍ୱାରେ ଅଛି ଗଜମାହୁନ୍ତ ହୋଇଅଛି ସଜ
Couplet 40
କୃଷ୍ଣଙ୍କୁ ଦେଖିଣ ମାହୁନ୍ତଆକ୍ରୋଷି ଗଜ ବଳବନ୍ତ
Couplet 41
ଦ୍ୱାର ଆବୋରିଲା ବହନମାରିବା ପ୍ରାୟ କୋପମନ
Couplet 42
ସ୍ୱଭାବେ ମତ୍ତ କରୀବରତେଜେ ପ୍ରଚଣ୍ତ ମହାଘୋର
Couplet 43
ତାହା ଜାଣିଲେ ଭାବଗ୍ରାହୀଗୋପାଳ ପୁଅଙ୍କୁ ରୁହାଇ
Couplet 44
ଦୃଢ଼େ ବାନ୍ଧିଲେ ତାଳୁ ଚୁଳସୁନ୍ଦର ଅଳକାକପୋଳ
Couplet 45
ବସନ ବାନ୍ଧି ଆଣ୍ଟ କରିସଜ ହୋଇଲେ ହଳଧାରୀ
Couplet 46
ମାହୁନ୍ତ କୋପଭର ହୋଇଅଳପ ଅଳପ ଟିପଇ
Couplet 47
ହସ୍ତୀ ଟିପଇ ପାଦ ଲଇଁଦେଖି ଗୋବିନ୍ଦ ଆଗ ହୋଇ
Couplet 48
ବୋଇଲେ ଆଡ଼ହୁଅ ଭାଇମାହୁନ୍ତ ଶୁଣି ନ ଶୁଣଇ
Couplet 49
ଶୁଣ ମାହୁନ୍ତ ମୋ' ଉତ୍ତରଆମ୍ଭଙ୍କୁ ଛାଡ଼ ରଙ୍ଗଦ୍ୱାର
Couplet 50
ରାଜା ଆମ୍ଭରେ କୋପମନବେଗେ କରିବୁ ଦରଦଶନ
Couplet 51
ଦ୍ୱାର ତୁ ଛାଡ଼ ବେଗ ହୋଇଉଛୁର ବେଳ ନ ଯୋଗାଇ
Couplet 52
ଶୁଣି ମାହୁନ୍ତ କୋପକଲାକୃଷ୍ଣର ବୋଲ ନ ଶୁଣିଲା
Couplet 53
ହସ୍ତୀର କୁମ୍ଭେ ଦେଇ କରଦନ୍ତ କରାଇଲା ଉଭାର
Couplet 54
କୃଷ୍ଣ ବୋଇଲେ ମାହୁନ୍ତକୁମାରିବା ପ୍ରାୟେ ତ ସଳଖୁ
Couplet 55
ଜୀବନେ ଅଛି ଯେବେ କାର୍ଯ୍ୟହସ୍ତୀ ଦୁଆରୁ ନିଅ ଆଜ
Couplet 56
ନୋହିଲେ ଯିବୁ ଯମପୁରହସ୍ତୀ ହିଁ ସଙ୍ଗତେ ତୋହର
Couplet 57
ଶୁଣି ମାହୁନ୍ତ ପରଜ୍ୱଳିହସ୍ତୀ ଟିପିଲା ପାଦଚାଳି
Couplet 58
କୃଷ୍ଣଙ୍କୁ ଦେଖି ଗଜ ଧାଇଁକାଳଦେବତା ପ୍ରାୟ ହୋଇ
Couplet 59
ପବନୁଁ ବେଗେ ଧାଇଁ ଖରେଶୁଣ୍ଢ ପିଟିଲା କୃଷ୍ଣଶିରେ
Couplet 60
କେଶ ଧଇଲା ଧାତିକାରଛଡ଼ାଇ ଗଲେ ଦାମୋଦର
Couplet 61
ଗୋବିନ୍ଦ ମାୟା ଯୋଗବଳେରହିଲେ ହସ୍ତୀ ପେଟତଳେ
Couplet 62
ହସ୍ତୀ ଚାହଁଇ ଚଉଦିଗେକୋପେ ଗର୍ଜଇ ଘୋରରଙ୍ଗେ
Couplet 63
ଆଘ୍ରାଣେ କୃଷ୍ଣ ବାସ ପାଇପୁଣି ଧଇଲା ଶୁଣ୍ଢେ ନେଇ
Couplet 64
ପୁଣି ଛଡ଼ାଇ ତା'ର କରପଛେ ମିଳିଲେ ମାୟାଧର
Couplet 65
ହସ୍ତୀର ଲାଞ୍ଜ କରେ ଧରିପଛକୁ ଆଣିଲେ ଓଟାରି
Couplet 66
ପଚିଶଧନୁ ଯାଏଁ ଟାଣିରହିଲେ ପ୍ରଭୁ ଚକ୍ରପାଣି
Couplet 67
ସର୍ପର ଲାଞ୍ଜ ତୁଣ୍ତେ ଭରିଯେସନେ ଗରୁଡ଼ ଓଟାରି
Couplet 68
ଲାଙ୍ଗୁଳ ଧରି ବନମାଳୀବାମଦକ୍ଷିଣ ପାଖେ ଚାଳି
Couplet 69
ଗଜ ଚାହଁଇ ଦୁଇପାଶେକୃଷ୍ଣଙ୍କୁ ଧରିବାର ଆଶେ
Couplet 70
ବତ୍ସାଙ୍କ ଲାଞ୍ଜ ପୋଏ ଧରିଯେମନ୍ତେ ହୋନ୍ତି ଘୂରାଘୂରି
Couplet 71
ଲାଙ୍ଗୁଳ ଛାଡ଼ି ଅତି ଖରେଆଗ ହୋଇଲେ ରୋଷଭରେ
Couplet 72
ଚାପୁଡ଼େ ମାରି ହସ୍ତୀ ମୁଣ୍ତେକୃଷ୍ଣ ପଳାନ୍ତି ରାଜଦାଣ୍ତେ
Couplet 73
ପ୍ରଚଣ୍ତକୋପେ ଖରତରଦେଖି ଧାଇଁଲା କରୀବର
Couplet 74
ଦେଖନ୍ତି ପୁର ନରନାରୀଭୟେ ପଳାନ୍ତି ନରହରି
Couplet 75
ଶିର ଲାଗଇ ଥୋର-ହସ୍ତେଲୋକେ ଦେଖନ୍ତି ରାଜପଥେ
Couplet 76
ପାଦର ଘାଏ ଧୂଳି ଉଡ଼ିକୃଷ୍ଣ ପଡ଼ିଲେ ମୁଖ ମାଡ଼ି
Couplet 77
ତକ୍ଷଣେ ହୋଇଲେ ଅନ୍ତରମାହୁନ୍ତ ବୋଲେ ମାର ମାର
Couplet 78
କୃଷ୍ଣ ପଡ଼ିଲା ପ୍ରାୟ ମଣିଗଜ ମାଇଲା ଦନ୍ତ ଆଣି
Couplet 79
ଲୋକେ ହୋଇଲେ ହତଜ୍ଞାନଡ଼ାକନ୍ତି ରଖ ନାରାୟଣ
Couplet 80
ଏଡ଼େ କରମ କଂସ କଲାକେ ବୋଲେ ଜୀଉଁଜୀଉଁ ମଲା
Couplet 81
ଚାଲ ନ ଥିବା ଏହା ଦେଶେକଂସକୁ ଗାଳିଦ୍ୟନ୍ତି ରୋଷେ
Couplet 82
ଏମନ୍ତ ବୋଲୁଁ ବୋଲୁଁ ଜନେଶ୍ରୀକୃଷ୍ଣ ମିଳିଲେ ବହନେ
Couplet 83
ନୀଳ-ଜୀମୂତ ଦେହ ଝଳିଝାଳ ଗଳଇ ଲାଗି ଧୂଳି
Couplet 84
ଡାକନ୍ତି ତୋଳି ବେନିକରହସ୍ତୀରେ ସମ୍ଭାଳ ତୋହର
Couplet 85
ଦେଖି ଚକିତ ନରନାରୀଚାପୁଡ଼େ ମାଇଲେ ମୁରାରି
Couplet 86
ପଛେ ଯେ ଥିଲେ ହଳଧରହସ୍ତୀକି ମାଇଲେ ପୟର
Couplet 87
ଧାମଇଁ ପଛକୁ ଅନାଇଁମୁଥେ ମାଇଲେ କୃଷ୍ଣ ନେଇ
Couplet 88
ଗଜ ଚାହଁଇ ଆଗପଛମାହୁନ୍ତ ଟିପଇ ପ୍ରତ୍ୟକ୍ଷ
Couplet 89
ନ ଯାଇ ଆଗପଛେ ଡ଼ରେଗର୍ଜଇ ଅତି କୋପଭରେ
Couplet 90
ମାହୁନ୍ତ ପୁଣି ହିଁ ଟିପଇଦେଖି ପଳାନ୍ତି ବେନିଭାଇ
Couplet 91
ଦେଖିଣ ଗଜ କୋପଭରେଧାଇଁଲା ପବନହୁଁ ଖରେ
Couplet 92
କୃଷ୍ଣର ଶିରେ ଥୋର-ହସ୍ତଦେଖି ପଳାନ୍ତି ଗୋପୀନାଥ
Couplet 93
ଧାଇଁଲେ ପବନ ହୁଁ ବେଗେଘୂରି କୁମ୍ଭାରଚକ୍ର ମାର୍ଗେ
Couplet 94
ଗୋବିନ୍ଦ ଯୋଗମାୟା ବଳେଘୂରାଇ ପକାଇଲେ ତଳେ
Couplet 95
ତଳେ ପଡ଼ନ୍ତେ ପ୍ରାଣଗଲାତକ୍ଷଣେ ଗୋବିନ୍ଦେ ପଶିଲା
Couplet 96
ଚରଣ ଦେଇ ଗଜମୁଣ୍ତେଦନ୍ତ ଧୋଇଲେ ଭୁଜଦଣ୍ତେ
Couplet 97
ବେଗେ ଉପାଡ଼ି ବେନିକରେପିଟିଲେ ମାହୁନ୍ତ ଉପରେ
Couplet 98
ମାହୁନ୍ତ ପ୍ରାଣ ବେଗେ ଗଲାଜୀବନ ଗୋବିନ୍ଦେ ପଶିଲା
Couplet 99
ରାମ ଗୋବିନ୍ଦ ବେନିଭାଇକନ୍ଧେ ଘେନିଲେ ଦନ୍ତ ଦୁଇ
Couplet 100
ରୁଧିର-ଭୂଷଣ ଶରୀରଝାଳ ଧୂଳିରେ ଜରଜର
Couplet 101
ମୁଖପଙ୍କଜେ ଝାଳ ଶୋଭାକି ଅବା ପଟାନ୍ତର ଦେବା
Couplet 102
ଗୋପକୁମରେ ଛନ୍ତି ବେଢ଼ିପଶିଲେ ରଙ୍ଗଦ୍ୱାର ମାଡ଼ି
Couplet 103
କନ୍ଧେ ପକାଇ ଗଜଦନ୍ତମିଳିଲେ ରାମ-ଗୋପୀନାଥ
Couplet 104
ଲୋକେ ପଶିଲେ ବଳୀୟାରେକେ ବେଗେ ଉଠିଲେ ବୃକ୍ଷରେ
Couplet 105
ଜଗତୀ ଅଟ୍ଟାଳୀ ଆରୋହିଦେଖନ୍ତି ରାମକୃଷ୍ଣ ଦୁଇ
Couplet 106
ରଙ୍ଗସଭାରେ ଯେତେ ଲୋକେକେତେ କହିବା ଏକେ ଏକେ
Couplet 107
ମାଲେ ଯେ ଥିଲେ ମଞ୍ଚାତଳେରାମକୃଷ୍ଣଙ୍କୁ ଅନାଇଲେ
Couplet 108
ବଜ୍ର ପଡ଼ିଲା ପ୍ରାୟେ ଦେଖିଭୟେ ବୁଜିଲେ ବେନି ଆଖି
Couplet 109
ଯେତେ ଅଛନ୍ତି ପୁରନରତାହାଙ୍କୁ ଦିଶନ୍ତି ସୁନ୍ଦର
Couplet 110
କାମିନୀ-ଲୋଚନେ ଅନଙ୍ଗଗୋପାଳ ପୋଏ ବାଳଅଙ୍ଗ
Couplet 111
ଅସୁର-ନୃପତିଙ୍କି କାଳମାତାପିତାଙ୍କୁ ବେନିବାଳ
Couplet 112
କଂସକୁ ଦିଶେ ଯମ ପ୍ରାୟଜ୍ଞାନୀଜନଙ୍କୁ ଜ୍ଞାନମୟ
Couplet 113
ଯୋଗୀଙ୍କ ନେତ୍ରେ ଜ୍ଞାନତତ୍ତ୍ୱବୃଷ୍ଣିବଂଶକୁ ଦଇବତ
Couplet 114
ଏମନ୍ତେ ରାମକୃଷ୍ଣ ରୂପଦିଶନ୍ତି ଯାହାକୁ ଯେ ରୂପ
Couplet 115
ସଭାର ତଳେ ବେନିଭାଇଆକାଶେ ଦେବେ ଛନ୍ତି ଚାହିଁ
Couplet 116
ବ୍ରହ୍ମା ଶଙ୍କର ଇନ୍ଦ୍ରମୂଳେତେତିଶକୋଟି ଦେବ ବଳେ
Couplet 117
ଶୂନ୍ୟେ ଦେଖନ୍ତି ରାମହରିଗନ୍ଧର୍ବଗଣ-ଦେବନାରୀ
Couplet 118
କଂସ ଚାହିଁଲା ବେନିଭାଇଭୟେ କମ୍ପଇ ତାର ଦେହୀ
Couplet 119
ଗଜ-ମାହୁନ୍ତ ଦ୍ୱାରେ ମାରିଦନ୍ତ ଅଛନ୍ତି କରେ ଧରି
Couplet 120
ନିଶ୍ଚୟ ମରଣ ହୋଇଲାଏମନ୍ତ ମନେ ବିଚାରିଲା
Couplet 121
କାତରେ କମ୍ପଇ ଶରୀରବଦନୁଁ ନ ଇଲା ଉତ୍ତର
Couplet 122
ରଙ୍ଗସଭାର ତଳେ ଥାଇରାମଗୋବିନ୍ଦ ବେନିଭାଇ
Couplet 123
ନାନା ବିଚିତ୍ର ବେଶ ହୋଇଯେସନେ ନଟବର ଦୁଇ
Couplet 124
ଦେଖନ୍ତା ପ୍ରାଣୀଙ୍କର ମନମୋହିଲେ ରାମ-ଭଗବାନ
Couplet 125
ମଞ୍ଚାରେ ଯେତେ ରାଜାଗଣେଗ୍ରାମ ପାଟଣା ପୁରଜନେ
Couplet 126
ହରଷ ବଶେ ଚକ୍ଷୁ ଫେଇଦେଖନ୍ତି ରାମକୃଷ୍ଣ ଦୁଇ
Couplet 127
ଚକୋର ଦେଖି ଚନ୍ଦ୍ର ଯେହ୍ନେତେସନେ ପିବନ୍ତି ନୟନେ
Couplet 128
ତୋଷ ନୋହିଲେ ମୁଖ ଚାହିଁଚାହାନ୍ତେ ପିଞ୍ଛା ନଚଳଇ
Couplet 129
ପିଇବା ପ୍ରାୟେ ଚକ୍ଷୁଦ୍ୱାରେଜିହ୍ୱା କି ଲିହିବ ଶରୀରେ
Couplet 130
ଆଘ୍ରାଣ କରି ନାସାଦ୍ୱାରେଆଣି ଭିଡ଼ିବେ ବେନିକରେ
Couplet 131
ଏମନ୍ତ ହୋଇ ଉଦ୍ବେଗଅଗ୍ନି କି ଯେସନେ ପତଙ୍ଗ
Couplet 132
ଯେମନ୍ତେ ଶୁଣୁଥିଲେ କର୍ଣ୍ଣେପ୍ରତ୍ୟକ୍ଷ ଦେଖିଲେ ନୟନେ
Couplet 133
କୃଷ୍ଣର ରୂପ ଗୁଣମାନଦେଖି ପାଇଲେ ଦିବ୍ୟଜ୍ଞାନ
Couplet 134
ଏକକୁ ଆରେକ ଅନାଇଁବୋଲନ୍ତି ଅଙ୍ଗୁଳି ଦେଖାଇ
Couplet 135
ଏ ବେନି ବସୁଦେବ ସୁତେଭାରା ନିବାରିବା ନିମନ୍ତେ
Couplet 136
ବିଷ୍ଣୁର ଅଂଶେ ଜାତ ହୋଇନୀଳ ଧବଳ ରୂପ ଦୁଇ
Couplet 137
ଦେଖ ଏ କୃଷ୍ଣଦେହ କଳାଦେବକୀଗର୍ଭେ ଉପୁଜିଲା
Couplet 138
ଏହାକୁ ବସୁଦେବ ନେଇଗୋପରେ ଅଇଲା ଲୁଚାଇ
Couplet 139
ବଢ଼ିଲେ ନନ୍ଦର ଭୁବନେଏହି ବାଳକ ତିନିଦିନେ
Couplet 140
ଶୋଷିଲା ପୂତନା ପରାଣଭାଜିଲା ଯାମଳା ଅର୍ଜୁନ
Couplet 141
ପାଦେ ଶକଟା କଲା ଚୂରନାଶିଲା ତୃଣାବର୍ତ୍ତ ବୀର
Couplet 142
ଅଘା ଧେନୁକା ବକ କେଶୀବତ୍ସା ମାୟାବୀ ଷଣ୍ଢା ନାଶି
Couplet 143
କାଳୀୟ ଘଉଡ଼ିଲା ବଳେଅମୃତ କଲା ବିଷଜଳେ
Couplet 144
ଗୋରୁମହିଷ ଗୋପଶିରୀବନଅନଳୁ ଅଛି ତାରି
Couplet 145
ଇନ୍ଦ୍ରର ଦର୍ପ କଲା ଚୂରକରେ ତୋଳିଲା ଗିରୀର
Couplet 146
ସପତ ଦିନ ବରଷିଲାଏହାର କରେ ଗିରି ଥିଲା
Couplet 147
ଗୋପୀଏ ଚାହିଁ ଏହା ମୁଖଖଣ୍ତିଲେ ଜନ୍ମବନ୍ଧ-ଦୁଃଖ
Couplet 148
ଯାଦବବଂଶ ଏ ରଖିବଅବନୀଭାରା ଉଶ୍ୱାସିବ
Couplet 149
ଦେଖ ଏ ରୋହିଣୀକୁମରକୋଟିଏ କାମ ପଟାନ୍ତର
Couplet 150
ଆଗେ ହୋଇଲେ ଗୋପେଜାତଏହାଙ୍କ ବଳ ଅପ୍ରମିତ
Couplet 151
ଯୁଦ୍ଧେ ପ୍ରଳମ୍ବା ନାଶ କଲାବତ୍ସା ଧେନୁକା ସଂହାରିଲା
Couplet 152
ଏମନ୍ତ କହୁଁ କହୁଁ ଜନବାଜିଲା ବୀରତୂର ମାନ
Couplet 153
ମାଲେ ଯେ ଥିଲେ ସଭାତଳେକୃଷ୍ଣର ନିକଟେ ମିଳିଲେ
Couplet 154
ଚାଣୂର ବୀର ଆଗ ହୋଇବୋଲଇ କୃଷ୍ଣମୁଖ ଚାହିଁ
Couplet 155
ତୁ ପରା ଥିଲୁ ନନ୍ଦଘରେରୋହିଣୀସୁତ ସଙ୍ଗତରେ
Couplet 156
ତୁମ୍ଭେ ଯେ ରାମବନମାଳୀବୋଲଅ ବାହୁଯୁଦ୍ଧେ ବଳୀ
Couplet 157
ରାଜା ତୁମ୍ଭର କଥା ଶୁଣିଯୁଦ୍ଧର ପାଇଁ ଅଛି ଆଣି
Couplet 158
ଦେଖିବେ ଯୁଦ୍ଧକଉତୁକରାଜାଏ ଅଛନ୍ତି ଅନେକ
Couplet 159
ପ୍ରଜାଏ ରାଜାଙ୍କୁ ମନାଇଁଭୋଗ କରନ୍ତି ସୁଖେ ମହୀ
Couplet 160
ରାଜାର ସମୀପେ ବସନ୍ତିଧନ୍ୟ ଇହଲୋକେ ବୋଲାନ୍ତି
Couplet 161
ରାଜାର ନୁହଁନ୍ତି ଯେ ପ୍ରିୟତାହାଙ୍କ ସୁଖ କାହିଁ କହ
Couplet 162
ତୁମ୍ଭେ ଯେ ଗୋପାଳଙ୍କ ମେଳେଗୋରୁ ଚରାଅ ନଦୀକୂଳେ
Couplet 163
ଦେହରେ ଘଷି ରଙ୍ଗମାଟିଲଲାଟେ ଗୁଞ୍ଜରାର ପାଟି
Couplet 164
ଏକ ଆରକେ ବାହୁବଳେମାଲ ବିନ୍ଧାଣ କୁତୂହଳେ
Couplet 165
ବାଳକ କାଳୁଁ ସାଧୁଅଛଏବେ ତ ପ୍ରତ୍ୟକ୍ଷ ଦିଶୁଛ
Couplet 166
ତେଣୁ ତୁମ୍ଭର ସଙ୍ଗେ ଆମ୍ଭେବିନ୍ଧାଣ କରିବା ଆରମ୍ଭେ
Couplet 167
ଯେତେ ଅଛନ୍ତି ରାଜାଗଣେଗ୍ରାମ ପାଟଣା ପୁରଜନେ
Couplet 168
ସକଳେ ହୋଇବେ ପ୍ରସନ୍ନତୋଷିବା କଂସରାଜା ମନ
Couplet 169
ମାଲଙ୍କ ଟାଣକଥା ଶୁଣିକହନ୍ତି ପ୍ରଭୁ ଚକ୍ରପାଣି
Couplet 170
ଉଚିତବାଣୀ ଦେଶକାଳକହନ୍ତି ମଦନଗୋପାଳ
Couplet 171
ଯୁଦ୍ଧ ହିଁ ଇଚ୍ଛା ଆପଣାରକହନ୍ତି ମନୁଷ୍ୟବେଭାର
Couplet 172
ଶୁଣ ଚାଣୁର ବୀରମଣିଉଚିତ ପ୍ରସ୍ତାବ ତୋ' ବାଣୀ
Couplet 173
ସ୍ୱଭାବେ ଆମ୍ଭେ ବନଲୋକନ ଜାଣୁ ଯୁଦ୍ଧ କଉତୁକ
Couplet 174
ଧନ ଗୋରସ ଦେଇ ଖଟୁରାଜା ଭଣଜା ଆମ୍ଭେ ଅଟୁ
Couplet 175
ଅଳପେ କରଇ ସଦୟଆମ୍ଭ ମଉଳା କଂସରାୟ
Couplet 176
ବାଳୁତ ପୁଅଙ୍କର ମେଳେଖେଳୁ କାନନ ନଦୀକୂଳେ
Couplet 177
ନାନା ଭିଆଣେ ଖେଳ ଖେଳିବନସ୍ତେ ଚରାଉଁ ବାଛୁରୀ
Couplet 178
ପୁଅଙ୍କ ଖେଳର ଉଚିତଆମ୍ଭର ଯୁଦ୍ଧ ସେହିମତ
Couplet 179
ଏ ତ ନୁହଁଇ ଖେଳମୟେତୁମ୍ଭେ ଯେ ପର୍ବତପରାୟେ
Couplet 180
ତୁମ୍ଭର ପ୍ରାୟ ଯେବେ ହୋଇତେବେ ସେ ସଂଗ୍ରାମ ଯୋଗାଇ
Couplet 181
ବାଳକ ଆମ୍ଭେ ବାଳମେଳେଯୁଝିବୁ ରଙ୍ଗ-କୁତୂହଳେ
Couplet 182
ତୁମ୍ଭର ତୁଲେ ଯୁଦ୍ଧ କାହିଁଏ କଥା ଉଚିତ ନୁହଁଇ
Couplet 183
ଅଧର୍ମ ହୋଇବଟି ଭଲେତୁମ୍ଭେ ଯୁଝିଲେ ଆମ୍ଭ ତୁଲେ
Couplet 184
ସଭାକୁ ହୋଇବ ଧିକ୍କାରତା ଶୁଣି ହସଇ ଚାଣୂର
Couplet 185
ବୋଲଇ ପରୁଷ ବଚନକରାଇ କଂସ ସାବଧାନ
Couplet 186
ତୁମ୍ଭେ ଯେ ବାଳକ ବୋଲାଅକହିଲେ ଲଜ୍ଜା ହିଁ ନ ପାଅ
Couplet 187
ବାଳକୁମର ନୁହଁ ଯୁବାତୁମ୍ଭର ମହିମା କହିବା
Couplet 188
ଏଯେ ତୋହର ଜ୍ୟେଷ୍ଠ ରାମବଳେ ତ ନାହିଁ ସରିସମ
Couplet 189
ସହସ୍ରେ ମତ୍ତଗଜ ଦେହାବଳ ବହଇ କୁବଳୟା
Couplet 190
ତାହାକୁ ଲୀଳାଏ ମାଇଲଇଷିତେ ଦନ୍ତ ଉପାଡ଼ିଲ
Couplet 191
ରଜକ ମାରି ବାମକରେଧନୁ ଭାଙ୍ଗିଲ ବଳାକ୍ରାରେ
Couplet 192
ତୁମ୍ଭ ମହିମା ସର୍ବଜନେଭଲେ ଜାଣନ୍ତି ତ୍ରିଭୁବନେ
Couplet 193
ଏମନ୍ତ ନ କହନା ଆରମୁଷ୍ଟିକ ବୋଲେ ଧରଧର
Couplet 194
ଅଧର କାମୁଡ଼ି ଚାଣୂରବୋଇଲା ରାମକୁ ତୁ ଧର
Couplet 195
କୃଷ୍ଣର ତୁଲେ ଯୁଦ୍ଧ ମୋରଏ ଯେ ବୋଲାଇ ବଳୀୟାର
Couplet 196
ମୁଷ୍ଟିକ ରାମ ଆଗେ ରହିକୋପେ ଅଧର କାମୋଡ଼ଇ
Couplet 197
କହଇ ଦାସ ଜଗନ୍ନାଥଚାଣୂର ଧରି ଗୋପୀନାଥ
Couplet 198
ମୁଷ୍ଟିକ ରାମଙ୍କୁ ଧଇଲାସେଠାରେ ମନ ମୋ' ରହିଲା
Couplet 199
ଦେଖ ହୋ ଗୋବିନ୍ଦର ରଣସୁଜନେ ପଶିବା ଶରଣ
Couplet 200
ବାଳକ ସଙ୍ଗେ ଯୁଦ୍ଧ କରିଦେଖନ୍ତି ପୁରନରନାରୀ