Adhyaya 40

Couplet 1

ଶୁଣ ରାଜନ କୃଷ୍ଣ ଲୀଳାକେଶୀ ଯେ ବୃନ୍ଦାବନେ ଗଲା

Couplet 2

ରଜନୀ ହୋଇଲା ପ୍ରଭାତଗଗନେ ଉଦେ ଛାୟାକାନ୍ତ

Couplet 3

ଅଶ୍ୱର ପ୍ରାୟେ ରୂପ ଧରିଦେଖି ଗଗନେ ଦେବେ ଡ଼ରି

Couplet 4

ମନହୁଁ ବେଗବନ୍ତ ହୋଇକୋପେ ଖୋଳଇ କ୍ଷୁରେ ମହୀ

Couplet 5

କାନ୍ଧର ବାଳ ଠିଆ କରିଗଗନେ ପଡୁଅଛି ହୁରି

Couplet 6

ବିମାନେ ବସି ଦେବତାଏଉଡ଼ିଣ ଗଲେ ଲାଞ୍ଜବାଏ

Couplet 7

ଗୋରୁଏ ପଳାଇଲେ ଛନ୍ନେପଶିଲେ ଗହନ ବିପିନେ

Couplet 8

କେଶୀର ନିଶ୍ୱାସ ପବନେଉଡ଼ିଲେ ବୃକ୍ଷେ ଘୋର ଶୂନ୍ୟେ

Couplet 9

ଶବଦ ଶୁଣି ମହାଘୋରଗୋବିନ୍ଦ ହୋଇଲେ ବାହାର

Couplet 10

ଦେଖିଲେ ଗୋପର ବିକଳଶୂନ୍ୟେ କମ୍ପନ୍ତି ଦିଗପାଳ

Couplet 11

ଶୁଣି ଦୈତ୍ୟର ଘୋରରଡ଼ିଦେବେ ଗଗନ ଗଲେ ଛାଡ଼ି

Couplet 12

ଦେଖିଲେ ମଦନ ଗୋପାଳଅସୁର ତେଜ ଅନର୍ଗଳ

Couplet 13

ଧନ ସମ୍ପଦ ଦାରା ଛାଡ଼ିଲୋକେ ପଳାନ୍ତି ବନମାଡ଼ି

Couplet 14

କିଜାଣି ବେଢ଼ିଲା ଅନଳକି ଅବା ପ୍ରଳୟର କାଳ

Couplet 15

ଉଲୁକାପାତ ଦିଶେ ମହୀଦିବସେ ଅନ୍ଧକାର ହୋଇ

Couplet 16

କଂସର ହିତେ ମହାବଳୀଲୋଡ଼ଇ ରାମ ବନମାଳୀ

Couplet 17

ଅସୁର ବିଚାରଇ ମନେକୃଷ୍ଣଙ୍କୁ ଦେଖିବି କେସନେ

Couplet 18

ଲୁଚାଇ ଅଛି ବସୁଦେବମୋହର ଡରେ ପଳାଇବ

Couplet 19

ମୁଖ ବିସ୍ତାରି ବେଗେ ଧାଇଁଆଜ ଗିଳିବି ବେନିଭାଇ

Couplet 20

ଏମନ୍ତ ବିଚାରି ଆନନ୍ଦେମିଳିଲା ଗୋପପୁର ମଧ୍ୟେ

Couplet 21

ଗୋପବାଳକ ମଧ୍ୟେ ଥାଇଦେଖିଲେ ପ୍ରଭୁ ଭାବଗ୍ରାହୀ

Couplet 22

ଗୋପକୁମର କନ୍ଧେ ହସ୍ତଆଗ ହୋଇଲେ ଗୋପୀନାଥ

Couplet 23

ଗୋବିନ୍ଦ କଲେ ଶିଙ୍ଗାନାଦକେଶୀ ପାଇଲା ମନେ ଖେଦ

Couplet 24

ଜାଣିଲା ଏହି ନାରାୟଣଶୋଷିଲା ପୂତନା ପରାଣ

Couplet 25

ଶକଟା ତୃଣା ବ›ତ୍ସାସୁରଅଘା ପ୍ରଳମ୍ବା ମହାବୀର

Couplet 26

ଧେନୁକ ଷଣ୍ଢ‹ ଆଦିକରିଏ ବନେ ମାଇଲା ମୁରାରି

Couplet 27

ଏହି ସେ ନନ୍ଦର କୁମରଜାଣି ଧାଇଁଲା ନିଶାଚର

Couplet 28

ମୁଖ ବିସ୍ତାରି କୋପଭରେଧାଇଁଲା ପବନହୁଁ ଖରେ

Couplet 29

ମୁଖେ କି ପିଉଛି ଆକାଶମିଳିଲା ଗୋବିନ୍ଦର ପାଶ

Couplet 30

ଉଞ୍ଚାଇ ପଛ ବେନିପାଦେମାଇଲା ଗୋବିନ୍ଦର ହୃଦେ

Couplet 31

ଶ୍ରୀକୃଷ୍ଣ ବଞ୍ଚାଇଲେ ତାହାବଜ୍ର ହୁଁ ଆଣ୍ଟ ଯା'ର ହିଆ

Couplet 32

ଚରଣ ଧରି ବାମକରେପକାଇଦେଲେ କୋପଭରେ

Couplet 33

ଗରୁଡ଼ ଯେହ୍ନେ ନାଗ ଧରିପକାଇ ରହଇ ଆବୋରି

Couplet 34

ପୁଣି କ୍ଷଣକେ ଜ୍ଞାନ ପାଇକେଶୀ ଧାଇଁଲା ରୋଷ ବହି

Couplet 35

ବିସ୍ତାର ଦେଖି ତା'ର ତୁଣ୍ତକୃଷ୍ଣ ଭରିଲେ ଭୁଜଦଣ୍ତ

Couplet 36

ସର୍ପ ପଶଇ ଯେହ୍ନେ ବିଳେଦେଖି ହସନ୍ତି ଗୋପବାଳେ

Couplet 37

ଦଇତ୍ୟ କାମୋଡ଼ିଲା କରଦନ୍ତ ତା ଝଡ଼ିଲା ଅଧର

Couplet 38

ତପତଫାଳ ପ୍ରାୟେ କରଚାପି ନ ପାରିଲା ଅସୁର

Couplet 39

କେଶୀ ଉଦରେ କୃଷ୍ଣକରବଢ଼ିଲା ଯେହ୍ନେ ଗିରିବର

Couplet 40

ଗର୍ଭ ମନ୍ଥିଲେ ଭୁଜଦଣ୍ତଖୁଆ ଯେସନେ ଦଧିଭାଣ୍ତେ

Couplet 41

ନିରୋଧ ହୋଇ କଣ୍ଠଦ୍ୱାରବିସ୍ତାର କଲା ଚାରି କ୍ଷୁର

Couplet 42

ବେଗେ ଛାଡ଼ିଲା ମଳମୂତ୍ରପଡ଼ି ହୋଇଲା ମୂରୁଚ୍ଛିତ

Couplet 43

ବେନି ଲୋଚନ କଲା ସ୍ଥିରଜୀବନ ଛାଡ଼ିଲା ଅସୁର

Couplet 44

ଦେଖନ୍ତି ସ୍ୱର୍ଗେ ଦେବତାଏପଶିଲା ଗୋବିନ୍ଦର ଦେହେ

Couplet 45

ପାଚିଲା ଫୁଟି ପ୍ରାୟେ ହୋଇଅସୁର ପଡ଼ିଲା ମିଳାଇ

Couplet 46

ତାହାର ଗର୍ଭୁ ଦାମୋଦରଫେଇ ଆଣିଲେ ନିଜ କର

Couplet 47

ଦେଖି ଆନନ୍ଦ ଦେବତାଏଆକାଶେ କଲେ ଜୟେ ଜୟେ

Couplet 48

ପୁଷ୍ପ ବରଷିଲେ ଗହଳେସ୍ତୁତି କରନ୍ତି ଦେବବରେ

Couplet 49

କେଶୀ ମରଣ ଦେଖି ହସିଆସି ମିଳିଲେ ଦେବଋଷି

Couplet 50

ଏକାନ୍ତେ ଦେଖି ନରହରିସ୍ତୁତି କରନ୍ତି ପାଦେ ପଡ଼ି

Couplet 51

ଉଠି ଗୋବିନ୍ଦ ମୁଖ ଚାହିଁବୋଲନ୍ତି ଶିରେ କର ଦେଇ

Couplet 52

ଭୋ କୃଷ୍ଣ ପ୍ରଭୁ ଯୋଗେଶ୍ୱରଯାଦବବଂଶର ଠାକୁର

Couplet 53

ଅଶେଷ ଜନ୍ତୁ ହୃଦଗତେଜ୍ଞାନୀ ଚିନ୍ତନ୍ତି ଯୋଗମତେ

Couplet 54

ଜ୍ୟୋତି ସ୍ୱରୂପ ନିରଞ୍ଜନସକଳ ଆତ୍ମାରେ ଅଭିନ୍ନ

Couplet 55

ମନ ବୁଦ୍ଧିରେ ଅଗୋଚରମହାପୁରୁଷ ତୁ ଈଶ୍ୱର

Couplet 56

ତୋହର ମାୟାକୁ ଆବୋରିଶରୀର ବହୁ ନରହରି

Couplet 57

ସଂସାର କରୁ ତୁ ଭିଆଣସୃଷ୍ଟି ପାଳନ ସଂହାରଣ

Couplet 58

ଭାରା ନିବାରେ ଦେହ ବହିସାଧୁଙ୍କୁ ରଖୁ ଭାବଗ୍ରାହୀ

Couplet 59

ଦୁଷ୍ଟ ନିବାରି ରଖୁ ମହୀମର୍ତ୍ତ୍ୟେ ଉଦ୍ଧରୁ ରୂପ ବହି

Couplet 60

ଲୀଳାଏ ମାଇଲୁ ଅସୁରଦେଖି ହରଷ ସୁର ନର

Couplet 61

ଦେବେ ନ ରହନ୍ତି ଆକାଶେଏ କେଶୀ ଦଇତ୍ୟର ତ୍ରାସେ

Couplet 62

ଭୋ ନାଥ ଶୁଣ ଚକ୍ରଧରମାରିବୁ ମୁଷ୍ଟିକ ଚାଣୂର

Couplet 63

ଧନୁ ଭାଙ୍ଗିବୁ ବାମକରେହସ୍ତୀ ମାରିବୁ ରଙ୍ଗଦ୍ୱାରେ

Couplet 64

କଂସ ମାରିବୁ ଚାରିଦିନେରାଜ୍ୟ ନିବେଶି ଉଗ୍ରେସେନେ

Couplet 65

କଂସର ଅଷ୍ଟମଲ୍ଲ ନାଶିଯାଦବ ବଂଶକୁ ଆଶ୍ୱାସି

Couplet 66

କାଳ ଯବନ ଶଙ୍ଖାସୁରମୁର ନାରକା ବେଗେ ମାର

Couplet 67

ଇନ୍ଦ୍ରଭୁବନୁ ପାରିଜାତବଳେ ଆଣିବୁ ଗୋପୀନାଥ

Couplet 68

ବୀରରାଜାଙ୍କ କନ୍ୟା ଆଣିବିଭା ହୋଇବୁ ଚକ୍ରପାଣି

Couplet 69

ଜରାସନ୍ଧର ଭୟେ ଯାଇସମୁଦ୍ରେ ଦ୍ୱାରକା ଭିଆଇ

Couplet 70

ନୃଗରାଜାଙ୍କୁ ସୁଖ ଦେବୁକୃକଲାଶ ରୂପ ନାଶିବୁ

Couplet 71

ତୋହର ପୁରେ ଶକ୍ରାଜିତତୋତେ ବରିବ ଗୋପୀନାଥ

Couplet 72

ସତ୍ୟଭାମାର ତୁଲେ ମଣିତୋହର ପାଦେ ଦେବ ଆଣି

Couplet 73

ଯମର ଘରୁ ପୁତ୍ର ଆଣିତୋଷିବୁ ଗୁରୁଙ୍କ ଘରଣୀ

Couplet 74

ଘୋର ଦଇତ୍ୟ ପୁଣ୍ତରୀକତାହାକୁ ମାରି ଦେବୁ ମୋକ୍ଷ

Couplet 75

ଦହନ କରି କାଶୀପୁରଯୁଦ୍ଧେ ମାରିବୁ ଦନ୍ତବକ୍ର

Couplet 76

ପାଣ୍ତବ ଯଜ୍ଞସଭା ତଳେଚକ୍ରେ ଛେଦିବୁ ଶିଶୁପାଳେ

Couplet 77

ଦ୍ୱାରକା ପୁରେ ବନମାଳୀଯେତେ କରିବୁ ସୁଖକେଳି

Couplet 78

ମୁଁ ତାହା ଦେଖିବି ଲୋଚନେପୁରାଣେ ଶୁଣିଅଛି କର୍ଣ୍ଣେ

Couplet 79

ଅର୍ଜ୍ଜୁନ ରଥେ ତୁ ସାରଥିମୁଁ ପୁଣି ଥିବି ତୋ'ର କତି

Couplet 80

ଅନେକ ରାଜା ସୈନ୍ୟବଳସଂହାର କରିବୁ ଗୋପାଳ

Couplet 81

ଶୁଦ୍ଧ ବିବେକ ନିରଞ୍ଜନଆଦି ଅନାଦି ସ୍ଥୂଳ ଶୂନ୍ୟ

Couplet 82

ଅଶେଷ ପୁଣ୍ୟଫଳ ଦାତାତୁମ୍ଭେ ଜଗତ ପିତାମାତା

Couplet 83

ଆପଣା ମହିମା ବିସ୍ତାରିଗୁଣ ପ୍ରକାଶୁ ନରହରି

Couplet 84

ମନୁଷ୍ୟ ଦେହେ ଅବତାରଯାଦବବଂଶର ଠାକୁର

Couplet 85

ଏମନ୍ତେ ବ୍ରହ୍ମାର ନନ୍ଦନଆନନ୍ଦେ କଲେ ସାମଗାନ

Couplet 86

ଗୋବିନ୍ଦ ଆଜ୍ଞା ଶିରେ ଘେନିଗଲେ ନାରଦ ମହାମୁନି

Couplet 87

ଏମନ୍ତେ ଅସୁର ସଂହାରିଗୋପେ ବିଜୟ ନରହରି

Couplet 88

ଏବେ ହୋ ଶୁଣ ନରନାଥକୃଷ୍ଣର ଲୀଳା ଭାଗବତ

Couplet 89

ଦିନେକ ପ୍ରଭୁ ଭଗବାନବାଳକ ମେଳେ ଗଲେ ବନ

Couplet 90

ଗିରିକନ୍ଦରେ ଘୋରବନେଗାଈ ଚରାନ୍ତି ତୋଷମନେ

Couplet 91

ହସି ବୋଲନ୍ତି ଦାମୋଦରଏମନ୍ତ ଖେଳଅଛି ମୋର

Couplet 92

ଥୋକାଏ ହୁଅ ତୁମ୍ଭେ ଚୋରଥୋକାଏ ହୁଅ ରାତ୍ରପାଳ

Couplet 93

ଖେଳିବା କଦମ୍ବର ତଳଏମନ୍ତ କହି ଆଦିମୂଳ

Couplet 94

ଥୋକାଏ ହୁଅ ପଶୁଗଣଛାଗଳ ମହିଷ ହରିଣ

Couplet 95

ଥୋକାଏ ହୁଅ ଦଣ୍ତୁଆସିହସି କହନ୍ତି ବ୍ରହ୍ମରାଶି

Couplet 96

ତକ୍ଷଣେ କରି ସନମତପୋଏ ହୋଇଲେ ଯୂଥ ଯୂଥ

Couplet 97

ଥୋକେ ହୋଇଲେ ଗୃହବାସୀଥୋକାଏ ଚୋର ଦଣ୍ତୁଆସୀ

Couplet 98

ଏମନ୍ତେ ଖେଳଲୀଳା କରିଖେଳନ୍ତି ବନେ ନରହରି

Couplet 99

ଶୁଣ ରାଜନ ବିପରୀତଅସୁର ମିଳିଲା ତୁରିତ

Couplet 100

ମୟଦଇତ୍ୟର କୁମରନାମ ତାହାର ବ୍ୟୋମାସୁର

Couplet 101

ମାୟାଗୋପାଳ ରୂପ ଧରିଅନେକ ନେଲା ଚୋରି କରି

Couplet 102

ଗିରିକ୍ରୋଟରେ ଲୁଚାଇଲାଦ୍ୱାରେ ପାଷାଣ ଅଚ୍ଛାଦିଲା

Couplet 103

ଏମନ୍ତେ ନେଲା ବେଳ ଦଶରହିଲେ ପାଞ୍ଚ ସାତ ଶେଷ

Couplet 104

ଗୋପକୁମରଙ୍କୁ ଅନାଇଁଜାଣିଲେ ପ୍ରଭୁ ଭାବଗ୍ରାହୀ

Couplet 105

ଦଇତ୍ୟ ମୋତେ ମାୟା କଲାମୋର ବାଳକ ହରିନେଲା

Couplet 106

ଭଲା ମୁଁ କଲି ଖେଳ ରସମୋର ଗୋପାଳେ ଗଲେ ନାଶ

Couplet 107

ଦଇତ୍ୟ ନେଇ ଗିରିବରେଲୁଚାଇ ଢ଼ାଙ୍କିଛି ଦୁଆରେ

Couplet 108

କୃଷ୍ଣ ଧାଇଁଲେ ଧାତିକାରେମିଳିଲେ ପର୍ବତ କନ୍ଦରେ

Couplet 109

ବେନିବାଳକ ଯାକି କାଖେଦଇତ୍ୟ ଚଳେ ଗିରିପାଖେ

Couplet 110

ତାହାର କେଶ ବାମକରେକୃଷ୍ଣ ଧଇଲେ କୋପଭରେ

Couplet 111

ତକ୍ଷଣେ ନିଜ ରୂପ ହୋଇପଳାଇ ଲୋଡ଼ଇ ଛଡ଼ାଇ

Couplet 112

କୃଷ୍ଣ ଧଇଲେ ତାର ହସ୍ତଘୂରାଇ ପକାଇଲେ ପଥ

Couplet 113

ପଶୁଙ୍କ ପ୍ରାୟ ମୁଣ୍ତମୋଡ଼ିପଡ଼ିଲା ଦେଇ ଘୋରରଡ଼ି

Couplet 114

ତକ୍ଷଣେ ଛାଡ଼ିଲା ଜୀବନକୃଷ୍ଣର ଦେହେ ହେଲା ଲୀନ

Couplet 115

ପର୍ବତ କ୍ରୋଟଦ୍ୱାରେ ଯାଇଦ୍ୱାର ଫେଇଲେ ଭାବଗ୍ରାହୀ

Couplet 116

ଗୋପବାଳକ ଉଦ୍ଧରିଲେଦେବେ କୁସୁମ ବରଷିଲେ

Couplet 117

ଆନନ୍ଦେ ଘେନି ଗୋପବାଳଗୋପେ ବିଜୟ ଆଦିମୂଳ

Couplet 118

ଏବେ ସରିଲା ବନକେଳିମଥୁରା ଯିବେ ବନମାଳୀ

Couplet 119

ତାରିଲେ ଗୋପ ନରନାରୀଭକତ ବନ୍ଧୁ ଦଇତ୍ୟାରି

Couplet 120

ଭକତଜନ ତାରିବାରେଗୋରୁ ଚରାଇ ବନଘୋରେ

Couplet 121

ବାଳକ ରୂପେ ଅବତାରବଢ଼ିଲେ ନନ୍ଦର ମନ୍ଦିର

Couplet 122

ମଥୁରାପୁର ନରନାରୀପୂର୍ବେ ଅଛନ୍ତି ତପ କରି

Couplet 123

ନୟନେ ଦେଖି କୃଷ୍ଣରୂପଖଣ୍ତିବେ ଭବବନ୍ଧ ତାପ

Couplet 124

ସୁଜନଜନେ ଶୁଣ ଧୀରେକୃଷ୍ଣ ଚରିତ କର୍ଣ୍ଣଦ୍ୱାରେ

Couplet 125

ରାମଗୋବିନ୍ଦ ବାଳକେଳିଗୁନ୍ଥି ଲମ୍ବାଅ କଣ୍ଠେ ମାଳୀ

Couplet 126

ଚିତ୍ତ ନିରୋପି କୃଷ୍ଣ ପାୟେନ ବୁଡ଼ ଭବଜଳେ ମୋହେ

Couplet 127

କହଇ ଦାସ ଜଗନ୍ନାଥଗୀତ ବିନୋଦେ ଭାଗବତ

Couplet 128

ଭକତଜନେ ଏହା ଗାଇକୃଷ୍ଣଲୀଳାରେ ମନ ଦେଇ

Couplet 129

ହୋଇବ ଭବଜଳୁଁ ପାରକୃପା କରିବେ ଦାମୋଦର

Couplet 130

ଭକତଜନଙ୍କର ହିତରଚିଲି ଶିରୀଭାଗବତ

Couplet 131

ଶୁଣି ସୁଜନେ ହୁଅ ତୋଷକହଇ ଜଗନ୍ନାଥ ଦାସ