Skandha 10
Adhyaya 39
Couplet 1
ଶୁଣ ପରୀକ୍ଷ ନୃପମଣିସ୍ୱର୍ଗେ ଶୁଭିଲା ଜୟବାଣୀ
Couplet 2
ଆକାଶେ ଥିଲେ ଯେ ନାରଦଜାଣିଲେ ଷଣ୍ଢାସୁର ବଧ
Couplet 3
ଆନନ୍ଦ ମନେ ଦେବ ଋଷିକୃଷ୍ଣ ମହିମା ପରଶଂସି
Couplet 4
ମଥୁରା ନବରେ ମିଳିଲେକଂସ ରାଜାର ସଭାତଳେ
Couplet 5
ଦେଖି ଉଠିଲା ଭୋଜବୀରନମିଲା ମୁନିଙ୍କ ପୟର
Couplet 6
ଆନନ୍ଦେ ଶିରେ କର ଦେଇଆସନେ ବସାଇଲେ ନେଇ
Couplet 7
ସ୍ୱଭାବେ ଭୋଜବଂଶେ ରାଜାମୁନିଚରଣେ କଲା ପୂଜା
Couplet 8
କୁଶଳ ବାରତା ପଚାରିବିଶ୍ୱାସ କରି ପାଦ ଧରି
Couplet 9
କଂସର ଭକ୍ତିରେ ନାରଦକହନ୍ତି ପାଇ ମନେଖେଦ
Couplet 10
ତୁ ରାଜା ମୋହର ବିଶ୍ୱାସହେଳେ ହୋଇବୁ ପ୍ରାଣେ ନାଶ
Couplet 11
ତୋତେ ମୋହର ଚିତ୍ତେ ଦୟାପୂର୍ବେ ମୁଁ କହିଗଲି ଯାହା
Couplet 12
ତୁ ରାଜା ନ ହେଜିଲୁ ମନେଏବେ ମରିବୁ ଅଳ୍ପଦିନେ
Couplet 13
ଶୁଣିଲେ ପାଇବୁ ତୁ ଖେଦମୁଖୁଁ ମୋ' ନସ୍ଫୁରଇ ପଦ
Couplet 14
ଦେବତାମାନେ ତୋ ବଇରୀତୋ'ର ମରଣେ କୂଟ କରି
Couplet 15
ଗୋପେ ଯାଦବେ ଅବତାରଦେବକୀ ବସୁଦେବ ଘର
Couplet 16
ହରିଙ୍କି କରାଇଲେ ଜନ୍ମଭିଣୋଇ କଲା ଏଡ଼େ କର୍ମ
Couplet 17
ଅଷ୍ଟମ ଗର୍ଭେ ଏହା ନାରୀରାତ୍ରେ ପ୍ରସବିଲା ମୁରାରି
Couplet 18
ତୋ'ର ଭିଣୋଇ ତାହା ନେଇଅଇଲା ନନ୍ଦଘରେ ଥୋଇ
Couplet 19
କନ୍ୟାଏ ଥିଲା ତା'ର ଘରେତୁ ତାହା କଚାଡ଼ିଲୁ ଶିଳେ
Couplet 20
ଦେବଙ୍କ ବୋଲେ ମହାମାୟାହୋଇଲେ ବାଳରୂପ କାୟା
Couplet 21
ତୋହର ହାତୁ ଶୂନ୍ୟେ ଗଲାତେବେହେଁ ଜ୍ଞାନ ତୋନୋହିଲା
Couplet 22
କହିଲା ତୋର ମୃତ୍ୟୁଭେଦତେବେହେଁ ନୋହିଲା ତୋ'ଖେଦ
Couplet 23
ରୋହିଣୀ ବସୁଦେବ ନାରୀପଳାଇଗଲେ ତୋତେ ଡ଼ରି
Couplet 24
ତାହାର ଗର୍ଭ ହୋଇଥିଲାସେହି କୁମରେ ପ୍ରସବିଲା
Couplet 25
ହରିର ଅଂଶେ ଅବତାରସେ ତୋତେ ମାରିବେଟି ବୀର
Couplet 26
ରାମ ଗୋବିନ୍ଦ ବେନିଭାଇବଢ଼ିଲେ ଗୋପପୁରେ ଥାଇ
Couplet 27
ବସୁଦେବର ମିତ୍ର ନନ୍ଦସେ ତୋତେକଲା ଏଡ଼େ ଛନ୍ଦ
Couplet 28
ପୂତନା ଆଦି ଷଣ୍ଢା ଯାଏସବୁ ମାଇଲେ ବେନିପୋଏ
Couplet 29
ଇନ୍ଦ୍ରର ଦର୍ପ କରି ଚୂରକରେ ତୋଳିଲା ଗିରିବର
Couplet 30
କାଳୀୟ କାଳିନ୍ଦୀରେ ଥିଲାତାହାର ଡ଼ରେ ପଳାଇଲା
Couplet 31
କେତେ କହିବି ଗୁଣ ତା'ରଦେବଦାନବେ ଅଗୋଚର
Couplet 32
ଏମନ୍ତ ବୋଲି ମୁନିବରକହିଲେ ସମସ୍ତ ବିଚାର
Couplet 33
ଶୁଣି ଅସୁର ଥରହରକାତରେ କମ୍ପଇ ଶରୀର
Couplet 34
ଖଡଗ ଧରି ନିଜ କରେବେଗେ ଉଠିଲା କୋପଭରେ
Couplet 35
ବସୁଦେବକୁ ଅଣାଇଲାଅନେକ ମାଡ଼ ମରାଇଲା
Couplet 36
ହାଣିବ ବୋଲି କୋପଭରନାରଦ ଧଇଲେ ତା' କର
Couplet 37
ନାରଦ ବଚନେ ବିଶ୍ୱାସପାଦେ ଭରିଲା ଲୈାହପାଶ
Couplet 38
ଧନସମ୍ପଦ ଜୂର କଲାବନ୍ଦୀ ମନ୍ଦିରେ ରଖାଇଲା
Couplet 39
କଂସ ଆଗରେ ବ୍ରହ୍ମାସୁତକହନ୍ତି ବଚନ ନିୟତ
Couplet 40
ଶୁଣ ତୁ ଭୋଜ ନୃପନାଥମୁହିଁ କହଇ ତୋ'ର ହି୍ତ
Couplet 41
କୃଷ୍ଣ ଯେ ତୋହର ବଇରୀମର୍ତ୍ତ୍ୟମଣ୍ତଳେ ଅବତରି
Couplet 42
ଅବଶ୍ୟ ମାରିବ ସେ ତୋତେକଂସ ତୁ ଜାଣିଥା ଯୁକତେ
Couplet 43
କୃଷ୍ଣଙ୍କୁ ସଂହାରିଲେ ତୁହିରାଜ୍ୟେଣ ଥିବୁ ସୁସ୍ଥ ହୋଇ
Couplet 44
ବହୁତ ଉପାୟ କରିବୁବୀରଙ୍କ ହସ୍ତେ ମରାଇବୁ
Couplet 45
କେଶୀ ଯେ ଅଛି ତୋ'ର ପାଶସେ ତୋ'ର ଜୀବନ ବିଶ୍ୱାସ
Couplet 46
ପାରଇ ନାନା ମୂର୍ତ୍ତି ଧରିତାହାକୁ ପେଷ ଦଣ୍ତଧାରୀ
Couplet 47
ଏହାର ମରଣେ ତୋହରମାଲେ ଯେ ମୁଷ୍ଟିକ ଚାଣୂର
Couplet 48
ଏହାଙ୍କ ଥା'ନ୍ତେ କିସ ଭୀତିଯାଦବେ ତୋହର ଅପ୍ରୀତି
Couplet 49
ଏମନ୍ତ କହି ବ୍ରହ୍ମାସୁତଆକାଶେ ଚଳିଲେ ତୁରିତ
Couplet 50
ମୁନି ଅନ୍ତରେ ଭୋଜରାୟେଭାଳଇ ଜୀବନର ଭୟେ
Couplet 51
କେଶୀଦଇତ୍ୟକୁ ଅଣାଇଁକହଇ ବିଶ୍ୱାସ କରାଇ
Couplet 52
ତୁ ମୋର ଭ୍ରାତ ସହୋଦରବହନ ଯାଆ ଗୋପପୁର
Couplet 53
ବସୁଦେବର ପୁତ୍ର ଦୁଇରାମଗୋବିନ୍ଦ ବେନିଭାଇ
Couplet 54
ଗୁପତେ ନନ୍ଦଘରେ ଥାଇବଢ଼ିଲେ ବଳବନ୍ତ ହୋଇ
Couplet 55
ଯେତେ ଅସୁର ମୋର ଗଲେଗୋପରେ ଥାଇ ସଂହାରିଲେ
Couplet 56
ଦୁହିଁଙ୍କି କର ପ୍ରାଣେ ନାଶଦେବି ସମ୍ପଦ ଗ୍ରାମ ଦେଶ
Couplet 57
ଜୀବନ ରହିବ ମୋହରହେ ଭ୍ରାତ ବିଳମ୍ବ ନ କର
Couplet 58
କଂସର ଆଜ୍ଞା ଘେନି ଶିରେକେଶୀ ଚଳିଲା ଗୋପପୁରେ
Couplet 59
ଚାଣୁର ମୁଷ୍ଟିକର ମେଳେଦର୍ପିଷ୍ଟ ମହାବଳୀୟାରେ
Couplet 60
ଗଜକୁବଳୟା ମାହୁନ୍ତପାତ୍ର ସାମନ୍ତ ଇଷ୍ଟ ମିତ୍ର
Couplet 61
ଅଣାଇଁ କହଇ ଅସୁରଜଣ ଜଣକେ ଧରି କର
Couplet 62
ଭୋ ବୀର ମୁଷ୍ଟିକ ଚାଣୂରକହି ଯେ ଗଲେ ମୁନିବର
Couplet 63
ବସୁଦେବ ତା' ପୁତ୍ରଦୁଇଗୋପରେ ଅଇଲା ଲୁଚାଇ
Couplet 64
ଗୁପତେ ନନ୍ଦଘରେ ଥାଇବଢ଼ିଲେ ବଳବନ୍ତ ହୋଇ
Couplet 65
ଯେତେକ ବୀର ମୋର ଗଲେଗୋଟିଏ ବାହୁଡ଼ି ନଇଲେ
Couplet 66
ଦିନକୁ ଦିନ ବଳୀୟାରକେମନ୍ତେ କରିବି ସଂହାର
Couplet 67
ତାହାଙ୍କୁ ଅଣାଇବି ଧରିଏଥେ ମାରିବି କୂଟ କରି
Couplet 68
ମାଲବିନ୍ଧାଣେ ମରାଇବିତେବେଟି ଜୀବନ ପାଇବି
Couplet 69
ସେ ମୋର ବୀରଙ୍କୁ ମାଇଲାବନସ୍ତେ କେହି ନ ଦେଖିଲା
Couplet 70
ମୁଁ ଆଣି ମଥୁରାରେ ଥୋଇମାଲଙ୍କ ହସ୍ତେ ତାଙ୍କୁ ଦେଇ
Couplet 71
ମାରନ୍ତେ ଦେଖିବେ ସକଳଯାଦବ ଭୋଜବଂଶ ବୀର
Couplet 72
ରଙ୍ଗସଭାଏ କରାଇବିଏମନ୍ତେ ଶତ୍ରୁ ସଂହାରିବି
Couplet 73
ତୁମ୍ଭେ ସକଳେ ମୋର ମିତ୍ରବେଗେ ନିବାର ନନ୍ଦସୁତ
Couplet 74
ଦେବଇଁ ସମ୍ପଦ ବହୁତଗଜତୁରଙ୍ଗ ଯୂଥ ଯୂଥ
Couplet 75
ଶୁଣ ହୋ ପାତ୍ର ମନ୍ତ୍ରୀ ମୋରମଞ୍ଚା କରାଇବ ଅପାର
Couplet 76
ତୁମ୍ଭେ ସକଳେ ଦେଖୁଥିବମୋହର ଶତ୍ରୁ ନାଶଯିବ
Couplet 77
ଦେବକୀ ବସୁଦେବ ଆସିମଞ୍ଚା ଉପରେ ଥିବେ ବସି
Couplet 78
ତୁମ୍ଭେ କରିବ ମାଲପଣଦେଖିବେ ପୁତ୍ରଙ୍କ ମରଣ
Couplet 79
ମାହୁନ୍ତ ଥିବ ରଙ୍ଗଦ୍ୱାରେବସି କୁବଳୟାପୀଡ଼ରେ
Couplet 80
ମାରିବ ସଭାତଳେ ନେଇଦନ୍ତେ ଗୁନ୍ଥାଇ ବେନିଭାଇ
Couplet 81
ଅନେକ ଧନରତ୍ନ ଦେବିମୋହର ମଇତ୍ର କରିବି
Couplet 82
ଶୁଣ ହୋ ପାତ୍ରମନ୍ତ୍ରୀ ମୋରତୁମ୍ଭେ ଭିଆଅ ଧନୁଘର
Couplet 83
ଶୁକଳ ଚତୁର୍ଦ୍ଦଶୀ ଦିନେପୂଜା କରିବ ରାତ୍ରମାନେ
Couplet 84
ଛେଳି ମହିଷ ବଳିଭୋଜାକ୍ଷେତ୍ରପାଳଙ୍କୁ କର ପୂଜା
Couplet 85
ଘୋଷଣା ଦିଅ ଚାରିଦିଗେଗ୍ରାମ ପାଟଣା ପୁରଲାଗେ
Couplet 86
ଜନପରଜା ରଙ୍କି ଦୁଃଖୀଆସିବେ ଧନୁଯାତ୍ରା ଦେଖି
Couplet 87
ଦେବଇଁ ଧନ ବସ୍ତ୍ର ଅନ୍ନତୁଳାପୁରୁଷ ଆଦିଦାନ
Couplet 88
ଏମନ୍ତ କହି କଂସ ଗଲାଭିତର ପୁରେ ବିଜେକଲା
Couplet 89
ଅକ୍ରୁର ନାମେ ମନ୍ତ୍ରୀବରଯାଦବ ବଂଶେ ବଳୀୟାର
Couplet 90
କଂସର ବିଶ୍ୱାସ ଅପାରଡ଼କାଇ ଆଣିଲା ସତ୍ୱର
Couplet 91
ତାହାର କରେ ହସ୍ତ ଦେଇକହଇ ଏକାନ୍ତେ ବସାଇ
Couplet 92
ଭୋ ମିତ ଶୁଣ ମୋ' ଉତ୍ତରବିଶ୍ୱାସୀ ଅଟୁ ତୁ ମୋହର
Couplet 93
ଇଷ୍ଟ ବନ୍ଧୁରେ ସତ୍ୟ କହିବେଦପୁରାଣେ ଏ ଅଛଇ
Couplet 94
ତୋ' ତହୁଁ ନାହିଁ ଅନ୍ୟ ମିତ୍ରତୁ ମୋର ପ୍ରାଣ ପଞ୍ଚଭୂତ
Couplet 95
ତୋହର ବଳେ ଆଜ ମୁହିଁଶତ୍ରୁ ସଂହାରିତେ ଲୋଡ଼ଇ
Couplet 96
ଯେସନେ ବିଷ୍ଣୁ ଆଶ୍ରେ କରିଦେବେ ହୁଅନ୍ତି ସୁଖଚାରୀ
Couplet 97
ନନ୍ଦଗୋକୁଳେ ବେଗେ ଯାଅମୋହର ହିତେ ଯେବେ ଥାଅ
Couplet 98
ତୋହର ବଳେ ମୁଁ ନିଶ୍ଚିନ୍ତଭୋ ମିତ୍ର କହିଲିଟି ସତ୍ୟ
Couplet 99
ବସୁଦେବର ପୁତ୍ର ଦୁଇରାମଗୋବିନ୍ଦ ବେନିଭାଇ
Couplet 100
ଥୋଇଲା ନେଇ ନନ୍ଦଘରେଲୁଚାଇ ବସୁଦେବ ଡ଼ରେ
Couplet 101
ତୁ ବେଗେ ରଥ ଘେନିଯାଅମୋର ଛାମୁରେ ଆଣିଦିଅ
Couplet 102
ଦେବକୀ ବିଭା ହେଲା ଯେବେମୋତେ ଯା କହିଥିଲେ ଦେବେ
Couplet 103
ସେ କଥା ହୋଇଲା ଯୁକତେନାରଦ କହିଗଲେ ମୋତେ
Couplet 104
ମୋତେ ମାରିବେ ବେନିଭାଇଏ କଥା ଉଚିତ ନୁହଁଇ
Couplet 105
ଗୋକୁଳେ ଥାଇ ବଳୀୟାରମାଇଲେ ଅନେକ ଅସୁର
Couplet 106
ବାଳୁତ କାଳୁଁ ତା'ଙ୍କୁ ଧରିବେଗେ ମୁଁ ପକାଇବି ମାରି
Couplet 107
ତେବେ ମୋହର ମନସ୍ଥିରଭୋ ମିତ୍ର ଧରୁଅଛି କର
Couplet 108
ନନ୍ଦଯଶୋଦାଙ୍କର ସଙ୍ଗେଘେନାଇ ଆସ ଯାଇ ବେଗେ
Couplet 109
ଗୋରସ ଆଣ ଶତେଭାରଧନୁ ଉତ୍ସବ ଯାତ୍ରା ମୋର
Couplet 110
ଅଣାଇ ମଥୁରା ନବରେବନ୍ଦୀ କରିବି ବନ୍ଦୀଘରେ
Couplet 111
ରାମଗୋବିନ୍ଦ ଅଣାଇବିହସ୍ତୀର ଦନ୍ତେ ଗୁନ୍ଥାଇବି
Couplet 112
ଯେବେ ଉବୁରିବେ ସେଠାରୁମାଲେ ଅଛନ୍ତି ମହାମେରୁ
Couplet 113
ଏହାଙ୍କ ହସ୍ତେ ମରାଇବିତେବେ ସେ ଜୀବନ ପାଇବି
Couplet 114
ମେହାର ଯଦୁବଂଶ ବାଦୀସବୁଙ୍କୁ ପକାଇବି ଛେଦି
Couplet 115
ନନ୍ଦଯଶୋଦା ବସୁଦେବଦେବକୀ ଯେତେକ ଯାଦବ
Couplet 116
ଏହାଙ୍କୁ ପେଷି ଯମପୁରତେବେ ଜୀବନ ସ୍ଥିର ମୋର
Couplet 117
ଉଗ୍ରସେନଙ୍କୁ ଧରି ଆଣିଏଠାରେ ପକାଇବି ହାଣି
Couplet 118
ଦେବକନାମେ ତା'ର ଭାଇମୋର ମରଣ ସେ ଲୋଡ଼ଇ
Couplet 119
ମୋର ବଇରୀଛନ୍ତି ଯେତେଭୋ ମିତ୍ର ମାରିବି ଏମନ୍ତେ
Couplet 120
ତେବେ ସେ ମହୀ ଅକଣ୍ଟକେଭୋଗ କରିବି ମୁହିଁ ଏକେ
Couplet 121
ଶ୍ୱଶୁର ଜରାସନ୍ଧ ମୋରସଙ୍ଗାତ ଦ୍ୱିବିନ୍ଦ ବାନର
Couplet 122
ଶୂର ନାରକା ବାଣାସୁରଅଛନ୍ତି ମହା ମହା ବୀର
Couplet 123
ଶାଲ୍ୱକ ଦନ୍ତବକ୍ର ବୀରପୁଣ୍ତ୍ରକ କାଶୀ-ରାଜେଶ୍ୱର
Couplet 124
ଏ ମୋର ସମ ବଳୀୟାରମୋତେ ଡରଇ ସୁନାସୀର
Couplet 125
ଭୋ ମିତ୍ର ଯାଆ ବେଗ ହୋଇଧନୁ ଉତ୍ସବ ଯାତ୍ରା କହି
Couplet 126
ବହନ ଆଣ ବେନିଭାଇମିତ୍ର ମୋହର ଯେବେ ତୁହି
Couplet 127
ସେ ବିଷ୍ଣୁଅଂଶେ ଜାତ ହୋଇରାମଗୋବିନ୍ଦ ବେନିଭାଇ
Couplet 128
ବିଚାରେ ବଳବାନ କରିତା'ଙ୍କ ମରଣ ମନେ ଧରି
Couplet 129
ଯେତେକ ବୀର ମୋର ଗଲେଗୋଟିଏ ବାହୁଡ଼ି ନଇଲେ
Couplet 130
ତାହାଙ୍କ ବଳ ପରିମାଣିବଳେ ନୋହଇ ତା'ଙ୍କୁ ଆଣି
Couplet 131
ତୁ ଯେଣୁ ବିଷ୍ଣୁଭକ୍ତଜନତୋରେ ସଦୟ ଭଗବାନ
Couplet 132
ବହନ କରି ଭାବେ କହିବେଗେ ତୁ ଘେନି ଆସ ଯାଇ
Couplet 133
ଟାଣ ନ କହି ଆଣ ବେଗେରଥେ ବସାଇ ତୋର ସଙ୍ଗେ
Couplet 134
ତୋହର ଭକ୍ତିଭାବ ଘେନିଏଥେ ଆସିବେ ଭାଇ ବେନି
Couplet 135
ଏମନ୍ତ କଂସ ବୋଲ ଶୁଣିଅକ୍ରୁର ମନେ ମନେ ଗୁଣି
Couplet 136
ବୋଲଇ ଶୁଣ ନରନାଥଏ କଥା ତୋହର ଉଚିତ
Couplet 137
ଶତ୍ରୁକୁ ବୁଦ୍ଧିବଳେ ମାରିତେବେ ଜୀବନ ସୁଖେ ଧରି
Couplet 138
କହଇ ଶୁଣ ନୃପବରଦଇବବଳ ବଳୀୟାର
Couplet 139
ଯେ ଯାହା କର୍ମଫଳ ବଳେଭୋଗ କରନ୍ତି ମହୀତଳେ
Couplet 140
ମର୍ତ୍ତ୍ୟେମାନବ ଦେହ ବହିଲାଭ ଅଲାଭ ନ ଜାଣଇ
Couplet 141
ଯେ ଯାହା ପୂର୍ବେ ଥାଇ କରିଭୁଞ୍ଜଇ ସେ ଫଳ ଆବୋରି
Couplet 142
ଶୋକ ହରଷ ବେନିପଥେମିଳନ୍ତି କର୍ମର ଆୟତ୍ତେ
Couplet 143
କର୍ମ ଯେ ବଡ଼ ବୁଦ୍ଧିଦାତାକର୍ମ ହିଁ ଅଲେଖ ବିଧାତା
Couplet 144
ଯେବେ ତୋ' କର୍ମ ବଳୀୟାରଭୋଗ କରିବୁ ଦିବ୍ୟପୁର
Couplet 145
ବିବିଧ ରତ୍ନ ଅଶ୍ୱଗଜକରୀଦଶନଖଟ ଶେଯ
Couplet 146
ଅମୂଲ୍ୟପୁର ବାରସ୍ୱତୀଦେବେ କରିବେ ତୋତେ ସ୍ତୁତି
Couplet 147
ଯଦି ତୋ କର୍ମ ବିଡ଼ମ୍ବନହୋଇବ ଅକାଳ ମରଣ
Couplet 148
ଭଣଜା ହସ୍ତେ ଯେବେ ମୃତ୍ୟୁଯାହା କହିଛି କୁଶକେତୁ
Couplet 149
ଏଥକୁ ନିଷତ ହୋଇଲେଆଉ କି ଥିବ ଦେହ ଭଲେ
Couplet 150
ତୋହର ଆଜ୍ଞା ଶିରେ ଧରିଭୋ ରାଜା ଯିବି ଗୋପପୁରୀ
Couplet 151
ଶୁଣି ସନ୍ତୋଷ ଭୋଜରାଜାଅକ୍ରୁରେ କଲା ଦିବ୍ୟପୂଜା
Couplet 152
କଂସ ପଶିଲା ନିଜ ପୁରଅକ୍ରୁର ହୋଇଲା ବାହାର
Couplet 153
ପଥେ ସେ ବିଚାରଇ ମନେକୃଷ୍ଣଙ୍କୁ ଦେଖିବି କେସନେ
Couplet 154
ସତେ କି ଦେଖିବି ଶ୍ରୀମୁଖଖଣ୍ତିବି କୋଟିଜନ୍ମ ଦୁଃଖ
Couplet 155
ମିଳିଲା ନିଜ ପୁରେ ଯାଇଗୋବିନ୍ଦପାଦେ ଚିତ୍ତ ଦେଇ
Couplet 156
କହଇ ଦାସ ଜଗନ୍ନାଥଅକ୍ରୁର ସଜକଲା ରଥ
Couplet 157
ସେ ରଥ ପଛେ ଥାଇ ଧୀରେମନ ମୋ' ଯାଉ ଗୋପପୁରେ
Couplet 158
ସୁଜନେ ଆସ ସଙ୍ଗମେଳେକୃଷ୍ଣ ଦେଖିବା ବେନିଡ଼ୋଳେ
Couplet 159
ଅକ୍ରୁର ରଥେ ମନ ଥୁଅସଂସାର ବନ୍ଧେ ଧନ୍ଦି ନୁହଁ
Couplet 160
ବାରେ ଦେଖିଲେ କୃଷ୍ଣ ରୂପଆଉ କି ଥିବ ମନେ ତାପ