Adhyaya 38

Couplet 1

ଶୁଣ ରାଜନ ପରୀକ୍ଷିତ୍ଗୋପେ ଅସୁର ଉପଗତ

Couplet 2

ଅରିଷ୍ଟ ନାମେ ଷଣ୍ଢ‹ରୂପୀମିଳିଲା ବନଗିରି ବ୍ୟାପୀ

Couplet 3

ବୃଷଭରୂପୀ ମହାକାୟେଅବନୀ ଖୋଳୁଅଛି ପାୟେ

Couplet 4

ଗର୍ଜଇ ଘୋରନାଦ କରିପାଦେ କମ୍ପଇ ବସୁନ୍ଧରୀ

Couplet 5

ଲାଞ୍ଜ ଉଭାରି ବେଗେ ଧାଇଁଶୃଙ୍ଗେ ଖୋଳଇ ଉଚ୍ଚଭୂଇଁ

Couplet 6

ଅଳପ ଅଳପ ମୂତଇଚକ୍ଷୁ ବୁଜିଣ ପୁଣ ଚାହିଁ

Couplet 7

ଶୁଣି ତାହାର ଘୋରନାଦଗାଈ ଗୁଆଳୀଙ୍କ ବିଷାଦ

Couplet 8

ପତନ ହୋଇ ଗର୍ଭତଳେଦେବେ ଡ଼ରନ୍ତି ସ୍ୱର୍ଗଆଳେ

Couplet 9

ପିଠି ଉପରେ ଚୁଳ ଦେଖିପର୍ବତ ପ୍ରାୟ ଉପଲକ୍ଷ୍ୟି

Couplet 10

ମେଘ ଦିଶନ୍ତି ତା' ଉପରେଶୃଙ୍ଗଯୁଗଳ ତୀକ୍ଷ୍‌ଣଧାରେ

Couplet 11

ଅସୁର ବଡ଼ ଭୟଙ୍କରଗର୍ଜଇ ଅତି ଘୋରତର

Couplet 12

ଗୋପୀଗୋପାଳ ଦେଖି ଡ଼ରେପଳାଇ ଗଳେ ବନଘୋରେ

Couplet 13

ଗୋରୁଏ ପଳାଇଲେ ଦେଖିଭୟେ ବୁଜିଲେ ବେନିଆଖି

Couplet 14

ପଡ଼ିଲା ଗୋପପୁରେ ହୁରିଡ଼ାକନ୍ତି କୃଷ୍ଣନାମ ଧରି

Couplet 15

ରଖ ଗୋକୁଳ ଦାମୋଦରଆମ୍ଭେ ଯେ ଶରଣ ତୋହର

Couplet 16

ବିକଳ ଦେଖିଣ ଗୋକୁଳଧାଇଁଲେ ପ୍ରଭୁ ଆଦିମୂଳ

Couplet 17

ଆନନ୍ଦେ ତୋଳି ବେନି ଭୁଜଡ଼ାକନ୍ତି ପ୍ରଭୁ ଦେବରାଜ

Couplet 18

ଭୟ ନ କର ତୁମ୍ଭେ କେହିଅସୁର ସଂହାରିବି ମୁହିଁ

Couplet 19

ଏମନ୍ତ ବୋଲି ନରହରିଡ଼ାକିଲେ ଷ‹ଣ୍ଢ ନାମ ଧରି

Couplet 20

ରେରେ ଦଇତ୍ୟ ଷଣ୍ଢା‹ସୁରକିପାଁ ଅଇଲୁ ଗୋପପୁର

Couplet 21

ଦୁଷ୍ଟଦଳନ ବାନା ମୋରଆଜି ପେଷିବି ଯମପୁର

Couplet 22

ଧାଇଁଲେ ବାହାନାଦ କରିସ୍ୱର୍ଗେ ଦେଖନ୍ତି ଦେବନାରୀ

Couplet 23

ଗୋବିନ୍ଦ ଦେଲେ କରତାଳଶୁଣି ଅସୁର ଅସମ୍ଭାଳ

Couplet 24

ପଛେ ଅଛନ୍ତି ଭାବଗ୍ରାହୀବାଳକକନ୍ଧେ ହସ୍ତ ଦେଇ

Couplet 25

କୃଷ୍ଣର ଶୁଣି କରତାଳିକୋପେ ଅସୁର ପରଜ୍ୱଳି

Couplet 26

କ୍ଷୁରେ ଖୋଳଇ ମହୀସ୍ଥଳଲାଞ୍ଜ ବୁଲାଇ ଅନ୍ତରାଳ

Couplet 27

ମେଘେ ଉଡ଼ିଲେ ଲାଞ୍ଜବାଏନିଶ୍ୱାସ ଖରତର ବହେ

Couplet 28

ଆଗେ ଉଭାରି ଶୃଙ୍ଗ ଦୁଇଚକ୍ଷୁ ବୁଜିଲା କୃଷ୍ଣେ ଚାହିଁ

Couplet 29

ଷଣ୍ଢ ଧାଇଁଲା ଧାତିକାରେବଜ୍ର ଯେସନେ ଇନ୍ଦ୍ରକରେ

Couplet 30

ଆଗ ହୋଇଲେ ଭାବଗ୍ରାହୀକରେ ଧଇଲେ ଶୃଙ୍ଗ ଦୁଇ

Couplet 31

ଅସୁର ନ ପାରିଲା ଯାଇପଛକୁ ଦେଲେ ହାବୁଡ଼ାଇ

Couplet 32

ଅସୁର ପାଇ ମହାତ୍ରାସଘୁଞ୍ଚିଲା ଭେଡ଼ା ଅଷ୍ଟାଦଶ

Couplet 33

ଯେହ୍ନେ ଉଭାରି ବେନିଗଜପଛେ ଘୁଞ୍ଚିଲେ ଦେବରାଜ

Couplet 34

ଦଇତ୍ୟ ମୂର୍ଚ୍ଛାଗତ ହୋଇପୁଣି ଉଠିଲା ଜ୍ଞାନ ପାଇ

Couplet 35

ଧାଇଁଲା ପବନହୁଁ ଖରଶୃଙ୍ଗ ଧଇଲେ ଚକ୍ରଧର

Couplet 36

ଅସୁର ଦେହେ ପାଦ ଦେଇତଳେ ପାଡ଼ିଲେ ବେଗେ ନେଇ

Couplet 37

ପଛ ଚରଣ ପାଦେ ଚାପିମୁଣ୍ତ ମୋଡ଼ିଲେ ବିଶ୍ୱରୂପୀ

Couplet 38

ଓଦା ବସନ ପ୍ରାୟେ ମୋଡ଼ିତା'ର ମସ୍ତକୁ ଶୃଙ୍ଗ ଝାଡ଼ି

Couplet 39

ମୁଖରୁ ବହିଲା ରୁଧିରବେଗେ ଛାଡ଼ିଲା ମୂତ୍ର ମଳ

Couplet 40

ଚାରିଚରଣ ପ୍ରସାରିଲାଗୋବିନ୍ଦ ମୁଖକୁ ଚାହିଁଲା

Couplet 41

ପ୍ରାଣ ଛାଡ଼ିଲା ମହାବଳୀଦେଖନ୍ତି ସ୍ୱର୍ଗଲୋକେ ମିଳି

Couplet 42

ଦେବେ କରନ୍ତି ପୁଷ୍ପ ବୃଷ୍ଟିଶ୍ରୀକୃଷ୍ଣ ନାଶିଲେ ଅରିଷ୍ଟି

Couplet 43

ଏମନ୍ତେ ଅସୁର ନିବାରିଉଶ୍ୱାସ କଲେ ଗୋପପୁରୀ

Couplet 44

ଗୋପୀ-ଗୋପାଳ ନନ୍ଦମେଳେସ୍ତୁତି କରନ୍ତି ପାଦତଳେ

Couplet 45

ଗୋପୀଏ ଚାହାଁନ୍ତି ଶ୍ରୀମୁଖଖଣ୍ତିଲେ ଭବଭୟ-ଦୁଃଖ

Couplet 46

କୃଷ୍ଣ ଚରଣେ ଦେଇ ଚିତ୍ତକହଇ ଦାସ ଜଗନ୍ନାଥ