Adhyaya 37

Couplet 1

ଶୁଣ ପରୀକ୍ଷ ଦଣ୍ତଧାରୀଗୋପନଗର ନରନାରୀ

Couplet 2

କୃଷ୍ଣ ବନକୁ ଯିବା ଚାହିଁକହନ୍ତି ଯଶୋଦା ବସାଇ

Couplet 3

ଶୁଣ ଗୋ ନନ୍ଦର ଘରଣୀତୋ' ସୁତ କୃଷ୍ଣର କାହାଣୀ

Couplet 4

ବାଙ୍କନୟନ ଚାଳି ଧୀରେମୁରଲୀ ଲଗାଇ ଅଧରେ

Couplet 5

ଅଙ୍ଗୁଳି ବେଣୁ ରନ୍ଧ୍ରେ ଦେଇତ୍ରିଭଙ୍ଗ ଛନ୍ଦେ ଉଭା ହୋଇ

Couplet 6

ବାମକପୋଳ ଢ଼ାଳି ଧୀରେନିବେଶି ବାମ ବାହୁମୂଳେ

Couplet 7

କପାଳେ କସ୍ତୁରୀ ବିରାଜେପୀତବସନ କଟି ସାଜେ

Couplet 8

ଯମୁନା କଦମ୍ବର ମୂଳେବେଣୁ ବଜାନ୍ତେ କୁତୂହଳେ

Couplet 9

ଆକାଶେ ସିଦ୍ଧଗଣ ତୁଲେଦେବକାମିନୀ ମୋହ ଗଲେ

Couplet 10

ଲଜ୍ଜା ଛାଡ଼ିଲେ କାମଭୋଳେକେଶବସନ ଅସମ୍ଭାଳେ

Couplet 11

ଶୁଣ ଗୋ ବେଣୁଧର ମାତାତୋ'ର କୁମର ଚିତ୍ର କଥା

Couplet 12

ହୃଦେ ଲମ୍ବାଇ ବନମାଳଅଳପ ହସି ତୋ'ର ବାଳ

Couplet 13

ବେଣୁ ବଜାଏ ଯେବେ ବନେଆରତ ହୋନ୍ତି ଜନ୍ତୁଗଣେ

Couplet 14

ଗୋରୁ ମହିଷ ମୃଗଯୂଥଶୁଣି ତୋ' ସୁତ ବେଣୁଗୀତ

Couplet 15

ତୃଣ କବଳ ଉପେକ୍ଷିଲେମୁରଲୀ ନାଦେ ଚିତ୍ତ ଦେଲେ

Couplet 16

ବତ୍ସାଏ ମୁଖ ଦେଇ ସ୍ତନେଶୁଣନ୍ତି ମୁଦ୍ରିତ ଲୋଚନେ

Couplet 17

ଚିତ୍ରପ୍ରତିମା ପ୍ରାୟ ହୋଇଜନ୍ତୁଙ୍କ ଚକ୍ଷୁ ନ ଚଳଇ

Couplet 18

ପୁଷ୍ପ ସ୍ତବକେ ଶିଖୀ ପୁଚ୍ଛରଙ୍ଗ ମୃତ୍ତିକା ମାଲକାଛ

Couplet 19

ଆମ୍ଭ କୁମର ଘେନି ସଙ୍ଗେଗୋରୁଙ୍କୁ ଚରାନ୍ତି ସୁରଙ୍ଗେ

Couplet 20

ନଦୀଏ ନ ବହନ୍ତି ଘନେଶୁଣି ତୋ' ସୁତ ବେଣୁସ୍ୱନେ

Couplet 21

ଅତି ସଧୀରେ ବହେ ବାରିପବନେ ଉଜାଣି ଲହରୀ

Couplet 22

ତା' ପାଦରଜେ ଚିତ୍ତ ଦେଇବହଇ କି ସେ ସ୍ଥିର ହୋଇ

Couplet 23

ପବନ ଆଣିବ ଉଡ଼ାଇଆମ୍ଭେ ତରିବୁ ରେଣୁ ପାଇ

Couplet 24

ଆଦି ପୁରୁଷ ପ୍ରାୟ ସେହିଆମ୍ଭ ବାଳକ ସଙ୍ଗେ ଥାଇ

Couplet 25

ଗିରି ନିକଟେ ପଶୁଗଣେଚରନ୍ତି ତୃଣ ତୋଷମନେ

Couplet 26

ଗୋରୁଙ୍କ ନାମ ବେଣୁସ୍ୱନେଡାକନ୍ତି ମଧୁର ବଚନେ

Couplet 27

ଲତାଏ ତରୁଙ୍କୁ ଆବୋରିଫଳ ପଲ୍ଲବ ପୁଷ୍ପେ ଭରି

Couplet 28

ଢ଼ାଳନ୍ତି ଚାମର ପରାଏବସନ୍ତ ସୁଶୀତଳ ବାୟେ

Couplet 29

ବୃକ୍ଷେ ହୋଇଲେ ପୁଲକିତଶୁଣି ତା' ମୁରଲୀର ଗୀତ

Couplet 30

ମଧୁ ବରଷିଲେ ଗହଳଯେହ୍ନେ ନୟନୁ ଅଶ୍ରୁଜଳ

Couplet 31

ସୁନ୍ଦରବର ତୋ କୁମରତୁଳସୀମାଳ ଲମ୍ବେ ଊର

Couplet 32

ଗନ୍ଧେ ଭ୍ରମର ନ ଛାଡ଼ନ୍ତିବେଣୁ ଶବଦେ ଆବୋରନ୍ତି

Couplet 33

ନଦୀ ତଡ଼ାଗ ଜଳେ ଥାଇହଂସ ସାରସେ ସ୍ଥିର ହୋଇ

Couplet 34

ମନ ନିରୋପି ବେଣୁସ୍ୱନେମୁଦ୍ରିତ ହୋଇଲେ ଲୋଚନେ

Couplet 35

ନାନା କୁସୁମେ ବେଶ ହୋଇରୋହିଣୀସୁତ ସଙ୍ଗେ ଥାଇ

Couplet 36

ବେଣୁ ଶବଦେ ତୋ'ର ବଳାଅଶେଷ ବ୍ରହ୍ମାଣ୍ତ ମୋହିଲା

Couplet 37

ଇନ୍ଦ୍ରବଚନେ ମେଘମାଳେସୁନ୍ଦର ଗଗନମଣ୍ତଳେ

Couplet 38

ମିତ୍ରର ଶ୍ରମ ବନେ ଚାହିଁମେଘେ ଢ଼ାଙ୍କିଲେ ଛତ୍ର ହୋଇ

Couplet 39

ଗୋପେ ବିବିଧ ରସେ ପୂରିଶିଖିଛି ବେଣୁନାଦ କରି

Couplet 40

ସପତ ସ୍ୱରେ ବେଣୁବାଇବାଙ୍କନୟନେ ରଙ୍ଗେ ଚାହିଁ

Couplet 41

ତୋ'ର ନନ୍ଦନ ବେଣୁସ୍ୱରେବ୍ରହ୍ମାଶଙ୍କର ଇନ୍ଦ୍ରତୁଲେ

Couplet 42

ମୁନିଙ୍କ ସଙ୍ଗେ ବନ ମଧ୍ୟେମୋହ ହୋଇଲେ ବେଣୁନାଦେ

Couplet 43

ଅପୂର୍ବ ଶୁଣ କୃଷ୍ଣମାଏଧ୍ୱଜ ଅଙ୍କୁଶ ପଦ୍ମ‌ପାୟେ

Couplet 44

ଚିତ୍ରିତ କଲା ବନଭୂଇଁମତ୍ତମାତଙ୍ଗ ପ୍ରାୟ ହୋଇ

Couplet 45

ତା'ର ଚାଲିବା ଦେଖି ମାଏଚାଲିତ ନ ପାରୁଁ ଭେଡ଼ାଏ

Couplet 46

ବୃକ୍ଷଙ୍କ ଗତି ଆମ୍ଭେ ଭଜୁଚାହିଁ ନ ପାରି ଚକ୍ଷୁ ବୁଜୁ

Couplet 47

ମଦନଶରେ ହେଉଁ ଭୋଳଫିଟଇ କବରୀ ଅଞ୍ଚଳ

Couplet 48

ମଣି-ଗୁଞ୍ଜରା ଶିରେ ଧରିଗାଈଙ୍କ ପଛେ ବନେଚାରୀ

Couplet 49

ତୁଳସୀମାଳା ଶୋହେ ହୃଦେଭୁଜ ଗୋପାଳ ପୁଅ କନ୍ଧେ

Couplet 50

ମଧୁର ସ୍ୱରେ ବେଣୁବାଇଚାଲନ୍ତି ଚଉଦିଗେ ଚାହିଁ

Couplet 51

ହରିଣୀଗଣ କୃଷ୍ଣ ଚାହିଁବେଣୁ ଶବଦେ ଚିତ୍ତ ଦେଇ

Couplet 52

ଛାଡ଼ିଣ ସୁତ ଗୃହବାସକ୍ଷଣେ ନ ଛାଡ଼ନ୍ତି ତା' ପାଶ

Couplet 53

ସକଳ ଗୁଣଙ୍କର ସିନ୍ଧୁମୁଖମଣ୍ତଳ ପୂର୍ଣ୍ଣଇନ୍ଦୁ

Couplet 54

ଉତ୍ତରୀଛଳେ କୁନ୍ଦମାଳସଙ୍ଗତେ ଗୋରୁ ଗୋପବାଳ

Couplet 55

କାଳିନ୍ଦୀତଟେ ତୋ' କୁମରହୃଦୟ ଭେଦିଲା ଆମ୍ଭର

Couplet 56

ପବନ ଯୋଗେ ବୃକ୍ଷଡ଼ାଳେଲାଗନ୍ତି ତା'ର ପାଦତଳେ

Couplet 57

ତ୍ରିଦଶେ ବାଦ୍ୟନାଦ କରିସ୍ତୁତି କରନ୍ତି ବ୍ରହ୍ମଚାରୀ

Couplet 58

ବିବିଧ ଅଙ୍ଗଭଙ୍ଗୀ ତା'ରମହିମା କେ କରୁ ଗୋଚର

Couplet 59

ଇନ୍ଦ୍ରର ଛଳେ ତୋ' କୁମରକରେ ତୋଳିଲା ଗିରିବର

Couplet 60

ବ୍ରହ୍ମା ଶଙ୍କର ଆଦିକରିବନ୍ଦିଲେ ତା'ର ପାଦ ଧରି

Couplet 61

ଗୋଧନ ଘେନି ଦିନ ଅନ୍ତେଗୋପେ ସେ ଆସନ୍ତି ଉଷତେ

Couplet 62

ଗୋଧୂଳି ଭୂଷଣ ଶରୀରଜୀବନ ଦହେ ଗୋ ଆମ୍ଭର

Couplet 63

ଗୋପବାଳକ ଇଷ୍ଟଦାତାଦେବକୀ ଦେବୀ ଯା'ର ମାତା

Couplet 64

ନକ୍ଷତ୍ର ପ୍ରାୟ ଗୋପବାଳତୋ' ସୁତ ଶଶାଙ୍କମଣ୍ତଳ

Couplet 65

ବେନିଲୋଚନ ମତ୍ତଭୋଳେନାଚେ ଗୋପାଳ ପୁଅମେଳେ

Couplet 66

ଗୋରୁଙ୍କ ଧୂଳି ମୁଖେ ମିଶିବଦରୀ ଫଳ ପ୍ରାୟ ଦିଶି

Couplet 67

ରତ୍ନକୁଣ୍ତଳ କର୍ଣ୍ଣେ ଶୋହେରୂପେ କୋଟିଏ କାମମୋହେ

Couplet 68

ଚାଲଇ ମତ୍ତଗଜ ଛନ୍ଦମୁଖ ତା ପୂର୍ଣ୍ଣମୀର ଚାନ୍ଦ

Couplet 69

ଆମ୍ଭେ ଗୋ ଚାହିଁ ତା'ର ମୁଖଖଣ୍ତୁ ବିରହ ତାପ ଦୁଃଖ

Couplet 70

ନନ୍ଦଘରଣୀ ଆଗେଯାଇଏମନ୍ତ କୃଷ୍ଣଲୀଳା କହି

Couplet 71

ଗୋଟିଏ କୃଷ୍ଣ ପାଦେ ଚିତ୍ତଦିନକୁ ଦିନ ଅପ୍ରମିତ

Couplet 72

ଛାଡ଼ିଲେ ଭବବନ୍ଧ-ଭ୍ରମକୃଷ୍ଣ ହୁଁ ନ ଜାଣନ୍ତି ଆନ

Couplet 73

ସେ ଗୋପୀଗୋପଙ୍କ ପୟରେମନ ମୋ ରହୁ ନିରନ୍ତରେ

Couplet 74

ନାମ ମୋହର ଜଗନ୍ନାଥଭକତି ଛାଡ଼ି ଅରକ୍ଷିତ

Couplet 75

ବ୍ରାହ୍ମଣକୁଳେ ଜାତ ହୋଇହରି ଭକତି ମୋର ନାହିଁ

Couplet 76

ସୁଜନଜନେ ହରିପଥେସେବକ କରି ନିଅ ମୋତେ

Couplet 77

ନିବିଡ଼-ମୋହ-ଜଡ଼େ ଥାଇକୃଷ୍ଣଚରଣେ ମନ କାହିଁ

Couplet 78

ଏ ଘୋର-ସଂସାର-ସାଗରଏଣେ ହୋ ବିଶ୍ୱାସ ନ କର

Couplet 79

ନିରତେ ଭଜ ଦୃଢ଼ଚିତ୍ତେହରିଚରଣ ଅବିରତେ

Couplet 80

ବ୍ରହ୍ମ ହୁଁ କୀଟ ଜନ୍ମଯାଏସକଳେ ଛାଡ଼ି ମାୟାମୋହେ

Couplet 81

କେବଳ ଗୋବିନ୍ଦ ଭରସାଛାଡ଼ ସକଳ ମାୟା ଆଶା

Couplet 82

ପଥିକ ଯେହ୍ନେ ପଥଶ୍ରମେମିଳନ୍ତି ବୃକ୍ଷର ଆଶ୍ରମେ

Couplet 83

ଶ୍ରମ ସରିଲେ ଯେଝାମତେଚଳନ୍ତି ବୃକ୍ଷ ଥାଇପଥେ

Couplet 84

ଏସନ ସଂସାର କୁଟୁମ୍ବସୁଖ ଦୁଃଖରେ ପରାଭବ

Couplet 85

ଗୋବିନ୍ଦ ବିନା ଆଶ୍ରେ ତା'ରଅନ୍ୟଥା ନାହିଁ ପ୍ରତିକାର

Couplet 86

ପୁରାଣ ଶିରି ଭାଗବତବାଇଙ୍କ ପ୍ରାୟେ କଲି ଗୀତ

Couplet 87

ପଣ୍ତିତେ ନ କରିବା ହାସତୁମ୍ଭ ଶ୍ରୀଚରଣେ ମୁଁ ଦାସ

Couplet 88

ବିନୋଇ ହୋଇଣ ବିଶ୍ୱାସକହଇ ଜଗନ୍ନାଥ ଦାସ