Adhyaya 36

Couplet 1

ଏବେ ହୋ ଶୁଣ ନରନାଥକୃଷ୍ଣ ଚରିତ ଭାଗବତ

Couplet 2

ଦିନେକ ଦେବ ଦଇତ୍ୟାରିସଙ୍ଗତେ ଘେନି ଗୋପନାରୀ

Couplet 3

ବଳଦେବଙ୍କୁ ଘେନି ସଙ୍ଗେମିଳିଲେ ବୃନ୍ଦାବନ ଲାଗେ

Couplet 4

ଶୀତଳ-ବସନ୍ତର ବାୟେବନେ ବିଜୟ ଦେବରାୟେ

Couplet 5

ଶଶାଙ୍କ-କିରଣେ ରଜନୀସୁନ୍ଦର ଦିଶେ ବନଭୂମି

Couplet 6

ରାମଗୋବିନ୍ଦ ଗୋପନାରୀବିବିଧମତେ ନାନାକେଳି

Couplet 7

ମଧ୍ୟେ ବିଜୟ ହଳଧରଗୋପୀ ସାନନ୍ଦେ ଗୀତସ୍ୱର

Couplet 8

କୃଷ୍ଣ କରନ୍ତି ଗୀତନାଦହରିଲେ କାମିନୀ ବିଷାଦ

Couplet 9

କୁନ୍ଦ ମଲ୍ଲିକା ଗନ୍ଧସାରଶୀତଳ ବହଇ ସମୀର

Couplet 10

ଗୋବିନ୍ଦ ଗୀତ ଶୁଣି କର୍ଣ୍ଣେମୂର୍ଚ୍ଛିତ ହେଲେ ପଶୁଗଣେ

Couplet 11

ପୁଲକ ହୋନ୍ତି ବୃକ୍ଷପନ୍ତିସ୍ୱର୍ଗେ ଦେବତା କଲେ ସ୍ତୁତି

Couplet 12

ଶୁଣି ଗୋବିନ୍ଦ ଗୀତନାଦଗୋପୀ ପାଇଲେ ମନେ ଖେଦ

Couplet 13

କଟିମେଖଳା ଝୀନବାସକବରୀ ହୋଇଲା ଉଶ୍ୱାସ

Couplet 14

ମଦନଭୋଳେ ଗୀତଗାଇଗୋପୀ ମୋହିଲେ ଭାବଗ୍ରାହୀ

Couplet 15

ଏମନ୍ତ ଶୁଣି ନରନାଥସର୍ପେ ହୋଇଲା ଶଙ୍ଖଚୂଡ଼

Couplet 16

ଦେଖନ୍ତି ରାମ ବନମାଳୀଗୋପୀଙ୍କ ମଧ୍ୟେ ଆସି ମିଳି

Couplet 17

ଉତ୍ତର ଦିଗୁଁ ଫୁଫୁ କରିଦେଖି ପଳାନ୍ତି ବ୍ରଜନାରୀ

Couplet 18

ଡ଼ାକନ୍ତି ରାମକୃଷ୍ଣ ରଖଏବନେ ହୋଇଲୁ ନିରେଖ

Couplet 19

ଶାŸର୍ଦ୍ଦୁଳେ ଦେଖି ଗୋରୁପଲଯେହ୍ନେ ପଳାନ୍ତି ଅନ୍ତରାଳ

Couplet 20

ଶୁଣି ଧାଇଁଲେ ବେନିଭାଇନଡ଼ର ବୋଲି ଡ଼ାକ ଦେଇ

Couplet 21

କରେ ଉପାଡ଼ି ବେନିଶାଳମିଳିଲେ ଗୋପୀଙ୍କର ମେଳ

Couplet 22

ଯମର ଦୂତ ପ୍ରାୟେ ହୋଇଦେଖି ଶଙ୍ଖଚୂଡ଼ ପଳାଇ

Couplet 23

ଗୋପକାମିନୀ ମଧ୍ୟେ ଥିଲାଜୀବନ ଭୟେ ପଳାଇଲା

Couplet 24

ତାହାର ଶିରେ ମଣି ଚାହିଁବେଗେ ଧାଇଁଲେ ଭାବଗ୍ରାହୀ

Couplet 25

ପଛେ ରହିଲେ ହଳଧାରୀଗୋପକାମିନୀଙ୍କି ଆବୋରି

Couplet 26

ପଛେ ଗୋଡ଼ାନ୍ତେ ନାରାୟଣସର୍ପ ହୋଇଲା ବଳ କ୍ଷୀଣ

Couplet 27

ମୁଷ୍ଟି ପ୍ରହାରି ସର୍ପ ଶିରେମଣି ଘେନିଲେ କୃଷ୍ଣ କରେ

Couplet 28

ଗୋବିନ୍ଦ ମୁଷ୍ଟି ଶିରେ ଲାଗିସର୍ପ ହୋଇଲା ମୋକ୍ଷଭାଗୀ

Couplet 29

ଗୋବିନ୍ଦ ମଣି ଘେନି କରେମିଳିଲେ ରାମର ଛାମୁରେ

Couplet 30

ରାମର କରେ ମଣି ଦେଇପ୍ରଣାମ କଲେ ଭାବଗ୍ରାହୀ

Couplet 31

ସେ ରାମକୃଷ୍ଣ ପାଦଗତେନମଇଁ ଦାସ ଜଗନ୍ନାଥେ

Couplet 32

କର ସୁଦୟା ବେନିଭାଇମରୁଛି ଭବେ ପଡ଼ି ମୁହିଁ