Adhyaya 35

Couplet 1

କହନ୍ତି ଶୁକ ପୁଣ୍ୟକର୍ମାଶୁଣ ହୋ ଶ୍ରୀକୃଷ୍ଣ ମହିମା

Couplet 2

ଦିନେକ ନନ୍ଦ ଆଦି ଲୋକେତୀର୍ଥ ଉତ୍ସ›ବ କଉତୁକେ

Couplet 3

ଅମ୍ବିକାପୂଜାର ବିଧାନେଗୋପୀଗୋପାଳ ତୋଷମନେ

Couplet 4

ଶକଟେ ନାନାଦ୍ରବ୍ୟ ଭରିଗୋପୁଁ ବାହାର ନରନାରୀ

Couplet 5

କାନନେ ମିଳିଲେ ସକଳେନିର୍ମଳ ସରସ୍ୱତୀ କୂଳେ

Couplet 6

ଗୋପାଳେ ନିତ୍ୟକର୍ମ ସାରିପୁଜିଲେ ଶଙ୍କର ଗଉରୀ

Couplet 7

ବିବିଧ ଦ୍ରବ୍ୟ ଉପହାରେତୋଷିଲେ ଭବାନୀଶଙ୍କରେ

Couplet 8

ଗୋରୁ କାଞ୍ଚନ ମିଷ୍ଟଅନ୍ନଶିବ ସନ୍ତୋଷେ ଦେଲେ ଦାନ

Couplet 9

ବୋଲନ୍ତି ଦେବ ତ୍ରିଲୋଚନଆମ୍ଭରେ ହୋଇବା ପ୍ରସନ୍ନ

Couplet 10

ସୁଲଭ ଲତା ତୃଣ ଜଳଯେମନ୍ତେ ଗୋରୁ ଦ୍ୟନ୍ତି କ୍ଷୀର

Couplet 11

ସର୍ବବିପଦ ବିଘ୍ନନାଶଭୋ ଦେବଦେବ ବିଶ୍ୱବାସ

Couplet 12

ଏମନ୍ତ ବୋଲି ସ୍ତୁତି କଲେହର-ଚଣ୍ତିଙ୍କି ଆରାଧିଲେ

Couplet 13

ଆନନ୍ଦେ ବଞ୍ଚିଲେ ଦିବସନୃତ୍ୟଖଟଣି ଗୀତରସ

Couplet 14

ବ୍ରତ ଆଚରି ଶୁଚିମନ୍ତେସେବନେ ଶୋଇଲେ ନିଶ୍ଚିନ୍ତେ

Couplet 15

ନନ୍ଦ ସୁନନ୍ଦ ଆଦିକରିଗୋପର ଯେତେ ନରନାରୀ

Couplet 16

ରଜନୀ ଘୋର ଅନ୍ଧକାରଯଶୋଦା କୋଳେ ଦାମୋଦର

Couplet 17

ଘୋର ଗହନ ଅର୍ଦ୍ଧନିଶିସର୍ପେ ମିଳିଲା ତହିଁ ଆସି

Couplet 18

କେହି ନଦେଖିଲେ ନୟନେମିଳିଲା ନନ୍ଦର ଶୟନେ

Couplet 19

ମୁଖ ବିସ୍ତାରି ମହାକାୟେକୋପେ ଗିଳିଲା କଣ୍ଠଯାଏ

Couplet 20

ସର୍ପଉଦରେ ଥାଇ ନନ୍ଦବିକଳେ ଡ଼ାକଇ ଗୋବିନ୍ଦ

Couplet 21

ହେ କୃଷ୍ଣ ସର୍ପ ବଳୀୟାରଗିଳିଲା ମୋହର ଶରୀର

Couplet 22

ବହନ ଆସ ବେନିଭାଇପିତା ତୁମ୍ଭର ନାଶ ଯାଇ

Couplet 23

ନନ୍ଦର ଦେଖିଣ ବିକଳଗୋପାଳେ ପାଡ଼ନ୍ତି ଚହଳ

Couplet 24

ଉଠି ଧାଇଁଲେ ଧାତିକାରେକାଷ୍ଠ-ପାଷାଣ ଘେନି କରେ

Couplet 25

ସର୍ପ ଉପରେ ନେଇ ପିଟିନନ୍ଦ ଶରୀରେ ଅଛି ଘୋଟି

Couplet 26

କୃଷ୍ଣ ଧାଇଁଲେ ତାହା ଶୁଣିନିଦ୍ରା ଉପେକ୍ଷି ସେହିକ୍ଷଣି

Couplet 27

ସର୍ପକୁ ଦେଖି କୋପଭରେପାଦ ପ୍ରହାରିଲେ ଉପରେ

Couplet 28

କୃଷ୍ଣର ଲାଗି ଶ୍ରୀପୟରପ୍ରାଣ ଛାଡ଼ିଲା ଅଜଗର

Couplet 29

ତକ୍ଷଣେ ନିଜ ରୂପ ହୋଇତେଜେ ବିରାଜେ ବନଭୂଇଁ

Couplet 30

ଦିବ୍ୟପୁରୁଷ ଅବତାରତୁଲ୍ୟ ନୁହଁନ୍ତି ବିଦ୍ୟାଧର

Couplet 31

ଗଞ୍ଜଇ ଦଶଦିଶ ଦେହେପଡ଼ିଲା କୃଷ୍ଣ ପଦ୍ମ‌ପାୟେ

Couplet 32

ଦେଖି ତାହାର ଦିବ୍ୟଭେକହସିଲେ ପ୍ରଭୁ ପଦ୍ମମୁଖ

Couplet 33

ବିବିଧ ରତ୍ନମାଳ ରେଖଶରଦଚନ୍ଦ୍ର ପାୟେ ମୁଖ

Couplet 34

ବିବିଧ ଆଭରଣ ଦେହେଶିର ଦେଇଛି କୃଷ୍ଣପାୟେ

Couplet 35

ବୋଲନ୍ତି ଦେବକୀନନ୍ଦନକୋମଳ ମଧୁର ବଚନ

Couplet 36

ଏ ତ ଅଟଇ ବିପରୀତସର୍ପ ଉଦରୁ ତୋର ଜାତ

Couplet 37

ତୋ ରୂପେ ପଟାନ୍ତର ନାହିଁକିପାଇଁ ଥିଲୁ ସର୍ପ ହୋଇ

Couplet 38

କହ ଏ କେବଣ ବେଭାରଶୁଣିତେ ଶରଧା ମୋହର

Couplet 39

ସଂସାରେ ତୋ'ର ରୂପ ଦେଖିପିଛାଡ଼ି ନ ପାରନ୍ତି ଆଖି

Couplet 40

ଏଗତି ପାଇଲୁ କେମନ୍ତେସର୍ପଶରୀର ବିପରୀତେ

Couplet 41

କୃଷ୍ଣବଚନ ଶୁଣି ଧୀରେକରଅଞ୍ଜଳି ଦେଇ ଶିରେ

Couplet 42

ବେନି ଲୋଚନୁ ବହେ ନୀରବୋଲଇ ଶୁଣ ବେଣୁଧର

Couplet 43

ଭୋ ନାଥ ଶୁଣିମା ଅନନ୍ତମୁଁ ଇନ୍ଦ୍ର ଦେବତାର ସୁତ

Couplet 44

ଅତି ସୁନ୍ଦର ରୂପ ଦେଖିପିତା ମୋ' ନାମ ଉପଲକ୍ଷ୍ୟି

Couplet 45

ରୂପେ ମୋହିଲି ତିନିପୁରସୁଦରଶନ ନାମ ମୋର

Couplet 46

ଶୁଣିମା ପ୍ରଭୁ ଦାଶରଥିଗର୍ବେ ହୋଇ ମୁଢ଼ମତି

Couplet 47

ଅଙ୍ଗିରା ଋଷିଙ୍କର ବାଳେଖେଳନ୍ତି କଳ୍ପବୃକ୍ଷ ତଳେ

Couplet 48

ଦଇବେ ଋଷିଙ୍କ କୁମରତପସାଧନେ ଅସୁନ୍ଦର

Couplet 49

ତାହାଙ୍କୁ ବୋଇଲି ଧିକ୍କାରିଏ ଦେହ କିପାଁ ଅଛ ଧରି

Couplet 50

ଦେଖ ମୋହର ଦିବ୍ୟରୂପଶ୍ରମେ କି ସାଧୁଅଛ ତପ

Couplet 51

ରକତ ମାଂସ ଦେହେ ନାହିଁଶୁଭ୍ର ଦିଶିବ ତୁମ୍ଭେ କାହିଁ

Couplet 52

ମୁଖକୁ ନାହିଁ ପଟାନ୍ତରଯେସନେ ଚମ୍ପକ ବାନର

Couplet 53

କର ଚରଣ ବେକ ଜିଣିଯେସନେ ଭଲ୍ଲୁକ ଚାହାଣି

Couplet 54

ଏମନ୍ତ ଉପହାସ କଲିଖେଳର ସ୍ଥାନରେ ମିଳିଲି

Couplet 55

ଶୁଣି ଚାହିଁଲେ କୋପବହିବୋଇଲେ ସର୍ପ ହୁଅ ତୁହି

Couplet 56

କୁତ୍ସିତ ଅଜଗର ରୂପୀରହିବୁ ବନଗିରି ବ୍ୟାପୀ

Couplet 57

ବନଗହନେ ପାଅ ଦୁଃଖଯେହୁ ପଡ଼ିବ ତୋର ମୁଖ

Couplet 58

ସେ ବଳି ହୋଇବ ତୋହରପାଇଲେ କରିବୁ ଆହାର

Couplet 59

ଗରବ ବହିଲୁ ଯେ ମନେସର୍ପ ତୁ ହୁଅ ବୃନ୍ଦାବନେ

Couplet 60

ଶୁଣି ଯୋଡ଼ିଲି ବେନିକରଭୟେ କମ୍ପିଲି ଥରହର

Couplet 61

ପଡ଼ି ତାହାଙ୍କ ପାଦତଳେକାନ୍ଦିଲି ଜୀବନ ବିକଳେ

Couplet 62

ମୋ'ର ବିକଳ ଦେଖି ମନେଦୟା ବସିଲା ମୁନିଜନେ

Couplet 63

ବୋଇଲେ ଯାଅ ମଞ୍ଚପୁରଏ ଦେହେ ହୁଅ ଅଜଗର

Couplet 64

ମଥୁରା ବୃନ୍ଦାବନ ଲାଗେଗୋବର୍ଦ୍ଧନର ପୂର୍ବଭାଗେ

Couplet 65

ସାରଦା ନଦୀର ଉତ୍ତରରେଥାଅ ତୁ କୁଞ୍ଜବନ ଘୋରେ

Couplet 66

ଭାରା-ନିବାରଣେ ମୁରାରିମନୁଷ୍ୟଦେହେ ଅବତରି

Couplet 67

ଗୋପାଳ ମେଳେ ଯାତ୍ରାକାଳେଭେଟିବୁ ସରସ୍ୱତୀକୂଳେ

Couplet 68

ନନ୍ଦକୁ ଗିଳିବୁ ତୁ ଯାଇଦେଖି ଧାଇଁବେ ଭାବଗ୍ରାହୀ

Couplet 69

ତୋହର ଉପରେ ଶ୍ରୀଧରକୋପେ ପ୍ରହାରିବେ ପୟର

Couplet 70

ତେବେ ହୋଇବୁ ଶାପୁଁ ପାରପୁଣି ଆସିବୁ ନିଜପୁର

Couplet 71

ତେଣୁ ହୋଇଲି ଅଜଗରତୁ ହରି କଲୁ ମୋତେ ପାର

Couplet 72

ତୁ ଯେ ଜଗତଜନ ବନ୍ଧୁମୋତେ ଉଦ୍ଧର ଦୟାସିନ୍ଧୁ

Couplet 73

ମୋତେ ପ୍ରସନ୍ନ ହୁଅ ହରିପୁରାଣ- ପୁରୁଷ-ମୁରାରି

Couplet 74

ଲାଗିଣ ତୋହର ପୟରହୋଇଲି ପ୍ରହ୍ମଶାପୁଁ ପାର

Couplet 75

ଭୋନାଥ ଶରଣ ତୋହରଅଶେଷ-ବ୍ରହ୍ମାଣ୍ତ-ଠାକୁର

Couplet 76

ଏବେ ମୁଁ ହୋଇଲି ମୁକତମେଲାଣି ଦିଅ ଜଗନ୍ନାଥ

Couplet 77

ତୋହର ନାମ କର୍ଣ୍ଣେ ଶୁଣିତରନ୍ତି ଭବଜଳୁଁ ପ୍ରାଣୀ

Couplet 78

ଧନଜୀବନ ଆଦି କରିପବିତ୍ର ହୋନ୍ତି ନରନାରୀ

Couplet 79

ତୋହର ପାଦ ଲାଗି ମୁହିଁନିସ୍ତାର ହୋଇଲି ଗୋସାଇଁ

Couplet 80

ସୁଦରଶନ ଏତେ କହିପୟରେ ଶିର ଦେଲା ନେଇ

Couplet 81

କୃଷ୍ଣଙ୍କୁ ପ୍ରଦକ୍ଷିଣ କଲାତକ୍ଷଣେ ଗଗନେ ଚଳିଲା

Couplet 82

ଦେବବିମାନେ ବସି କରିଯାଇ ମିଳିଲା ସ୍ୱର୍ଗପୁରୀ

Couplet 83

ନନ୍ଦକୁ ରଖିଲେ ଗୋବିନ୍ଦଗୋପାଳେ ଦେଖିଣ ଆନନ୍ଦ

Couplet 84

କୃଷ୍ଣ ମହିମା ଗୁଣ ଦେଖିଗୋପଗୋପୀ ଭୟ ଉପେକ୍ଷି

Couplet 85

ସୁଖେ ପହିଲା ଘୋର ନିଶିରବିକିରଣ ପରକାଶି

Couplet 86

ହରଗଉରୀ ପୂଜା ସାରିଗୋପେ ଚଳିଲେ ନରନାରୀ

Couplet 87

ଗୋପାଳେ ସକଳ ସମ୍ଭାରଘେନି ଚଳିଲେ ଗୋପପୁର

Couplet 88

ଯା'ନ୍ତେ କହନ୍ତି କୃଷ୍ଣକଥାଛାଡ଼ିଲେ ମନୁ ଦୁଃଖ ଚିନ୍ତା

Couplet 89

ଇନ୍ଦ୍ର କୁମରେ କୃଷ୍ଣ ତାରିଗୋପେ ବିଜୟ ନରହରି

Couplet 90

ପରୀକ୍ଷେ ଶୁକମୁନି କହେସୁଜନଜନେ କର ଲୟେ

Couplet 91

କହଇ ଦାସ ଜଗନ୍ନାଥହରିଚରିତ ଭାଗବତ