Adhyaya 34

Couplet 1

କହନ୍ତି ବ୍ୟାସଙ୍କ ତନୁଜଶୁଣ ପରୀକ୍ଷ ମହାରାଜ

Couplet 2

ଗୋପୀଏ କୃଷ୍ଣ ବୋଲ ଶୁଣିଚିନ୍ତା ଛାଡିଲେ ମନେ ଗୁଣି

Couplet 3

ସେ ବାଲିକୁଦେ ହୃଷୀକେଶଆରମ୍ଭ କଲେ କେଳିରସ

Couplet 4

ରାସଉତ୍ସ›ବେ ବ୍ରଜନାରୀଏକର କର ଆରେ ଧରି

Couplet 5

ଅନନ୍ତ ମାୟାଯୋଗ କରିଷୋଳସହସ୍ର ରୂପ ଧରି

Couplet 6

ଗୋପୀ କେ ଗୋବିନ୍ଦ ଗୋଟିଏସ୍ୱର୍ଗେ ଦେଖନ୍ତି ଦେବତାଏ

Couplet 7

କେ କଣ୍ଠତଟେ ଭିଡ଼ି ତୋଷେଚୁମ୍ବନ ଦିଅନ୍ତି ହରଷେ

Couplet 8

କୃଷ୍ଣର ଦେଖି କ୍ରୀଡ଼ାରସତ୍ରିଦଶେ ହୋଇଲେ ହରଷ

Couplet 9

ଗନ୍ଧର୍ବ ଯକ୍ଷ ଅପସରୀବିମାନେ ଗଗନେ ସଞ୍ଚରି

Couplet 10

ଦେଖନ୍ତି ଗୋବିନ୍ଦର କେଳିସପତ-ସ୍ୱର୍ଗଲୋକେ ମିଳି

Couplet 11

ଦୁନ୍ଦୁଭିନାଦ ଗୀତସ୍ୱରେକୁସୁମ ବରଷନ୍ତି ଶିରେ

Couplet 12

ଗନ୍ଧର୍ବେ ଅପସରୀ ମେଳେନୃତ୍ୟ କରନ୍ତି ରସଭୋଳେ

Couplet 13

ହରି-ବିନୋଦେ ବ୍ରଜନାରୀଆନନ୍ଦେ ବୃନ୍ଦାବନେ ପୁରି

Couplet 14

ଅମରେ ସ୍ୱଦାରା ସହିତେବିମାନେ ବସି ଶୂନ୍ୟପଥେ

Couplet 15

ଦେଖନ୍ତି ଗୋବିନ୍ଦର ନୃତ୍ୟସମସ୍ତେ ହୋଇ ମୋହଗତ

Couplet 16

ଗୋପୀଙ୍କ ଢ଼ଳିବାର ଗତିଅଙ୍ଗଭଙ୍ଗିମା ଝଲକନ୍ତି

Couplet 17

ବଳୟ ନୂପୁର ଶବଦେକିଙ୍କିଣି ତାଳ ଗୀତନାଦେ

Couplet 18

କେହି ନ ଶୁଣନ୍ତି ଗହଳେକୃଷ୍ଣର ମାୟାଯୋଗ ବଳେ

Couplet 19

ନୀଳପର୍ବତ ମଧ୍ୟେ ହରିଯେସନେ ସୁବର୍ଣ୍ଣପାଚେରୀ

Couplet 20

ଗୋପୀଙ୍କ ମଧ୍ୟେ ଶିରୀରଙ୍ଗସୁନ୍ଦର କୋଟିଏ ଅନଙ୍ଗ

Couplet 21

ନୃତ୍ୟ କରନ୍ତି ଗୋପନାରୀଗୀତେ ମୋହିଲେ ନରହରି

Couplet 22

ବେନି ଯୁବତୀ କନ୍ଧେ କରଦେଇଣ ଉଭା ଚକ୍ରଧର

Couplet 23

ଏ ବିଧି ସବୁ ନାରୀ କନ୍ଧେଭୁଜଯୁଗଳ ଦେଇ ଛନ୍ଦେ

Couplet 24

ଯେହ୍ନେ କନକକଣ୍ଠି ବେନିମଧ୍ୟରେ ଶୋହେ ନୀଳମଣି

Couplet 25

ହୋଇଣ ଅନେକ ପୀରତିମଣ୍ତଳ ଆକାର ଯୁବତୀ

Couplet 26

ପାଦ ଚାଳନ୍ତି ଅଙ୍ଗଭଙ୍ଗେଭ୍ରୁକୁଟି କୁଟିଳ ଅପାଙ୍ଗେ

Couplet 27

କୁଚମଣ୍ତଳୁ ବସ୍ତ୍ର ଚଳିନାଚନ୍ତି ଦେଇ କରତାଳି

Couplet 28

ମୁଖେ ଶୋହଇ ଶ୍ରମଝାଳକବରୀ ଖସି ଫୁଲମାଳ

Couplet 29

ବସ୍ତ୍ର ପଡ଼ଇ ଫିଟି ତଳେକଟୀମେଖଳା ଅସମ୍ଭାଳେ

Couplet 30

ବିଜୁଳି ଯେହ୍ନେ ନୀଳମେଘେଦିଶନ୍ତି ଗୋବିନ୍ଦର ଲାଗେ

Couplet 31

ଗୋପୀଏ ମିଳି ନୃତ୍ୟରସେଗାବନ୍ତି ଗୀତ ମନତୋଷେ

Couplet 32

ଅତି ସୁସ୍ୱରେ କଲେ ଗାନଶବଦେ ପୂରିଲା ଗଗନ

Couplet 33

ଏକ ଗୋପିକା କୃଷ୍ଣ ସଙ୍ଗେଆଳାପ କଲା ଗୀତରାଗେ

Couplet 34

ଷଡ଼ଜ ଆଦି ପଞ୍ଚସ୍ୱରମୋହିଲା କମଳାର ବର

Couplet 35

ସେ ନାଦ ଘେନି ଆର ଗୋପୀଆଳାପ କଲାକ ନିରୋପି

Couplet 36

ଧ୍ରୁବତାଳରେ ବିଶ୍ରାମିଲାଶୁଣି ହସନ୍ତି ନନ୍ଦବଳା

Couplet 37

କେ ଶ୍ରମେ କୃଷ୍ଣ ପାଶେ ଥାଇଭୁଜେ ଆଲିଙ୍ଗନ କରଇ

Couplet 38

କୃଷ୍ଣର କନ୍ଧେ ଦେଇ ହସ୍ତଶିଥିଳ ହେଲା ଝୀନବସ୍ତ୍ର

Couplet 39

କବରୀ ଫିଟି ଫୁଲମାଳେଅବନୀ ପଡ଼ିଲେ ଗହଳେ

Couplet 40

ଶ୍ରୀକୃଷ୍ଣ ଭୁଜ ଧରି ଗୋପୀଆଘ୍ରାଣ କଲା ଶ୍ୱାସ କ୍ଷେପି

Couplet 41

ଚନ୍ଦନେ ସାମଳିଲା ହୋଇଉତ୍ପଳ ପ୍ରାୟେକ ବାସଇ

Couplet 42

ଆଘ୍ରାଣ କରି ନାସା ଦ୍ୱାରେରୋମାଞ୍ଚ ହୋଇଲା ଶରୀରେ

Couplet 43

କେ ଗୋପୀ ନାଟଶ୍ରମ ପାଇଗୋବିନ୍ଦ କର୍ଣ୍ଣମୂଳେ ଯାଇ

Couplet 44

କୁଣ୍ତଳ ତଳେ ମୁଖ ଦେଲାଚୁମ୍ବନ୍ତେ ତାମ୍ବୁଳ ପାଇଲା

Couplet 45

କେ ଭୁଜ ଧରି କୁଚେ ଚାପିକେ ମୁଖେ ଚାହାଁନ୍ତି ନିରୋପି

Couplet 46

କଟିମେଖଳା କ୍ଷୁଦ୍ରଘଣ୍ଟିଶବଦ କରି ନୃତ୍ୟେ ଫୁଟି

Couplet 47

ଗୋବିନ୍ଦ କର ଦେଇ ଶିରେଶ୍ରମ ଛାଡ଼ିଲେ ସୁଖଭରେ

Couplet 48

କୃଷ୍ଣଙ୍କୁ କାନ୍ତପଣେ ପାଇଗୋପୀ ରମିଲେ ତୋଷ ହୋଇ

Couplet 49

ହରିର କଣ୍ଠେ ଭୁଜ ଦେଇତୋଷେ ରମିଲେ ଗୀତ ଗାଇ

Couplet 50

ନୀଳ ଉତ୍ପଳ ଗୋପୀ କର୍ଣ୍ଣେଅଳକେ ଶୋହେ ଝାଳ ଶ୍ରମେ

Couplet 51

ବଳୟ ନୂପୁର ଶବଦେଗୋବିନ୍ଦ ନାଚନ୍ତି ଆନନ୍ଦେ

Couplet 52

ଭ୍ରମିଣ ରଙ୍ଗେ ନୃତ୍ୟକରିରାସ ଉ›ତ୍ସବେ ବ୍ରଜନାରୀ

Couplet 53

କବରୀ ଫିଟି ଫୁଲମାଳକଟିମେଖଳା ଅସମ୍ଭାଳ

Couplet 54

ଏମନ୍ତେ ନାନାରସ ବନ୍ଧେଗୋବିନ୍ଦ ରମନ୍ତି ଆନନ୍ଦେ

Couplet 55

କୁବେର ଯେହ୍ନେ ଗିରିଶିଖେକିନ୍ନରୀ ରମେ ଆତ୍ମା ସୁଖେ

Couplet 56

ବାଳକ ନିଜ ବିମ୍ବ ଦେଖିଖେଳଇ ଯେହ୍ନେ ହୋଇ ସୁଖୀ

Couplet 57

କୃଷ୍ଣର ଅଙ୍ଗସଙ୍ଗ ଲାଗିଗୋପୀ ହୋଇଲେ ଶ୍ରମଭାଗୀ

Couplet 58

କେଶ ବସନ ସ୍ତନବାସଖସିଲେ ଭୂଷଣ ଅଶେଷ

Couplet 59

କୃଷ୍ଣର କ୍ରୀଡ଼ାରସ ଦେଖିତ୍ରିଦଶବଧୂଜନେ ସୁଖୀ

Couplet 60

ନକ୍ଷତ୍ରଗଣ ଚନ୍ଦ୍ର ସଙ୍ଗେସକଳେ ପୀଡ଼ିଲେ ଅନଙ୍ଗେ

Couplet 61

ଗୋପୀକେ କୃଷ୍ଣରୂପ ହୋଇଲୀଳାବିନୋଦେ ଭାବଗ୍ରାହୀ

Couplet 62

ଯାହାର ନାହିଁ ରୂପରେଖଗୋପୀଙ୍କି ଦେଲେ ଆତ୍ମା ସୁଖ

Couplet 63

ଗୋପୀଙ୍କ ମୁଖେ ଘର୍ମ ଚାହିଁକରେ ପୋଛନ୍ତି ଭାବଗ୍ରାହୀ

Couplet 64

ଯେ ଯାହା ଅଳଙ୍କାର ଭରିଗୋପୀ ଚାହାନ୍ତି ନରହରି

Couplet 65

କୃଷ୍ଣ ନଖକ୍ଷତ ପାଇଁଆନନ୍ଦେ ପୁଲକିତ ହୋଇ

Couplet 66

କୃଷ୍ଣର କର୍ମଗୁଣ ମୁଖେକହନ୍ତି ଏକକୁ ଆରକେ

Couplet 67

ବ୍ରଜକାମିନୀ ଘେନି ସଙ୍ଗେସ୍ତନକୁଙ୍କୁମ କୃଷ୍ଣ ଅଙ୍ଗେ

Couplet 68

ବ୍ରହ୍ମଯାମିନୀ ଅବଶେଷସମୟ ଜାଣି ହୃଷିକେଶ

Couplet 69

ଜଳକ୍ରୀଡ଼ାକୁ ମନ କରିଗୋପୀଙ୍କି ଘେନି ବନମାଳୀ

Couplet 70

ପଶିଲେ କାଳିନ୍ଦୀ ଭିତରେଶ୍ରମ-ଆରତ ଖଣ୍ତିବାରେ

Couplet 71

କରିଣୀଯୂଥେ ଗଜ ଯେହ୍ନେଗୋପୀଙ୍କ ଶ୍ରମ ଜାଣି ମନେ

Couplet 72

ଗୋବିନ୍ଦ ଦେହେ ଗୋପନାରୀଜଳ ସିଞ୍ଚନ୍ତି କରେ ଧରି

Couplet 73

କଟାକ୍ଷେ ଚାହାଁନ୍ତି ଶ୍ରୀମୁଖଖଣ୍ତିଲେ କୋଟିଜନ୍ମ ଦୁଃଖ

Couplet 74

ବିମାନେ ଥାଇ ଦେବନାରୀପୁଷ୍ପ ବରଷି ସ୍ତୁତି କରି

Couplet 75

ଗଜେନ୍ଦ୍ର ପ୍ରାୟ ରଙ୍ଗମେଳେଲୀଳା ବିନୋଦେ ନଦୀଜଳେ

Couplet 76

ଚନ୍ଦ୍ର କିରଣେ ବନଭୂମିସୁନ୍ଦର ପ୍ରକାଶେ ଯାମିନୀ

Couplet 77

ବ୍ରଜଅବଳା ଘେନି ସଙ୍ଗେକୃଷ୍ଣ କ୍ରୀଡ଼ନ୍ତି ସୁଖରଙ୍ଗେ

Couplet 78

ଯାହାର ନାହିଁ ରସଚ୍ୟୁତଅଚ୍ୟୁତ ନାମ ତେଣୁ ଖ୍ୟାତ

Couplet 79

ଶୁଣି ଅଭିମନ୍ୟୁନନ୍ଦନଚାହିଁଲେ ଶୁକଙ୍କ ବଦନ

Couplet 80

ସଭୟେ କହଇ ମଧୁରଚରଣେ ଦେଇ ବେନିକର

Couplet 81

ଭୋ ମୁନି ଅସମ୍ଭବ ବାଣୀସଂଶୟ ଲାଗିଲା ତ ଶୁଣି

Couplet 82

ମନୁଷ୍ୟ ଅଂଶେ ଜାତ ହୋଇଅଖିଳ-ବ୍ରହ୍ମାଣ୍ତ-ଗୋସାଇଁ

Couplet 83

ଅଧର୍ମ ନାଶିବାର ଆଶେଜାତ ହୋଇଲେ ଯଦୁବଂଶେ

Couplet 84

ଧର୍ମ‌ପାଳନ ନରହରିସେ କିପାଁ ଅଧର୍ମ ଆଚରି

Couplet 85

ଜଗତଜନ ଗୁରୁ ପିତାନୀତି ଅନୀତି ଅଧିଷ୍ଠାତା

Couplet 86

ଯା' ନାମ ମୁକତିପସରାସେ କିପାଁ କଲେ ପରଦାରା

Couplet 87

ମହାନିଶାରେ ଜଳେ ପଶିକ୍ରୀଡ଼ା କଲେକ ବ୍ରହ୍ମରାଶି

Couplet 88

ବେଦ-ବିରୋଧୀ କର୍ମ କରିନିଷେଧବନ୍ଧ ପରିହରି

Couplet 89

ସଂସାରେ ନୁହିଁଇ ଏ ଭଲକର୍ମକାଣ୍ତକୁ ଯେହୁ ସଲ

Couplet 90

ଈଶ୍ୱର ହୋଇ ହୀନକର୍ମକିପାଁ ଛାଡ଼ିଲେ ନିଜ ଧର୍ମ

Couplet 91

ନିଜ ମହିମା ଆତ୍ମାରତସେ କିମ୍ବା କଲେ ବିପରୀତ

Couplet 92

କି ଅଭିପ୍ରାୟ ନ ଜାଣଇସଂଶୟ ଛେଦ ମୋ ଗୋସାଇଁ

Couplet 93

ରାଜା ବଦନ ଚାହିଁ ମୁନିକହନ୍ତି କୃଷ୍ଣ ଭାବ ଘେନି

Couplet 94

ଶୁଣ ରାଜନ ଭାଗବତଏ ବଡ଼ଲୋକଙ୍କର ମତ

Couplet 95

ଏହାଙ୍କ କର୍ମ ବିପରୀତଯେଣୁ ଏ ତେଜେ ବଳବନ୍ତ

Couplet 96

ତେଣୁଟି ଦୋଷଗୁଣ ନାହିଁଅଗ୍ନି ଯେସନେ ସର୍ବ ଦହି

Couplet 97

ସତ୍ୟପୁରୁଷ ଆତ୍ମାରତଆବୋରି ଅଛଇ ଜଗତ

Couplet 98

ତୁ ଅବା ବେଦକର୍ମ କହୁବେଦପାଦରୁ ଜନ୍ମ ଯେହୁ

Couplet 99

ତେଣୁ ସେ ନମାନନ୍ତି ତାହାଖଟାନ୍ତି ପରିଚାରେ ଯାହା

Couplet 100

ଏହାଙ୍କ ମତ ଯେ ଆଚରିମନବଚନେ ଦେହ ଧରି

Couplet 101

ତୁ ଅବା ବୋଲୁ ମହିଲୋକେଏକଥା କରିବେଟି ଥୋକେ

Couplet 102

ବଡ଼ର କର୍ମ ଅନୁସରିସାନ କି ତାହା କରିପାରି

Couplet 103

ଯେବେ କରିବେ ମୂଢ଼ପଣେନାଶ ହୋଇବେ ତତ୍‌କ୍ଷଣ

Couplet 104

ଜଳଧିମନ୍ଥନର ବିଷରୁଦ୍ରହୁଁ ଆନେ ନାହିଁ ଗ୍ରାସ

Couplet 105

କୃଷ୍ଣ ଯେ ଧଇଲେ ମନ୍ଦରଦ୍ୱାଦଶଯୁଣ ଗିରିବର

Couplet 106

ଆନର ଶକ୍ୟ ନୋହେ କରିଅଙ୍ଗୁଳି ଅଗ୍ରେ ଗିରି ଧରି

Couplet 107

ଏହାଙ୍କ ବଚନ ହିଁ ସତ୍ୟଆନ ନ କରନ୍ତି ଏମନ୍ତ

Couplet 108

ଯେ ବୁଦ୍ଧିମନ୍ତ ସାଧୁ ଧୀରସେ ନ କରିବେ ଏ ବେଭାର

Couplet 109

ଈଶ୍ୱର ଆଦିଙ୍କର ମତଅଳପଜନେ ବିପରୀତ

Couplet 110

ପଶୁ-ମନୁଷ୍ୟ-ଦେବଙ୍କରଈଶ୍ୱରଙ୍କର ସେ ଈଶ୍ୱର

Couplet 111

ଯାହାର ଦେହବୁଦ୍ଧି ନାହିଁଶୁଭ-ଅଶୁଭ ତାର କାହିଁ

Couplet 112

ଯାହାର ପାଦପଦ୍ମ ଧୂଳିଆନନ୍ଦ ହୋଇ ଶିରେ ବୋଳି

Couplet 113

ନିଶ୍ଚଳ ଯୋଗେ ଶ୍ରମ କରିକର୍ମ ନାଶନ୍ତି ବ୍ରହ୍ମଚାରୀ

Couplet 114

ଯାହାର ପଦ୍ମ‌ପାଦ ବାରିଆନନ୍ଦେ ଶିବ ଶିରେ ଧରି

Couplet 115

ତାହାର ଜନ୍ମବନ୍ଧ ନାହିଁଇଚ୍ଛା ସମ୍ପଦ ଯା'ର ଦେହୀ

Couplet 116

ଗୋପୀ ଗୋପାଳ ଆଦିକରିଜନ୍ତୁ ଜୀବନ ଯେ ଆବୋରି

Couplet 117

ଜଗତଜନ ତାରିବାରେଯେ ଜାତ ମନୁଷ୍ୟ ଶରୀରେ

Couplet 118

ତା'ର ଚରିତ ମନେ ଚିନ୍ତିଭକତିପଥ ଆବୋରନ୍ତି

Couplet 119

ଗୋପେ ଗୋବିନ୍ଦ ମାୟା ମୋହିକୋପ ନ କଲେ ଗୋପୀ ଚାହିଁ

Couplet 120

ପାଶେ ଥିବାର ପ୍ରାୟେ ମଣିଗୋପାଳେ ଦେଖନ୍ତି ତରୁଣୀ

Couplet 121

ପୂର୍ବହୁଁ ଅଧିକ ସେନେହଯୁବତୀଜନେ ନାହିଁ କୋହ

Couplet 122

ଶୁଣ ରାଜନ କୃଷ୍ଣରସବ୍ରହ୍ମଯାମିନୀ ହେଲା ଶେଷ

Couplet 123

ଏମନ୍ତେ ରଜନୀ ପାହିଲାଗଗନେ ଅରୁଣ ଦିଶିଲା

Couplet 124

କୃଷ୍ଣର ଅଙ୍ଗସଙ୍ଗ ପାଇଗୋପୀଏ ଗଲେ ତୋଷ ହୋଇ

Couplet 125

କୃଷ୍ଣ ଚରଣେ ଦେଇ ମନମିଳିଲେ ଯେ ଯାହା ଭୁବନ

Couplet 126

ଗୋପୀ ଗୋବିନ୍ଦ କେଳିବନଏଣେ ଯେ ହୋନ୍ତି ସାବଧାନ

Couplet 127

ଭକତି ହୃଦେ ପରିମାଣିଏଣେ ଭେଟିବେ ଚକ୍ରପାଣି

Couplet 128

ସକଳ ଦୁରିତରୁ ତରେସେ ନ ପଡ଼ଇ ମାୟା ଘୋରେ

Couplet 129

ବୋଲଇ ଦାସ ଜଗନ୍ନାଥରାସଉତ୍ସ›ବ ଭାଗବତ

Couplet 130

ସୁଜନଜନେ ଏହା ଚିନ୍ତିଏଣେ ଛାଡ଼ିବ ମନଭ୍ରାନ୍ତି

Couplet 131

ଭକତି ହୋଇବ ତୁମ୍ଭରହେଳେ ତରିବ ମାୟାଘୋର

Couplet 132

ମୁଁ ଛାର ହୀନ ମୂଢ଼ପଣେସେବଇ ତୁମ୍ଭର ଚରଣେ

Couplet 133

ମୋହର ନ ଘେନିବା ଦୋଷଗୀତେ କହିଲି କୃଷ୍ଣରସ

Couplet 134

ପୁରାଣ କଲି ଗୀତରସଯାହା ବୋଇଲେ ପୀତବାସ

Couplet 135

କେ ତାହା କରିବଟି ଆନସବୁରି ପ୍ରଭୁ ଭଗବାନ

Couplet 136

ଯହୁଁ ମୁଁ ହରିସେବା କଲିଭାବେଣ ତୃପତ ନୋହିଲି

Couplet 137

ଆଜ୍ଞା ମାଗିଲି ପାଦେ ପଡ଼ିଧ୍ୟାନ ଧାରଣା କର୍ମ ଛାଡ଼ି

Couplet 138

ମୋ ମନ ହୋଇଲା ପ୍ରସନ୍ନଆଜ୍ଞା ଯେ ଦେଲେ ଭଗବାନ

Couplet 139

ପୁରାଣ ଦେଶଭାଷା ଗୀତରଚିବୁ ଶିରୀଭାଗବତ

Couplet 140

ତୋହର ହୃଦେ ଆମ୍ଭେ ଥାଇପଦକୁ ପଦ ଦେବୁ କହି

Couplet 141

ଅଠର ସହସ୍ର ଶୋଳକଟୀକା ବଖାଣ ଏକୁ ଏକ

Couplet 142

ପୂର୍ବେ ପରୀକ୍ଷିତ ଆଗରକହିଲେ ଶୁକ ମୁନିବର

Couplet 143

ତାହା ପ୍ରକାଶ ମଞ୍ଚେ କରଆଜ୍ଞା ସେ ଦେଲେ ଦାମୋଦର

Couplet 144

ତେଣୁ ମୁଁ ଏ ଗ୍ରନ୍ଥରେ ପଶିଗୀତ ପ୍ରବନ୍ଧରସେ ରସି

Couplet 145

ସୁଜନେ ଶୁଣ ଏକ ଚିତ୍ତେହରିଙ୍କି ଭଜ ଅନୁବ୍ରତେ

Couplet 146

ପୁରାଣ ଶିରୀଭାଗବତବେଦର ମଧ୍ୟେ ସାରସ୍ୱତ

Couplet 147

ଶୁକ କହିଲେ ଯେଉଁ କଥାଶୁଣିଲେ ଛାଡ଼େ ଭାବବ୍ୟଥା

Couplet 148

ଶ୍ରୀକୃଷ୍ଣ ଗୋପକ୍ରୀଡ଼ା ରସକହଇ ଜଗନ୍ନାଥ ଦାସ