Skandha 10
Adhyaya 32
Couplet 1
ଗୋପୀଏ ବସି ବାଲିକୁଦେକାନ୍ଦନ୍ତି ଶୋକ ଗଦଗଦେ
Couplet 2
ଭୋ ନାଥ ଯଶୋଦା କୁମରତୋ ଜନ୍ମ କାଳୁଁ ଗୋପପୁର
Couplet 3
ଦାରିଦ୍ର୍ୟ ଦୁଃଖ ତ ନ ଜାଣିଆମ୍ଭର ଘରେ କମଳିନୀ
Couplet 4
ଅନେକ ହୋଇଲା ସମ୍ପଦକେ କହୁ ଆମ୍ଭର ଆନନ୍ଦ
Couplet 5
ଆମ୍ଭ ଜୀବନ ଅଟୁ ତୁହିତୋ ତହୁଁ ଅନ୍ୟ ଗତି ନାହିଁ
Couplet 6
ତୋ'ର ସମ୍ପଦ ଭୋଗ କରିତୋ' ମୁଖ ଚାହିଁ ଦିନ ହରି
Couplet 7
ମୁରଲୀନାଦେ ଅଣାଇଲୁମୁଖୁଁ ଅମୀୟରସ ଦେଲୁ
Couplet 8
ଘୋର-ଗହନ-ବନେ ଥୋଇଅନାଥ କରି ଗଲୁ କାହିଁ
Couplet 9
ଏବେ ଦେଖାଅ ପଦ୍ମମୁଖବାରେ ଜୀବନ ଆମ୍ଭ ରଖ
Couplet 10
ତୋହର ଆଶେ ବ୍ରଜନାରୀଏ ବନେ ତୋତେ ଅନୁସରି
Couplet 11
ଆମ୍ଭର ଆରତ ବିନାଶୁକୋଟିଏ କାମ ପ୍ରାୟେ ଦିଶୁ
Couplet 12
ତୋ'ର ସେବକ ଦୁଃଖ ନାଶୁନିରେଖଜନଙ୍କୁ ଆଶ୍ୱାସୁ
Couplet 13
ତୋର ସେବକ ଆମ୍ଭେମାନେତୋ ମୁଖ ନ ଦେଖୁଁ ନୟନେ
Couplet 14
ପଥ ନ ଦିଶେ ରାତ୍ରକାଳେବୁଡ଼ାଇ ଗଲୁ ଶୋକଜଳେ
Couplet 15
ଭୋ ନାଥ କମଳଲୋଚନଦେଖାଅ ନିର୍ମଳ ବଦନ
Couplet 16
ତୋ' ମୁଖକମଳର ତେଜେଶରଦ-ପଦ୍ମ-ଶିରୀ ଗଞ୍ଜେ
Couplet 17
ସେ ଧନେ କିଣିଲୁ ଆମ୍ଭନ୍ତଏ ବନେ କଲୁ ତୁ ଅନାଥ
Couplet 18
ସୁରତନାଥ ତୁ ଆମ୍ଭରକିଣିଲା ଦାସୀ ଆମ୍ଭେ ତୋ'ର
Couplet 19
ଯାହାକୁ କିଣି ଧନ ଦେଇକେ ତାହା ଛାଡ଼େ ଭାବଗ୍ରାହୀ
Couplet 20
ସେ କି ନୋହଇ ତା'ର ବଧବେଦ ପୁରାଣେ ଏହି ବାଦ
Couplet 21
ଅନେକ ଦୁଖୁଁ ଅଛୁ ରଖିଏବେ ତୁ କଲୁ ନିରିମାଖୀ
Couplet 22
ବକ ଉଦକ ଅଘାସୁରଇନ୍ଦ୍ର ବରଷା ମହାଘୋର
Couplet 23
ବନ ଅନଳ ଷଣ୍ଢା ମୁଖୁଁତୁ ନାଥ ରଖିଛୁ ଆମ୍ଭଙ୍କୁ
Couplet 24
ତୋହର ପାଦ ଆଶ୍ରେ କରିଜନ୍ମ ମରଣକୁ ନ ଡ଼ରି
Couplet 25
ତୁ ନୋହୁଁ ଯଶୋଦା କୁମରଜୀବନ ଅଟୁ ପ୍ରାଣୀଙ୍କର
Couplet 26
ସକଳ ଜନ୍ତୁ ହୃଦେ ଥାଇଅନ୍ତର ଜାଣୁ ଭାବଗ୍ରାହୀ
Couplet 27
ତୋତେ ଚିନ୍ତିଲା ବେଦବରନାଶିଲୁ ଅବନୀର ଭାର
Couplet 28
ତେଣୁ ଯାଦବକୁଳେ ଜାତତୋହର ନାହିଁ ଆଦି ଅନ୍ତ
Couplet 29
ଭୋ ବୃଷ୍ଣିବଂଶ ଚୂଡ଼ାମଣିଆମ୍ଭର ଶିରେ ଦିଅ ପାଣି
Couplet 30
ତୋହର କର ବ୍ରହ୍ମରାଶିଜନ୍ମ ମରଣ ଭୟ ନାଶି
Couplet 31
ପଦ୍ମ ହୁଁ ଅତି ସୁକୁମାରକମଳା ବରିଅଛି ବର
Couplet 32
ତୋହର ପାଦପଦ୍ମ ଦୁଇବନେ ଗୋରୁଙ୍କ ପଛେ ଥାଇ
Couplet 33
ପ୍ରଣତଦେହୀ ପାପ ନାଶଜଳଧିତନୟାନିବାସ
Couplet 34
ସହସ୍ର ଫଣା କାଳୀୟରସୁନ୍ଦର କଲା ଯେ ପୟର
Couplet 35
ଆମ୍ଭର କୁଚେ ତା' ଲଗାଅକାମ ଅନଳ ତୁ ଲିଭାଅ
Couplet 36
ତୋହର ମଧୁର ବଚନହୃଦେ ଭାବନ୍ତି ମୁନିଜନ
Couplet 37
ଆମ୍ଭେ ତୋହର ପରିବାରୀମୂର୍ଚ୍ଛିତ ହୋଇଲୁ ମୁରାରି
Couplet 38
ତୋ'ର ଅଧରୁ ସୁଧା ଦେଇଜୀବନ ରଖ ଭାବଗ୍ରାହୀ
Couplet 39
ତୋ'ର ଚରିତ ସୁଧାବାରିଶ୍ରୁତିଯୁଗଳେ ପାନ କରି
Couplet 40
ଜନ୍ମ ମରଣ ତାପ ନାଶେଦୂରିତମାନ ଦେହୁ ଧ୍ୱଂସେ
Couplet 41
ମଙ୍ଗଳ କରେ ଶ୍ରୁତିପଥେଯେ ଯାହା ବିଚାରେ ଜଗତେ
Couplet 42
ତେଣେ ଯେ ହୋଇ ଉନମତ୍ତାସେ ନର ଚଉବର୍ଗଦାତା
Couplet 43
ତୋ' ଦରହସିତ ବଦନକୋମଳ ମଧୁର ବଚନ
Couplet 44
ଧ୍ୟାନମଙ୍ଗଳ ତୋ' ବିହାରଏକାନ୍ତ କଥା ହୃଦହାର
Couplet 45
କପଟ ପ୍ରାୟ ତୋ'ର ରୀତିଆମ୍ଭର ମନ ଏ ଦହନ୍ତି
Couplet 46
ତୁନାଥ ଗୋରୁଙ୍କର ମେଳେକାନନେ ଯାଉ ଯେତେବେଳେ
Couplet 47
କୋମଳ ପାଦପଦ୍ମ ଚାହିଁଆମ୍ଭର ହୃଦୟ ଦହଇ
Couplet 48
କଣ୍ଟା ପାଷାଣ ତୃଣ ଲାଗିନ ପୁଣ ହୋଏ ଦୁଃଖଭୋଗୀ
Couplet 49
ଯେବେ ଲୋଚନେ ଦେଖୁଁ ତାହାତେବେ ସେ ସ୍ଥିର ହୋଏ ହିଆ
Couplet 50
ବନୁ ଯେ ଆସୁ ଦିନଅନ୍ତେଆତୁର ହୋଇ ଦେଖୁଁ ପଥେ
Couplet 51
କପୋଳେ କୁଟୀଳ କୁନ୍ତଳହୃଦେ ଲମ୍ବଇ ବନମାଳ
Couplet 52
ଗୋରଜ ଦେଖି ତୋ'ର ଦେହେଆମ୍ଭ ଜୀବନ କାମ ଦହେ
Couplet 53
ତୋ'ର ଅଭୟ ପଦ୍ମପାଦଶରଣଜନଙ୍କ ସମ୍ପଦ
Couplet 54
କମଳା ଦଣ୍ତେ ନ ଛାଡ଼ଇଆପଦ କାଳେ ଯାହା ଧ୍ୟାୟି
Couplet 55
ଅନେକ ସୁଖ ପ୍ରସରଇରଖ ଆମ୍ଭଙ୍କୁ ସ୍ତନେ ଦେଇ
Couplet 56
ସୁରତ ପଣେ ବଳୀୟାରଶୋକ ବିନାଶେ ପ୍ରାଣୀଙ୍କର
Couplet 57
ସୁସ୍ୱର ବେଣୁ ଯେ ଅଧରେଜନ୍ମ ମରଣ ତାପ ହରେ
Couplet 58
ତୁ ସେ ଅଧର ସୁଧାରସଦେଇ ଆମ୍ଭର ମନ ତୋଷ
Couplet 59
ଗୋରୁ ଚରାଇ ଯାଉ ବନେତୋତେ ନ ଦେଖିଲେ ନୟନେ
Couplet 60
ନିମିଷ ଯୁଗ ପ୍ରାୟ ମଣୁଗୁରୁ ଗଉରବ ନ ଗଣୁ
Couplet 61
ତୁଯେତେବେଳେ ଗୋପେ ପଶୁପଥେ ମୁରଲୀ ନାଦ ଘୋଷୁ
Couplet 62
କୁଟୀଳ-କୁନ୍ତଳ-ବଦନଦେଖି ନ ଚଳଇ ନୟନ
Couplet 63
ପତି ତନୟ ବନ୍ଧୁ ଭାଇଆମ୍ଭେ ତେଜିଲୁ ତୋ'ର ପାଇଁ
Couplet 64
ସୁସ୍ୱରେ ଗାଉ ବେଣୁଗୀତଆମ୍ଭେ ହୋଇଲୁ ମୂରୁଛିତ
Couplet 65
ରାତ୍ରେ ଆଣିଲୁ ଘୋରବନେଆମ୍ଭଙ୍କୁ ତେଜିଲୁ କେସନେ
Couplet 66
ଏଡ଼େ ନିର୍ଦ୍ଦୟ ତୋ'ଶରୀରବିଶ୍ୱାସ ନାଶିଲୁ ଆମ୍ଭର
Couplet 67
ଶୁଣି ତୋ' ଏକାନ୍ତ ବଚନହୃଦୟ ଦହଇ ମଦନ
Couplet 68
ଅଳପ ହାସ୍ୟ ମୁଖ ଦେଖିପିଛାଡ଼ି ନ ପାରୁ ଯେ ଆଖି
Couplet 69
ତୋହର ଶ୍ରୀମୁଖ ଅନାଇଁଆମ୍ଭର ମନ ନ ରହଇ
Couplet 70
ଆମ୍ଭ ଆରତ ଖଣ୍ତିବାରେତୋର ଜନମ ଗୋପପୁରେ
Couplet 71
ସୁଫଳ କରଇ ସଂସାରଦେହୁ ଖଣ୍ତଇ ତମଘୋର
Couplet 72
ତୋ' ପାଦୁଁ ଆନଗତି ନାହିଁନିରାଶ ନ କର ଗୋସାଇଁ
Couplet 73
ଯେବଣ ପାଦ ଆମ୍ଭେ ଧରିସ୍ତନେ ନ ଚାପୁ ଗୋପନାରୀ
Couplet 74
କର୍କଶସ୍ତନ ଯେ ଆମ୍ଭରିପ୍ରାସ କରିବ ବୋଲି ଡ଼ରି
Couplet 75
ସେ ବେନିପାଦେ ତୃଣାଙ୍କୁରେଏବେ ଚାଲିଲୁ ବନଘୋରେ
Couplet 76
ନ ପୁଣ କ୍ଷତ ହୋଏ ପାଦମନରେ ଲଭୁଛୁଁ ବିଷାଦ
Couplet 77
ତୋହର ଦାସ ଜଗନ୍ନାଥସେ ପାଦେ ରଖ ଗୋପୀନାଥ
Couplet 78
ବୁଡ଼ିଲି ଘୋର ଭବଜଳେଉଦ୍ଧରି ଥୁଅ ନେଇ କୂଳେ
Couplet 79
ପୁରାଣରସ ଭାଗବତକହଇ ଦାସ ଜଗନ୍ନାଥ