Adhyaya 27

Couplet 1

ଶୁଣ ପାଣ୍ତବ-ଚୂଡ଼ାମଣିନନ୍ଦନନ୍ଦନ କର୍ମବାଣୀ

Couplet 2

ଗୋପୀ ଗୋପାଳେ ରୁଣ୍ତ ହୋଇକହନ୍ତି ନନ୍ଦକୁ ବସାଇ

Couplet 3

ମନୁଷ୍ୟ ନୋହେ ତୋ ବାଳକଏହାର କର୍ମମାନ ଦେଖ

Couplet 4

କେଉଁ ଦେବତା ଗୋପ୍ୟ ହୋଇଜନ୍ମ ହୋଇଲା ଦେହ ବହି

Couplet 5

ଆମ୍ଭର ବଂଶେଜାତ ହୋଇଏମନ୍ତ ଦେଖିଲା ତ ନାହିଁ

Couplet 6

ସାତ ବରଷ ତୋର ବାଳକରେ ତୋଳିଲା ଗିରିବର

Couplet 7

ନଳିନୀ ଯେହ୍ନେ ଗଜ-କରେପର୍ବତ ତୋଳିଲା ସଧୀରେ

Couplet 8

ତିନିଦିନର ତୋର ସୁତପୂତନା ପ୍ରାଣ କଲା ହତ

Couplet 9

ଅନ୍ତୁଡ଼ି ଉଠିଆରୀ ଦିନେଶକଟ ଭାଙ୍ଗିଲା ଚରଣେ

Couplet 10

ଦିନେକ ଦ୍ୱାରେ ବସିଥିଲାତୃଣାବର୍ତ୍ତ ଯେ ହରିନେଲା

Couplet 11

ଗଗନେ ନେଇ ତା' ମାଇଲାଶିଳାରେ ପଡ଼ି ଉବୁରିଲା

Couplet 12

ଦଧିମନ୍ଥନ ବେଳେ ଧରିରୋଳେ ବାନ୍ଧିଲା ତୋର ନାରୀ

Couplet 13

ଘରୁ ବାହାର ହୋଇଗଲାବୃକ୍ଷର ତଳରେ ମିଳିଲା

Couplet 14

ବୃକ୍ଷ ମଧ୍ୟରେ ପଶିଗଲାଯାମଳା ଅର୍ଜୁନ ଭାଙ୍ଗିଲା

Couplet 15

ଅଘା ଦଇତ ବାଳକାଳେମାଇଲା କୁମାରଙ୍କ ମେଳେ

Couplet 16

ଦିନେକ ବକ ଗିଳୁଥିଲାସେ ପୁଣି କେମନ୍ତେ ଜାଣିଲା

Couplet 17

ବକାସୁରକୁ କରେ ଧରିଚିରିଲା ବେନିଫାଳ କରି

Couplet 18

ଧେନୁକା ତାଳବନେ ନାଶିଫଳ ଆଣିଲା ମନ ତୋଷି

Couplet 19

ପ୍ରଳମ୍ବା ଯୁଦ୍ଧେ ମରାଇଲାଗୋକୁଳ ଅନଳୁଁ ତାରିଲା

Couplet 20

ଜାଣୁ ନା କାଳୀୟର କଥାକେ ତା'ରେ ଅଛି ସାମରଥା

Couplet 21

ହେଳେ ଗଞ୍ଜିଲା ତା'ର ବଳଅମୃତ କଲା ବିଷଜଳ

Couplet 22

ଲୋଚନେ ତା'ର ମୁଖ ଚାହିଁଗୋପୀଗୋପାଳେ ହେଉଁ ବାଇ

Couplet 23

ଆମ୍ଭର ବଡ଼ଇ ମୁହାଁସବାଳକେ ନଛାଡ଼ନ୍ତି ପାଶ

Couplet 24

ଏବେ ତୋଳିଲା ଗିରିବରସାତବରଷ ତୋ' କୁମର

Couplet 25

ଆମ୍ଭେ ପାଇଲୁ ମନେ ଶଙ୍କାନନ୍ଦ ତୁ ଏଥେ ଥାଅ ଏକା

Couplet 26

କିଏ ଅସୁର ତୋ'ର କୋଳେଆମ୍ଭଙ୍କୁ ଗିଳିବ ସେ ହେଳେ

Couplet 27

ପଳାଇଯିବୁ ତୋର ପୁରୁତୋର ସୁତକୁ ଆମ୍ଭେ ଡ଼ରୁ

Couplet 28

ଦଇବେ ଆମେ ରାଜଦ୍ରୋହୀଏ ପୁରେ ନ ରହିବୁ କେହି

Couplet 29

ଯେତେ ଅସୁର ମଲେ ଏଥସମସ୍ତେ ରାଜା ଅମନାତ୍ୟ

Couplet 30

ରାଜବଇରୀ ପଣ ହୋଇକେ ପ୍ରଜା ନଗ୍ରେ ଥାଇ ରହି

Couplet 31

ଏବେ ହୋଇଲା ବଡ଼ ଭୟଯଜ୍ଞ ଭାଙ୍ଗିଲା ତୋର ପୁଅ

Couplet 32

ଇନ୍ଦ୍ରର ତୁଲେ ବାଦ କରିକେ ରହିପାରେ ମର୍ତ୍ତ୍ୟପୁରୀ

Couplet 33

ନନ୍ଦ ବୋଇଲା ତାହା ଶୁଣିଗୋପବଚନ ପରିମାଣି

Couplet 34

ଶୁଣ ସକଳ ଗୋପଜନଗର୍ଗ ଋଷିଙ୍କର ବଚନ

Couplet 35

ପୁତ୍ରଙ୍କ ନାମକର୍ମ କାଳେମୋତେ କହିଲେ ଏକମେଳେ

Couplet 36

ବୋଇଲେ ତୋର ପୁତ୍ରକଥାଜାଣଇଁ ଜନ୍ମର ବାରତା

Couplet 37

ଚାରିଯୁଗରେ ଚାରିବର୍ଣ୍ଣଶୁକ୍ଳ ଶୋଣିତ ପୀତ ଶ୍ୟାମ

Couplet 38

ପୂର୍ବେ ଏ ବସୁଦେବ ଘରେଜନ୍ମିଲା ଦେବକୀ ଉଦରେ

Couplet 39

ଏହାର ନାମ ବାସୁଦେବବିଦିତ ବୋଲନ୍ତି ସାଧବ

Couplet 40

ଏହାର ନାମ ଗୁଣ ଯେତେମୁହିଁ ଜାଣଇ ଯୋଗମତେ

Couplet 41

ଗୋକୁଳ ତାରିବ ଏ ଭଲେସୁଖେ ବଞ୍ଚିବ ଏହା ତୁଲେ

Couplet 42

ପୂର୍ବେ ସାଧବେ ସିଦ୍ଧେ ରହିତରିଲେ ଏହା ପାଦ ଧ୍ୟାୟି

Couplet 43

ଏହାର ପାଦେ ସେବା କରିହେଳେ ତରିବେ ନରନାରୀ

Couplet 44

ହେ ନନ୍ଦ ଶୁଣ ସାବଧାନମନୁଷ୍ୟ ନୋହେ ତୋ' ନନ୍ଦନ

Couplet 45

ଦେଖ ଏହାର ବର୍ଣ୍ଣଚିହ୍ନପ୍ରତ୍ୟକ୍ଷେ ବିଷ୍ଣୁର ସମାନ

Couplet 46

ଏମନ୍ତ କହିଗଲେ ମୁନିତାହାଙ୍କ ବୋଲ ଶିରେ ଘେନି

Couplet 47

ମଣିଲି ନାରାୟଣ ପ୍ରାୟତୁମ୍ଭେ ନ କର ମନେ ଭୟ

Couplet 48

ପୁତ୍ରର ଜନ୍ମ ତିନିଦିନେଅଇଲି ମଥୁରା ଭୁବନେ

Couplet 49

କଂସ ବିଡ଼ିଆକର ଘେନିରହିଲି ସେଦିନ ରଜନୀ

Couplet 50

ନବରେ ଦେଖି ବସୁଦେବସେ ମୋର ପ୍ରିୟ ମିତ୍ରଭାବ

Couplet 51

ଏହାର ଯେତେ କଥାମାନଯାହା କହିଲେ ତପୋଧନ

Couplet 52

ମୁଁ ହାଦେ ହେଜୁଥାଇ ବସିପ୍ରିୟବଚନ ଅହର୍ନିଶି

Couplet 53

ଆବର କଥା ଏକ ଶୁଣକହି ଅଛନ୍ତି ତପୋଧନ

Couplet 54

ଏ ପୁତ୍ର ଯେତେ ଯେତେ କଥାଏଥକୁ ନ କରିବୁ ବ୍ୟଥା

Couplet 55

ଯେତେ ଅରିଷ୍ଟ ତୋର ପୁରେମରିବେ ଯେତେକ ଅସୁରେ

Couplet 56

ଏଥକୁ ନ ପାଇବୁ ଚିନ୍ତାତୋ' ପୁତ୍ର ପ୍ରତ୍ୟକ୍ଷେ ବିଧାତା

Couplet 57

ମୋତେ ଅଛନ୍ତି ଏତେ କହିଏଥକୁ ନ ବିଚାର କେହି

Couplet 58

ଏମନ୍ତ ନନ୍ଦ ମୁଖୁଁ ଶୁଣିଗର୍ଗବଚନ ମନେ ଗୁଣି

Couplet 59

ନନ୍ଦବଚନେ ମନଦେଇଶଙ୍କା ଛାଡ଼ିଲେ କୃଷ୍ଣେ ଚାହିଁ

Couplet 60

ଆନନ୍ଦେ ଆଲିଙ୍ଗନ କରିମାୟା ମୋହିଲେ ନରହରି

Couplet 61

ଗୋପାଳେ ହୋଇଲେ ହରଷକୃଷ୍ଣଙ୍କୁ ଚାହିଁ ହସହସ

Couplet 62

ଆନନ୍ଦେ ଶିରେ କର ଦେଇବୋଲନ୍ତି କୃଷ୍ଣ କର ତ୍ରାହି

Couplet 63

ବାସବ ତ୍ରାସୁ ଯେ ତାଲିଲାପର୍ବତ କରେ ଉପାଡ଼ିଲା

Couplet 64

ସେ ଆମ୍ଭ ରଖୁ ସର୍ବକାଳେଗୋରୁ ଗୋପାଳ ଏକମେଳେ

Couplet 65

ଶରଣ ଗଲୁଁ ତା'ର ପାଦେଗୋପାଳେ ବୋଲନ୍ତି ଆନନ୍ଦେ

Couplet 66

ହରିଚରିତ ସୁଧାବାରିଶ୍ରୁତିଯୁଗଳେ ପାନ କରି

Couplet 67

ଆନନ୍ଦମନେ କର ଲୟହେଲେ ତାରିବେ ଦେବରାୟ

Couplet 68

ସୁଜନଜନେ ଏଣେ ରସହେଳେ ଖଣ୍ତିବ ମୋହପାଶ

Couplet 69

ହରିଚରଣ ଆଶ୍ରା କରଆଉ ନ ଥିବ ଦୁଃଖ ଘୋର

Couplet 70

ବୋଲଇ ଦାସ ଜଗନ୍ନାଥଗୀତ ପ୍ରବନ୍ଧେ ଭାଗବତ