Adhyaya 25

Couplet 1

ଶୁଣ ରାଜନ ଚୂଡ଼ାମଣିଗୋପନଗରେ ଚକ୍ରପାଣି

Couplet 2

ରୋହିଣୀ ନନ୍ଦନର ତୁଲେଦିନ ହରନ୍ତି ଗୋପମେଳେ

Couplet 3

ଗୋପାଳେ ମିଳି ଏକଦିନେଇନ୍ଦ୍ରର ଉ›ତ୍ସବ ବିଧାନେ

Couplet 4

ସକଳେ ବିଚାରନ୍ତି ବସିକୃଷ୍ଣ ମିଳିଲେ ମଧ୍ୟେ ଆସି

Couplet 5

ଅଶେଷ-ବ୍ରହ୍ମାଣ୍ତ-ଠାକୁରଜାଣନ୍ତି ଗୋପଙ୍କ ବିଚାର

Couplet 6

ଲୋକବେଭାରେ ଭାବଗ୍ରାହୀବୋଲନ୍ତି ନନ୍ଦ ମୁଖ ଚାହିଁ

Couplet 7

ବୃଦ୍ଧ ଗୋପାଳେ ଛନ୍ତି ଯେତେବିଶ୍ୱାସକର ଯେଝାମତେ

Couplet 8

ନନ୍ଦକୁ ପୁଚ୍ଛନ୍ତି ଅନନ୍ତଇନ୍ଦ୍ରଉ›ତ୍ସବର ବୃତ୍ତାନ୍ତ

Couplet 9

ଭୋ ତାତ କେବଣ ଉତ୍ସ›ବଏ କଥା କହ ସର୍ବଭାବ

Couplet 10

ତୁମ୍ଭ ବିଚାର ଯଜ୍ଞମତେଉଦ୍ଦେଶ୍ୟ ଜାଣିବୁ କେମନ୍ତେ

Couplet 11

କେବଣ ମତେ ସାଧ୍ୟ କରିଯଜ୍ଞ କରନ୍ତି ନରନାରୀ

Couplet 12

ଏ ଯଜ୍ଞ କଲେ କିସ ଫଳହସି କହନ୍ତି ନନ୍ଦବାଳ

Couplet 13

ଭୋ ତାତ ହୋଇବା ପ୍ରସନ୍ନକହ ଏ ପୂଜାର ବିଧାନ

Couplet 14

ଗୁପତ ନ କର ପିଅରଏ ସାଧୁଜନଙ୍କ ବେଭାର

Couplet 15

ଭାବ-ସେବକେ ସତ୍ୟ କହିବିଶେଷ ତୋ'ର ପୁତ୍ର ମୁହିଁ

Couplet 16

ସମଦରଶୀ ଯା'ର ଚିତ୍ତନାହିଁ ତାହାର ରିପୁ ମିତ୍ର

Couplet 17

ସଂସାରଧର୍ମେ ଥାଇ ଜନ୍ତୁଇଚ୍ଛନ୍ତି ନାନାକର୍ମ ହେତୁ

Couplet 18

ଜାଣି ନ ଜାଣି ଫଳ ଆଶେକର୍ମସାଧନ୍ତି ମନତୋଷେ

Couplet 19

ଦଇବମତେ ଫଳ ହୋଇଯେ ଯାହା କର୍ମବଳେ ପାଇ

Couplet 20

ବେଦପୁରାଣ-କ୍ରିୟା ଘେନିକର୍ମ ସାଧନ୍ତି ବିପ୍ର ମୁନି

Couplet 21

ତୁମ୍ଭେ ସାଧିବ କେଉଁମତେବିଚାରି କହ ତାତ ମୋତେ

Couplet 22

କୃଷ୍ଣ ବଚନ ନନ୍ଦ ଶୁଣିକୋଳେ ବସାଇ ଚକ୍ରପାଣି

Couplet 23

ବୋଲଇ ଶୁଣ ଦାମୋଦରପୂଜା କରିବୁ ସୁରେଶ୍ୱର

Couplet 24

ତା'ର ଆଜ୍ଞାରେ ମେଘମାଳସଂସାରେ ବରଷନ୍ତି ଜଳ

Couplet 25

ମେଦିନୀ ଜଳଯୋଗ ପାଇଅନେକ ଶସ୍ୟ ଉପୁଜାଇ

Couplet 26

ଜୀବିକା ହୋଇ ପ୍ରାଣୀଙ୍କରତେବେ ସେ ବଞ୍ଚଇ ସଂସାର

Couplet 27

ଶସ୍ୟ-ସମ୍ପଦ ଘେନି ଜନେଯଜ୍ଞ କରନ୍ତି ତୋଷମନେ

Couplet 28

ନାନା ଦେବତା ଯଜ୍ଞେ ଦାହୀପୂଜି ଅନେକ ଫଳ ପାଇ

Couplet 29

ଏମନ୍ତେ ଯେ ଯାହାର ମତେଇନ୍ଦ୍ରଙ୍କୁ ପୂଜନ୍ତି ଜଗତେ

Couplet 30

ଯେ ଯାହା ମତେ ନାନା ଯାଗକରି ଲଭନ୍ତି ତିନିବର୍ଗ

Couplet 31

ଇଷ୍ଟଦେବତା ଶୁଭକାଳେପୂଜା କରନ୍ତି ମହୀତଳେ

Couplet 32

ଯେ ନର ଲୋଭବଶ ହୋଇଇଷ୍ଟଦେବତା ନ ପୂଜଇ

Couplet 33

ତାହାର ନାହିଁ ସୁଖଲେଶଆପଦ ହୋଏ ପରବେଶ

Couplet 34

ନନ୍ଦ ବଚନ କୃଷ୍ଣ ଶୁଣିବୃଦ୍ଧ ଗୋପାଳେ ଯାହା ଭଣି

Couplet 35

ଇନ୍ଦ୍ର ବିଷୟେ କୋପକରିନନ୍ଦକୁ ବୋଲନ୍ତି ମୁରାରି

Couplet 36

କୃଷ୍ଣ ବୋଲନ୍ତି ଶୁଣ ତାତଜଗତ କର୍ମେ ଆତଯାତ

Couplet 37

ଏ ଜୀବ ଆତ୍ମା କର୍ମ ଘେନିଗତ ଆଗତ ପଥଶ୍ରମୀ

Couplet 38

କର୍ମର ମତେ ଦୁଃଖସୁଖଜନ୍ମମରଣ ହୋଏ ଦେଖ

Couplet 39

କର୍ମଟି ଦୁଃଖସୁଖଦାତାବିଶ୍ୱ ସଂସାରେ ବଳବନ୍ତା

Couplet 40

ଭୋ ତାତ କର୍ମ‌ପାଦେ ସେବକର୍ମହୁଁ ନାହିଁ ଅନ୍ୟ ଦେବ

Couplet 41

କର୍ମଭୂଞ୍ଜନ୍ତା ପ୍ରାଣୀଙ୍କରଇନ୍ଦ୍ର ତ ନୋହଇ ଠାକୁର

Couplet 42

କର୍ମ-ସଞ୍ଚିଲା ଏ ଜଗତସ୍ୱଭାବେ ହୋନ୍ତି ଆତଯାତ

Couplet 43

କର୍ମର ବଳେ ଦେହ ଘେନିଜୀବ ଭ୍ରମଇ ନାନାଯୋନି

Couplet 44

କର୍ମ ଯେ ଶତ୍ରୁମିତ୍ର ହୋଇଗୁରୁଙ୍କ ପ୍ରାୟେ ଶିକ୍ଷା ଦେଇ

Couplet 45

ସକଳେ କର୍ମ ସେବା କରକହନ୍ତି ପ୍ରଭୁ ଦାମୋଦର

Couplet 46

ଯେ ପ୍ରାଣୀ ନିଜକର୍ମ ଛାଡ଼ିଅନ୍ୟ ଜୀବିକା ଲୋଭେ ଲୋଡ଼ି

Couplet 47

ଦୁର୍ଗତିପଥ ଆବୋରୋନ୍ତିଯେସନେ ବିଟପୀ ଯୁବତୀ

Couplet 48

ଭୋ ତାତ ଶୁଣ କର୍ମକଥାବେଦପୁରାଣେ ଯେ ବ୍ୟବସ୍ଥା

Couplet 49

ବ୍ରାହ୍ମଣଆଦି ଚାରିବର୍ଣ୍ଣଯେ ଯାହା ମତେ ବୃତ୍ତି ଭିନ୍ନ

Couplet 50

ବେଦବିଚାରେ ଷଟକର୍ମବ୍ରାହ୍ମଣ ଜନର ଏ ଧର୍ମ

Couplet 51

ଭୂମିପାଳନ ଶୂରବନ୍ତଦାନ-ପୌରୁଷ କ୍ଷତ୍ରିବୃତ୍ତ

Couplet 52

କୃଷି ବାଣିଜ୍ୟ ଗୋରୁବୃତ୍ତିବୈଶ୍ୟଜନଙ୍କର ଏ ଗତି

Couplet 53

ବ୍ରାହ୍ମଣପାଦେ ସେବାକରିଶୂଦ୍ରେ ହୋଇବେ ସୁଖଚାରୀ

Couplet 54

ଏ ଚାରି ବର୍ଣ୍ଣର ବେଭାରବୈଶ୍ୟଙ୍କ ମତଟି ଆମ୍ଭର

Couplet 55

ଭୋ ତାତ ଶୁଣ ଆଦିଅନ୍ତଯେମନ୍ତ କହଇ ବେଦାନ୍ତ

Couplet 56

ସୃଷ୍ଟିର କାଳେ ନାରାୟଣଆଗେ ସର୍ଜିଲା ତିନିଗୁଣ

Couplet 57

ରଜୋଗୁଣରୁ ବ୍ରହ୍ମା ହୋଇସତ୍ତ୍ୱଗୁଣକୁ ବିଷ୍ଣୁ ପାଇ

Couplet 58

ରୁଦ୍ରଙ୍କୁ ଦେଲେ ତମୋଗୁଣସୃଷ୍ଟି ପାଳନ ସଂହାରଣ

Couplet 59

ବ୍ରହ୍ମାଭିଆଣେ ମେଘମାଳସଂସାରେ ବରଷନ୍ତି ଜଳ

Couplet 60

ଜନ୍ତୁ ଜୀବିକା ତେଣେ ହୋଇଇଦ୍ରେ ତ ପ୍ରୟୋଜନ ନାହିଁ

Couplet 61

ଇନ୍ଦ୍ରର ଭାଗ୍ୟେ ବଡ଼ପଣଜଗତ ବିଷ୍ଣୁର ଭିଆଣ

Couplet 62

ଗ୍ରାମପାଟଣା ଦେଶ ପୁରେଇନ୍ଦ୍ରକୁ ପୂଜିବେ ବେଭାରେ

Couplet 63

ବନଗହନେ ଆମ୍ଭ ଘରଗୋରୁ ଚରାଉ ନଦୀତୀର

Couplet 64

ନିର୍ଝର ଜଳପାନ କରିଆମ୍ଭ ଦେବତା ବନଗିରି

Couplet 65

ତୁମ୍ଭର ଯଜ୍ଞ ଯେବେ ସତ୍ୟକହଇ ଶୁଣ ଏକଚିତ୍ତ

Couplet 66

ଗୋରୁ ବ୍ରାହ୍ମଣ ପ୍ରୀତିଫଳେଯଜ୍ଞ କରିବା ଗିରିତଳେ

Couplet 67

ପୂଜିବା ଗୋବର୍ଦ୍ଧନ ଶିରେଯେ ଇନ୍ଦ୍ର ଯଜ୍ଞର ସମ୍ଭାରେ

Couplet 68

ଦ୍ୱିଗୁଣ କରି ବଳି ଭୋଜାସୁଖେ କରିବା ଗିରିପୂଜା

Couplet 69

ନାନା ବ୍ୟଞ୍ଜନ ଷଡ଼ରସପିଷ୍ଟକ ପ୍ରପାନ ପାୟସ

Couplet 70

ଗୋରସ ଘୃତ ସରପୁଳିନାନାପିଷ୍ଟକେ ଖଣ୍ତ ବୋଳି

Couplet 71

ଅନଳ ପୂଜା ହୋମ କରଋତ୍ୱିଜ ଚାରି ବେଦୁଁ ବର

Couplet 72

ପୂର୍ଣ୍ଣ ଆହୂତି ଯଜ୍ଞ ଅନ୍ତେଦକ୍ଷିଣା ଦିଅ ଯଥୋଚିତ୍ତେ

Couplet 73

ଗୋରୁ କାଞ୍ଚନ ତିଳ ଅନ୍ନଅତିଥି ପୂଜାର ବିଧାନ

Couplet 74

ଯେ ଯାହା ମତେ ତୋଷ କରିସୁଖେ ଭୁଞ୍ଜିବେ ନରନାରୀ

Couplet 75

କୋମଳତୃଣ ଅନ୍ନ ସଙ୍ଗେଗୋରୁଙ୍କୁ ଭୁଞ୍ଜାଇବା ରଙ୍ଗେ

Couplet 76

ପର୍ବତେ ବଳି ଭୋଜା ଦେଇସକଳେ ଅଳଙ୍କାର ଲାଇ

Couplet 77

କରିବା ଗିରି ପ୍ରଦକ୍ଷିଣଆରାଧି ଅନଳ ବ୍ରାହ୍ମଣ

Couplet 78

ମୋହର ମତେ ଏ ଯୋଗାଇକୃଷ୍ଣ ବୋଲନ୍ତି ନନ୍ଦେ ଚାହିଁ

Couplet 79

ଶୁକ କହନ୍ତି ରାଜା ଆଗେଶୁଣି ଗୋପାଳେ ଉଦ୍‌ବେଗେ

Couplet 80

କୃଷ୍ଣବଚନ ପ୍ରତିପାଳିନନ୍ଦକୁ ମଧ୍ୟେ ଘେନି ଭାଳି

Couplet 81

ଶ୍ରୀକୃଷ୍ଣ ବଚନ ପ୍ରଶଂସିମିଳିଲେ ଯେଝା ଘରେ ଆସି

Couplet 82

ଦ୍ୱିଗୁଣେ ନାନା ଦ୍ରବ୍ୟ ଘେନିକରନ୍ତି ବାଦ୍ୟ ଶଙ୍ଖଧ୍ୱନି

Couplet 83

ପର୍ବତତଳେ ଯାଇ ମିଳିକାମିନୀ ଦ୍ୟନ୍ତି ହୁଳହୁଳି

Couplet 84

ଯଜ୍ଞ ଆରମ୍ଭି ଗିରିତଳେପୂଜିଲେ ଗୋ-ବିପ୍ର-ଅନଳେ

Couplet 85

ଯେ ଯାହା ମତେ ଦେଲେ ଦାନସୁବର୍ଣ୍ଣ ବସ୍ତ୍ର ଗୋରୁ ଅନ୍ନ

Couplet 86

ଦେବ ଅତିଥି ତୋଷ କରିଭୋଜନ କଲେ ନରନାରୀ

Couplet 87

ବିବିଧ ଅଳଙ୍କାର ଲାଇଗୋରୁ ବ୍ରାହ୍ମଣ ମଧ୍ୟେ ଥାଇ

Couplet 88

ପର୍ବତ କଲେ ପ୍ରଦକ୍ଷିଣଗୋରୁଙ୍କୁ ଦେଲେ ଅନ୍ନ ତୃଣ

Couplet 89

ଶକଟ ମଣ୍ତିଲେ ଗୋପାଳେଦିବ୍ୟବସନ ରତ୍ନମାଳେ

Couplet 90

ବାଳକ କୋଳେ ଘେନି ନାରୀନନ୍ଦ ଯଶୋଦା ଆଦିକରି

Couplet 91

ରୋହିଣୀ ଯଶୋଦାର ମେଳେରାମ ଗୋବିନ୍ଦ ଘେନି କୋଳେ

Couplet 92

ଶଙ୍ଖ ମହୁରୀ ନାଦ ଭେରୀମୁରଲୀ ନାଦେ ଗୀତ ସ୍ଫୁରି

Couplet 93

ବୁଲନ୍ତି ଗିରି ଚାରିଦିଗେକୃଷ୍ଣ ଆନନ୍ଦ ବଳି ଯୋଗେ

Couplet 94

ଗୋବିନ୍ଦ ଯୋଗମାୟା ବଳେପର୍ବତ ଶିଖେ ବିଜେ କଲେ

Couplet 95

ଯଶୋଦା କୋଳେ ଛନ୍ତି ବସିଗୋପୀ ଗୋପାଳଙ୍କୁ ବିଶ୍ୱାସି

Couplet 96

ପର୍ବତ ଶିଖେ ବିଶ୍ୱରୂପୀଟେକି ଚାହାଁନ୍ତି ଗୋପଗୋପୀ

Couplet 97

ବେନି ଯୋଜନ ଲମ୍ବେ ଭୁଜଶିରେ ଲାଗଇ ଗ୍ରହରାଜ

Couplet 98

ଶ୍ୟାମସୁନ୍ଦର ତନୁବର୍ଣ୍ଣଗୋପଙ୍କୁ ଚାହିଁ ସାବଧାନ

Couplet 99

ବୋଲନ୍ତି ହୋଇଲି ମୁଁ ତୋଷତୁମ୍ଭର ପୂରାଇବି ଆଶ

Couplet 100

ନିଶ୍ଚିନ୍ତ ହୋଇଥାଅ ବନେମୋହର ପୂଜାର ବିଧାନେ

Couplet 101

ଖଣ୍ତିବି ସକଳ ଆପଦଗୋକୁଳ ହୋଇବ ଆନନ୍ଦ

Couplet 102

ତଳେ ଲମ୍ବାଇ ବେନି ଭୁଜବଳି ଭୁଞ୍ଜନ୍ତି ଗିରିରାଜ

Couplet 103

ଗୋପୀ ଗୋପାଳଙ୍କୁ ଅନାଇଁବୋଲନ୍ତି ପ୍ରଭୁ ଭାବଗ୍ରାହୀ

Couplet 104

ଦେଖ ହୋ ପର୍ବତ ମହିମାଯଜ୍ଞର ବଳେ ପୁଣ୍ୟକର୍ମା

Couplet 105

ପ୍ରସନ୍ନ ହୋଇଲେଟି ଆଜକିସ କରିବେ ଦେବରାଜ

Couplet 106

ଏତେହେଁ କାଳ କଲ ପୂଜାଦେବତା ନ ଖାଇଲା ଭୋଜା

Couplet 107

ଏମନ୍ତ ଦିଅଁ ଅଛି କାହିଁହସ୍ତ ପ୍ରସାରି ବଳି ଖାଇ

Couplet 108

ଇନ୍ଦ୍ରର ଚିହ୍ନ ବର୍ଣ୍ଣ ନାହିଁନ ଜାଣି ପୂଜ ବାଇ ହୋଇ

Couplet 109

ଏମନ୍ତ ନ ଦେଖିଲ ଦିନେବଳି ଭୁଞ୍ଜଇ ତୋଷମନେ

Couplet 110

ଏବେ ତୁମ୍ଭର ଚିନ୍ତା ନାହିଁନିଶ୍ଚିନ୍ତେ ଥିବ ଏହା ଧ୍ୟାୟି

Couplet 111

ଏ ଆମ୍ଭ ପୁରାଇବେ ଆଶାଏଣେ ସେ ଆମ୍ଭର ଭରସା

Couplet 112

ଏହାଙ୍କୁ ନମସ୍କାର କରଏ ଆମ୍ଭ ଜୀବନ ଠାକୁର

Couplet 113

ଏହାଙ୍କୁ ଅବଜ୍ଞା ଯେ କରିପଡ଼ିବେ ନରକ ଆବୋରି

Couplet 114

ଏ ଆମ୍ଭ ରଖିବେ ଗୋକୁଳବୋଲନ୍ତି ପ୍ରଭୁ ଆଦିମୂଳ

Couplet 115

ଏମନ୍ତ କହି ବନମାଳୀଆପଣେ କଲେ ନିଉଛାଳି

Couplet 116

ଦେଖି ଆନନ୍ଦ ଗୋପଗୋପୀନମିଲେ ପର୍ବତ ନିରୋପି

Couplet 117

ବୋଲନ୍ତି ଆମ୍ଭେ ଭାଗ୍ୟବନ୍ତପ୍ରତ୍ୟକ୍ଷେ ଦେଖିଲୁ ପର୍ବତ

Couplet 118

କଲ୍ୟାଣ ହେଉ ନନ୍ଦବାଳେଏ ଆମ୍ଭ ରଖିବ ଗୋକୁଳେ

Couplet 119

ଏମନ୍ତ ପୂଜାବିଧି କଲେଗୋପେ ମିଳିଲେ ସନ୍ଧ୍ୟାକାଳେ

Couplet 120

କୃଷ୍ଣ ଚରିତ ପରଶଂସିମିଳିଲେ ନିଜ ପୁରେ ଆସି

Couplet 121

ସେ ହରିଚରଣେ ବିଶ୍ୱାସକହଇ ଜଗନ୍ନାଥ ଦାସ