Adhyaya 20

Couplet 1

କହନ୍ତି ବ୍ୟାସମୁନି ସୁତଶୁଣ ରାଜନ ପରୀକ୍ଷିତ

Couplet 2

ଖେଳନ୍ତି ରାମ ନରହରିଗୋରୁଏ ଗଲେ ବନେଚରି

Couplet 3

ଚରନ୍ତେ ତୃଣ ଲୋଭେ ଗାଈପଶିଲେ ଗିରିକୁଞ୍ଜେ ଯାଇ

Couplet 4

ଅଜା ମହିଷୀ ଗୋରୁ ସଙ୍ଗେପ୍ରବେଶ କୁଞ୍ଜବନ ଲାଗେ

Couplet 5

ଅନଳ ଆବୋରିଲା ଆସିକୁଞ୍ଜ ଗହନେ ଛନ୍ତି ପଶି

Couplet 6

ବିକଳେ ଚଉଦିଗେ ଚାହିଁକାନ୍ଦନ୍ତି କୃଷ୍ଣ ମନେ ଧ୍ୟାୟି

Couplet 7

ପୋଏ ଯେ ଥିଲେ କୃଷ୍ଣ ସଙ୍ଗେଖେଳୁଁ ଚାହିଁଲେ ଚାରିଦିଗେ

Couplet 8

ବିକଳେ ଖେଦମନେ ଧାଇଁଲୋଡ଼ନ୍ତି ବନେ ବତ୍ସା ଗାଈ

Couplet 9

ଗୋରୁଙ୍କ ଖୋଜ ଅନୁସରିଡାକନ୍ତି ଗାଈ ନାମଧରି

Couplet 10

ଗାଈଙ୍କି ନ ଦେଖି ବିକଳପଛେ ଅଛନ୍ତି ଆଦିମୂଳ

Couplet 11

ବତ୍ସା ନ ପାଇ କୁଞ୍ଜବନେପୋଏ କାନ୍ଦନ୍ତି ଦୁଃଖମନେ

Couplet 12

ତୃଷିତ ହୋଇ ବାହୁଡ଼ିଲେକୃଷ୍ଣର ନିକଟେ ମିଳିଲେ

Couplet 13

ପୁଅଙ୍କ ଦୁଃଖ ଦେଖି ହରିବୃକ୍ଷେ ଉଠିଲେ ଅନୁସରି

Couplet 14

ନୀଳ-ଜୀମୂତ ଦେହ ହରିପୀତବସନ ବନମାଳୀ

Couplet 15

ମେଘ-ଗମ୍ଭୀର ରସଭରେଗୋରୁଙ୍କୁ ଡାକନ୍ତି ସୁସ୍ୱରେ

Couplet 16

ଗୋରୁଏ ନାମ ଶୁଣି କର୍ଣ୍ଣେହୁଙ୍କାର କଲେ ତୋଷମନେ

Couplet 17

ଏମନ୍ତେ ବେଢ଼ିଲା ଅନଳଯେସନେ ପ୍ରଳୟର କାଳ

Couplet 18

ପବନ ବହେ ଖରତରପ୍ରଚଣ୍ତ ତେଜ ମହାଘୋର

Couplet 19

ଅନଳ ଦେଖି ଗୋପବାଳେକୃଷ୍ଣଙ୍କୁ ଡାକନ୍ତି ବିକଳେ

Couplet 20

ହେ ରାମକୃଷ୍ଣ ଆସ ବେଗେଅଗ୍ନି ବେଢ଼ିଲା ଚାରିଦିଗେ

Couplet 21

ଆମ୍ଭେ ତୋହର ବନ୍ଧୁବଳତୋହରେ ଶରଣ ଗୋକୁଳ

Couplet 22

ମୁନି ବୋଲନ୍ତି ଶୁଣ ରାୟେଗୋକୁଳେ କୃଷ୍ଣ କଲେ ଦୟେ

Couplet 23

କୃଷ୍ଣ ବୋଇଲେ ଯେଝାମତେଚକ୍ଷୁ ଲୁଚାଅ ବେନିହସ୍ତେ

Couplet 24

ଶୁଣି ଲୋଚନେ କର ଦେଇବୋଲନ୍ତି କୃଷ୍ଣ ତ୍ରାହି ତ୍ରାହି

Couplet 25

ଗୋବିନ୍ଦ ଯୋଗମାୟା ବଳେଅଗ୍ନି ଗିଳିଲେ କଣ୍ଠନାଳେ

Couplet 26

ଗୋପକୁମରେ ବେଗେ ଧାଇଁମିଳିଲେ ବଟତଳେ ଯାଇ

Couplet 27

ଭାଣ୍ତୀର ତଳେ ଚକ୍ଷୁ ଫେଇସଭୟେ ଚଉଦିଗେ ଚାହିଁ

Couplet 28

ଗୋରୁଏ ମିଳିଲେ ତକ୍ଷଣରଙ୍ଗେ ନାଚନ୍ତି ନାରାୟଣ

Couplet 29

କୃଷ୍ଣଙ୍କୁ ଚାହିଁ ଗୋପପୋଏଗୁପତେ ଭାଳନ୍ତି ଥୋକାଏ

Couplet 30

କି ଏ କେବଣ ଦେବତାଏଜାତ ହୋଇଛି ନରଦେହେ

Couplet 31

ଅନେକ ସଙ୍କଟୁ ତାରିଲେଯଶୋଦା ଭାଗ୍ୟେ ଜାତ କଲେ

Couplet 32

ଏମନ୍ତେ ଗୋପାଳଙ୍କ ମନଜାଣିଲେ ପ୍ରଭୁ ଭଗବାନ

Couplet 33

ମାୟାରେ ମୋହିଲେ କୁମରବିଶ୍ୱ ପ୍ରପଞ୍ଚ ଖେଡ଼ଘର

Couplet 34

ଏମନ୍ତେ ରବି-ଅସ୍ତକାଳେଗୋବିନ୍ଦ ଘେନି ଗୋପବାଳେ

Couplet 35

ଗୋପେ ହୋଇଲେ ପରବେଶବେଣୁ ଶବଦେ ଗୀତରସ

Couplet 36

ଗୋପୀଏ ନ ଦେଖି ଶ୍ରୀପତିଘଡ଼ିକ ଯୁଗ ସେ ମଣନ୍ତି

Couplet 37

ରାମଗୋବିନ୍ଦ ମୁଖ ଚାହିଁଚିନ୍ତା ଛାଡ଼ିଲେ ତୋଷ ହୋଇ

Couplet 38

ଘରେ କହିଲେ ପୁଅମାନେଆମ୍ଭେ ଯେ ଗଲୁ ବୃନ୍ଦାବନେ

Couplet 39

ଖେଳ ଖେଳିଲୁ ବେନିବଳରାଜା-ପରଜା ଖେଳ ସାର

Couplet 40

ପ୍ରଳମ୍ବ ନାମେଣ ଅସୁରଖେଳ ଭିତରେ ଥିଲା ବୀର

Couplet 41

ରାମକୁ ବହି ନେଉଥିଲାଜାଣି ସେ ମୁଥ ପ୍ରହାରିଲା

Couplet 42

ମୁଣ୍ତ ହୋଇଲା ଶତେ ଚୁରଗର୍ଜିଣ ପଡ଼ିଲା ଅସୁର

Couplet 43

ଗୋବରଧନ ଗିରି ଲାଗେପଡ଼ିଣ ଅଛି ମହୀଭାଗେ

Couplet 44

ତହୁଁଣ କୁଞ୍ଜ ବନେ ଗଲୁଗାଈବାଛୁରୀ ନ ପାଇଲୁ

Couplet 45

ଲୋଡ଼ିଲୁ ଗହନ ବନରେଅଗ୍ନି ବେଢ଼ିଲା ଧାତିକାରେ

Couplet 46

ବନେ ଅନଳ ତେଜ ଦିଶିଡାକିଲୁ ରଖ ବ୍ରହ୍ମରାଶି

Couplet 47

ପ୍ରତ୍ୟକ୍ଷେ ଅନଳ ଦେଖିଲୁଆରତେ କୃଷ୍ଣ ସୁମରିଲୁ

Couplet 48

କୃଷ୍ଣ ବୋଇଲେ ଆଖି ବୁଜଅନଳ ଲିଭାଇବୁଁ ଆଜ

Couplet 49

ତାହାର ବୋଲେ ଆଖିମାନହସ୍ତରେ ବୁଜିଲୁ ବହନ

Couplet 50

ଦଣ୍ତକେ ଫେଡ଼ିଣ ଚାହିଁଲୁତେଡ଼େ ଅନଳ ନ ଦେଖିଲୁ

Couplet 51

କେବଣ ମନ୍ତ୍ର କୃଷ୍ଣ କଲାତେଡ଼େ ଅନଳ ଲିଭାଇଲା

Couplet 52

ପୁଅଙ୍କ କଥାମାନ ଶୁଣିବିଷାଦ ବରଜତରୁଣୀ

Couplet 53

ଗୋପାଳେ ହରଷ ବିସ୍ମୟେତ୍ରାସ ଲାଗିଲା ସର୍ବଦେହେ

Couplet 54

ଯୋଗମାୟାରେ ମୋହ ହୋଇକ୍ଷଣକେ ପାସୋରିଲେ ତାହିଁ

Couplet 55

ପୁତ୍ରଙ୍କ ସ୍ନେହଭାବ ଘେନିଭଜନ୍ତି ଗୋପର କାମିନୀ

Couplet 56

ସୁଜନେ କୃଷ୍ଣପାଦେ ଚିନ୍ତସଂସାରେ ନୁହଁ ଭ୍ରମଚିତ୍ତ

Couplet 57

ସମ୍ପଦ ସ୍ୱପ୍ନପ୍ରାୟ ଦେଖଧ୍ୟାନେଣ ଚିନ୍ତ ପଦ୍ମମୁଖ

Couplet 58

ବ୍ରାହ୍ମଣ କୁଳେ ଜାତ ହୋଇବିଷ୍ଣୁବାସନା ମୋର ନାହିଁ

Couplet 59

ସାଧୁଚରଣେ ଆଶ୍ରେ ମୋରଉଧର କୃଷ୍ଣ-ହଳଧର

Couplet 60

ହରିଚରଣେ ଦିଅ ମନଯେ ହରି ବିପତ୍ତିନାଶନ

Couplet 61

ଆବର ଯେତେ ଦ୍ରବ୍ୟମାନସେ ସର୍ବ ନିଶିର ସ୍ୱପନ

Couplet 62

ସଂସାରୁ ତରିବ ଯେମନ୍ତଭଣଇଁ ଦାସ ଜଗନ୍ନାଥ