Adhyaya 19

Couplet 1

ଏବେ ହୋ ଶୁଣ ନରନାଥଅମୃତ କୃଷ୍ଣର ଚରିତ

Couplet 2

ଗୋପାଳେ ବୃନ୍ଦାବନେ ଥିଲେସୁସ୍ଥେ ରଜନୀ ପୁହାଇଲେ

Couplet 3

ରାମ ଗୋବିନ୍ଦ ଘେନି ସଙ୍ଗେମିଳିଲେ ଗୋପପୁର ଲାଗେ

Couplet 4

ଯେଝା ମନ୍ଦିରେ ଗୋପେ ଯାଇକହନ୍ତି ବୃଦ୍ଧଙ୍କୁ ବସାଇ

Couplet 5

କୃଷ୍ଣର ଯେତେ କର୍ମମାନଶୁଣି ସକଳେ ତୋଷମନ

Couplet 6

ମାୟାଗୋପାଳ ରୂପ ହୋଇକ୍ରୀଡ଼ା କରନ୍ତି ବେନିଭାଇ

Couplet 7

ଏମନ୍ତେ ଶୁଣ ପରୀକ୍ଷିତସ୍ୱଭାବେ ସରିଲା ବସନ୍ତ

Couplet 8

ନିଦାଘ କାଳ ଆଗମନେଘର୍ମ ନ ଲାଗେ ବୃନ୍ଦାବନେ

Couplet 9

ସର୍ବଦା ବସନ୍ତ ପବନସଧୀରେ ବହେ ଦିନୁ ଦିନ

Couplet 10

ବସନ୍ତ ନୋହେ ନା ଦୁର୍ଲ୍ଲଭଯେ ବନେ ଶ୍ରୀରାମ ମାଧବ

Couplet 11

ନଦୀ ନିର୍ଝର ଜଳନାଦନିବିଡ଼ ଝିଙ୍କାରି ଶବଦ

Couplet 12

ଅତି ଶୀତଳ ବନସ୍ଥଳୀନିର୍ଝର ଜଳକଣା ମିଳି

Couplet 13

ନଦୀ ତଡ଼ାଗ ପ୍ରସ୍ରବଣପବନ ଯୋଗେ ସ୍ନିଗ୍ଧବନ

Couplet 14

ଜଳେ ଅଛନ୍ତି ପୁଷ୍ପ ଯେତେକମଳ କୁମୁଦ ସହିତେ

Couplet 15

ତାହାଙ୍କ ରେଣୁ ଘେନି ବଳେପବନ ବହେ କୁତୂହଳେ

Couplet 16

ଏଣୁ ସେ ବୃନ୍ଦାବନ ଦେଶେନିଦାଘ ଗ୍ରୀଷମ ନ ପଶେ

Couplet 17

ଘନ ଗହନ ବନଭୂମିତେଣୁ ନୁହଁନ୍ତି ଜୀବେ ଶ୍ରମୀ

Couplet 18

ଅତି ଗଭୀର ନଦୀଜଳେଲହରୀ ଉଠେ ବାୟୁବଳେ

Couplet 19

ପଙ୍କ ଦ୍ରବଇ ବେନିତଟେସେ ଜଳେ ଗ୍ରୀଷ୍ମ ତ୍ରାସ କଟେ

Couplet 20

ତେଣୁ ଏ ବନଭୂମି ଦେଶନ ଲାଗେ ଆଦିତ୍ୟର ତ୍ରାସ

Couplet 21

ଅରୁଣ ତେଜ ନ ଲାଗଇଯହିଁ ବିଜୟ ଭାବଗ୍ରାହୀ

Couplet 22

ସ୍ୱଭାବେ କୁସୁମିତ ବନମୃଗ ମୟୂର ପକ୍ଷୀସ୍ୱନ

Couplet 23

କୋକିଳ ସାରସ ନିକରଭ୍ରମରଧ୍ୱନି ମନୋହର

Couplet 24

ଏମନ୍ତେ ପ୍ରଭୁ ବନମାଳୀଗୋପବାଳକ ମଧ୍ୟେ କେଳି

Couplet 25

ଆନନ୍ଦେ ଗୀତ ବେଣୁଧ୍ୱନିଗାଈ-ଗୋବତ୍ସା ସଙ୍ଗେ ଘେନି

Couplet 26

ମିଳିଲେ ବୃନ୍ଦାବନେ ଯାଇରଙ୍ଗେ ନାଚନ୍ତି ବେନିଭାଇ

Couplet 27

ସଦାବସନ୍ତ ବୃନ୍ଦାବନେନାନା କୁସୁମ ଫଳମାନେ

Couplet 28

ଯହିଁ ଗୋବିନ୍ଦ ବନଚାରୀମିଶେଷ ସଙ୍ଗେ ହଳଧାରୀ

Couplet 29

ଶୀତଳ ଛାୟା ବୃକ୍ଷତଳେଭ୍ରମର ପନ୍ତି ଫୁଲଡ଼ାଳେ

Couplet 30

ଶୋଭିତ ସରୋବର ଫୁଲସୁଗନ୍ଧ ଶୀତଳ ଅମୂଲ୍ୟ

Couplet 31

ଅରୁଣ ତେଜ ନ ଲାଗଇବନର ବହ୍ନି ବନେ ଥାଇ

Couplet 32

କୋମଳ ତୃଣ ଯୂଥେ ଯୂଥେଗୋରୁଏ ଚରନ୍ତି ନିଶ୍ଚିନ୍ତେ

Couplet 33

ଯମୁନା ଜଳ ବୃକ୍ଷମୂଳେପବନ ବହଇ ଶୀତଳେ

Couplet 34

ବନକୁସୁମ ପରିମଳଦେଖି ସାନନ୍ଦ ଆଦିମୂଳ

Couplet 35

ବାଳକକ୍ରୀଡ଼ା ସାବଧାନେକୃଷ୍ଣ ବିଜୟେ ବୃନ୍ଦାବନେ

Couplet 36

ସେ ବନେ ଚରାଇଲେ ଗାଈଗୋପେ ନାଚନ୍ତି ବେଣୁ ବାଇ

Couplet 37

ଶିରେ ଗୁଞ୍ଜରା ଜାମୁଡ଼ାଳୀରତ୍ନଭୂଷଣ ଫୁଲମାଳୀ

Couplet 38

ପ୍ରବାଳ-ବରହିସ୍ତବକଧାତୁଭୂଷଣ ରଙ୍ଗେରଖ

Couplet 39

ବାଳକେ ରାମକୃଷ୍ଣ ମେଳେଯୁଦ୍ଧ କରନ୍ତି ବାହୁବଳେ

Couplet 40

ରାମଗୋବିନ୍ଦ ଗୋପସୁତେଖେଳନ୍ତି ନୃତ୍ୟଗୀତ ଯୁତେ

Couplet 41

କୃଷ୍ଣର ନୃତ୍ୟ ଗୋପେ ଦେଖିମିଳିଲେ ଗୋବତ୍ସା ଉପେକ୍ଷି

Couplet 42

କେ ତାଳି ବାଇ ମନୋହରେଗମ୍ଭୀର ଗୀତନାଦ ସ୍ୱରେ

Couplet 43

ଶିଙ୍ଗା ମୁରଲୀନାଦ ପୁରିକେ ସାଧୁ ଧନ୍ୟ ଧନ୍ୟ କରି

Couplet 44

ଦେବେଯେ ଥିଲେ ଶୂନ୍ୟପଥେମିଳିଲେ କୃଷ୍ଣର ଅଗ୍ରତେ

Couplet 45

ମାୟାବାଳକ ରୂପ ହୋଇକୃଷ୍ଣର ଚଉପାଶେ ଥାଇ

Couplet 46

ସ୍ତୁତି କରନ୍ତି କୃଷ୍ଣ ରାମେଭାଟେ ଯେସନେ ଗୁଣଗାନେ

Couplet 47

ଏକ ଆରକେ ସାଧୁଭଣିଶୁଣ ପାଣ୍ତବ ଚୂଡ଼ାମଣି

Couplet 48

ତାଣ୍ତବ ରସେ ସୁଖେ ହରିବୃନ୍ଦା ବନରେ କ୍ରୀଡ଼ା କରି

Couplet 49

କୃଷ୍ଣର ନୃତ୍ୟ ଦେଖି ପୋଏରାମଙ୍କୁ ବେଢ଼ିଲେ ଥୋକାଏ

Couplet 50

ଖେମଟାରସେ ଗୀତ ଗାଇକେ ଧାଏଁ ଶିଙ୍ଗାନାଦ ଦେଇ

Couplet 51

ତାଳି ମୁରଲୀ ଗାଲତୁରନାଚନ୍ତି ବ୍ରହ୍ମାଣ୍ତ ଠାକୁର

Couplet 52

ନୃତ୍ୟର ଅନ୍ତେ ପରଶଂସିକେ ତହିଁ କହନ୍ତି ବିଶ୍ୱାସି

Couplet 53

ଥୋକେ କରନ୍ତି ନାନା ସ୍ତୁତିହରଷେ ପୁଷ୍ପ ପରଷନ୍ତି

Couplet 54

କୃଷ୍ଣ ସଙ୍ଗେ ନୃତ୍ୟ କରିବୁଲନ୍ତି ବୃନ୍ଦାବନେ ହେରି

Couplet 55

କେ ବଳେ ଏକୁ ଆରେ ଧରିଡାକନ୍ତି ବାହାନାଦ କରି

Couplet 56

କୃଷ୍ଣ ଉଠିଲେ ଉଚ୍ଚବୃକ୍ଷେଫଳ ତୋଳିଲେ ନାନା ଶାଖେ

Couplet 57

ପୋଏ ତୋଳିଲେ ଯେଝାମତେଅମର ଲୋକେ ଯୂଥେ ଯୂଥେ

Couplet 58

ଏକ ଆରକେ ମରାମରିକେ ସାକ୍ଷୀ କରନ୍ତି ମୁରାରି

Couplet 59

କର ଚରଣ ଧରି ଛନ୍ଦେଯୁଦ୍ଧ କରନ୍ତି ନାନା ବନ୍ଧେ

Couplet 60

କେ ପଛେ ଥାଇ ଚକ୍ଷୁ ବୁଜିନାମ ଧରନ୍ତି ମନେ ହେଜି

Couplet 61

ମୃଗଙ୍କ ପ୍ରାୟ କେହୁ ଧାଇଁପକ୍ଷୀଙ୍କ ପ୍ରାୟ କେ ଉଡ଼ଇ

Couplet 62

ଭେକର ପ୍ରାୟ କେ ଡିଅଁନ୍ତିଚାଲନ୍ତି ଯେହ୍ନେ ହଂସପନ୍ତି

Couplet 63

ବସ୍ତ୍ର ବାନ୍ଧନ୍ତି ବୃକ୍ଷ ଡାଳେଦୋଳି କରନ୍ତି କୁତୁହଳେ

Couplet 64

ପର୍ବତ କୁଞ୍ଜ ନଦୀକୂଳେଖେଳନ୍ତି ରାମକୃଷ୍ଣ ମେଳେ

Couplet 65

ଗାଈ ଚରାଇ ବେଣୁବାଇବନେ ଖେଳନ୍ତି ବେନି ଭାଇ

Couplet 66

ଏମନ୍ତେ କଂସ ଅନୁଚରବନେ ମିଳିଲା ନଦୀତୀର

Couplet 67

ପ୍ରଳମ୍ବ ନାମେ ମହାବଳୀଲୁଚି ଦେଖଇ କୃଷ୍ଣକେଳି

Couplet 68

କ୍ଷଣକେ ସହି ନ ପାରିଲାଗୋପାଳ ରୂପେକ ହୋଇଲା

Couplet 69

ପ୍ରଳମ୍ବ ବିଚାରଇ ମନେକୃଷ୍ଣଙ୍କୁ ମାରିବି କେସନେ

Couplet 70

ପୁଅଙ୍କ ମେଳେ ଥିବି ବସିମୋର ନିକଟେ ଯେବେ ଆସି

Couplet 71

ମୁଣ୍ତ ମୋଡ଼ିବି ଧରି କରେକହିବି କଂସର ଛାମୁରେ

Couplet 72

ଏମନ୍ତ ବିଚାରିଲା ମନେଲତାରେ ଥାଇ ବୃନ୍ଦାବନେ

Couplet 73

ମାୟା ଗୋପାଳ ରୂପ ହୋଇମିଳିଲା ଗୋପ ମଧ୍ୟେ ଯାଇ

Couplet 74

ତାହା ଜାଣିଲେ ଭାବଗ୍ରାହୀକହନ୍ତି ଗୋପାଳଙ୍କୁ ଚାହିଁ

Couplet 75

ବାଳକେ ଶୁଣ ମୋ' ଉତ୍ତରମୁହିଁ ଜାଣଇଁ ଖେଡ଼ସାର

Couplet 76

ରାଜା ପରଜା ଖେଳ ଅଛିଆସ ଖେଳିବା ବଳ ଆଞ୍ଚି

Couplet 77

ଶୁଣି ସାନନ୍ଦ ମନେ ହସିରୁଣ୍ତ ହୋଇଲେ ପୋଏ ଆସି

Couplet 78

ରାମ ଗୋବିନ୍ଦେ କରି ରାଜାସକଳେ ହୋଇଲେ ପରଜା

Couplet 79

ଅଧେ ହୋଇଲେ ରାମ ଆଡ଼େଥୋକେ ହୋଇଲେ କୃଷ୍ଣବାଡ଼େ

Couplet 80

କୃଷ୍ଣ ବୋଇଲେ ଦୁଇ ଦୁଇବଳ କଷିବା ଯୁଦ୍ଧ ବିହି

Couplet 81

ଯୋଡ଼ି ଯୋଡ଼ିଏ ଏକ ସଙ୍ଗେଯୁଦ୍ଧ କରିବା ନାନା ରଙ୍ଗେ

Couplet 82

ଖେଳ ପାଞ୍ଚିଲେ ଗୋପପୋଏମାୟା ଭିଆଣ ଦେବରାୟେ

Couplet 83

ଜଣ ଜଣକେ ନାମ ଧରିଯୁନ୍ଧେ ପେଷିଲେ ନରହରି

Couplet 84

ଶ୍ରୀଦାମ ନାମ ଗୋପବାଳେଯୁଝିଲା ଗୋବିନ୍ଦର ତୁଲେ

Couplet 85

ପ୍ରଳମ୍ବାସୁର ତୁଲେ ରାମକୃଷ୍ଣ ତୁଲେ ଭଦ୍ରସେନ

Couplet 86

ଏତେ ଭିଆଇ ଭାବଗ୍ରାହୀବୋଲନ୍ତି ଗୋପାଳଙ୍କୁ ଚାହିଁ

Couplet 87

ଯୁଦ୍ଧ କରିବା ପୀଢ଼ କରିସଂଗ୍ରାମେ ଯେ ଯାହାକୁ ହାରି

Couplet 88

ଭାଣ୍ତୀର ବଟ ତଳେ ନେଇଥୋଇବ କନ୍ଧରେ ବସାଇ

Couplet 89

ହେଉ ବୋଇଲେ ଗୋପବାଳେଯୁଝନ୍ତି ଯେ ଯାହାର ବଳେ

Couplet 90

ହାରିଲେ ବୃକ୍ଷମୂଳେ ନେଇଛାଡ଼ନ୍ତି କନ୍ଧରେ ବସାଇ

Couplet 91

ଏମନ୍ତେ ପ୍ରଭୁ ଦଇତାରିଶ୍ରୀଦାମ ତୁଲେ ଯୁଦ୍ଧ କରି

Couplet 92

ତାହାକୁ ଯୁଦ୍ଧେ କୃଷ୍ଣ ହାରିବଟେ ଛାଡ଼ିଲେ କଦ୍ଧେ କରି

Couplet 93

ଏବେ ହୋ ଶୁଣ ରସକଥାପ୍ରଳମ୍ବ ଅସୁର ବାରତା

Couplet 94

ପ୍ରଳମ୍ବାସୁର ରାମ ସଙ୍ଗେପଡ଼ିଲା ପଞ୍ଚାପଞ୍ଚି ରଙ୍ଗେ

Couplet 95

ଯୁଦ୍ଧ କରନ୍ତେ ଗୁରୁତରରାମକୁ ହାରିଲା ଅସୁର

Couplet 96

ତକ୍ଷଣେ ବସାଇଲା କନ୍ଧେଅସୁର ଭାଳଇ ଆନନ୍ଦେ

Couplet 97

ଏହାକୁ ବଟ ଯାଏ ନେଇଘେନିଣ ପଳାଇବି ମୁହିଁ

Couplet 98

ମୁଣ୍ତ ମୋଡ଼ିବି ବନେ ପଶିପୁଣି ମିଳିବ ଏଥେ ଆସି

Couplet 99

କୃଷ୍ଣ ପଡ଼ିବ ଯେତେବେଳେଘେନି ଉଡ଼ିବି ଅନ୍ତରାଳେ

Couplet 100

କଂସ ଛାମୁରେ ଦେବି ନେଇନିଶ୍ଚିନ୍ତେ ଭୁଞ୍ଜିବ ସେ ମହୀ

Couplet 101

ଏତେ ବିଚାରି ମହାସୁରକନ୍ଧେ ବସାଇ ହଳଧର

Couplet 102

ଭାଣ୍ତୀରବଟ ଗଲା ଜିଣିତାହା ଜାଣିଲେ ହଳପାଣି

Couplet 103

କୋଟିଏ ମେରୁ ଯେହ୍ନେ ଭାରଚଳି ନପାରିଲା ଅସୁର

Couplet 104

ତକ୍ଷଣେ ନିଜରୂପ ଧରିଅସୁର ଗଗନେ ସଞ୍ଚରି

Couplet 105

ନୀଳ-ଜୀମୂତ-ଦେହ କାନ୍ତିମଣିକଙ୍କଣ ଝଟକନ୍ତି

Couplet 106

ସ୍ୱାଭାବେ ନାନା ଅଳଙ୍କାରତେଜେ ବିରାଜିଲା ଅସୁର

Couplet 107

କି ଅବା ଦେବା ପଟାନ୍ତରଯାହାର କନ୍ଧେ ହଳଧର

Couplet 108

ବିଜୁଳି ଯେହ୍ନେ କଳାମେଘେଯେସନେ ଶଶାଙ୍କର ଲାଗେ

Couplet 109

ଗଗନେ ବେଗେ ଯାଉଅଛିତା' ଦେଖି ରାମ ମନେ ପାଞ୍ଚି

Couplet 110

ଭ୍ରୂକୁଟି କୁଟିଳ ପ୍ରପଞ୍ଚବିକଟ ଦନ୍ତ ତୀକ୍ଷ୍‌ଣ ଉଚ୍ଚ

Couplet 111

ସୁବର୍ଣ୍ଣ ତେଜେ ଦେହ ଝଳିନୀଳମେଘରେ କି ବିଜୁଳି

Couplet 112

ତକ୍ଷଣେ ପ୍ରଭୁ ହଳଧରଜାଣିଲେ ନିଶ୍ଚୟ ଅସୁର

Couplet 113

ମୁଷ୍ଟିଏ ପ୍ରହାରିଲେ ମୁଣ୍ତେବଜ୍ର ଯେସନେ ଗିରିଖଣ୍ତେ

Couplet 114

ମୁଣ୍ତ ହୋଇଲା ଶତେ ଚୂରଶବଦ କଲା ମହାଘୋର

Couplet 115

ରୁଧିର ଉଦ୍‌ଗାରିଲା ମୁଖେପଡ଼ିଲା ଗୋବର୍ଦ୍ଧନ ପାଖେ

Couplet 116

ଦେଖି ଚକିତ ଗୋପପୋଏସ୍ୱର୍ଗେ ଯେ ଥିଲେ ଦେବତାଏ

Couplet 117

ସକଳେ ସାଧୁ ସାଧୁ ଭଣିକୁସୁମ ବରଷିଲେ ଆଣି

Couplet 118

ରାମଙ୍କୁ ଧରି ଗୋପବାଳେକୋଳ କରିଣ ଚୁମ୍ବ ଦେଲେ

Couplet 119

ଅବନୀ ହୋଇଲା ଆନନ୍ଦବାଳମୂରତି ଆଦିକନ୍ଦ

Couplet 120

ସେ ରାମଚରଣେ ବିଶ୍ୱାସଶରଣ ଜଗନ୍ନାଥ ଦାସ