Adhyaya 18

Couplet 1

ବୋଲନ୍ତି ଅଭିମନ୍ୟୁ ସୁତଭୋ ମୁନି କହ ଭାଗବତ

Couplet 2

କେବଣ ହେତୁ କାଳୀସର୍ପଛାଡ଼ିଲା ରମଣକ ଦ୍ୱୀପ

Couplet 3

ଗରୁଡ଼େ କରି ଅପରାଧଲୁଚି ଯେ ଥିଲା କାଳୀ ହ୍ରଦ

Couplet 4

ହରିଚରଣ-ଚିହ୍ନ ଶିରେଧରିଣ ଗଲା ନିଜ ପୁରେ

Couplet 5

ଏ କଥା କହ ମୁନି ମୋତେସଂସାରୁ ତରିବି ଯେମନ୍ତେ

Couplet 6

କହନ୍ତି ଶୁକମୁନି ତୋଷେଶ୍ରୀକୃଷ୍ଣ ଚରଣ ବିଶ୍ୱାସେ

Couplet 7

ଶୁଣ ହୋ କାଳୀୟର କଥାତୁ ମୋକ୍ଷପଦେ ଶୁଦ୍ଧଚେତା

Couplet 8

ବ୍ରହ୍ମା ଯେ ବ୍ରହ୍ମାଣ୍ତ ଭିଆଇଯେ ଯାହା ରୂପେ ଠାବ ଦେଇ

Couplet 9

କାଳୀୟ ଆଦି ଯେତେ ସର୍ପେଥୋଇଲା ରମଣକଦ୍ୱୀପେ

Couplet 10

ନିର୍ଭୟ ହୋଇଥା'ନ୍ତି ତହିଁଗରୁଡ଼େ ବଳିଭୋଜା ଦେଇ

Couplet 11

ବନ-ଗହନେ ବୃକ୍ଷମୂଳେଗରୁଡେ ପୂଜନ୍ତି ସକଳେ

Couplet 12

ମାସକେ ନାନା ଉପହାରପାଳି ପଡ଼ଇ ଯେଝାଘର

Couplet 13

ସେ ବଳିଭୋଜା ଦେଇ ତୋଷେପୂଜନ୍ତି ଜୀବନର ଆଶେ

Couplet 14

ଏମନ୍ତେ କାଳୀୟର ଘରେପାଳି ପଡ଼ିଲା ଏକବାରେ

Couplet 15

ନାଗେ କହିଲେ ତା'ର ଆଗେଗରୁଡ଼ ପୂଜା ତୋ'ର ଭାଗେ

Couplet 16

ଶୁଣି କାଳୀୟ ତୋଷଚିତ୍ତେସଞ୍ଚା ସେ କଲା ନାନା ମତେ

Couplet 17

ଦଇବେ ନାଗଙ୍କର ରାଜାଅନେକ କଲା ବଳିଭୋଜା

Couplet 18

ବୃକ୍ଷର ମୂଳେ ନେଇ ଥୋଇଅନେକ ବାଦ୍ୟନାଦ ବାଇ

Couplet 19

କାଳୀୟ ବିଚାରଇ ଦେଖିଗରୁଡ଼ ବୋଲି କେତେପକ୍ଷୀ

Couplet 20

ଏତେକ ଭୋଜା ତା'ଙ୍କୁ ଦେବିତେବେ ସେ ନିର୍ଭୟ ହୋଇବି

Couplet 21

ଏ ବଡ଼ ଲଜ୍ଜା ମୋତେ ହୋଇବାସୁକି ମୋର ସାନଭାଇ

Couplet 22

ଏକ ଫଣାକେ ମହୀଧରିମୁଁ କିମ୍ବା ଗରୁଡ଼କୁ ଡ଼ରି

Couplet 23

ସହସ୍ର ଫଣା ଅଛି ମୋରଗରୁଡ଼ କେତେ ବଳୀୟାର

Couplet 24

ଏକା ପିଅର ପୁଅ ଆମ୍ଭେସେ କିମ୍ବା ଏଡ଼େ ବଡ଼ ଦମ୍ଭେ

Couplet 25

ଆଜ ଗଞ୍ଜିବି ତାର ବଳନିର୍ଭୟ ହେଉ ନାଗକୁଳ

Couplet 26

କେ ଅବା ନ ଜାଣନ୍ତି ମୋତେବ୍ରହ୍ମାଣ୍ତ ମଧ୍ୟେ ଛନ୍ତି ଯେତେ

Couplet 27

ଏତେ ବିଚାରି ସର୍ପ ମନେସବୁ ଖାଇଲା ଦୁଷ୍ଟପଣେ

Couplet 28

ଯେତେକ ନାଗବଳ ଥିଲେତାହାର ଦୁର୍ବୁଦ୍ଧି ଦେଖିଲେ

Couplet 29

ଭୟେ ହୋଇଲେ ଥରହରଖଗନାଥଙ୍କୁ ବଡ଼ ଡ଼ର

Couplet 30

ନାଗଙ୍କୁ ବୋଇଲାକ ରାଇଏଠାରେ ନ ଥିବଟି କେହି

Couplet 31

ଯାଅରେ ବୋଲି ଆଜ୍ଞା ଦେଲାଆପଣେ ବନସ୍ତେ ରହିଲା

Couplet 32

ସହସ୍ରଫଣା ଫୁ ଫୁ କରିବଦନୁଁ ଗରଳ ଉଦ୍‌ଗାରି

Couplet 33

ଏମନ୍ତେ ରଜନୀ ହୋଇଲାଗରୁଡ଼ ପକ୍ଷୀ ବିଜେ କଲା

Couplet 34

ଗଗନ ପୂରିଲା ଶବଦେକାନନେ ମିଳିଲା ଆନନ୍ଦେ

Couplet 35

ବୃକ୍ଷମୂଳକୁ ଦେଲା ଚାହିଁଦେଖିଲା ବଳିଭୋଜା ନାହିଁ

Couplet 36

ମନେ ପାଇଲା ଗରୁତାପମିଳିଲା କାଳୀୟ ସମୀପ

Couplet 37

କୋପେ ଚାହଁଇ ଖଗନାଥଆବୋରି କାଳୀୟର ପଥ

Couplet 38

ଗର୍ଜେ ଗରୁଡ଼ କୋପଭରେକାଳୀୟ ମିଳିଲା ଛାମୁରେ

Couplet 39

ସହସ୍ରଫଣା ମେଘପ୍ରାୟେଦଂଶିଲା ଗରୁଡ଼ର କାୟେ

Couplet 40

ଅର୍ଦ୍ଧଯୋଜନ ଘୁଞ୍ଚିଗଲାପୁଣି ହିଁ ଆଗେ ଓଗାଳିଲା

Couplet 41

ବିନତାସୁତ ବେଗେ ଧାଇଁଚାପୋଡ଼େ ପ୍ରହାରିଲା ନେଇ

Couplet 42

ହରିଙ୍କି ବହଇ ଯେ କନ୍ଧେସେ କି ପଡ଼ଇ ପରମାଦେ

Couplet 43

ଗରୁଡ଼ ପକ୍ଷଘାତ ପାଇକାଳୀୟ ମୂର୍ଚ୍ଛାଗତ ହୋଇ

Couplet 44

ଘଡ଼ିକେ ଚେତନା ପାଇଲାପବନୁଁ ବେଗେ ପଳାଇଲା

Couplet 45

କାଳନ୍ଦୀହ୍ରଦେ ପଶିଗଲାପାତାଳ-ବିବରେ ଲୁଚିଲା

Couplet 46

ନିର୍ଭୟେ ନିଶ୍ଚିନ୍ତେ ରହିଲାଗରୁଡ଼ ତହିଁ ନ ପଶିଲା

Couplet 47

କାଳୀୟ ଜାଣଇ ତଦନ୍ତଗରୁଡ଼ ନ ପଶଇ ଏଥ

Couplet 48

ପୂର୍ବେ ସେ ଅଛି ଶାପ ପାଇକାଳିନ୍ଦୀ ହ୍ରଦକୁ ନ ଯାଇ

Couplet 49

ନିଶ୍ଚିନ୍ତେ ନାଗବଳ ସଙ୍ଗେଜଳେ ରହିଲା ନବରଙ୍ଗେ

Couplet 50

ଗରୁଡ଼ ଦେଖି ବାହୁଡ଼ିଲାନିଜ ଭୁବନେ ବିଜେ କଲା

Couplet 51

ଶୁଣି ସାନନ୍ଦ ମହୀପତିମୁନିଙ୍କି ଚାହିଁ ତୋଷମତି

Couplet 52

ବୋଲଇ ନିସ୍ତରିଲି ମୁହିଁତୋ'ର ବଚନେ ମନ ଦେଇ

Couplet 53

ଭୋ ମୁନି ଅସମ୍ଭବ କଥାଗରୁଡ଼ ମହା ବଳବନ୍ତା

Couplet 54

ଗୋବିନ୍ଦ ଯାହାର ଠାକୁରକେ ତା'ର ତୁଲେ ବଳୀୟାର

Couplet 55

କାଳିନ୍ଦୀ ଜଳେ ନ ପଶିଲାମୋତେ ତ ସନ୍ଦେହ ଲାଗିଲା

Couplet 56

ହସି ବୋଲନ୍ତି ବ୍ୟାସସୁତଶୁଣ ହୋ ନୃପତି ତଦନ୍ତ

Couplet 57

ପୂର୍ବେ ସେ ନଦୀତୀରେ ବନେତପ କରନ୍ତି ମୁନିଜନେ

Couplet 58

ସୌଭରି ନାମେ ବ୍ରହ୍ମଋଷିତପ କରନ୍ତି ତଟେ ବସି

Couplet 59

ମୁନି ନିକଟେ ମୀନଗଣେକ୍ରୀଡ଼ା କରନ୍ତି ଅନୁକ୍ଷଣେ

Couplet 60

ବିଶ୍ୱାସ ଭାବେ ନିତିନିତିମୁନିଙ୍କି ନ କରନ୍ତି ଭୀତି

Couplet 61

ଦିନେକ ପ୍ରଭାତର କାଳେଆସି ମିଳିଲେ ମ›ତ୍ସ୍ୟବାଳେ

Couplet 62

ରୋହିତ ନାମେ ମତ୍ସ୍ୟରାଜଖେଳଇ ଉଦ୍ଭାରିଣ ଲାଞ୍ଜ

Couplet 63

ମୀନ ବାଳକେ କ୍ରୀଡ଼ା କରିଦେଖନ୍ତି ମୁନି ସଉଭରି

Couplet 64

ଏମନ୍ତେ ଗରୁଡ଼ ମିଳିଲାକାଳିନ୍ଦୀ ଜଳେ ଓହ୍ଲାଇଲା

Couplet 65

ଆହାର ଯତ୍ନେ ଖୋଜୁଥିଲାଜଳରେ ମୀନକୁ ଦେଖିଲା

Couplet 66

ନିଶ୍ଚଳେ ମୀନ ଚରୁଥିଲାଜଳ ହାନ୍ଦୋଳ କରିଦେଲା

Couplet 67

ନିଶ୍ଚିନ୍ତେ ବିହରଇ ମତ୍ସ୍ୟମୁନି ତା' ଦେଖନ୍ତି ପ୍ରତ୍ୟକ୍ଷ

Couplet 68

ମୁନି ବୋଲନ୍ତି ରହ ରହଏମାନେ ମୋର ନିଜ ଦେହ

Couplet 69

ଏହାକୁ ନ କର ଆହାରଏ ତୋ'ର କେବଣ ବେଭାର

Couplet 70

ଗରୁଡ଼ ନ ଶୁଣିଲା କର୍ଣ୍ଣେରୋହିତେ ଗିଳିଲା ବହନେ

Couplet 71

ଦେଖି ଚକିତ ମୁନିବରକୋପେ କମ୍ପିଲେ ଗୁରୁତର

Couplet 72

ବୋଲନ୍ତି ହରିଙ୍କି ଏ ବହିଏହାକୁ କୋପ ନ ଯୋଗାଇ

Couplet 73

ମୁହିଁ ଏହାକୁ କଲେ ନାଶକୋପ କରିବେ ପୀତବାସ

Couplet 74

ଏମନ୍ତେ ଚିତ୍ତ ସ୍ଥିର କରିକୋପେ ବୋଲନ୍ତି ସଉଭରି

Couplet 75

ରେରେ ଗରୁଡ଼ ଏଡ଼େ ଗର୍ବମୋତେ ଦେଖାଇଲୁ ସ୍ୱଭାବ

Couplet 76

ମୋହର ମନେ ଦେଲୁ ତାପଉଚିତେ ଘେନ ମୋର ଶାପ

Couplet 77

କାଳିନ୍ଦୀ ହ୍ରଦେ ନ ପଶିବୁଜୀବନେ ଯେତେ କାଳ ଥିବୁ

Couplet 78

ଯେବେ ପଶିବୁ ଦୁଷ୍ଟପଣେଭସ୍ମ ହୋଇବୁ ତତ୍‌କ୍ଷଣେ

Couplet 79

ଶୁଣି ଗରୁଡ଼ ପଳାଇଲାକାଳିନ୍ଦୀହ୍ରଦେ ନ ପଶିଲା

Couplet 80

ତାହା କାଳୀୟ ଜାଣିଥିଲାପଳାଇ ତହିଁ ସେ ଲୁଚିଲା

Couplet 81

ଲୁଚିଲାଠାରୁ ନେଇ ପୁଣିଏମନ୍ତ କଲେ ଚକ୍ରପାଣି

Couplet 82

ଶୁଣ ପରୀକ୍ଷ ଦଣ୍ତଧାରୀକୂଳେ ବିଜୟ ନରହରି

Couplet 83

କାଳୀୟ ସ୍ୱକୁଟୁମ୍ବ ଘେନିପୂଜି ଯେ ଗଲା ପାଦବେନି

Couplet 84

କୃଷ୍ଣର ଦେଖିଣ ବଦନଆନନ୍ଦ ଯଶୋଦାର ମନ

Couplet 85

ଗୋପୀ ଗୋପାଳେ ବେଗେଧାଇଁକୋଳ କରନ୍ତି ଚୁମ୍ବ ଦେଇ

Couplet 86

କୃଷ୍ଣଙ୍କୁ ପାଇଣ ସମସ୍ତେଚିନ୍ତା ଛାଡ଼ିଲେ ହୃଦଗତେ

Couplet 87

କୃଷ୍ଣଙ୍କୁ ଦେଖି ହଳଧରକୋଳ କରନ୍ତି ସ୍ନେହଭର

Couplet 88

ଗାଈ ଗୋବତ୍ସା ଦେଖି ତୋଷେରହିଲେ ମନର ହରଷେ

Couplet 89

ଆସି ମିଳିଲେ ବିପ୍ରଜନନନ୍ଦକୁ ବୋଲନ୍ତି ବଚନ

Couplet 90

ବୋଲନ୍ତି ଭାଗ୍ୟବନ୍ତ ତୁହିଁଏମନ୍ତ ଦେଖିଲା ତ ନାହିଁ

Couplet 91

ଏତେ ଆପଦୁଁ ପୁତ୍ର ତରିନିଶ୍ଚୟେ ରଖିଲେ ମୁରାରି

Couplet 92

ପୂର୍ବେ ସୁକୃତ ଯା'ର ଥାଇସକଳ ଦୁସ୍ତରୁ ତରଇ

Couplet 93

କାଳୀୟ ବିଷଜ୍ୱାଳାବାଏପକ୍ଷୀଏ ନ ଉଡ଼ନ୍ତି ଭୟେ

Couplet 94

ଏଡ଼େ ଗରଳ କଲା ନାଶପ୍ରତ୍ୟେକ୍ଷ ବିଷ୍ଣୁ ତୋ'ର ଶିଷ

Couplet 95

କଲ୍ୟାଣ ହେଉ ତୋ' କୁମରେବୋଲି ଚଳିଲେ ବିପ୍ରବରେ

Couplet 96

ଏମନ୍ତେ ହୋଇଲା ରଜନୀଗୋପାଳେ ରାମକୃଷ୍ଣ ଘେନି

Couplet 97

ଗୋପକୁ ଯାଇ ନ ପାରିଲେରଜନୀ ବଞ୍ଚିବା ବୋଇଲେ

Couplet 98

କ୍ଷୁଧା-ପିପାସା-ଦୁଃଖ ଭରେଶୋଇଲେ କାଳିନ୍ଦୀର ତୀରେ

Couplet 99

ଏମନ୍ତ ଶୁଣ ମହୀପତିଅଗ୍ନି ବେଢ଼ିଲା ଚଉକତି

Couplet 100

ଦଇବେ ନିଦାଘର କାଳପବନ ବହଇ ପ୍ରବଳ

Couplet 101

ପ୍ରଳୟାନଳ ପ୍ରାୟ ହୋଇବେଢ଼ିଲା ଗୋପାଳଙ୍କୁ ଯାଇ

Couplet 102

ନିଦ୍ରାରେ ନ ଜାଣନ୍ତି କେହିରଜନୀ ଅର୍ଦ୍ଧ ଅଛି ହୋଇ

Couplet 103

ପ୍ରତ୍ୟେକ୍ଷେ ଗୋପାଳେ ଦେଖିଲେବେଗେ ଶୟନ ଉପେକ୍ଷିଲେ

Couplet 104

ଅଗ୍ନି ଜଳଇ ପରଖରପବନ ଯୋଗେ ବଳୀୟାର

Couplet 105

ଦେଖି ଗୋପାଳେ ଖରତରେପଶିଲେ କାଳନ୍ଦୀ ଭିତରେ

Couplet 106

ଡାକନ୍ତି ରଖ ନାରାୟଣଗୋକୁଳେ ତୋହର ଶରଣ

Couplet 107

ଆମ୍ଭଙ୍କୁ ସଂକଟୁ ତାରିଲୁତୁ ନାଥ ପରମ ଦୟାଳୁ

Couplet 108

ଏବେ ଆପଦୁଁ ରଖ ତୁହିଅନାଥ ହୋଇଲୁ ଗୋସାଇଁ

Couplet 109

ଗାଈ ଗୋପାଳ ଗୋପ ଆଦିଅନଳ ଆଣିଲା ନିରୋଧି

Couplet 110

ଗୋକୁଳ କଷ୍ଟ ଦେଖି ହରିଅନନ୍ତମାୟା ଯୋଗକରି

Couplet 111

ଦାସବତ୍ସ›ଳ ଗୋପୀନାଥଅନଳ କଲେ ଗର୍ଭଗତ

Couplet 112

ମାୟାରେ ମେଘମାନେ ଆସିବୃଷ୍ଟି କରନ୍ତି ବନେ ପଶି

Couplet 113

ତକ୍ଷଣେ ଅନଳ ଲିଭିଲାରବି କିରଣ ପ୍ରକାଶିଲା

Couplet 114

ଶୁଭେ ପାହିଲା ଘୋର ନିଶିନିର୍ମଳ ଦଶ ଦିଗ ଦିଶି

Couplet 115

ଯେ ହରି ମହିମା ଅନନ୍ତଅନନ୍ତ ଶକ୍ତି ଗୁଣେ ଯୁତ

Couplet 116

ଗୋପୀ-ଗୋପାଳେ ରକ୍ଷା କରିଗୋପେ ମିଳିଲେ ନରହରି

Couplet 117

ସେ ହରି ଚରଣାରବିନ୍ଦେମୋ ମନ-ଭ୍ରମର ଆନନ୍ଦେ

Couplet 118

ନିଶ୍ଚିନ୍ତେ ମକରନ୍ଦ ରସସେବଇ ଜଗନ୍ନାଥ ଦାସ