Skandha 10
Adhyaya 15
Couplet 1
ଶୁଣ ପରୀକ୍ଷ ମହୀପତିବ୍ରହ୍ମାର ମନୁ ଗଲା ଭ୍ରାନ୍ତି
Couplet 2
ସଭୟେ ବେନି କରଯୋଡ଼ିକ୍ଷଣ କ୍ଷଣକେ ପାୟେ ପଡ଼ି
Couplet 3
କୃଷ୍ଣ ଚରଣେ ଦେଇ ଶିରସ୍ତୁତି କରଇ ବେଦବର
Couplet 4
ନମସ୍ତେ ବ୍ରହ୍ମାଣ୍ତ ଠାକୁରତୋହର ମାୟା ଏ ସଂସାର
Couplet 5
ତୋ ତନୁ ନୀଳଘନ ତ୍ରାସବିଜୁଳି ପ୍ରାୟ ପୀତବାସ
Couplet 6
ଗୁଞ୍ଜରା ପାଟି ଶିଖି ପୁଚ୍ଛଏଣେ ନିର୍ମଳ ଚୂଳ ସଞ୍ଚ
Couplet 7
ଅଳପସ୍ଥିତ ରଙ୍ଗ ମୁଖଚିନ୍ତିଲେ ଖଣ୍ତେ ଭବଦୁଃଖ
Couplet 8
ବନମାଳାଏ ଲମ୍ବେ ଉରେଅନ୍ନ ପୁଡ଼ାଏ ବାମକରେ
Couplet 9
ବେତ ମୁରଲୀ ଶିଙ୍ଗା କରେକମଳା ସେବଇ ପୟରେ
Couplet 10
ଏ ଯେତେ ବାଛୁରୀ କୁମରତୋହର ଶରୀରୁ ବାହାର
Couplet 11
ତୋ ଅବତାର ମୋର ହିତେସୁଖ ସମ୍ପଦ ଅବିରତେ
Couplet 12
ଇଚ୍ଛାରେ ହୋଇଅଛୁ ଜାତତୋର ନିର୍ମାଣ ପଞ୍ଚଭୂତ
Couplet 13
ଏ ଦେହ ମହିମା ନ ଜାଣୁମୁଁ ବ୍ରହ୍ମା ରୁଦ୍ର ମୁନିମନୁ
Couplet 14
ବୁଦ୍ଧି ବିଚାର ଅନୁମାନିବେଦ ପୁରାଣେ ପରିମାଣି
Couplet 15
ଯେ ଜ୍ଞାନଯୋଗେ ଇନ୍ଦ୍ରି ଜିଣେତୋର ମହିମା ନ ପ୍ରମାଣେ
Couplet 16
ସେ ପ୍ରାଣୀ ହୁଅଇ ନିରାଶକେବଳ ଲଭେ ଦେହପ୍ରାସ
Couplet 17
ଜ୍ଞାନର ପଥ ଛାଡ଼ି ଥୋକେତୋତେ ଚିନ୍ତନ୍ତି ସନ୍ଥ ଲୋକେ
Couplet 18
ସାଧୁଜନଙ୍କ ମୁଖୁ ଶୁଣିତୋର ମହିମା ମନେ ଗୁଣି
Couplet 19
ମନବଚନ କରି ଏକହେଲେ ଜିଣନ୍ତି ତିନିଲୋକ
Couplet 20
ତୋର ଚରଣେ ଭାବ ଛାଡ଼ିଯେ ଯା'ନ୍ତି ଯୋଗପଥ ମାଡ଼ି
Couplet 21
ମନ ବଚନ ହୃଦେ ଛନ୍ଦିତପେ ଇନ୍ଦ୍ରିୟବଳ ରୁନ୍ଧି
Couplet 22
ଯେତେ କରନ୍ତି ଦେହଶ୍ରମତୋର ମାୟାରେ ହୋନ୍ତି ଭ୍ରମ
Couplet 23
କେବଳ ଲାଭ ଦେହପ୍ରାସସେ ପ୍ରାଣୀ ହୁଅନ୍ତି ନିରାଶ
Couplet 24
ତଣ୍ତୁଳ ଆଶେ ଚଷୁ କୁଟିଯେହ୍ନେ ମରନ୍ତି ପ୍ରାଣୀ ଫୁଟି
Couplet 25
ନିରାଶ ହୋନ୍ତି ବେନିପଥପଶୁ ଯୋନିରେ ହୋନ୍ତି ଜାତ
Couplet 26
ତୋତେ ନ ପାଇ ନରହରିଭ୍ରମନ୍ତି ତୋ' ମାୟା ଆବୋରି
Couplet 27
ପୂର୍ବେ ଅନେକ ମୁନିଜନସେବିଲେ ତୋହର ଚରଣ
Couplet 28
ନିଜ କରମ ଫଳ ଭୁଞ୍ଜିତୋ' ଗତି ଏକୁ ଆରେ ହେଜି
Couplet 29
ପାଇଲେ ତୋ' ପରମ ପଦଖଣ୍ତିଲେ ବିଷୟ-ବିଷାଦ
Couplet 30
ନିର୍ମଳ ଆତ୍ମା ମୁନିଗଣେତୋର ମହିମା ପରିମାଣେ
Couplet 31
ତୋର ବିକାର ନ ପାଇଲେଭକତି ହେଜି ତରିଗଲେ
Couplet 32
ନିର୍ଗୁଣ ଆତ୍ମା ଗୁଣବନ୍ତତୋର ମହିମା ଗୋପୀନାଥ
Couplet 33
ବ୍ରହ୍ମାଣ୍ତେ ଦେହବନ୍ତ ହୋଇତୋ' ଗୁଣ କେ ପାରିବ କହି
Couplet 34
ଭୂମିରେ ଯେତେ ରେଣୁଛନ୍ତିଆକାଶେ ଯେତେ ତାରାପନ୍ତି
Couplet 35
ବରଷା ଧାରା ପଡ଼େ ଯେତେକେ ଗଣିପାରେ ଏ ଜଗତେ
Couplet 36
ଏ ତିନି ଗଣନେ ସମର୍ଥକେହି ବା ଥିବେ ଏ ଜଗତ
Couplet 37
ତୋର ମହିମା ଗୁଣ ଗୁଣିକେହି ନ ପାରେ ଚକ୍ରପାଣି
Couplet 38
ଯାହାକୁ ହେଉ ତୁ ସଦୟେସେ ନ ପଡ଼ଇ ମାୟାମୋହେ
Couplet 39
ତୋର ଭକତି ହୃଦେ ହେଜିଅର୍ଜିଲା କର୍ମଫଳ ଭୁଞ୍ଜି
Couplet 40
ଚିତ୍ତ ନିବେଶି ତୋର ପାଦେସଂସାରୁ ଯା'ନ୍ତି ମୋକ୍ଷପଦେ
Couplet 41
ଅଜ୍ଞାନ ପଣ ଦେଖ ମୋରତୋତେ ଭଣ୍ତିଲି ମାୟାଧର
Couplet 42
ମାୟାବୀମାନଙ୍କର ଶ୍ରେଷ୍ଠତୋ' ସଙ୍ଗେ କଲି ମାୟା-ହଟ
Couplet 43
ଅନଳ ଶିଖା କି ଅନଳସଙ୍ଗତେ ହୋଇପାରେ ତୁଲ
Couplet 44
ଅଳପ ଲୋକେ ଅଧିକାରତୁ କିପାଁ ଦେଲୁ ଦାମୋଦର
Couplet 45
ଅଳପ ଲୋକେ ଆଧି ଦେଲେସମ୍ଭାଳି ନ ପାରଇ ଭଲେ
Couplet 46
ବ୍ରହ୍ମା ବୋଲି ମୁଁ ବହି ଗର୍ବତୋତେ ଭଣ୍ତିଲି ପଦ୍ମନାଭ
Couplet 47
ଏଣୁ ହୋଇଲି ଅପରାଧୀତୁ ନାଥ କରୁଣା ବାରିଧି
Couplet 48
ମୋ' ଅପରାଧ କ୍ଷମାକରଭୋ ନାଥ ଶରଣ ତୋହର
Couplet 49
ମୁଁ ତୋର ନାଭିପଦୁଁ ଜାତତୁ କି ନ ଜାଣୁ ଜଗନ୍ନାଥ
Couplet 50
ମୁଁ ତୋର ଯେତେକ ଅନ୍ତରତୁ କି ନ ଜାଣୁ ଚକ୍ରଧର
Couplet 51
ଅବନୀ ଆଦି ପଞ୍ଚଭୂତେମନ ଚେତନା ଅହଂକୃତେ
Couplet 52
ଜୀବ ପରମ ଭାବ ବହିବ୍ରହ୍ମାଣ୍ତ ପାଳୁ ଭାବଗ୍ରାହୀ
Couplet 53
କେତେ ବ୍ରହ୍ମାଣ୍ତ ରୋମମୂଳେଉଡୁ ଅଛନ୍ତି ଅନ୍ତରାଳେ
Couplet 54
ଜଳାକବାଟି ବାଟେ ଯେହ୍ନେରେଣୁଏ ଉଡ଼ନ୍ତି ଗଗନେ
Couplet 55
ମୁଁ ଏକ ଅଣ୍ତ ମଧ୍ୟେ ରହିସପ୍ତ ଚାଖଣ୍ତ ଦେହ ବହି
Couplet 56
ଅଛଇ ଜୀବ ଆତ୍ମା ଧରିତୋ' ମାୟା-ପଟଳ ଆବୋରି
Couplet 57
ଏତେ ଅନ୍ତର ତୋର ମୋରତୋତେ ଭଣ୍ତିଲି ମୁଁ ପାମର
Couplet 58
ଗର୍ଭ ଭିତରେ ସୁତ ଥାଇସେ ଯେହ୍ନେ ପାଦ ପ୍ରହାରଇ
Couplet 59
ସେ ଅପରାଧ ଚିତ୍ତେ ଘେନିକୋପ କି କରଇ ଜନନୀ
Couplet 60
ତୋ' ନାଭିକମଳୁ ମୁଁ ଜାତତୋତେ ଭଣ୍ତିଲି ଜଗନ୍ନାଥ
Couplet 61
ତୋହର ଉଦରେ ପଶିଲିଅଶେଷ ବ୍ରହ୍ମାଣ୍ତ ଦେଖିଲି
Couplet 62
ଜଳଧି ଶୟନର କାଳେଏ କଥା ଜାଣନ୍ତି ସକଳେ
Couplet 63
ନଭ-ଅବନୀ ଦେହବ୍ୟାପୀତୁ ନାଥ ନାରାୟଣ ରୂପୀ
Couplet 64
ସକଳ ନର ଆତ୍ମା ହେଉତେଣୁ ନାରାୟଣ ବୋଲାଉ
Couplet 65
ପ୍ରଳୟଜଳେ ଥିଲୁ ଶୋଇତୋ ରୂପ ଦେଖିଲଇଁ ମୁହିଁ
Couplet 66
ଦେଖି ସାନନ୍ଦ ମୋର ମନତୁ କି ନଜାଣୁ ଜନାର୍ଦ୍ଦନ
Couplet 67
ମିଥ୍ୟା ନୁହଁଇ ନା ଏ କଥାତୋତେହେଁ ସାକ୍ଷୀ ତୋରମାତା
Couplet 68
ଗୋପାଳକୁମରଙ୍କ ମେଳେମାଟି ଭକ୍ଷିଲୁ ଯେତେବେଳେ
Couplet 69
ଯଶୋଦା ଦେଖିଲା ତୋ ତୁଣ୍ତଉଦରେ ଅଶେଷ ବ୍ରହ୍ମାଣ୍ତ
Couplet 70
ବାହାର ଭିତର ଆଚ୍ଛାଦିତୋ' ମାୟାବଳେ ଅଛୁ ରୁନ୍ଧି
Couplet 71
ଏବେ ଏ ବୃନ୍ଦାବନେ ମୋତେମାୟା ନ କଲୁ କେତେ କେତେ
Couplet 72
ପ୍ରଥମେ ଦେଖିଲଇଁ ଏକକ୍ଷଣକେ ହୋଇଲୁ ଅନେକ
Couplet 73
ଯେତେ ବାଛୁରୀ ଗୋପପୋଏଦିଶିଲେ ତୋହରି ପରାୟେ
Couplet 74
ନୀଳ ଶରୀର ଚାରିକରବ୍ରହ୍ମାଏ ଖଟନ୍ତି ପୟର
Couplet 75
ତୁହି ତୋହର ମାୟା ବହୁବ୍ରହ୍ମା-ଶଙ୍କର ରୂପ ବହୁ
Couplet 76
ସୃଷ୍ଟିର ଅଗ୍ରେ ମୋତେ କରିସଙ୍ଖୋଳି ଦେଲୁ ବେଦଚାରି
Couplet 77
ଜଗତ କରାଇ ଭିଆଣତୁ ତାହା ପାଳୁ ନାରାୟଣ
Couplet 78
ଭୂତ-ଭାବନ ରୂପ ବହୁଭକତ ହିତେ ନିତ୍ୟେ ଥାଉ
Couplet 79
ଶଙ୍କର ରୂପେ କରୁ ଅନ୍ତଏଣୁ ତୁ ବୋଲାଉ ଅନନ୍ତ
Couplet 80
ଦେବ ବ୍ରାହ୍ମଣ ଋଷି ପଶୁଏତେ ଶରୀର ତୁ ପ୍ରକାଶୁ
Couplet 81
ଦୁଷ୍ଟ ନିବାରି ସନ୍ଥ ପାଳୁଦୟାରେ ଧର୍ମ ତୁ ସମ୍ଭାଳୁ
Couplet 82
ସଂସାରେ ହେଉ ଅବତାରଦୁଷ୍ଟଦଳନ ବାନା ତୋର
Couplet 83
ତୁ ନାଥ ଧର୍ମ କରୁ ରକ୍ଷାଖଳନାଶନ ତୋର ଦୀକ୍ଷା
Couplet 84
କାହିଁ କିପରି କିସ ପାଇଁକେତେବେଳେ ବା ଖେଳୁ ତୁହି
Couplet 85
ବିସ୍ତାରି ତୋର ଯୋଗମାୟାକେ ଜାଣିପାରେପ୍ରଭୁ ଏହା
Couplet 86
ଯୋଗେଶ୍ୱରଙ୍କୁ ଅଗୋଚରଭୋ ନାଥ ଏ ଲୀଳା ତୋହର
Couplet 87
ତେଣୁ ତୋ ମାୟାର ଜଗତତୋ' ତହୁଁ ହୋନ୍ତି ଆତଜାତ
Couplet 88
ବିଜୁଳି ଝଟକ ଯେସନମେଘରେ ଦିଶି ହୋନ୍ତି ଲୀନ
Couplet 89
ତୁନାଥ ପୁରୁଷ ପୁରାଣଜ୍ୟୋତି ସ୍ୱରୂପ ଠୁଳଶୂନ୍ୟ
Couplet 90
ନିୟତ ପୂର୍ଣ୍ଣ ନିରଞ୍ଜନଉପାଧିହୀନ ସୁଖପୂର୍ଣ୍ଣ
Couplet 91
ସକଳ ଜନ୍ତୁ ମଧ୍ୟେ ତୁହିବିହରୁ ଆତ୍ମାରୂପ ହୋଇ
Couplet 92
ଗୁରୁ ବଚନୁ ଜ୍ଞାନସାରପାଇ ଯେ କରନ୍ତି ବିଚାର
Couplet 93
ଭକ୍ତି ଭାବରେ ଜ୍ଞାନଲାଭହୁଅଇ ଯା'ର ପଦ୍ମନାଭ
Couplet 94
ଭବ ଜଳଧି ସେ ତରନ୍ତିମାୟା-ପଟଳେ ନ ପଡ଼ନ୍ତି
Couplet 95
ଆତ୍ମାକୁ ଆତ୍ମଜ୍ଞାନେ ଜାଣିଚିନ୍ତା ନ କରେ ଯେଉଁ ପ୍ରାଣୀ
Couplet 96
ଅଜ୍ଞାନ ଭାବେ ଜ୍ଞାନ ନାଶରଜ୍ଜୁରେ ଯେହ୍ନେ ସର୍ପତ୍ରାସ
Couplet 97
ଜୀବର ବନ୍ଧ-ମୋକ୍ଷ ଦୁଇଅଜ୍ଞାନ ଭାବୁଁ ଜାତ ହୋଇ
Couplet 98
ତୋହର ତତ୍ତ୍ୱ ଯେ ଜାଣଇତାହାର ବନ୍ଧ-ମୋକ୍ଷ ନାହିଁ
Couplet 99
ଆଦିତ୍ୟ ସଦା ପ୍ରକାଶିଲେନ ଥା'ନ୍ତା ଦିବାରାତ୍ର ଭଲେ
Couplet 100
ତେସନେ ସଦା ସର୍ବସ୍ଥାନସମାନ ଭାବେ ଅଛ ପୂର୍ଣ୍ଣ
Couplet 101
ତୋତେ ଯେ ନ ପାରନ୍ତି ଚିନ୍ତିଆତ୍ମାକୁ ବାହାରେ ଲୋଡ଼ନ୍ତି
Couplet 102
ଶ୍ରମ ଯେ ଲାଭ ତାହାଙ୍କରନାହିଁ ତୋ' ଭିତର ବାହାର
Couplet 103
ଯେ ତୋତେ ଶରୀରେ ଲୋଡ଼ନ୍ତିସୂକ୍ଷ୍ମ ସ୍ୱରୂପ ରୂପେ ଚିନ୍ତି
Couplet 104
ଅଜ୍ଞାନ ନାଶେ ତାହାଙ୍କରଭବ ସାଗରୁ ହୋନ୍ତି ପାର
Couplet 105
ଏ ଜ୍ଞାନୀ ଲୋକଙ୍କର ମତତୋହର ଦୟାରେ ଅନନ୍ତ
Couplet 106
ତୋତେ ନିରୋପି ଏ ଶରୀରେଶରୀର-ଭ୍ରାନ୍ତି ଦୂର କରେ
Couplet 107
ନିକଟେ ସର୍ପ ଯା'ର ଥାଇସେ କି ଆନକୁ ପାରେ ଚାହିଁ
Couplet 108
ସର୍ପର ପ୍ରାୟ ତୋ' ସ୍ୱରୂପେଜ୍ଞାନୀଏ ଜାଗରିତ ଆପେ
Couplet 109
ତୋର ଦୟାରେ ତୋତେ ଜାଣିଭାବି ତରନ୍ତି ସାଧୁପ୍ରାଣୀ
Couplet 110
ତୋ' ଅନୁଗ୍ରହ ଯାରେ ନାହିଁବ୍ରହ୍ମାଣ୍ତେ ଲୋଡ଼ିଲେ ନ ପାଇ
Couplet 111
କେତେ କହିବି ନାଥ ତୋତେଏମନ୍ତ ଆଜ୍ଞା ହେଉ ମୋତେ
Couplet 112
ନାନା-ଯୋନିରେ ଜାତ କରତୋ'ର ସେବକ ମଧ୍ୟେ ବର
Couplet 113
ଅପ୍ରାଧ କ୍ଷମାକର ମୋତେତୋ' ପାଦେ ସେବଇଁ ଯେମନ୍ତେ
Couplet 114
ଗୋପେ ଅଛନ୍ତି ଯେତେ ଜନକେ ତା'ଙ୍କ ପୁଣ୍ୟ କରୁ ଆନ
Couplet 115
ହୋଇଣ ବାଛୁରୀ-କୁମରସ୍ତନ୍ୟ ପିଇଲୁ ତାହାଙ୍କର
Couplet 116
ତୋ' ମନରଞ୍ଜନେ ଅନନ୍ତଯଜ୍ଞେ ନୋହିଲେ ସମରଥ
Couplet 117
ନନ୍ଦ-ଯଶୋଦା ଗୋପୀ-ଗୋପଅନେକ କରିଛନ୍ତି ତପ
Couplet 118
ତୁ ନାଥ ମିତ୍ର ତାହାଙ୍କରବ୍ରହ୍ମା-ଶଙ୍କରେ ଅଗୋଚର
Couplet 119
ତୋ'ପାଦ ପଦ୍ମରେ ଅମୃତତେଣେ ଲୋଭିତ ଯା'ର ଚିତ୍ତ
Couplet 120
ମନ ଭ୍ରମରେ କରି ପାନତେଜିବେ ତୋ' ମାୟା ଅଜ୍ଞାନ
Couplet 121
କୀଟପତଙ୍ଗ ରୂପ ହୋଇଗୋକୁଳେ ପଡ଼ିଥିବି ମୁହିଁ
Couplet 122
ଗୋପଜନଙ୍କ ପାଦଧୂଳିଦେହରେ ହେଉଥିବି ବୋଳି
Couplet 123
ଦେବେ ନ ପାନ୍ତି ଯା'କୁ ଖୋଜିଗୋପୀଏ ମିତ୍ରପଣେ ଭଜି
Couplet 124
ପୂତନା କରି ଶତ୍ରୁପଣତୋ'ଦେହେ ପଶି ହେଲା ଲୀନ
Couplet 125
ଏଣୁ ତୋ' ନାହିଁ ମିତ୍ର ଅରିଜଗୁ ଜୀବନ ନରହରି
Couplet 126
ତୋର ଚରଣେ ଗୋପୀନାଥଶରଣ ନ ପଶେ ଯାବତ
Couplet 127
ତାବତ କାମ-କ୍ରୋଧ ବଳେଡ଼କା କରନ୍ତି ଅବହେଳେ
Couplet 128
ଗୃହ ହୁଅଇ ବନ୍ଦିଘରମୋହ ଶାଙ୍କୁଳି ଏ ପୟର
Couplet 129
ଦାରା ତନୟ ମୋହେ ଜଡ଼ିଦୁଃଖ ସଂକଟେ ଥା'ନ୍ତି ପଡ଼ି
Couplet 130
ଶରଣ ଜନର ଆନନ୍ଦବଢ଼ାଇବାକୁ ଆଦିକନ୍ଦ
Couplet 131
ଅରୂପ ହୋଇ ରୂପ ଧରୁପୁତ୍ରାଦି ରୂପେ ଲୀଳା କରୁ
Couplet 132
ଯେ ବୋଲେ ତୋହର ମହିମାଜାଣଇ ବୋଲି ଗୁଣସୀମା
Couplet 133
ସେ ଜାଣୁ ମୁହିଁ ତ ବହୁତବିଚାରି ନ ପାଇଲି ଅନ୍ତ
Couplet 134
ତୁ ଅନ୍ତର୍ଯ୍ୟାମୀ ଜଗନ୍ନାଥତୋ'ର ଏ ଦେହ ଏଜଗତ
Couplet 135
ଅଧିକ କି କହିବି ଆଉକିସ କରିବି ଆଜ୍ଞା ହେଉ
Couplet 136
ତୁ ବୃଷ୍ଣିବଂଶ-ଦିନକରପାଷଣ୍ତ ଧର୍ମ-ତମ ହର
Couplet 137
ଭୂମି ଦେବତା ଗୋ-ବ୍ରାହ୍ମଣସମୁଦ୍ରକୁ ଯେ ଚନ୍ଦ୍ର ସମ
Couplet 138
ଭାରା ନିବାରୁ ଦୁଷ୍ଟ ନାଶିନମୋ ନମସ୍ତେ ବ୍ରହ୍ମରାଶି
Couplet 139
ଶୁକ ବୋଲନ୍ତି ଶୁଣ ରାୟବ୍ରହ୍ମା ଛାଡ଼ିଲା ମନୁ ଭୟ
Couplet 140
ପାଦେ ପଡ଼ିଲା ଶତେବାରବାହୁଡ଼ି ଗଲା ନିଜ ପୁର
Couplet 141
ବତ୍ସା ବାଳକ ଆଣିଦେଲାବିକଳେ କୃଷ୍ଣଙ୍କୁ ଚାହିଁଲା
Couplet 142
ବ୍ରହ୍ମାର ମୁଖକୁ ଅନାଇବୋଲନ୍ତି ବ୍ରହ୍ମାଣ୍ତ ଗୋସାଇଁ
Couplet 143
ହସି ବୋଲନ୍ତି ଚକ୍ରଧରବିଧାତା ଯାଅ ନିଜପୁର
Couplet 144
ବ୍ରହ୍ମାଣ୍ତ ପାଳ ସୁଖେ ଯାଇମୋହର ପାଦେ ଚିତ୍ତ ଦେଇ
Couplet 145
ଗୋବିନ୍ଦ ଆଜ୍ଞା ଘେନି ଶିରେବ୍ରହ୍ମା ଚଳିଲେ ନିଜପୁରେ
Couplet 146
ମାୟା ମୋହିଲେ ଦେବରାୟେଭୋଜନ କରୁଛନ୍ତି ପୋଏ
Couplet 147
କୃଷ୍ଣ ଆଣିଲେ ବତ୍ସା ଲୋଡ଼ିଅନ୍ନପୁଡ଼ାଏ କରେ ଧରି
Couplet 148
ଥୋକାଏ ତୁଣ୍ତେ ଅଛି ଭାତପୋଏ ଦେଖିଲେ ଗୋପୀନାଥ
Couplet 149
କୃଷ୍ଣର ଅଙ୍ଗୁ ବହେ ଝାଳଡ଼ାକନ୍ତି ଆସ ନନ୍ଦବାଳ
Couplet 150
ଏକଇ ଗ୍ରାସ ନାହୁଁ ଖାଇଲୋଡ଼ି ଆଣିଲୁ ବତ୍ସା ଯାଇ
Couplet 151
ଆସି ତୋହର ଠାବେ ବସଶୁଣି ଗୋବିନ୍ଦ ହସ ହସ
Couplet 152
ଶୁଣ ରାଜନ ହରିରସଯାହା କହିଲେ ବେଦବ୍ୟାସ
Couplet 153
ଗୋପାଳ କୁମର ବାଛୁରୀଶରୀରୁ ଯାହା ଜାତ କରି
Couplet 154
ସର୍ବ ଶରୀରେ ସଂହରିଲେସଙ୍ଗପୁଅଙ୍କୁ ଘେନି ତୁଲେ
Couplet 155
ଅନ୍ନ ଭୁଞ୍ଜନ୍ତି କୃଷ୍ଣ ବସିଗୋପାଳପୁଏ ପରଶଂସି
Couplet 156
ଭୋଜନ ସାରି ଜଳେ ଯାଇକର-ଚରଣ-ମୁଖ ଧୋଇ
Couplet 157
ବେଳ ହୋଇଲା ଅବସାନଗୋପେ ଚଳିଲେ ଭଗବାନ
Couplet 158
ପଥେ ଅଘାର ଦେହ ଚାହିଁବୋଲନ୍ତି ପ୍ରଭୁ ଭାବଗ୍ରାହୀ
Couplet 159
ନିତ୍ୟେ ଖେଳିବା ଏଥେ ପଶିଶୁଣି ଗୋପାଳପୋଏ ହସି
Couplet 160
ଗ୍ରାମ ନିକଟେ ପୋଏ ଯାଇଅତି ସାନନ୍ଦେ ବେଣୁ ବାଇ
Couplet 161
ମୟୂର ପୁଚ୍ଛ ଗୁଞ୍ଜମାଳୀଗୁଞ୍ଜରା ପାଟି ରଙ୍ଗ ଢାଳି
Couplet 162
ଗୋରଜ ଶୋହେ କୃଷ୍ଣ ଦେହେବେଢ଼ି ନାଚନ୍ତି ଗୋପପୋଏ
Couplet 163
ଗୋପୀଙ୍କ ନୟନ ଆନନ୍ଦହୃଦୟ ପୂର୍ଣ୍ଣିମାର ଚାନ୍ଦ
Couplet 164
ପୋଏ ମିଳିଲେ ଯେଝା ଘରେକହିଲେ ମାତାଙ୍କ ଛାମୁରେ
Couplet 165
ସର୍ପ ଆମ୍ଭଙ୍କୁ ଗିଳୁଥିଲାଆପଦୁଁ ଗୋବିନ୍ଦ ରଖିଲା
Couplet 166
ସର୍ପ ଯେ ପାଟି ଫାଡ଼ିଥିଲାକୃଷ୍ଣ ତା' ତାଳୁ ବିଦାରିଲା
Couplet 167
ସେବାଟେ ହୋଇଲୁ ବାହାରପଛେ ଗୋ ଥିଲା ଦାମୋଦର
Couplet 168
ଶୁଣି ଚକିତ ଗୋପନାରୀଭୟେ ବୋଲନ୍ତି ହରି ହରି
Couplet 169
ଶୁଣି ପରୀକ୍ଷ ନୃପବରଶୁକକୁ ବୋଲଇ ଉତ୍ତର
Couplet 170
ଭୋ ମୁନି ନିଜ ସୁତ ପାଇକେମନ୍ତ କଲେ ଗୋପଗୋଈ
Couplet 171
ମାୟା ବାଳକେ ସ୍ନେହ ଯେତେନିଜ ବାଳକେ କଲେ କେତେ
Couplet 172
ଏଣେ ତ ମୋହର ସନ୍ଦେହଭ୍ରାନ୍ତି ମୋ' ଯାଉ ମୁନି କହ
Couplet 173
ଶୁକ ବୋଲନ୍ତି ଶୁଣ ରାୟେଜଗତ ଅଛି ମାୟାମୋହେ
Couplet 174
ଆତ୍ମାକୁ ନ କରନ୍ତି ଚିନ୍ତାବିଷୟ-ଜଡ଼େ ବଳବନ୍ତା
Couplet 175
ସୁତ କଳତ୍ର ଦେହ ବିତ୍ତସ୍ନେହେ ଜଡ଼ିତ ଅବିରତ
Couplet 176
ତଥାପି ଜାଣ ରାଜା ତୁହିଆତ୍ମାହୁଁ ପ୍ରିୟ କେହି ନାହିଁ
Couplet 177
ସୁତ କଳତ୍ର ଦେହଭଙ୍ଗଜରାବ୍ୟାଧିରେ କ୍ଷୀଣ ଅଙ୍ଗ
Couplet 178
ହେଲେ ହେଁ ପୁଣି ପ୍ରାଣୀ କେହିଜୀବନ ଆଶା କି ଛାଡ଼ଇ
Couplet 179
କୃଷ୍ଣ ତୋ' ଜୀବର ଜୀବନକିମ୍ବା ନୋହିବେ ପ୍ରିୟତମ
Couplet 180
ଏଣେ ପୁତ୍ରଙ୍କୁ କଲେ ଦୟାବିଶେଷେ ଗୋବିନ୍ଦର ମାୟା
Couplet 181
ପୂର୍ବହୁଁ ଅତି ସ୍ନେହଭରେକୃଷ୍ଣେ ପାଳିଲେ ଗୋପପୁରେ
Couplet 182
ସେ ହରିପାଦେ ଦେଇ ମନନିରତେ କରଇ ଯେ ଧ୍ୟାନ
Couplet 183
ବିପଦେ ତା'ର ନାହିଁ ଭ୍ରାନ୍ତିଭବସାଗରୁ ତରି ଯା'ନ୍ତି
Couplet 184
କୁମାର କାଳେ ବନମାଳୀଯେମନ୍ତ କଲେ ବାଳକେଳି
Couplet 185
ଷଡ଼ବରଷ ହୋଏ ଏବେଯେତେକ କଲେ ବାଳଭାବେ
Couplet 186
ଏଣେ ତୁ ହୁଅ ସାବଧାନଖଣ୍ତିବୁ ମୋହ ଜଡ଼ ଭ୍ରମ
Couplet 187
ଦାସର ଦାସ ଜଗନ୍ନାଥଗୀତେ ଗାଇଲା ଭାଗବତ
Couplet 188
ପଣ୍ତିତେ ନ ଘେନିବ ଦୋଷହରିଚରିତ ସୁଧାରସ
Couplet 189
କୃଷ୍ଣ ସବୁରି ଦେହେ ଥାଇଯାହାକୁ ଯେମନ୍ତ ବୁଝାଇ
Couplet 190
କେ କରି ପାରିବ ତା' ଆନଚିତ୍ତକୁ ସାକ୍ଷୀ ଭଗବାନ
Couplet 191
ମୋ' ମନ ମୋହିଲେ ମୁରାରିପୁରାଣ ଗୀତ ଅର୍ଥ କରି
Couplet 192
ଏଣୁ ମୋହର ଜ୍ଞାନ ନାହିଁବାଳୁତଜନ ପ୍ରାୟ ହୋଇ
Couplet 193
ସୁଜନେ ଏଣେ ମନ ଦେଲେକୃଷ୍ଣ ଭେଟିବ ତୁମ୍ଭେ ଭଲେ
Couplet 194
ସେ ଦୟାନିଧି ହେଲେ ଭେଟନ ଥିବ ଏ ସଂସାର କଷ୍ଟ