Adhyaya 12

Couplet 1

କୃଷ୍ଣ ଚରଣେ ଦେଇ ମନକହନ୍ତି ବ୍ୟାସଙ୍କ ନନ୍ଦନ

Couplet 2

ଶୁଣ ପରୀକ୍ଷ ମହୀପାଳଗୋପରେ ଶୁଭିଲା ଚହଳ

Couplet 3

ଭାଜିଣ ବେନି ବୃକ୍ଷ ପଡ଼ିଶୁଭିଲା ମେଘ ଘଡ଼ଘଡ଼ି

Couplet 4

ଭୂମି କମ୍ପଇ ଥରହରଗୋପାଳ ହୋଇଲେ ବାହାର

Couplet 5

ବୋଇଲେ ଏକୁ ଆରେ ଚାହିଁଏ କି ଶବଦ କାହୁଁ ହୋଇ

Couplet 6

ନିର୍ଘାତ ଶୁଭିଲା ତ ଗୋଳଗଗନେ ନାହିଁ ମେଘମାଳ

Couplet 7

କାହୁଁ ଏ ଶବଦ ଶୁଭିଲାଜାଣିଲେ ଅର୍ଜୁନ ଭାଜିଲା

Couplet 8

ତକ୍ଷଣେ ମିଳିଲେ ସକଳେଯାମଳା ଅର୍ଜୁନର ତଳେ

Couplet 9

ବୋଲନ୍ତି ଭାଜିଲା କେମନ୍ତପବନ ନାହିଁ ବଳବନ୍ତ

Couplet 10

ଶସ୍ତ୍ରେ ଛେଦିଲା ନାହିଁ କେହିଭିତରେ ମଞ୍ଜକିଳା ନାହିଁ

Couplet 11

କିମ୍ବା ପଡ଼ିଲା ମହୀତଳେବେନି ଅର୍ଜୁନ ଏକାବେଳେ

Couplet 12

ଡାଳ ଦେଖନ୍ତେ ଏକ ଏକଦେଖିଲେ ପଡ଼ିଛି ବାଳକ

Couplet 13

ଚକିତ ହୋଇ କଲେ କୋଳବନ୍ଧନ ହୋଇଅଛି ରୋଳ

Couplet 14

କେ ନାରୀ କଲା ଏଡ଼େ କର୍ମଚିହ୍ନିଲେ ଯଶୋଦା ନନ୍ଦନ

Couplet 15

ବାଳକେ ବୃକ୍ଷମୂଳେ ଥିଲେଗୋପାଳମାନଙ୍କୁ କହିଲେ

Couplet 16

ଯଶୋଦା ରୋଳେ ବାନ୍ଧିଗଲାତଳେ ତା' ସୁତ କାନ୍ଦୁଥିଲା

Couplet 17

ବେନି ବୃକ୍ଷର ମଧ୍ୟେ ପଶିରୋଳ ସେ ଟାଣିଲା ଆକର୍ଷି

Couplet 18

ବୃକ୍ଷେ ପଡ଼ିଲେ ବେଗେ ଭାଙ୍ଗିଏହାର ଦେହ ଯହୁଁ ଲାଗି

Couplet 19

ବେନି ପୁରୁଷେ ଏହି ବୃକ୍ଷେବାହାର ହୋଇଲେ ପ୍ରତ୍ୟେକ୍ଷ

Couplet 20

ତେଜେ ଗଞ୍ଜନ୍ତି ନିଶାକରଏହାର ପାଦେ ଦେଇ ଶିର

Couplet 21

କି କି ବୋଇଲେ ତା' ନ ଜାଣିଉତ୍ତରେ ଗଲେ ଏହିକ୍ଷଣି

Couplet 22

ଶୁଣି ହସିଲେ ଗୋପ ଲୋକେବୋଲନ୍ତି ଏକକୁ ଆରକେ

Couplet 23

ବାଳବଚନ କାହିଁ ସତ୍ୟମାୟା ମୋହିଲେ ଗୋପୀନାଥ

Couplet 24

ବନ୍ଧନ କଟୀଭାଗୁଁ ଫେଇନନ୍ଦରକୋଳେ ଦେଲେ ନେଇ

Couplet 25

ଶୁଣି ମିଳିଲେ ନନ୍ଦ ନାରୀକୃଷ୍ଣଙ୍କୁ ଆଣ କୋଳକରି

Couplet 26

ଗ୍ରହ ଶଙ୍କିତେ ବ୍ରଜବାଳୀକୃଷ୍ଣଙ୍କୁ କଲେ ନିଉଛାଳି

Couplet 27

ଆନନ୍ଦ କଲେ ଗୀତ ଗାଇକୃଷ୍ଣ ନାଚନ୍ତି ତାଳି ଦେଇ

Couplet 28

ଗୋପୀ ବୋଲନ୍ତି କୃଷ୍ଣ ଶୁଣଘର ଭିତରୁ ଆଣ ମାଣ

Couplet 29

ପାଣ୍ତୋଇ କଠାଉ ମସୁଣିଆଣ ତୁ ଦୁଧର ଦୁହୁଁଣୀ

Couplet 30

ଶୁଣି ଗୋବିନ୍ଦ ଘରେ ଯାଇଆଣନ୍ତି କନ୍ଧେ ଶିରେ ବହି

Couplet 31

ଥୋଇ କରନ୍ତି କଉତୁକଆହୁରି ଆଣିବଇଁ ଦେଖ

Couplet 32

ଭକତ ଜନଙ୍କୁ ସୁଫଳଗୋପେ ଦେଖନ୍ତି ନନ୍ଦବାଳ

Couplet 33

ଭକତ ଜନେ ଦ୍ୟନ୍ତି ଦେଖାଗୋପେ ଅଇଲା କୋଳିବିକା

Couplet 34

ଡାକଇ କୋଳି କୋଳି ବାଣୀକୃଷ୍ଣ ଧାଇଁଲେ ତାହା ଶୁଣି

Couplet 35

ବସନ ନାହିଁ କଟୀଭାଗେମିଳିଲେ ଧାନରାଣି ଲାଗେ

Couplet 36

ଧାନ ଆଞ୍ଜୋଳି ପେଟେ ଦେଇବେଗେ ଧାଇଁଲେ ଭାବଗ୍ରାହୀ

Couplet 37

ମିଳିଲେ କୋଳିବିକା ଲାଗେମାଣ ପାତିଲା ଦେଖି ବେଗେ

Couplet 38

କୃଷ୍ଣର ଦୃଷ୍ଟି ଅଛି ଫଳେଧାନ ପଡ଼ିଲା ସବୁ ତଳେ

Couplet 39

ତକ୍ଷଣେ ଝାଡ଼ି ବେନିକରଆଞ୍ଜୋଳି କଲେ ଦାମୋଦର

Couplet 40

କର ପୂରୋଇ ଦେଲା ଫଳବୋଲନ୍ତି ପ୍ରଭୁ ଚକ୍ରଧର

Couplet 41

ଭାଣ୍ତେ ତ ଅଛି କେତେ କୋଳିଟେକି ଚାହିଁଲେ ବନମାଳୀ

Couplet 42

ରତ୍ନ ହୋଇଲା ତତ୍‌କ୍ଷଣଘରେ ମିଳିଲେ ନାରାୟଣ

Couplet 43

ଏବେ ହୋ ଶୁଣ ନରନାଥକୃଷ୍ଣର ବାଳକ ଚରିତ

Couplet 44

ଗୋକୁଳ ମଧ୍ୟେ ଏକ ନଦୀବହଇ ବୃନ୍ଦାବନ ଭେଦି

Couplet 45

ସେ ନଦୀତୀରେ ଏକଦିନେରାମ ଗୋବିନ୍ଦ ତୋଷମନେ

Couplet 46

ଖେଳନ୍ତି ନାନା କୁତୂହଳେଗୋପବାଳକ ଗଣମେଳେ

Couplet 47

ଉଛୁର ଦେଖିଣ ରୋହିଣୀଚଞ୍ଚଳେ ଗଲେ ପୁତ୍ରେ ଆଣି

Couplet 48

ଡାକନ୍ତି ମଧୁର ବଚନେଗୋବିନ୍ଦ ନ ଶୁଣନ୍ତି କର୍ଣ୍ଣେ

Couplet 49

କୋପେ ରୋହିଣୀ ବାହୁଡ଼ିଲାଯଶୋଦା ଛାମୁରେ କହିଲା

Couplet 50

ଶୁଣି ଯଶୋଦା ଗଲା ଖରେକୃଷ୍ଣ ଦେଖିଲା ନଦୀତୀରେ

Couplet 51

ପୁତ୍ରର ସ୍ନେହ-ମାୟା-ମୋହେସ୍ତନଯୁଗଳୁ କ୍ଷୀର ବହେ

Couplet 52

କୃଷ୍ଣ-କମଳ-ମୁଖ ଚାହିଁଡାକଇ ଅଙ୍ଗୁଳି ଦେଖାଇ

Couplet 53

ଆସ ମୋ ତାତ ପିଅ ସ୍ତନ୍ୟଶ୍ରମେ ଆକୁଳ ତୋ' ବଦନ

Couplet 54

ଭୋଜନ ହୋଇଲା ଉଛୁରଆସ ତୁ ବେଗେ ଯିବା ଘର

Couplet 55

ହେ ରାମ ଆସ କୃଷ୍ଣ ଘେନିବହୁତ ଦେବଇଁ ଲବଣି

Couplet 56

ପିତା ଭୋଜନ-ବେଳ ହୋଇସଙ୍ଗେ ଭୁଞ୍ଜିବ ବେନି ଭାଇ

Couplet 57

ବାଳକେ ଯା'ନ୍ତି ଯେଝା ଘରବେଳ ଯେ ହେଉଛି ଉଛୁର

Couplet 58

ଦେହ ତୋ ଧୂଳିରେ ଧୂସରଜନ୍ମ ନକ୍ଷତ୍ର ଆଜ ତୋ'ର

Couplet 59

ଅରିଷ୍ଟ-ଖଣ୍ତନେ ତୋହରବିପ୍ରଙ୍କୁ ଗୋରୁ ଦାନ କର

Couplet 60

ଦେଖ ବାଳକେ ତୋ'ର ସଙ୍ଗେବିବିଧ ଅଳଙ୍କାର ଅଙ୍ଗେ

Couplet 61

ସ୍ନାନ ଭୋଜନ ଆସି କରଦେବଇଁ ନାନା ଅଳଙ୍କାର

Couplet 62

ଏମନ୍ତ ବୋଲି ନନ୍ଦରାଣୀକରେ ଧରିଲେ ଚକ୍ରପାଣି

Couplet 63

ରାମଙ୍କୁ କାଖରେ ବସାଇଘରେ ମିଳିଲେ ଦେବୀ ଯାଇ

Couplet 64

କରାଇ ସ୍ନାହାନ ଭୋଜନରଞ୍ଜିଲେ ରାମକୃଷ୍ଣ ମନ

Couplet 65

ଭୋଜନ ସାରି ଆଚମନଆନନ୍ଦେ କରାଇ ଶୟନ

Couplet 66

ବିପ୍ରଙ୍କୁ ଆଣି ସେ ଡ଼କାଇତାହାଙ୍କୁ ଗୋରୁଦାନ ଦେଇ

Couplet 67

ଅସ୍ତ ହୋଇଲେ ଦିନକରଗୋପାଳେ କରନ୍ତି ବିଚାର

Couplet 68

ଏକ ଆରକେ ଅବହେଳେନନ୍ଦର ଦ୍ୱାରେ ମେଳ ହେଲେ

Couplet 69

ବସିଲେ ନନ୍ଦ ଉପନନ୍ଦମଧ୍ୟେ ଅନନ୍ତ ଆଦିକନ୍ଦ

Couplet 70

ଗୋପାଳେ କରନ୍ତି ବିଚାରଶୁଭ ନ ଦିଶେ ଗୋପପୁର

Couplet 71

କହ କି କରିବା ଉପାୟପୁତ୍ରଙ୍କୁ ଉପୁଜିଲା ଭୟ

Couplet 72

ଶୁଣି ଉଠିଲେ ଉପନନ୍ଦଯାହାର ଜୀବନ ଗୋବିନ୍ଦ

Couplet 73

ଜ୍ଞାନବୟସେ ବୃଦ୍ଧପଣଗୋପଙ୍କୁ କହଇ କାରଣ

Couplet 74

ଶିରେ ନିବେଶି ବେନିକରସଭୟେ କହଇ ଉତ୍ତର

Couplet 75

ଚାଲ ନ ଥିବା ଗୋପପୁରେଘର କରିବା ଆନଠାରେ

Couplet 76

ଅନେକ ପଡ଼ିଲା ପ୍ରମାଦପୁତ୍ରେ ତ ଆମ୍ଭର ସମ୍ପଦ

Couplet 77

ଦେଖ ଯଶୋଦାପୁତ୍ର ସଙ୍ଗେଆମ୍ଭ ବାଳକେ ନାଶଯିବେ

Couplet 78

ଅଳପ ଦିନେ ମହାଭୟେଆପଦ ପଡ଼ିଲା ଥୋକାଏ

Couplet 79

ତୋ'ର ପୁତ୍ରକୁ ଦେଖ ନନ୍ଦକେତେ ନ ପଡ଼ିଲା ପ୍ରମାଦ

Couplet 80

ପୂତନା ମୁଖୁଁ ଅଛି ତରିଶୂନ୍ୟେ ଦଇତ୍ୟ ନେଲା ହରି

Couplet 81

ଶକଟ ଉପରେ ପଡ଼ିଲାସେ ବେଳେ ଗୋବିନ୍ଦ ରଖିଲା

Couplet 82

ଏବେ ତରିଲା ପରମାଦୁଯାମଳା ଅର୍ଜ୍ଜୁନ ଆପଦୁ

Couplet 83

ଚାଲ ନ ଥିବା ଏ ନଗରନାଶ ନ ହେଉ ଗୋପପୁର

Couplet 84

ଯଶୋଦା ଯେବେ ନ ଛାଡ଼ିବଏକା ପୁତ୍ରକୁ ନ ପାଇବ

Couplet 85

ଚାଲ ଆପଦ ନୋହୁ ଯିବାତେବେ ସେ ପୁତ୍ରଙ୍କୁ ପାଇବା

Couplet 86

ସକଳେ ଦୃଢ଼ କର ମନେଘର କରିବା ବୃନ୍ଦାବନେ

Couplet 87

ବହୁତ ଫଳ କନ୍ଦମୂଳନିର୍ମଳ ଯମୁନାର ଜଳ

Couplet 88

ପର୍ବତ ନାମେ ଗୋବର୍ଦ୍ଧନଗୋରୁଙ୍କୁ ଅଛି ଜଳ ତୃଣ

Couplet 89

ଗୋପୀଗୋପାଳ ତୋଷ ହେବେବହୁତ କ୍ଷୀର ଗାଈ ଦେବେ

Couplet 90

କାଲି ପ୍ରଭାତୁ ହୁଅ ସଜଭାର ଶକଟ ବେଗେ ସାଜ

Couplet 91

ଗୋଧନ ଚଳିଯା'ନ୍ତି ବେଗେଗୋପ ବାଳକେ ଘେନି ସଙ୍ଗେ

Couplet 92

ସୁଖେ ରହିବା ବୃନ୍ଦାବନେକିଛି ନ ଭାଳ ତୁମ୍ଭେ ମନେ

Couplet 93

ଶୁଣି ମଣିଲେ ଗୋପହି୍ତନିଜ ଭୁବନେ ଉପଗତ

Couplet 94

ଯେଝାରେ ଘେନିଣ ସମ୍ପଦଯା'ନ୍ତେ କରନ୍ତି ଶିଙ୍ଗାନାଦ

Couplet 95

ନନ୍ଦ ଯଶୋଦା ଏକମେଳେରୋହିଣୀ ସୁତ ଘେନି କୋଳେ

Couplet 96

ପାଶେ ଚଳନ୍ତି ଗୋପୀନାଥଗାବନ୍ତି ନାନାରଙ୍ଗେ ଗୀତ

Couplet 97

ଶକଟମାନ ଯା'ନ୍ତେ ଖରଧୂଳିରେ ଛିନ୍ନ ଦିବାକର

Couplet 98

ମିଳିଲେ ବୃନ୍ଦାବନେ ଯାଇକୃଷ୍ଣଚରିତ ଗୀତ ଗାଇ

Couplet 99

ଗୋପାଳେ ଧନୁଶର ଘେନିନାନା ଶବଦେ ବେଣୁଧ୍ୱନି

Couplet 100

ଯାଇ ହୋଇଲେ ବୃନ୍ଦାବନଆନନ୍ଦ ଗୋପୀଙ୍କର ମନ

Couplet 101

ଯେ ବନେ ବିଜେ ଗୋପୀନାଥସର୍ବଦା ବହଇ ବସନ୍ତ

Couplet 102

ସୀମା ଆବୋରି ଗୋପପୁରଯେଝାରେ ତୋଳିଲେ ମନ୍ଦିର

Couplet 103

ଗ୍ରାମର ମଧ୍ୟେ ନନ୍ଦଘରଯହିଁ ବିଜୟ ଦାମୋଦର

Couplet 104

କୃଷ୍ଣ ଦେଖିଲେ ଗୋବର୍ଦ୍ଧନଯମୁନା ନଦୀ ବୃନ୍ଦାବନ

Couplet 105

ଦେସା ଖିନନ୍ଦ ବେନି ଭାଇବୋଲନ୍ତି ନନ୍ଦୁକୁ ବସାଇ

Couplet 106

ଯେତେ ଅଛନ୍ତି ବ›ତ୍ସା ଘରେଆମ୍ଭେ ରଖିବୁ ନଦୀତୀରେ

Couplet 107

ଭୋ ତାତ ନାହିଁ ତୁ ନ କରବ›ତ୍ସା ରଖିବୁ ଆମ୍ଭେ ତୋ'ର

Couplet 108

ନନ୍ଦ ବୋଇଲେ ତୋଷ ହୋଇକାଲିହୁଁ ବ›ତ୍ସା ରଖ ନେଇ

Couplet 109

ପିତାର ବଚନେ ମୁରାରିସାନନ୍ଦେ ଚରାନ୍ତି ବାଛୁରୀ

Couplet 110

ଗ୍ରାମ ନିକଟେ ଥା'ନ୍ତି ନିତ୍ୟେବନେ ନଯା'ନ୍ତି ଭୟଚିତ୍ତେ

Couplet 111

ବ୍ୟାଘ୍ର ଭଲ୍ଲୁକ ସିଂହ ତ୍ରାସେବ›ତ୍ସା ଚରାନ୍ତି ଗ୍ରାମ ପାଶେ

Couplet 112

ଗୋପାଳ ପୋଏ ଥା'ନ୍ତି ସଙ୍ଗେଖେଳନ୍ତି ନାନା ରସ ରଙ୍ଗେ

Couplet 113

କ୍ଷଣ କ୍ଷଣକେ ବେଣୁନାଦକେ କହୁ କୃଷ୍ଣର ଆନନ୍ଦ

Couplet 114

ଏକ ଆରକେ ଭୁଜ ଧରିଯୁଝନ୍ତି ବାହାନାଦ କରି

Couplet 115

ବେଲ ଅଏଁଳା କଣ୍ଟା ଫଳେତୋଳି ଆଣନ୍ତି ବୃକ୍ଷୁଁ ବାଳେ

Couplet 116

ଏକ ଆରେକେ ମରାମରିସାକ୍ଷୀ କରାନ୍ତି ରାମହରି

Couplet 117

ନାନା ପକ୍ଷୀଙ୍କ ନାଦ ଶୁଣିପୋଏ ନାଚନ୍ତି ତାହା ଶୁଣି

Couplet 118

ଦିନେ ଯମୁନାତୀରେ ହରିଆନନ୍ଦେ ଚରାନ୍ତି ବାଛୁରୀ

Couplet 119

କଂସ ଆଦେଶ ବତ୍ସାସୁରଆସି ମିଳିଲା ଧାତିକାର

Couplet 120

କୃଷ୍ଣର ମୁଖକୁ ଚାହିଁଲାବାଛୁରୀ ରୂପକୁ ଧଇଲା

Couplet 121

ବତ୍ସା ଗହଳେ ଗଲା ପଶିରାମଙ୍କୁ ଦେଖାନ୍ତି ଶ୍ରୀବତ୍ସୀ

Couplet 122

ଦେଖ ଦଇତ୍ୟ ବତ୍ସା ପାଶେଆମ୍ଭଙ୍କୁ ମାରିବାର ଆଶେ

Couplet 123

ମାୟା ବାଛୁରୀ ରୂପ ହୋଇକହି ହସନ୍ତି ଭାବଗ୍ରାହୀ

Couplet 124

ଅସୁର ବିଚାରଇ ମନେକୃଷ୍ଣଙ୍କୁ ମାରିବି କେସନେ

Couplet 125

ନିକଟେ ମିଳିଲେ ମୋହରପାଦେ କରିବି ଶତେ ଚୁର

Couplet 126

ତାହା ଜାଣିଲେ ନାରାୟଣମୋହିଲେ କୁମାରଙ୍କ ମନ

Couplet 127

କଇଥ ଗଛ ଦେଖି ପୋଏବୋଲନ୍ତି ରାମଙ୍କୁ ଥୋକାଏ

Couplet 128

ଏ ଫଳ ଦିଶଇ ସୁସଞ୍ଚହସ୍ତ ନ ପାଏ ବଡ଼ ଉଚ୍ଚ

Couplet 129

ତୁ ରାମ ଅତି ବଳୀୟାରଫଳ ଥୋକାଏ ବୃକ୍ଷୁ ତୋଳ

Couplet 130

ଶୁଣି ସାନନ୍ଦ ବନମାଳୀବତ୍ସା ନିକଟେ ଯାଇ ମିଳି

Couplet 131

ବେନିଚରଣ ଧରି କରେବୁଲାଇ ପିଟିଲେ ବୃକ୍ଷରେ

Couplet 132

କରେ ଘୂରାନ୍ତେ ପ୍ରାଣ ଗଲାଜୀବନ ଗୋବିନ୍ଦେ ପଶିଲା

Couplet 133

ଦେବେ ଚକିତ ତାହା ଦେଖିବ୍ରହ୍ମା ହୋଇଲେ ଅତି ସୁଖୀ

Couplet 134

ଅସୁର ଦେହ ଲାଗି କରିଫଳ ପଡ଼ିଲା ବୃକ୍ଷୁ ଝଡ଼ି

Couplet 135

ବାଳକେ ଦେଖିଣ ଚକିତବୋଲନ୍ତି ଧନ୍ୟ ନନ୍ଦସୁତ

Couplet 136

ଆନନ୍ଦେ ଦେବତାଏ ସ୍ତୁତିକୃଷ୍ଣଙ୍କୁ କଲେ ପୁଷ୍ପବୃଷ୍ଟି

Couplet 137

ଏମନ୍ତେ ରାମ ବନମାଳୀବତ୍ସା ରଖନ୍ତେ ବନେ କେଳି

Couplet 138

ସକାଳେ ଦଧି ଗୁଡ଼ ଅନ୍ନଭୁଞ୍ଜନ୍ତି ରାମ ଭଗବାନ

Couplet 139

ନିତ୍ୟେ ଯମୁନାତୀରେ ଯାଇବତ୍ସା ରଖନ୍ତି ବେନିଭାଇ

Couplet 140

ଗୋପାଳ ପୁଅ ଘେନି ସଙ୍ଗେବନେ ବିହରି ନାନାରଙ୍ଗେ

Couplet 141

ବାଳକେ ଯେଝା ବତ୍ସା ଘେନିଚରାନ୍ତି କରି ବେଣୁ ଧ୍ୱନି

Couplet 142

ଦିନେ ନିଦାଘେ ଖରାବେଳେମିଳିଲେ ଯାଇ ନଦୀକୂଳେ

Couplet 143

ବତ୍ସାଙ୍କୁ ପିଆଇ ବହନସକଳେ କଲେ ଜଳପାନ

Couplet 144

କଂସର ମିତ୍ର ବକାସୁରସଧୀରେ ବିହରଇ ନୀର

Couplet 145

କୃଷ୍ଣଙ୍କୁ ଦେଖି କାମରୂପୀକ୍ଷଣ କ୍ଷଣକେ ତନୁବ୍ୟାପୀ

Couplet 146

ନିଜ ସ୍ୱଭାବେ ମହାକାୟେଦେଖି ଡରିଲେ ଗୋପପୋଏ

Couplet 147

ଏ ବନେ ଏଡେ ବକ ଥାଇକହନ୍ତି ରାମଙ୍କୁ ଦେଖାଇ

Couplet 148

ଗୋପାଳ ପୋଏ ପରଶଂସିପର୍ବତଖଣ୍ତ ପ୍ରାୟେ ଦିଶି

Couplet 149

ତ୍ରାସେ ଉଠିଲେ ବେଗେ ତୀରଦେଖି ଧାଇଁଲା ବକାସୁର

Couplet 150

ଘୋର ଶବଦ ବେଗେ କଲାତକ୍ଷଣେ କୃଷ୍ଣଙ୍କୁ ଗିଳିଲା

Couplet 151

କୃଷ୍ଣ ନ ଦେଖି ଗୋପବାଳେଢଳି ପଡ଼ିଲେ ମହୀତଳେ

Couplet 152

ଉଠିଣ କରନ୍ତି ରୋଦନଚକିତେ ଚାହିଁ ଛନ୍ନଛନ୍ନ

Couplet 153

ବକାର ତାଳୁ ମୂଳେ ରହିତାହା ଜାଣିଲେ ଭାବଗ୍ରାହୀ

Couplet 154

ଦାସବ›ତ୍ସଳ ନରହରିବେଗେ ଅନଳ ରୂପ ଧରି

Couplet 155

ପ୍ରଳୟ ଅଗ୍ନି ଜିଣି ତେଜତା'ଳୁ ଦହିଲେ ଦେବରାଜ

Couplet 156

ତକ୍ଷଣେ ଘୋର ନାଦକରିକୃଷ୍ଣଙ୍କୁ ପକାଇ ଉଦାରି

Couplet 157

ଧୀରେ ଛାହିଁଲା ବକାସୁରସୁନ୍ଦର ଦିଶିଲା ଶରୀର

Couplet 158

ଦେଖି ଶ୍ରୀକୃଷ୍ଣ କଳେବରପୁଣି ଧାଇଁଲା ରୋଷଭର

Couplet 159

କୃଷ୍ଣର ଦେହେ କ୍ଷତ ନାହିଁଅସୁର ମନେ ବିଚାରଇ

Couplet 160

ପୁଣି ବିଚାରୁଅଛି ମନେଏହାକୁ ମାରିବି କେସନେ

Couplet 161

ଏହାର ସୁକୁମାର ପିଣ୍ତଥଣ୍ତେ କରିବି ଖଣ୍ତ ଖଣ୍ତ

Couplet 162

ବିସ୍ତାରି ବେନିପାଟି ତୋଳିବେଗେ ଧାଇଁଲା ମହାବଳୀ

Couplet 163

ଶୂନ୍ୟେ ଦେଖନ୍ତି ଦେବଗଣଆଗ ହୋଇଲେ ନାରାୟଣ

Couplet 164

କରେ ଧଇଲେ ବେନିପାଟିଅସୁର ନ ପାରିଲା ଉଠି

Couplet 165

ବାଳକ ମେଳେଣ ଶ୍ରୀହରିଚିରିଲେ ବେନିଫାଳ କରି

Couplet 166

ଦେଖି ସାନନ୍ଦେ ବୃନ୍ଦାରକେକୁସୁମ ବରଷିଲେ ଥୋକେ

Couplet 167

ଦୁନ୍ଦୁଭି ବାଦ୍ୟନାଦ କରିରଙ୍ଗେ ନାଚନ୍ତି ଅପସରୀ

Couplet 168

ବାଳକେ ଦେଖିଣ ଚକିତମାୟା ମୋହିଲେ ଗୋପୀନାଥ

Couplet 169

ତକ୍ଷଣେ ଆଲିଙ୍ଗନ କରିଗୋଠକୁ ଆଣିଲେ ବାଛୁରୀ

Couplet 170

ପୋଏ କହିଲେ ଯେଝାଘରେପୁଣି ମିଳିଲେ ନନ୍ଦଦ୍ୱାରେ

Couplet 171

ବକର ତୁଣ୍ତୁ ଉବୁରିଲାଭାଗ୍ୟ ଗୋ ଯଶୋଦାର ଥିଲା

Couplet 172

ଶୁଣି ଚକିତ ଗୋପଗୋପୀକୃଷ୍ଣଙ୍କୁ ଚାହାନ୍ତି ନିରୋପି

Couplet 173

ବୋଲନ୍ତି ଧର୍ମ ତିନିଲୋକେସତ୍ୟ ବେଭାର ଜନମୁଖେ

Couplet 174

ନିର୍ଦ୍ଦୋଷ ପ୍ରାଣୀ ହିଂସା କରିଆପଣେ ଯାଉଛନ୍ତି ମରି

Couplet 175

ଏ ପୋଏ ବାଳକ ସ୍ୱଭାବେଏହାଙ୍କୁ ହିଂସନ୍ତି ଦାନବେ

Couplet 176

ତେଣୁ ହୁଅନ୍ତି ମୃତ୍ୟୁ ସଙ୍ଗଅନଳେ ଯେସନେ ପତଙ୍ଗ

Couplet 177

ପଣ୍ତିତଜନଙ୍କର କଥାକେବେ ହେଁ ନୁହଁଇ ଅନ୍ୟଥା

Couplet 178

ଯାହା କହିଲେ ଗାର୍ଗ୍ୟଋଷିରାମକୃଷ୍ଣଙ୍କୁ ପରଶଂସି

Couplet 179

ସେ କଥା ହୋଇଲା ପ୍ରମାଣଏହାଙ୍କୁ ରଖୁ ନାରାୟଣ

Couplet 180

ଆପଦ ଦେଖି ନନ୍ଦରାୟେଶାନ୍ତି କରାଇଲେ ଥୋକାଏ

Couplet 181

ଗୋପେ ଗୋବିନ୍ଦ ଅଙ୍ଗସଙ୍ଗେତରିଲେ ଭବଜଳୁ ରଙ୍ଗେ

Couplet 182

ସେ ହରି ଚରଣେ ବିଶ୍ୱାସକହଇ ଜଗନ୍ନାଥ ଦାସ