Adhyaya 11

Couplet 1

ଶୁକ ବଚନ ଶୁଣି ରାୟେପଡ଼ଇ ପୁନଃ ପୁନଃ ପାୟେ

Couplet 2

ମନ ଆନନ୍ଦେ ନୃପବରମୁନିଙ୍କି ବୋଲନ୍ତି ଉତ୍ତର

Couplet 3

ଭୋ ମୁନି କୁବେର କୁମରେବୃକ୍ଷ ହୋଇଲେ ଗୋପପୁରେ

Couplet 4

କି ଦୋଷ କଲେ ନାରଦରେଶାପ ପାଇଲେ କି ପାପରେ

Couplet 5

ଯାହାଙ୍କ ଦେହେ ନାହିଁ ରୋଷବିଶେଷେ ଗୋବିନ୍ଦର ଦାସ

Couplet 6

ପିତାର ଦିଗପାଳ ପଦଅର୍ଜିଲେ ଅନେକ ସମ୍ପଦ

Couplet 7

ଏଡ଼େ ଅନୀତି ଆଚରିଲେନିର୍ଗୁଣ ମୁନିଙ୍କି ଚାଳିଲେ

Couplet 8

ତେଣୁ ହୋଇଲେ ବୃକ୍ଷ ଦୁଇଗୋପ ନଗରେ ବେନିଭାଇ

Couplet 9

ସେକଥା କହ ମୁନିବରନିର୍ମଳ ହେଉ ମୋ ଶରୀର

Couplet 10

ମୁନି ବୋଲନ୍ତି ତାହା ଶୁଣିକୃଷ୍ଣଚରିତ ମନେ ଗୁଣି

Couplet 11

ନଳକୂବର ମଣିଗ୍ରୀବତପେ ତୋଷିଲେ ସଦାଶିବ

Couplet 12

ପ୍ରସନ୍ନ ହୋଇ ଉମାକାନ୍ତବର ଯାଚିଲେ ବିଶ୍ୱନାଥ

Couplet 13

ଶୁଣି ସାନନ୍ଦ ବେନିଭାଇକହନ୍ତି ଶିରେ କର ଦେଇ

Couplet 14

ଆନ ସମ୍ପଦେ କାର୍ଯ୍ୟ ନାହିଁଶୁଣିମା ତ୍ରୈଲୋକ୍ୟ ଗୋସାଇଁ

Couplet 15

ଶତେକ ଯକ୍ଷ-ଅପସରୀଆମ୍ଭେ ରମିବୁ ବନେ ହେରି

Couplet 16

ଅସ୍ତୁ ବୋଇଲେ ଶୂଳପାଣିଦଇବ ମିଳାଇଲା ଆଣି

Couplet 17

କନ୍ୟା ସମେତେ ବେନିଭାଇମିଳିଲେ ଗଙ୍ଗାତୀରେ ଯାଇ

Couplet 18

ବାରୁଣୀ ମଦ୍ୟ କଲେ ପାନଭୋଳେ ହୋଇଲେ ହତଜ୍ଞାନ

Couplet 19

ଦଇବେ ନିଦାଘର କାଳଡେଇଁ ପଶିଲେ ଗଙ୍ଗାଜଳ

Couplet 20

ବସ୍ତ୍ର ପାଲଟି ବୃକ୍ଷତଳେକନ୍ୟାଏ ପଶିଗଲେ ଜଳେ

Couplet 21

କରନ୍ତି ନାନା ରଙ୍ଗେ କେଳିହାସ-ପରିହାସ-ଢମାଳି

Couplet 22

ଏମନ୍ତ ସମୟେ ନାରଦଯା'ନ୍ତେ କରନ୍ତି ବୀଣାବାଦ୍ୟ

Couplet 23

ଆଶ୍ରମ ନାମେ ବଦରିକାତହିଁକି ଯାଉଛନ୍ତି ଏକା

Couplet 24

ହରି ଭକତି ହୃଦେ ଧ୍ୟାୟୀନାଚନ୍ତି ବୀଣାବାଦ୍ୟ ବାଇ

Couplet 25

କନ୍ୟାୟେ ନାରଦଙ୍କୁ ଦେଖିତକ୍ଷଣେ କ୍ରୀଡ଼ାନ୍ତ ଉପେକ୍ଷି

Couplet 26

ଜଳୁ ଉତୁରି ଯେଝାମତେବସ୍ତ୍ର ସେ ପିନ୍ଧିଲେ ତୁରିତେ

Couplet 27

ଭୟେ କମ୍ପନ୍ତି ଥରହରନ ପୁଣ କୋପେ ମୁନିବର

Couplet 28

ଲୁଚିଲେ ବୃକ୍ଷଙ୍କର ପଛେନାରଦ ଦେଖନ୍ତି ପ୍ରତ୍ୟକ୍ଷେ

Couplet 29

ଜଳେ କ୍ରୀଡ଼ନ୍ତି ବେନିଭାଇଦେଖିଲେ କନ୍ୟାମାନ ନାହିଁ

Couplet 30

ଭୋଳେ ଚାହାନ୍ତି ଦଶଦିଗେବସ୍ତ୍ର ହିଁ ନାହିଁ କଟୀଭାଗେ

Couplet 31

ମଦ୍ୟେ ଅରୁଣ ବେନିଆଖିମୁନିଙ୍କି ଚାହାନ୍ତି ନିରେଖି

Couplet 32

ଦେଖି ନାରଦ ମୁନିବରବୀଣା ଶବଦ କଲେ ସ୍ଥିର

Couplet 33

କୂଳେ ରହିଲେ ଆଡ଼ ହୋଇଦୟାରେ ବିଚାରନ୍ତି ଚାହିଁ

Couplet 34

ଏ ବେନି କୁବେର ନନ୍ଦନମଦେ ହୋଇଲେ ହତଜ୍ଞାନ

Couplet 35

ଦଇବ କଲା ୟାଙ୍କୁ ନାଶତେଣୁ ହୋଇଲା ବୁଦ୍ଧିଭ୍ରଂଶ

Couplet 36

ସ୍ୱଭାବେ ରଜୋଗୁଣ ଛନ୍ଦେଅଜ୍ଞାନ ହେଲେ ମୋହବନ୍ଧେ

Couplet 37

କେ ଏହା ପାରେ ଆନ କରିଯାବତ ଥାଇ ଦେହ ଧରି

Couplet 38

ବହୁତ ଥାଇ ଯା'ର ଧନବନ୍ଧୁରେ ସେହି ଶ୍ରେଷ୍ଠ ଜନ

Couplet 39

ପର ରମଣୀ ଯେହୁ ହରେଯେ ପ୍ରାଣୀ ମଦ୍ୟପାନ କରେ

Couplet 40

ଜୁଆ ଖେଳନ୍ତି ଭୋଳ ହୋଇଚୋରି କରନ୍ତି ଲୋଭ ବହି

Couplet 41

ଐଶ୍ୱର୍ଯ୍ୟ ମଦର ଲକ୍ଷଣତ୍ରିବିଧ ଅଟେ ଏହା ଜାଣ

Couplet 42

ବହୁ ସ୍ତ୍ରୀସଙ୍ଗ ସୁରାପାନଦ୍ୟୁତ-କ୍ରୀଡ଼ାରେ ରସେ ମନ

Couplet 43

ଧିକ ଏ ଅଇଶ୍ୱର୍ଯ୍ୟ ଜାଣପରରେ ଦିଅନ୍ତି କଷଣ

Couplet 44

ଏକ ଆରକେ ହିଂସା ବହିନରକେ ପଡୁଥା'ନ୍ତି ଯାଇ

Couplet 45

ନଶ୍ୱର-ଦେହକୁ ଅଜରଅମର ପରା କରି ସ୍ଥିର

Couplet 46

ଜୀବ ହିଂସନ୍ତି ଆନନ୍ଦରେଶୋଚନା ନ ଥାଇ ମନରେ

Couplet 47

ମାଂସ ଭକ୍ଷଣେ ପଶୁ ମାରେଯେ ଦୟା ଧର୍ମ ନ ବିଚାରେ

Couplet 48

ଦେହକୁ ବୋଲନ୍ତି ମୋହରପାପକୁ ନାହିଁ ଯା'ର ଡର

Couplet 49

ଅଜ୍ଞାନ ମୋହେ ହୋନ୍ତି ମତ୍ତନରକେ ପଡ଼ନ୍ତି ତୁରିତ

Couplet 50

ଦେହରୁ ପ୍ରାଣ ଗଲେ ଛାଡ଼ିରହଇ ମୃତପିଣ୍ତ ପଡ଼ି

Couplet 51

ଭୂଦେବ ନରଦେବ ହେଲେଅନ୍ତେ ଏ ନାଶ ଲଭେ ଭଲେ

Couplet 52

ଏ ଦେହୁ ଜୀବ ଯିବା କାଳେପଶଇ ଭସ୍ମକୀଟ ମେଳେ

Couplet 53

ଏ ଦେହ ପାଇଁ ମାରେ ଜନ୍ତୁଅଜ୍ଞାନ ନରକର ହେତୁ

Couplet 54

ଜ୍ଞାନ ହୁଅଇ ଏତେ ଭ୍ରମଜନ୍ମ ମରଣେ ପଥଶ୍ରମ

Couplet 55

ଏ ଦେହ କହିବା କାହାରମାତାପିତା ବା ବନ୍ଧୁଙ୍କର

Couplet 56

କି ଅନ୍ନଦାତା କି ରାଜାରକି ଅଗ୍ନି ଶ୍ୱାନ ଶୃଗାଳର

Couplet 57

କି ଅବା ନିଜର ଏ ଦେହକେ ଏହା କରିବ ନିର୍ଣ୍ଣୟ

Couplet 58

ଅଥବା ବଳ ଅଛି ଯା'ରତାହାର ଏଥେ ଅଧିକାର

Couplet 59

ଅବ୍ୟକ୍ତ ତହୁଁ ଜାତ ହୋଇପୁଣି ସେ ତହିଁରେ ମିଶଇ

Couplet 60

ଏ ଦେହ ପାଇଁ ଜନ୍ତୁ ମାରେମୂଢ଼ ନ ହେଲେ କେବା କରେ

Couplet 61

ସମ୍ପଦ ମଦେ ଯେହୁ ଅନ୍ଧସମ୍ପଦ-ନାଶ ତା ଔଷଧ

Couplet 62

ଦରିଦ୍ର ପଣେ ଦୁଃଖ ପାଇଆତ୍ମାକୁ ଜଗତେ ଦେଖଇ

Couplet 63

କଣ୍ଟା ନ ବହେ ଯା ଚରଣସେ କି ଜାଣଇ ସେ କଷଣ

Couplet 64

ସୁଖୀ ନ ଜାଣେ ପର ବ୍ୟଥାଜୀବ ମାରଣେ ସାମରଥା

Couplet 65

ଯାହାର ଦେହେ କ୍ଷତ ହୋଇସେ ଜାଣେ ସୁଖଦୁଃଖ ଦୁଇ

Couplet 66

ଦରିଦ୍ର ଜନ କ୍ଳେଶ ପାଇଇନ୍ଦ୍ରିୟ ଭୋଗେ ନ ରସଇ

Couplet 67

କ୍ଷୁଧାରେ ଶୁଷ୍କ ଯା' ଶରୀରସେ କାହୁଁ ହିଂସିବ ଅପର

Couplet 68

ଏଣୁ ଦୁଃଖୀର ଦୁଃଖୀପଣପରମ ତପସ୍ୟା ସମାନ

Couplet 69

ହରି ଭକତ ସାଧୁଜନସଙ୍ଗ ଲଭଇ ଅକିଞ୍ଚନ

Couplet 70

ସମ ମଣଇ ଦୁଃଖସୁଖେତାହାକୁ ନାରାୟଣ ରଖେ

Couplet 71

ଏତେ ବିଚାରି ମୁନିବରଚଞ୍ଚଳ ଚିତ୍ତକଲେ ସ୍ଥିର

Couplet 72

ବୋଲନ୍ତି ଦୟାଭାବ ଚିତ୍ତେନାଶ ଏ ଯିବେ ଏହି ମତେ

Couplet 73

ଦଇବେ ଗର୍ବ ଏହାଙ୍କରଅଜ୍ଞାନ ସଂସାର ବେଭାର

Couplet 74

ମାଗିଲେ ଶତେକନ୍ୟା ରତିଏ ମୂଢ଼େ କିଛି ନ ଜାଣନ୍ତି

Couplet 75

ଭୋଳ ହୋଇଲେ ମଦ୍ୟ ଖାଇଏବେ ତରିବେ ବେନିଭାଇ

Couplet 76

ଦେହକୁ ନ ଜାଣନ୍ତି ଭୋଳେବୃକ୍ଷ ହୋଇବେ ଏକତୁଲେ

Couplet 77

କୋପେ ବୋଲନ୍ତି ମୁନିବରଶୁଣ ହେ କୁବେର କୁମର

Couplet 78

ଅର୍ଜୁନ ବୃକ୍ଷ ରୂପ ହୋଇକାଳ ବଞ୍ଚିବ ବେନିଭାଇ

Couplet 79

ମୋତେ ଯେ ନଚିହ୍ନିଲ ବ୍ରହ୍ମତେଣୁ ହୋଇବ ଉଚ୍ଚଦ୍ରୁମ

Couplet 80

ଏତେ ବୋଲିଣ ମୁନି ଗଲେକନ୍ୟାଏ ତାହାଙ୍କୁ କହିଲେ

Couplet 81

ଶାପ ବିହିଲେ ମହାଋଷିବୋଇଲେ ସ୍ଥାବର ହୁଅସି

Couplet 82

ଶୁଣି କମ୍ପିଲେ ଭାଇ ବେନିଯାଇ ଭେଟିଲେ ବ୍ରହ୍ମମୁନି

Couplet 83

ପାଦେ ପଡ଼ିଣ ମାଗି ଗତିବୋଇଲେ ଶୁଣ ବ୍ରହ୍ମଯତି

Couplet 84

ଆମ୍ଭର ମତି-ଭୋଳପଣେଗର୍ବ ବହିଲୁ ଅକାରଣେ

Couplet 85

ଅମୋଘ-ବଚନ ଏ ତୋରବିଅର୍ଥ ନୋହେ ମୁନିବର

Couplet 86

ଉତ୍ତମକୁଳେ ହୋଇ ଜନ୍ମକଲୁ ଯେ ପାପ ନୀତିମାନ

Couplet 87

ଏମନ୍ତେ କାନ୍ଦି ଉଚ୍ଚସ୍ୱରେବୋଲନ୍ତି କୁବେର-କୁମରେ

Couplet 88

ବିକଳ ଦେଖି ବ୍ରହ୍ମଋଷିବୋଇଲେ ବଚନ ଆଶ୍ୱାସି

Couplet 89

ଆମ୍ଭ ବଚନ ମିଥ୍ୟା ନୋହିବୃକ୍ଷ ହୋଇବ ବେନିଭାଇ

Couplet 90

ନନ୍ଦ-ବରଜେ ଦେହଧରିବୃକ୍ଷ ହୋଇବ ମର୍ତ୍ତ୍ୟପୁରୀ

Couplet 91

ଅଷ୍ଟାବିଂଶତି ଦ୍ୱାପରେଣଜନ୍ମ ଲଢ଼ିବେ ନାରାୟଣ

Couplet 92

ବିଷ୍ଣୁର ଦିବ୍ୟରୂପ ଚାହିଁସ୍ୱର୍ଗେ ଆସିବ ବେନିଭାଇ

Couplet 93

ଯହୁଁ କରୁଣା ଶୂଳ ପାଣିଶତେକ କନ୍ୟା ଦେଲେ ଆଣି

Couplet 94

ତୁମ୍ଭର ଶାପ ମୋକ୍ଷ ଯାଏଏମାନେ ଥିବେ ସେହିଠାଏ

Couplet 95

ଈଶ୍ୱର ବର ନୋହେ ଆନଆସି ରମିବ କନ୍ୟାମାନ

Couplet 96

ଅର୍ଜୁନବୃକ୍ଷ ରୂପ ହୋଇଗୋପେ ଜନମ ବେନିଭାଇ

Couplet 97

ଶତେ-ବରଷ ଦେବମତେକୃଷ୍ଣଙ୍କୁ ଭେଟ ଶାପଅନ୍ତେ

Couplet 98

ଭକତି ହେଉ କୃଷ୍ଣପାଦେଶାପୁଁ ତରିବ ଅପ୍ରମାଦେ

Couplet 99

ମୁନିଶାପରେ ବେନିଭାଇବୃକ୍ଷ ହୋଇଲେ ଗୋପେ ଯାଇ

Couplet 100

ଶୁଣ ପାଣ୍ତବ-ଚୂଡ଼ାମଣିରୋଳ ଟାଣିଲେ ଚକ୍ରପାଣି

Couplet 101

ବୃକ୍ଷରେ ଦେଇ ବେନିହସ୍ତମନେ ଚିନ୍ତନ୍ତି ଗୋପୀନାଥ

Couplet 102

ନାରଦ-ବଚନ ମୋହରପାଳିବା ଉଚିତ ବେଭାର

Couplet 103

ଦାସବତ୍ସଳ ବ୍ରହ୍ମରାଶିବୃକ୍ଷଙ୍କ ମଧ୍ୟେ ଗଲେ ପଶି

Couplet 104

ରୋଳ ଲାଗନ୍ତେ ବେନିବୃକ୍ଷେଗୋବିନ୍ଦ ଟାଣିଲେ ପ୍ରତ୍ୟେକ୍ଷେ

Couplet 105

ଉପୁଡ଼ି ଗଲା ବେନି ମୂଳପଡ଼ି କମ୍ପିଲେ ପତ୍ର-ଡ଼ାଳ

Couplet 106

ଶବଦ ମେଘ-ଘଡ଼ଘଡ଼ିପଡ଼ିଲେ କୃଷ୍ଣ-ଦେହ ଛାଡ଼ି

Couplet 107

ଦେହ ଲାଗନ୍ତେ ଭାବଗ୍ରାହୀବାହାର ହେଲେ ବେନିଭାଇ

Couplet 108

ଅନଳ ପ୍ରାୟେ ତେଜରାଶିଗଞ୍ଜନ୍ତି ଦିବାକର-ଶଶୀ

Couplet 109

କୃଷ୍ଣଙ୍କୁ ଦେଖି ବେନିଭାଇଚରଣେ ଶିର ଦେଲେ ନେଇ

Couplet 110

ଚିତ୍ତ ନିବେଶି ପଦ୍ମପାଦେବୋଲନ୍ତି ଶୋକ-ଗଦଗଦେ

Couplet 111

କୃଷ୍ଣ-ପରମାନନ୍ଦ ହରିପରମପୁରୁଷ-ମୁରାରି

Couplet 112

ଲୀଳାଏ କରି ବିଶ୍ୱମାୟାଭକ୍ତଜନରେ କରୁ ଦୟା

Couplet 113

ତୋହର ରୂପ ଗୁଣ ଯେତେବିପ୍ରେ ଜାଣନ୍ତି ବେଦମତେ

Couplet 114

ପୃଥିବୀ ଆଦି ପଞ୍ଚଭୂତମନ-ଇନ୍ଦ୍ରିୟ-ଆତ୍ମତତ୍ତ୍ୱ

Couplet 115

କାଳସ୍ୱଭାବେ ଜନ୍ମ-ମୃତ୍ୟୁଜୀବ-ପରମ ଆତ୍ମା ହେତୁ

Couplet 116

ଭକତ ଜନ ନିସ୍ତାରଣେଶରୀର ବହୁ ତୁ କାରଣେ

Couplet 117

ତୋ' ନାମ ପରମ ମଙ୍ଗଳତ୍ରାହି କରିବା ଆଦିମୂଳ

Couplet 118

ଅଷ୍ଟାଙ୍ଗଯୋଗ ଧ୍ୟାନ କରିଯାହା ଚିନ୍ତନ୍ତି ବ୍ରହ୍ମଚାରୀ

Couplet 119

ନାରଦ ଭେଟିବାର ଫଳେତୋତେ ଦେଖିଲୁ ଚର୍ମଡୋଳେ

Couplet 120

ଚକ୍ଷୁ-ଶ୍ରବଣ-ବୁଦ୍ଧି-ଶିରମନ-ବଚନ ବେନିକର

Couplet 121

ତୋହର ପାଦେ ନିତ୍ୟେ ଥାଉତୋ' ନାମ ଧରି ଦିନ ଯାଉ

Couplet 122

ଅନେକ ଜନ୍ମେ ତପ କରିତୋତେ ଭେଟିଲୁ ନରହରି

Couplet 123

ତୋର ସେବକ ମିତ୍ରପଣେଖଟିବୁ ତୋହର ଚରଣେ

Couplet 124

ଏମନ୍ତେ ବେନିକର ଯୋଡ଼ିଆଜ୍ଞା ମାଗିଲେ ପାୟେ ପଡ଼ି

Couplet 125

ହସି ବୋଲନ୍ତି ଭାବଗ୍ରାହୀସାଧୁଙ୍କ ସଙ୍ଗ ଫଳ ଏହି

Couplet 126

ନାରଦ ଭେଟିବାର ଫଳୁହେଳେ ତରିଲ ଭବଜଳୁ

Couplet 127

ମୋହର ପାଦେ ଯା'ର ମନମୋ' ନାମ କରନ୍ତି କୀର୍ତ୍ତନ

Couplet 128

ପରେ କରନ୍ତି ଦୟାଚିତ୍ତମାୟାରେ ନୁହନ୍ତି ମୋହିତ

Couplet 129

ଏହାଙ୍କ ଦରଶନ ପାଇପାପ ତାହାଙ୍କୁ ନ ଲାଗଇ

Couplet 130

ଶୁଣ ହେ କୁବେର କୁମରେନିଶ୍ଚିନ୍ତେ ଯାଅ ନିଜ ପୁରେ

Couplet 131

ଭକତି କରି ମୋର ପାଦେମୋତେ ପାଇବ ଅପ୍ରମାଦେ

Couplet 132

କୃଷ୍ଣ-ବଚନ ଶିରେ ଧରିଉତ୍ତର ପଥେ ଗଲେ ଚଳି

Couplet 133

ଭକ୍ତ ବତ୍ସଳ ପୀତବାସକ୍ଷମା କରିବେ ମୋର ଦୋଷ

Couplet 134

ସେ ହରିଚରଣେ ବିଶ୍ୱାସକହଇ ଜଗନ୍ନାଥ ଦାସ