Adhyaya 6

Couplet 1

ଶୌନକ ଆଦି ମୁନି ମଧ୍ୟେସୂତ କହନ୍ତି ଜ୍ଞାନବୋଧେ

Couplet 2

ଶୁଣ ସକଳ ମୁନିଜନସେ ବ୍ୟାସ-ନାରଦ ପ୍ରଶନ

Couplet 3

ଏମନ୍ତେ ନାରଦଙ୍କ ବାଣୀସେ ସତ୍ୟବତୀ-ସୁତ ଶୁଣି

Couplet 4

ନାରଦ ଜନ୍ମକର୍ମ ଯେତେହରିଙ୍କି ଭଜିଲେ ଯେମନ୍ତେ

Couplet 5

ଏସର୍ବକଥା ଜାଣିମାରେପୁଣି ପୁଚ୍ଛିଲେ ଆରବାରେ

Couplet 6

ଥିଲେ ସନ୍ନ୍ୟାସୀ ଯେତେ ଦିନତୁମ୍ଭଙ୍କୁ କଲେ ମନ୍ତ୍ର ଦାନ

Couplet 7

ସନ୍ତୋଷେ ଦେଇ ମନ୍ତ୍ରଦୀକ୍ଷାଗମିଲେ ଯେଣେ ତାଙ୍କ ଇଚ୍ଛା

Couplet 8

ତଦଅନ୍ତରେ କଲ କିସତୁମ୍ଭର ପ୍ରଥମ-ବୟସ

Couplet 9

ଜନ୍ମ ସଞ୍ଚଇ ପ୍ରଜାପତିବାଳୁତକାଳୁ ଯେତେ ଗତି

Couplet 10

କରି ବଞ୍ଚନ୍ତି ପ୍ରାଣୀ ସର୍ବେତୁମ୍ଭେ ବଞ୍ଚିଲ କେଉଁ ଭାବେ

Couplet 11

କାଳ ପ୍ରବେଶେ ମୁନିବରକେହ୍ନେ ଛାଡ଼ିଲ କଳେବର

Couplet 12

ପୂର୍ବକଳ୍ପର ଏ ବିଚାରକିରୂପେ ହେଲ ଜାତିସ୍ମର

Couplet 13

ତୁମ୍ଭର ଜ୍ଞାନ ଦେହ ଅନ୍ତେକାଳ ନ ହରିଲା କେମନ୍ତେ

Couplet 14

ଏମନ୍ତ ବ୍ୟାସମୁଖୁ ଶୁଣିବ୍ରହ୍ମାନନ୍ଦନ ବାକ୍ୟ ଭଣି

Couplet 15

ଶୁଣ ହେ ମୁନି ଶୁଦ୍ଧଚେତାମୋ ଜନ୍ମକର୍ମର ବାରତା

Couplet 16

ମୋତେ ପରମଜ୍ଞାନ ଦେଇବିପ୍ରେ ଯେ ଗଲେ ପଥଚାହି

Couplet 17

ମୁଁ ପୁଣି ପ୍ରଥମ-ବୟସେମୁନିଜନଙ୍କ ଉପଦେଶେ

Couplet 18

ଦିନ ବଞ୍ଚଇ ମାତା କୋଳେମନ ମୋ କୃଷ୍ଣପାଦତଳେ

Couplet 19

ମୋର ଜନନୀ ବିପ୍ରଘରେସେବକୀ ପଣେ ଦିନ ହରେ

Couplet 20

ସେବଇ ବିପ୍ରଘରେ ନିତ୍ୟେନ ଥାଇ ଆତ୍ମାର ଆୟତ୍ତେ

Couplet 21

ଏକଇ ପୁତ୍ର ତାର ମୁହିଁସେ ମୋତେ ଦଣ୍ତେ ନ ଛାଡ଼ଇ

Couplet 22

ସ୍ନେହେ ପୋଷଇ ନିତିନିତିମୋ ତହୁଁ ନାହିଁ ଅନ୍ୟଗତି

Couplet 23

ମୋର ନିମିତ୍ତେ ଭିକ୍ଷାଅନ୍ନବହୁତ କଳ୍ପେ ତାର ମନ

Couplet 24

ସେ ବା ପାଇବ ଅନ୍ନ କାହିଁବ୍ରାହ୍ମଣଘରେ ଯା ମିଳଇ

Couplet 25

ମୋତେ ଭୁଞ୍ଜାଇ ଅବଶେଷମୋର ଜନନୀ କରେ ଗ୍ରାସ

Couplet 26

ସଂସାର ଈଶ୍ୱର-ଆୟତ୍ତେଏମନ୍ତେ ଗଲା ଦିନାକେତେ

Couplet 27

ମୁଁ ସେ ବ୍ରାହ୍ମଣ ଘରେ ଥାଇସନ୍ଧ୍ୟା-ସକାଳ ନ ଜାଣଇ

Couplet 28

ବାଳକ ପଞ୍ଚମ ବୟସେବଞ୍ଚଇ ଜନନୀର ପାଶେ

Couplet 29

ମୋର ଜନନୀ ଏକଦିନେବ୍ରାହ୍ମଣଘରେ ଗୋଦୋହନେ

Couplet 30

ଧେନୁ ଦୋହନ୍ତେ ପଥେ ବସିସର୍ପେ ମିଳିଲା ପାଶେ ଆସି

Couplet 31

ଦଇବ ଯୋଗେ ସେ ଦଂଶିଲାତକ୍ଷଣେ ଜନନୀ ମୋ ମଲା

Couplet 32

ମୁହିଁ ମାତାଙ୍କୁ ଅଗ୍ନି ଦେଇଭାଳଇ ଚଉଦିଗ ଚାହିଁ

Couplet 33

ବିପ୍ରଙ୍କ ତହିଁ ମୋର ମନନିତ୍ୟେ ଭାଳଇ ଛନଛନ

Couplet 34

ତାହାଙ୍କୁ ଭେଟିବାର ଅର୍ଥେଗଲି ଉତ୍ତରଦିଗ ପଥେ

Couplet 35

ଅନେକ ପୁର ନଗ୍ର ଗ୍ରାମେବିପ୍ରଙ୍କୁ ଖୋଜି ପଥଶ୍ରମେ

Couplet 36

ଖେଟ ଖର୍ବଟ ବାଟୀ ବନେଦୁର୍ଗମ ପର୍ବତ କାନନେ

Couplet 37

ପବିତ୍ରଜଳେ ପୁଣ୍ୟତୀର୍ଥେଦେବେ ସେବନ୍ତି ଯହିଁ ନିତ୍ୟେ

Couplet 38

ଉତ୍ତମ ସରୋବର ବନେହଂସ ସାରସ ଭୃଙ୍ଗସ୍ୱନେ

Couplet 39

ପୁଣି ମିଳିଲି ଘୋରଦେଶେପୂରିତ ନଳ କୁଶ କାଶେ

Couplet 40

ହସ୍ତୀସେବିତ ବନ ଆଦିଯେ ସ୍ୱର୍ଣ୍ଣଚିତ୍ର ପୁଣ୍ୟନଦୀ

Couplet 41

ବୈଣବୀ ଲତା ଗୁଳ୍ମସାରଦିଶଇ ଘୋର ଅନ୍ଧକାର

Couplet 42

ସର୍ପ ଉଲୂକ ଶିବାଗୃହେବନେ ଭ୍ରମଇ ଏକାଦେହେ

Couplet 43

ଏମନ୍ତେ ଭ୍ରମୁ ଘୋରପଥେଶ୍ରମେ ପିପାସା ବୁଭୁକ୍ଷିତେ

Couplet 44

ଏମନ୍ତେ ଯାଉଁ ପଦେପଦେଶ୍ରମେ ପଶିଲି ନଦୀହ୍ରଦେ

Couplet 45

ଶୀତଳ ବାରି ସ୍ନାନପାନକରନ୍ତେ ଗଲା ମୋର ଶ୍ରମ

Couplet 46

ସେ ନଦୀ ଜଳେ ପ୍ରାଣ ତୋଷିଅଶ୍ୱତ୍ଥ ତରୁତଳେ ବସି

Couplet 47

ଯେରୂପେ ମୁନିଙ୍କ ବଚନେଆତ୍ମାରେ ଆତ୍ମା ଅବଧାନେ

Couplet 48

କୃଷ୍ଣର ପାଦପଦ୍ମ ଯୁଗେଧ୍ୟାନ ମୁଁ କଲି ଅନୁରାଗେ

Couplet 49

ଉତ୍କଣ୍ଠା ଗଦ୍ ଗଦ ବଚନଅଶ୍ରୁଜଳରେ ନେତ୍ର ପୂର୍ଣ୍ଣ

Couplet 50

ତକ୍ଷଣେ ପରମ ଆନନ୍ଦେହରି ବିଜୟେ ମୋର ହୃଦେ

Couplet 51

ଅତ୍ୟନ୍ତ ପ୍ରେମଭରେ ଦେହେଉଦ୍ ଗମ ହେଲେ ତନୁରୁହେ

Couplet 52

ଆନନ୍ଦ-ସାଗରେ ବୁଡ଼ିଲିଉଭୟଲୋକ ନ ଜାଣିଲି

Couplet 53

ରୂପେ କି ଦେବା ପଟାନ୍ତରମନ ବଚନ ଆଗୋଚର

Couplet 54

ଦେଖି ଉଠିଲି ତତକ୍ଷଣେବିକଳେ ଚିତ୍ତକରଷଣେ

Couplet 55

ପୁଣି ରହିଲି ଦୃଢ଼ଚିତ୍ତେସେ ରୂପ ଦେଖିବା ନିମନ୍ତେ

Couplet 56

ସେ ହରି ହୋଇଲେ ଅନ୍ତରଦିଶିଲା ଘୋର-ଅନ୍ଧକାର

Couplet 57

ବାହୁଡ଼ି ଚାହିଁଲି ବାହାରେଦିଶ ଆକାଶ ଅଭ୍ୟନ୍ତରେ

Couplet 58

ଭିତରେ ବାହାରେ ନ ପାଇଆକୁଳେ କମ୍ପେ ମୋର ଦେହୀ

Couplet 59

ଏମନ୍ତେ ଅନ୍ତରୀକ୍ଷ-ବାଣୀକିବା ଅମୃତ ତରଙ୍ଗିଣୀ

Couplet 60

ମନ-ବଚନେ ଅଗୋଚରସ୍ୱଭାବେ ଗମ୍ଭୀର ସୁସ୍ୱର

Couplet 61

ପ୍ରସନ୍ନ କଲା ମୋର ମନଶୁଣିଲି ଆକାଶ-ବଚନ

Couplet 62

ଏଜନ୍ମେ ଦେଖିବୁ ତୁ କାହିଁମୋହର ଆଦି ଅନ୍ତ ନାହିଁ

Couplet 63

କୁଜନଜନଙ୍କର ଚିତ୍ତକର୍ମ-ବାସନାରେ ଜଡ଼ିତ

Couplet 64

ଯାବତ ଶୁଭାଶୁଭ-କର୍ମେଚିତ୍ତ ଆକର୍ଷେ ମତି ଭ୍ରମେ

Couplet 65

ସେ ମୋତେ ପାଇବେ କେମନ୍ତେକର୍ମ ଆବୋରି ନାନାମତେ

Couplet 66

ମୋର ସେବକ ସେବା ଫଳେତେଣୁ ଦେଖିଲୁ ମୋତେ ଡୋଳେ

Couplet 67

ମୁଁ ଯାର ଚିତ୍ତେ ନିତ୍ୟେ ଥାଇତା ହୃଦେ ଅମଙ୍ଗଳ କାହିଁ

Couplet 68

ଏବେ ସାଧୁଙ୍କ ସେବା କରିଦୀର୍ଘଜୀବନ ଦେହେ ଧରି

Couplet 69

ଦୃଢ଼ଭକତି ମୋର ପାଦେଚିତ୍ତେ ପ୍ରସରୁ ଅପ୍ରମାଦେ

Couplet 70

ଏ ଦେହ ଛାଡ଼ି ମୋର ଧ୍ୟାନେଅନ୍ତେ ମିଳିବୁ ମୋ ଭୁବନେ

Couplet 71

ମୋର ବିଷୟେ ତୋର ମତିକେବେ ହେଁ ନୋହିବ ଦୁର୍ଗତି

Couplet 72

ସୃଷ୍ଟିପ୍ରଳୟ ବାଧା ଯେତେକେବେହେଁ ନ ଲାଗିବ ତୋତେ

Couplet 73

ମୋ ଅନୁଗ୍ରହେ ହେଉ ଜ୍ଞାନଏମନ୍ତ ଆକାଶ-ବଚନ

Couplet 74

ସ୍ୱଭାବେ ସ୍ଫୁରେ ଅନ୍ତରୀକ୍ଷେକେ ତାହା ଦେଖିବ ପ୍ରତ୍ୟକ୍ଷେ

Couplet 75

ସ୍ୱଭାବେ ରୂପ ନାହିଁ ଯାରମହାମହିମା ନିର୍ବିକାର

Couplet 76

ସେ ବାଣୀ ଶୁଣି ଚିତ୍ତ ସ୍ଥିରେପ୍ରଣାମ କଲି ତା ପୟରେ

Couplet 77

ମୋର ଜୀବନ କୃତକୃତ୍ୟଶୁଣ ହେ ସତ୍ୟବତୀ-ସୁତ

Couplet 78

ସେ ବିନୁ ନ ଜାଣଇ ଆନମୋ ସର୍ବଗତି ଭଗବାନ

Couplet 79

ଲାଜଭୟକୁ ପରିହରିହୃଦେ ଗୋବିନ୍ଦ ନାମ ଧରି

Couplet 80

ଅନନ୍ତ ନାମ ଗୁଣ ଯେତେଚିତ୍ତେ ସୁମରି ଅବିରତେ

Couplet 81

ଭୂମି କରଇ ପର୍ଯ୍ୟଟନବିଗତରାଗ ତୁଷ୍ଟ ମନ

Couplet 82

ମଦମତ୍ସରମାନ ତେଜିକୃଷ୍ଣ-ଚରଣେ ଦୃଢ଼େ ଭଜି

Couplet 83

ଏମନ୍ତେ ଭ୍ରମୁ ଅନୁଦିନନିର୍ମଳ ହୋଇଲା ମୋ ମନ

Couplet 84

ଏମନ୍ତେ ମରଣ ନିୟତକାଳ ହୋଇଲା ଉପଗତ

Couplet 85

ସଂଶୟ ସ୍ଫୁରେ ମୋର ମନେବିଜୁଳି ଯେହ୍ନେ ନୀଳଘନେ

Couplet 86

ଦିବ୍ୟସ୍ୱରୂପ ମୁହିଁ ଦେଖିତକ୍ଷଣେ ଶରୀର ଉପେକ୍ଷି

Couplet 87

ଆନନ୍ଦେ କୃଷ୍ଣ ଅନୁଗ୍ରହେଶୂନ୍ୟେ ଗମିଲି ଦିବ୍ୟଦେହେ

Couplet 88

କଳ୍ପାନ୍ତେ ଦିନ ପ୍ରଳୟରେଏ ସୃଷ୍ଟି ଦେଖିଣ ଉଦରେ

Couplet 89

କ୍ଷୀରଜଳଧି ମଧ୍ୟେସ୍ଥିତଅନନ୍ତଶୟନେ ଅଚ୍ୟୁତ

Couplet 90

ପଶିଲି ତାର ଅଭ୍ୟନ୍ତରେନିର୍ଲେପ ନିର୍ମଳ ଶରୀରେ

Couplet 91

ଯେବେ ସହସ୍ରଯୁଗ ଗଲାଶୟନୁ ଅନନ୍ତ ଉଠିଲା

Couplet 92

ତକ୍ଷଣେ ବ୍ରହ୍ମ-ରୂପ ଧରିଭୂମି ଭିଆଇ ସୃଷ୍ଟିକରି

Couplet 93

ମରୀଚି ଆଦି ସପ୍ତସୁତବ୍ରହ୍ମା ମନରୁ ହେଲେ ଜାତ

Couplet 94

ମୁହିଁ ହୋଇଲି ତାଙ୍କ ସଙ୍ଗେସମ୍ଭୂତ ବିଧାତାର ଅଙ୍ଗେ

Couplet 95

ନିଶ୍ଚଳ ଚିତ୍ତେ ଦୃଢ଼ବ୍ରତେଏ ତିନିଲୋକେ ଭ୍ରମେ ନିତ୍ୟେ

Couplet 96

କୃଷ୍ଣର ଭାବେ ଭ୍ରମେ ନିତିମୋହର ଅବ୍ୟାହତଗତି

Couplet 97

କୃଷ୍ଣଭକତି ଭାବଭୋଳେମୁହିଁ ଗମଇ ଅନ୍ତରାଳେ

Couplet 98

ଦେବଙ୍କ ମଧ୍ୟେ ମୁହିଁ ଥାଇନୃତ୍ୟ କରଇ କୃଷ୍ଣ ଗାଇ

Couplet 99

ଶୁଣି ସନ୍ତୋଷ ମୋର ବାଣୀବୀଣା ଗୋଟିଏ ଦେଲେ ଆଣି

Couplet 100

ସପତସ୍ୱର ବିଭୂଷଣାସୁସ୍ୱର ନାଦ ତିନିଗୁଣା

Couplet 101

ସ୍ୱର ମୂର୍ଚ୍ଛନା ନାଦ ବାଇଆନନ୍ଦେ କୃଷ୍ଣଗୁଣ ଗାଇ

Couplet 102

ନିରତେ ଭ୍ରମେ ତ୍ରିଜଗତେଶୁଣ କହିବା ଆଉ ଯେତେ

Couplet 103

ହରିର ଅଭୟଚରଣଅଶେଷତୀର୍ଥଙ୍କର ସ୍ଥାନ

Couplet 104

ସେ ପାଦ କଲେ ସୁମରଣଶୀଘ୍ରେ ମୋ ଚିତ୍ତେ ନାରାୟଣ

Couplet 105

ଆଦିତ୍ୟ ତେଜ ପ୍ରାୟ ଦିଶେଅଜ୍ଞାନତମ ବେଗେ ନାଶେ

Couplet 106

ସେ ହରିଚରିତର ଗୁଣଭୋ ମୁନି ସାବଧାନେ ଶୁଣ

Couplet 107

ଭବସାଗରେ ଯେତେ ନରେଆତୁରଚିତ୍ତ ଅଭ୍ୟନ୍ତରେ

Couplet 108

ବିଷୟରସେ ସୁଜଡ଼ିତକେବେହେଁ ନୋହେ ଶୁଦ୍ଧଚିତ୍ତ

Couplet 109

ଅଛନ୍ତି ଭବ-ସିନ୍ଧୁ-ଗର୍ଭେସେ ନରେ କେମନ୍ତେ ତରିବେ

Couplet 110

କୃଷ୍ଣର ଗୁଣଗାଥା ଘୋଷିଆନନ୍ଦେ ସୁଖନାବେ ବସି

Couplet 111

ହେଳେ ତରିବେ ହରି ଗାଇଅନ୍ୟଥା ସୁଖ ଲେଶ ନାହିଁ

Couplet 112

ଯମ ନିୟମ ଯୋଗପଥେଯେ ନର ସାଧେ ଅବିରତେ

Couplet 113

ଏ ନାବ ପାଇବ ସେ କାହିଁଯେବେ ଗୋବିନ୍ଦେ ଚିତ୍ତ ନାହିଁ

Couplet 114

ଶୁଣ ହେ ସତ୍ୟବତୀ-ସୁତମୋହର ପୂର୍ବର ଚରିତ

Couplet 115

ଜନ୍ମ କର୍ମାଦି ମୋର ଯେତେକହିଲି ତୁମ୍ଭର ଅଗ୍ରତେ

Couplet 116

ତୁମ୍ଭର ମନ ତୋଷ ଅର୍ଥେକହିଲି ଭକ୍ତିଯୋଗ ଯୋଗଯେତେ

Couplet 117

ସୂତ କହନ୍ତି ଅନୁରାଗେଯଜ୍ଞେ ସମସ୍ତ ମୁନିଆଗେ

Couplet 118

ନାରଦ ଜନ୍ମକର୍ମ କଥାବିଷ୍ଣୁ ଭକତିର ବ୍ୟବସ୍ଥା

Couplet 119

ବ୍ୟାସଙ୍କ ଆଗେ ସର୍ବ କହିଆନନ୍ଦେ ବୀଣାବାଦ୍ୟ ବାଇ

Couplet 120

ଆକାଶମାର୍ଗେ ଗଲେ ଏକେବିଜୁଳି ଯେହ୍ନେ ବଳାହକେ

Couplet 121

ଧନ୍ୟ ମହିମା ଦେବଋଷିନିରତେ କୃଷ୍ଣନାମ ଘୋଷି

Couplet 122

ହରି ଗାୟନେ ଭୋଳ ହୋଇବିବିଧଛନ୍ଦେ ବୀଣା ବାଇ

Couplet 123

ନିରତେ ଭ୍ରମେ ତିନିପୁରେଜଗତ ସଙ୍କଟୁ ଉଦ୍ଧରେ

Couplet 124

ବୋଲଇ ଦାସ ଜଗନ୍ନାଥପ୍ରଥମସ୍କନ୍ଧେ ଭାଗବତ