Adhyaya 5

Couplet 1

ସୁତ କହନ୍ତି ଅନୁରାଗେହରଷେ ମୁନିଙ୍କର ଆଗେ

Couplet 2

ଶୁଣ ସକଳ ମୁନି ଜନେହରିଚରିତ ସାବଧାନେ

Couplet 3

ବ୍ୟାସ ସମୀପେ ଦେବଋଷିସୁଖ-ଆସନେ ଦୃଢ଼େ ବସି

Couplet 4

ବ୍ୟାସ ପୁଚ୍ଛିଲେ ମନ ତୋଷେଯେ ଜାତ ଗୋବିନ୍ଦର ଅଂଶେ

Couplet 5

ହରଷେ ବୀଣା ହସ୍ତୁ ଥୋଇକହନ୍ତି ବ୍ୟାସ ମୁଖ ଚାହିଁ

Couplet 6

ହେ ପରାଶର-ଋଷି-ସୁତତୁମ୍ଭେ ସ୍ୱଭାବେ ଭାଗବତ

Couplet 7

ଚଞ୍ଚଳ ଦିଶୁଛି ବଦନଦେଖି ଜାଣିଲି ତୁମ୍ଭ ମନ

Couplet 8

ସକଳ ବେଦ ଶିଷ୍ୟେ ଦେଇପୁରାଣ ଭାରତ ଭିଆଇ

Couplet 9

ବେଦ ବିଚାରି ବ୍ରହ୍ମଚିନ୍ତିଚିତ୍ତ ନୋହିଲା ତୁମ୍ଭ ଶାନ୍ତି

Couplet 10

ଭଲେ ଜାଣିଲି ମୁହିଁ ଏହାତୁମ୍ଭେ ସ୍ୱଭାବେ ପୁଣ୍ୟଦେହା

Couplet 11

ନାରଦ ବାକ୍ୟ ଶୁଣି କର୍ଣ୍ଣେବ୍ୟାସ କହନ୍ତି ସାବଧାନେ

Couplet 12

ତୁମ୍ଭେ କହିଲ ମୁନି ଯେତେମୋର ଅଭ୍ୟାସ ବହୁମତେ

Couplet 13

ବେଦ ପୁରାଣ ଅର୍ଥ ଯେତେମୁଁ ସର୍ବ ସମ୍ପାଦିଲି ଚିତ୍ତେ

Couplet 14

ତଥାପି ଆତ୍ମା ତୋଷ ନୋହେସ୍ଥିର ନ ରହେ ମନ ଦେହେ

Couplet 15

ତୁମ୍ଭେ ଯେ ବ୍ରହ୍ମାଙ୍କ ନନ୍ଦନଭଲେ ଜାଣିଲ ମୋର ମନ

Couplet 16

ଏ ମନ ସ୍ଥିର କରିବାରେଗୋବିନ୍ଦ ବିନା କେବା ପାରେ

Couplet 17

ସକଳ-ଶାସ୍ତ୍ର ତହୁଁ ସାରତାର ମହିମା ଅଗୋଚର

Couplet 18

ତାର ଭକତି ଯେଣୁ ନାହିଁଏଣୁ ମୋ ଚିତ୍ତ ସ୍ଥିର ନୋହି

Couplet 19

ତୁମ୍ଭେ ସକଳ ତତ୍ତ୍ୱ ଜାଣଯେ କୃଷ୍ଣ-ମହିମା ପ୍ରମାଣ

Couplet 20

ସେ ସର୍ବଜୀବଙ୍କ ଈଶ୍ୱରଯାର ମାୟାରେ ଏ ସଂସାର

Couplet 21

ସୃଜଇ ପାଳଇ ସଂହାରେତ୍ରିଗୁଣ-ବ୍ୟାଜେ ସେ ବିହରେ

Couplet 22

ସେ ମାୟା ତାକୁ ନ ଲାଗଇନିତ୍ୟେ ସେ ନିଜ ସୁଖେ ଥାଇ

Couplet 23

ଏ ତିନିଲୋକ ତୁମ୍ଭ ଦେହେନିରତେ ଭ୍ରମେ ରବି ପ୍ରାୟେ

Couplet 24

ପ୍ରାଣୀଙ୍କ ବାହ୍ୟ ଅଭ୍ୟନ୍ତରେଯେସନେ ସମୀର ସଞ୍ଚରେ

Couplet 25

ଆତ୍ମା ଯେସନେ ସାକ୍ଷୀ ରୂପେନିତ୍ୟେ ବିହରେ ନିଜ ସୁଖେ

Couplet 26

ସେ ବିଷ୍ଣୁ-ପାଦପଦ୍ମ ଜଳେତୁମ୍ଭର ସ୍ନାନ ସୁନିଶ୍ଚଳେ

Couplet 27

ସେ ଜଳ ଶୀତ ଉଷ୍ମ ଭାବନିତ୍ୟେ ତୁମ୍ଭର ଅନୁଭବ

Couplet 28

ତାଙ୍କ ମହିମା ପରିମାଣିତୁମ୍ଭହୁଁ ଅନ୍ୟ କେବା ଜାଣି

Couplet 29

କହ ଆନନ୍ଦେ ମୁନିବରଯେମନ୍ତେ ମନ ହୋଏ ସ୍ଥିର

Couplet 30

ଏମନ୍ତ ବ୍ୟାସ ମୁଖୁ ଶୁଣିଭାବେ କହନ୍ତି ଦେବମୁନି

Couplet 31

ଭୋ ମୁନି ସତ୍ୟ ଏ ବଚନଯେଣୁ ସନ୍ତୋଷ ନୋହେ ମନ

Couplet 32

କୃଷ୍ଣ ନିର୍ମଳ ଯଶଗୁଣଯେଣୁ ନକଲ ଉଚ୍ଚାରଣ

Couplet 33

ଯେ ଧର୍ମେ କୃଷ୍ଣ ତୋଷ ନୋହିସେ ଧର୍ମ ନିଷ୍ଫଳ ଅଟଇ

Couplet 34

ଧର୍ମ ସମ୍ପଦ କାମ ଅର୍ଥେଯେତେ କହିଲ ବେଦପଥେ

Couplet 35

ଯେବେ ଗୋବିନ୍ଦ ଗୁଣଗ୍ରାମଅଭ୍ୟାସେ ଥାନ୍ତା କିଛି ଶ୍ରମ

Couplet 36

ତେବେ କି ମନ ଅସନ୍ତୋଷକହିବି ଶୁଣ ଉପଦେଶ

Couplet 37

ଯେବେ ଏ ଜିହ୍ୱା ବାକ୍ୟ-ଶ୍ରମେନ କରେ କୃଷ୍ଣ-ଗୁଣ-ଗ୍ରାମେ

Couplet 38

ଯେ ବାଣୀ ଅଖିଳ-ତାରିଣୀତା ଛାଡ଼ି ଅନ୍ୟ ଯେବେ ଭଣି

Couplet 39

ତାହାକୁ ବୋଲି କାକ ବାଣୀଯହିଁ ଗୋବିନ୍ଦଙ୍କୁ ନ ଶୁଣି

Couplet 40

ନିଶ୍ଚୟ କାକତୀର୍ଥ ସେହିସେ ଜଳେ କେବା ଅବଗାହି

Couplet 41

ପରମହଂସ ମୁନିମେଳେଯେ ଥାନ୍ତି ପୁଣ୍ୟ-ତୀର୍ଥ-କୂଳେ

Couplet 42

ଯେ ବାକ୍ୟେ କୃଷ୍ଣଗୁଣ ଗାଇନିଶ୍ଚୟେ ପୁଣ୍ୟତୀର୍ଥ ସେହି

Couplet 43

ସେ ବାକ୍ୟ ଜନ ତାପ ନାଶେତୀର୍ଥ ଯେସନେ ପାପ ଧ୍ୱଂସେ

Couplet 44

କୃଷ୍ଣର ଗୁଣଗାଥା ଯେବେପ୍ରବନ୍ଧେ ଉଚ୍ଚାରଇ ଭାବେ

Couplet 45

ପଦ ଦୂଷିତ ଯେବେ ହୋଏସେ ପ୍ରାଣୀ ସର୍ବପାପ ଦହେ

Couplet 46

ଅନନ୍ତ ନାମ-ଯଶ-ଗୁଣେସାଧୁଙ୍କ ବାକ୍ୟ ନିତ୍ୟେ ଭଣେ

Couplet 47

ସେ ହରି-ଭାବ ଯେବେ ଛାଡ଼ିଯେ ଯାନ୍ତି କର୍ମ ପଥ ମାଡ଼ି

Couplet 48

ଯେ ପୁଣ୍ୟ ବେଦମାର୍ଗେ କରେସକାମ ଚିତ୍ତେ ଫଳ ଧରେ

Couplet 49

ହରିଙ୍କି ନ କରେ ଅର୍ପଣସେ ସର୍ବଫଳ ଅକାରଣ

Couplet 50

ନିଷ୍କାମମତେ ସର୍ବ ନ୍ୟାସିତପ ସାଧନ୍ତି ବନେ ପଶି

Couplet 51

ହରି ମହିମା ଛାଡ଼ି ଯେବେଅତି ନିର୍ମଳ ଜ୍ଞାନ ଭାବେ

Couplet 52

ସେ କାହିଁ ଅଶୁଭ ନାଶିବତପ ସାଧିଲା ଫଳ ଦେବ

Couplet 53

ତୁମ୍ଭେ ସ୍ୱଭାବେ ଭାଗବତମହାନୁଭାବ ଶୁଚିମନ୍ତ

Couplet 54

ସତ୍ୟବଚନ ଧୃତିମନ୍ତଏଣୁ ଅମୋଘ ତୁମ୍ଭ ଚିତ୍ତ

Couplet 55

ସମାଧି କରି କୃଷ୍ଣପାଦେତାର ଚରିତ ଅନୁବାଦେ

Couplet 56

ପ୍ରବନ୍ଧ ଭାଗବତ କରଅଖିଳ ଜନଙ୍କୁ ଉଦ୍ଧର

Couplet 57

ଯେ ପ୍ରାଣୀ ଅନ୍ୟ ମାର୍ଗେ ଭଜେହରି ଭକତି ଦୂରେ ତେଜେ

Couplet 58

କୃଷ୍ଣ ଭକତି ଲାଭ ଛାଡ଼ିତୃତୀୟବର୍ଗେ ଚିତ୍ତ ବଢ଼ି

Couplet 59

ତାହାର ସୁଖ ଲେଶ କାହିଁସମୁଦ୍ରେ ଯେହ୍ନେ ନାବ ଥାଇ

Couplet 60

ଜଳ ପବନ ମେଘ ତେଜେକୂଳେ ନ ଲାଗି ଯେହ୍ନେ ଭାଜେ

Couplet 61

ତାହାଙ୍କ ଗତି ସେହି ମତଶୁଣ ହେ ପରାଶର-ସୁତ

Couplet 62

ନିନ୍ଦିତ କର୍ମ ଚିତ୍ତେ ଚିନ୍ତିଯେ ଅନ୍ୟଜନେ ଶିକ୍ଷା ଦ୍ୟନ୍ତି

Couplet 63

ସ୍ୱଭାବେ ମୂଢ଼ ସେହୁ ଜନବିଅର୍ଥ ତାହାର ଜୀବନ

Couplet 64

ତାର ବଚନେ ସେହୁ ଭ୍ରମେଯେ ପ୍ରାଣୀ ଆଚରେ ଅଧର୍ମେ

Couplet 65

ସାଧୁ-ନିନ୍ଦନ ଯେ କରନ୍ତିଜଗତେ ନାହିଁ ତାଙ୍କ ସ୍ଥିତି

Couplet 66

ପାପ ଆଚରି ନରଲୋକେଅନ୍ତେ ସେ ପଡ଼ନ୍ତି ନରକେ

Couplet 67

ତୁମ୍ଭେ ସ୍ୱଭାବେ ବିଚକ୍ଷଣଭାବ ଅଭାବ ଭଲେ ଜାଣ

Couplet 68

ଅନନ୍ତ ପାର ବିଷ୍ଣୁକଥାତୁମ୍ଭେ ବର୍ଣ୍ଣନେ ସାମରଥା

Couplet 69

ନିବୃତ୍ତି ପ୍ରବୃତ୍ତି ଏ ଭାବେଯେମନ୍ତେ ପ୍ରାଣୀ ନିସ୍ତରିବେ

Couplet 70

ହରି ଚରିତ ଦୀପ କରଜନଙ୍କୁ ଅନ୍ଧାରୁ ଉଦ୍ଧର

Couplet 71

ଯେ ପ୍ରାଣୀ ନିଜ ଧର୍ମ ତେଜିହରି-ଚରଣ ଦୃଢ଼େ ଭଜି

Couplet 72

ଭଜୁଁ ମରଇ ଯେବେ ଦୁଃଖେକେବେହେଁ ନ ପଡ଼େ ନରକେ

Couplet 73

ସ୍ୱଧର୍ମେ ଭଜନ୍ତି ଯେ ପ୍ରାଣୀହରି ଭକତି ନ ପ୍ରମାଣି

Couplet 74

ଅନ୍ତେ ତାହାଙ୍କ ଗତି ଯେତେକେ ଅନୁମାନି ପାରେ ଚିତ୍ତେ

Couplet 75

ଏବେ ହୋ ଶୁଣ ମୁନିବରପଣ୍ତିତଜନଙ୍କ ବେଭାର

Couplet 76

ଯେ ଲାଭ କେହି ନ ଲଭନ୍ତିସେ ଲାଭେ ଯାର ଚିତ୍ତ ଚିନ୍ତି

Couplet 77

ସେ ଅର୍ଥେ ଯତ୍ନ ଯେ କରନ୍ତିସଂସାରେ ପଣ୍ତିତ ବୋଲାନ୍ତି

Couplet 78

କାଳର ବଳେ ପୁଣପୁଣଏ ଭବ ମଧ୍ୟେ ତା ଭ୍ରମଣ

Couplet 79

ପୂର୍ବ ଅର୍ଜିତ କର୍ମବଶେଦୁଃଖ ସଦୃଶ ସୁଖ ଆସେ

Couplet 80

ଏ ଅଧ ଉର୍ଦ୍ଧ୍ୱ ବେନି ପଥେପ୍ରାଣୀଏ ଭ୍ରମନ୍ତି ନିରତେ

Couplet 81

ତାହାଙ୍କ ମଧ୍ୟେ ଜଣେ ଜଣେଲୋଭିଲେ ସେ ଫଳ ଧାରଣେ

Couplet 82

ସେ ଫଳ ପାଇ ସୁଖେ ଖାଇଭ୍ରମଣେ ଶ୍ରମ ନ ଲାଗଇ

Couplet 83

ଭ୍ରମିଣ ପ୍ରାଣୀ ଯେବେ ପାଇପୁଣି ଭ୍ରମନ୍ତି ତାହା ଖାଇ

Couplet 84

ଏଣୁ ମୁକୁନ୍ଦ-ପାଦଗତେଯେ ପ୍ରାଣୀ ଭଜନ୍ତି ନିରତେ

Couplet 85

ମୁକୁନ୍ଦପାଦ ତାର ଗତିଅନ୍ୟର ପ୍ରାୟ ନ ଭ୍ରମନ୍ତି

Couplet 86

କୃଷ୍ଣର ପାଦପଦ୍ମ ରସନିରତେ କରନ୍ତି ଯେ ଗ୍ରାସ

Couplet 87

ସେ ରସ ଛାଡ଼ିବ ସେ କେହ୍ନେରସେ ରସିକଜନ ଯେହ୍ନେ

Couplet 88

ଈଶ୍ୱର ହେତୁ ଏସଂସାରସଂସାରୁ ଈଶ୍ୱର ବାହାର

Couplet 89

ଯେଣୁ ଉତ୍ପତ୍ତି ସ୍ଥିତି ନାଶବିଶ୍ୱର ହୁଅଇ ପ୍ରକାଶ

Couplet 90

ଏଣୁ ଲୀଳାକୁ କରିଅଛିପ୍ରାଣୀଙ୍କି ନୋହିବ ପ୍ରତ୍ୟକ୍ଷି

Couplet 91

ଈଶ୍ୱର ଜୀବ ଏ ସଂସାରଏ ସର୍ବ ଏକଇ ପ୍ରକାର

Couplet 92

ଏ ସର୍ବ ବ୍ରହ୍ମଭାବେ ଜାଣିବେଦରେ ଅଛି ପରିମାଣି

Couplet 93

ତୁମ୍ଭେ ସର୍ବଜ୍ଞ ମୁନିବରକହ କୃଷ୍ଣର ଅବତାର

Couplet 94

ତୁମ୍ଭେ ଯେ ଆତ୍ମରାମେ ରମିଅନ୍ତର ଦୃଷ୍ଟି ଅନ୍ତର୍ଯ୍ୟାମୀ

Couplet 95

ପରମ ପୁରୁଷଙ୍କ କଳାସୁମରି ଗୋବିନ୍ଦର ଲୀଳା

Couplet 96

ସଂସାର ନିସ୍ତାରଣ ଅର୍ଥେଶ୍ରୀଭାଗବତ କର ଗ୍ରନ୍ଥେ

Couplet 97

ସ୍ୱଭାବେ ଜନ୍ମ ଯାର ନାହିଁମାୟା ଶୟଳେ ରୂପ ବହି

Couplet 98

ତାର ଚରିତରୁ କିଞ୍ଚିତେପ୍ରକାଶ କର ଜନହିତେ

Couplet 99

ଏହୁ ସେ ପୁରୁଷାର୍ଥ ସାରଯଜ୍ଞ ତପସ୍ୟା ବେଦସାର

Couplet 100

ଇଷ୍ଟ ପୂଜନ ଯଜ୍ଞ ଦାନଯେବେ ଭାବଇ କୃଷ୍ଣନାମ

Couplet 101

ତାହାଙ୍କ ଫଳ ଏ ଅଟଇତା ବିନୁ ନିଷ୍ଫଳ ହୁଅଇ

Couplet 102

ପୂର୍ବେ ନିର୍ମଳ ଋଷିଜନେତପ ଆଚରି ଘୋରବନେ

Couplet 103

ସଂସାର ସାର କୃଷ୍ଣକଥାନିରତେ ଗାଇ ଗୁଣଗାଥା

Couplet 104

ଏ ଭାବେ ପାଇଲି ଯେମନ୍ତେକହିବି ତୁମ୍ଭର ଅଗ୍ରତେ

Couplet 105

ପୂର୍ବେ ମୁଁ ଦକ୍ଷ ଶାପ ପାଇଜନ୍ମିଲି ଦାସୀପୁତ୍ର ହୋଇ

Couplet 106

ବ୍ରାହ୍ମଣ ଘରେ ଏକାଏକିମୋହର ଜନନୀ ସେବକୀ

Couplet 107

ବ୍ୟାପାର କରେ ରାତ୍ର ଦିନେଏମନ୍ତେ ବିଧିର ବିଧାନେ

Couplet 108

ସେ ବିପ୍ରଗୃହେ ବର୍ଷା କାଳେଅତିଥି ବ୍ରାହ୍ମଣେ ମିଳିଲେ

Couplet 109

ତାହାଙ୍କୁ ଅନ୍ନଜଳ ଦେଇବ୍ରାହ୍ମଣ କହେ ଭାବ ବହି

Couplet 110

ହେ ବିପ୍ରେ ଶୁଣ ମୋ ବଚନଆଜ ଜୀବନ ମୋର ଧନ୍ୟ

Couplet 111

ତୁମ୍ଭର ଦୟା ଯେବେ ମୋତେମୋ ଘରେ ରୁହ ଦିନାକେତେ

Couplet 112

ଦୁର୍ଗମ ବର୍ଷାମାସ ଚାରିଏ ଋତୁ ମୋର ଘରେ ସାରି

Couplet 113

ହେଉ ବୋଇଲେ ବିପ୍ରଜନେବ୍ରାହ୍ମଣ ଗୃହେ ଶୁଦ୍ଧମନେ

Couplet 114

ରହିଲେ ମନର ସନ୍ତୋଷେମୁଁ ସେବା କଲି ତାଙ୍କ ପାଶେ

Couplet 115

ବାଳୁତ ଚପଳ ମୋ ଚିତ୍ତସେବା କରଇ ଅବିରତ

Couplet 116

ସେ ବିପ୍ରଗଣେ ମୋତେ ଚାହିଁଆଶ୍ୱାସ କଲେ ଦୟାବହି

Couplet 117

ତାହାଙ୍କ ଭୋଜନର ଅନ୍ତେପତ୍ରେ ଉଚ୍ଛିଷ୍ଟ ଥାଇ ଯେତେ

Couplet 118

ତାହା ଭୁଞ୍ଜଇ ନିତ୍ୟେ ମୁହିଁଅନ୍ୟ ଭୋଜନ ନ ଜାଣଇ

Couplet 119

ଉଚ୍ଛିଷ୍ଟ ଭୋଜନ ପ୍ରସାଦେମୋହର ଚିତ୍ତୁ ଅପ୍ରମାଦେ

Couplet 120

ସର୍ବ କିଳ୍ବିଷ କେଣେ ଗଲାତାହାଙ୍କ ଧର୍ମ ଉଦେ ହେଲା

Couplet 121

ବିପ୍ରଙ୍କ ମୁଖୁ ହରିବାଣୀଦିନ ବଞ୍ଚଇ ନିତ୍ୟେ ଶୁଣି

Couplet 122

ପଦକୁ ପଦ ଗୀତ ସ୍ମରେସେ ବାଣୀ ମୋର ମନ ହରେ

Couplet 123

ନିରତେ ଶୁଣି ପଦେ ପଦେମନ ବୁଡ଼ିଲା କୃଷ୍ଣପାଦେ

Couplet 124

କୃଷ୍ଣ ହୁଁ ଆନ ନ ଜାଣଇବିଷୟ-ରସ ଆର କାହିଁ

Couplet 125

ଯେଣୁ ଏ ସଦସତ ରୂପପ୍ରାଣୀ ଦେଖନ୍ତି ମୋହକଳ୍ପ

Couplet 126

ଆପଣା ଅଜ୍ଞାନ ସେ ଅଟେକେବେହେଁ ସତ୍ୟ ସେ ନଘଟେ

Couplet 127

ମୁହିଁ ଦେଖଇ ବହୁମତେହରିହୁଁ ଆନ କେ ଜଗତେ

Couplet 128

ଏମନ୍ତେ ବରଷା ସରିଲାଶରଦ ଋତୁ ପ୍ରସରିଲା

Couplet 129

ନିରତେ ଶବ୍ଦେ ହରିବାଣୀବିପ୍ରଜନଙ୍କ ମୁଖୁ ଶୁଣି

Couplet 130

ସାତ୍ତ୍ୱିକ ଭକ୍ତି ମୋର ମନେପ୍ରକାଶ ହେଲା ଅନୁକ୍ଷଣେ

Couplet 131

ମୋହର ସେବା ଦିନୁ ଦିନେଦେଖି ସନ୍ତୋଷ ବିପ୍ରଜନେ

Couplet 132

ଜାଣିଲେ ଶୁଦ୍ଧସତ୍ତ୍ୱ ରୂପେଭକତି ଜାତ ମୋର ଚିତ୍ତ

Couplet 133

ଯିବାର ବେଳେ ମୋତେ ରାଇକୃଷ୍ଣମହିମା ଶିକ୍ଷା ଦେଇ

Couplet 134

ଯେ ଗୁହ୍ୟ ଗୁହ୍ୟତମ ଜ୍ଞାନଯେଣେ ଉଦିତ ଭଗବାନ

Couplet 135

ସର୍ବ କହିଲେ ମୋର କର୍ଣ୍ଣେଦୀନବତ୍ସଳ ମୁନିଜନେ

Couplet 136

ବିଷ୍ଣୁର ମାୟା ଅନୁଭବତେଣୁ ଜାଣିଲି ମୁହିଁ ସର୍ବ

Couplet 137

ଯେଭାବେ ଭାବି ଅପ୍ରମାଦେପ୍ରାଣୀ ପଶନ୍ତି କୃଷ୍ଣପାଦେ

Couplet 138

ଏଣୁ ଏ କୃଷ୍ଣାର୍ପିତ କର୍ମକଲେ ତୁଟଇ ଭବଭ୍ରମ

Couplet 139

ଆତ୍ମାରେ ଜ୍ଞାନ ପ୍ରକାଶଇତ୍ରିତାପମାନ କ୍ଷୟ ଯାଇ

Couplet 140

ବ୍ୟାଧି ଉପୁଜେ ଯାର ଭୋଗେସେ ଦ୍ରବ୍ୟେ ଚିକିତ୍ସା ନ ଲଭେ

Couplet 141

ଏଣୁ ଗୋବିନ୍ଦ-ରସ ତେଜିଯେବେ ବିଷୟ-ରସେ ମଜ୍ଜ

Couplet 142

ସେ କାହିଁ ତରିବ ସଂସାରେପଡ଼ଇ ଘୋର ଅନ୍ଧକାରେ

Couplet 143

ଏ ଭବ ମଧ୍ୟେ ଦେହ ଧରିବିଷ୍ଣୁ ତୋଷଣେ କର୍ମ କରି

Couplet 144

ଭକତିଯୋଗ ଜାତ ହୋଇଜ୍ଞାନ ଅଧୀନ ଯା ଅଟଇ

Couplet 145

ଯେବେ ସକଳକର୍ମ କରିକୃଷ୍ଣ ଅର୍ପଣ ମନେ ଧରି

Couplet 146

ବିଷ୍ଣୁର ଯେତେ ଗୁଣଗ୍ରାମଜଗତେ ଅଛି ଯେତେ ନାମ

Couplet 147

ମୁଖେ ଉଚ୍ଚାରି ମନେ ସ୍ମରିସେ ଭକ୍ତିଯୋଗେ ଅଧିକାରୀ

Couplet 148

ଅରୂପବ୍ରହ୍ମ ମନେ ସ୍ମରିଯେ ଚିନ୍ତେ ତାଙ୍କ ନାମ ଧରି

Couplet 149

ଶ୍ରୀବାସୁଦେବ ଯେ ପ୍ରଦ୍ୟୁମ୍ନଯେ ଅନିରୁଦ୍ଧ ସଙ୍କର୍ଷଣ

Couplet 150

ମନ୍ତ୍ର ଉଚ୍ଚାରି ମୂର୍ତ୍ତି କରିପୂଜା କରନ୍ତି ଭକ୍ତି ଭରି

Couplet 151

ସେହୁ ନପଡ଼େ ମାୟା ମୋହେଅନ୍ତେ ପଶଇ କୃଷ୍ଣଦେହେ

Couplet 152

ଏମନ୍ତେ ସାଧୁସଙ୍ଗ ଫଳେକୃଷ୍ଣଭକତି ଯୋଗବଳେ

Couplet 153

ଅଶେଷ ଦୁଃଖ ଦୂର ଗଲାସେ ହରି ମୋତେ ଜ୍ଞାନଦେଲା

Couplet 154

ଏବେ ହୋ ଶୁଣ ମୁନିବରହରିଚରଣେ ମନ ଧର

Couplet 155

କୃଷ୍ଣର ନାମଗୁଣ ଯେତେପ୍ରାଣୀଙ୍କି କହ ଭାଗବତେ

Couplet 156

ଯେଣେ ପଣ୍ତିତଜନଙ୍କରଅବୋଧ-କର୍ମ ଯିବ ଦୂର

Couplet 157

ବିଷୟ-ବିଷେ ପ୍ରାଣୀ ମରେଆତ୍ମାର ଗତି ନ ବିଚାରେ

Couplet 158

ସେ ଏବେ ଭାଗବତ ଶୁଣିତରିବେ ଭବ-ତରଙ୍ଗିଣୀ

Couplet 159

ଏମନ୍ତ ବ୍ୟାସ ଆଗେ କହିବୀଣାଶବଦେ କୃଷ୍ଣ ଗାଇ

Couplet 160

ସେ ମୁନିବର ପାଦଯୁଗେସୁଜନେ ନମ ଅନୁରାଗେ

Couplet 161

ହୋଇବ ଭବବନ୍ଧ ନାଶକହଇ ଜଗନ୍ନାଥ ଦାସ