Adhyaya 3

Couplet 1

ସୂତ କହନ୍ତି ଶୁଦ୍ଧ ଚିତ୍ତେହରଷେ ମୁନିଙ୍କ ଅଗ୍ରତେ

Couplet 2

ଶୁଣ ସକଳ ମୁନିଜନେହରିଚରିତ ସାବଧାନେ

Couplet 3

ସୃଷ୍ଟିର କାଳେ ସେ ମୁରାରିମହାପୁରୁଷ ରୂପ ଧରି

Couplet 4

ମହତ ଆଦି ଅଙ୍ଗେ ମିଶିବିରାଟ ରୂପେ ବ୍ରହ୍ମରାଶି

Couplet 5

କଳା ବହଇ ଷଡ଼ଦଶଅନାଦି-ପରମ-ପୁରୁଷ

Couplet 6

ବୁଦ୍ଧି ଚେତନା ଅହଙ୍କାରମନ ଅନ୍ତରୀକ୍ଷ ସମୀର

Couplet 7

ଅନଳ ଜଳ ବସୁମତୀବୁଦ୍ଧି ଇନ୍ଦ୍ରିୟ ଯାହା ଚିନ୍ତି

Couplet 8

ଜୀବ ପରମ ଏ ଷୋଡ଼ଶଏ ଆଦି ସୃଷ୍ଟି ଉପଦେଶ

Couplet 9

ସେ ସୃଷ୍ଟିସର୍ଗ ଇଚ୍ଛା କରିଜଳେ ଯୋଗନିଦ୍ରା ବିସ୍ତାରି

Couplet 10

ତା ନାଭିକମଳୁ କମଳପ୍ରକାଶି ଆଚ୍ଛାଦିଲା ଜଳ

Couplet 11

ବ୍ରହ୍ମା ହୋଇଲା ତହୁଁ ଜାତଯେ ପ୍ରଜାପତିଙ୍କର ନାଥ

Couplet 12

ତାର ଶରୀରୁ ସୃଷ୍ଟ ଲୋକବିସ୍ତାର ହୋଇଲା ଅନେକ

Couplet 13

ସେ ଶୁଦ୍ଧ ସତ୍ତ୍ୱ ବିଷ୍ଣୁ ରୂପଯାହା ଭିଆଣ ମାୟାକଳ୍ପ

Couplet 14

ଜ୍ଞାନଚକ୍ଷୁର ଦ୍ୱାରେ ଭରିଯେ ରୂପ ଦେଖେ ବ୍ରହ୍ମଚାରୀ

Couplet 15

ସହସ୍ର ପାଦ ଉରୁ ଭୁଜଶିର ବଦନ ନାସା ତେଜ

Couplet 16

ସହସ୍ର ଲୋଚନ ଶ୍ରବଣବସନ କୁଳ ଭୂଷଣ

Couplet 17

ମଣି କଙ୍କଣ ଝଟକନ୍ତିଦିଶଇ ଅତି ରୂପ କାନ୍ତି

Couplet 18

ଏ ସୃଷ୍ଟି ମଧ୍ୟେ ମାୟାଧରକରଇ ଯେତେ ଅବତାର

Couplet 19

ତାହାଙ୍କ ମୂଳବୀଜ ଏହିଜଗତେ ବ୍ରହ୍ମା ସେ ବୋଲାଇ

Couplet 20

ଯାହାର ଅଂଶାଅଂଶ ବଳେଗଗନ ପୃଥିବୀ ପାତାଳେ

Couplet 21

ଦେବ ମନୁଷ୍ୟ ପଶୁ ଆଦିନିଗମ ଗୋଚରେ ସମ୍ପାଦି

Couplet 22

ପ୍ରଥମେ କୁମାର ରୂପେ ସେସୃଷ୍ଟି ଉଦୟ ଉପଦେଶେ

Couplet 23

ଦୁସ୍ତର ବ୍ରହ୍ମଚର୍ଯ୍ୟବ୍ରତେତପ ସାଧିଲା ଦୃଢ଼ଚିତ୍ତେ

Couplet 24

ଦ୍ୱିତୀୟେ ସୃଷ୍ଟିର ଆଗମେସାଧିଲା ଯଜ୍ଞେଶ୍ୱର ନାମେ

Couplet 25

ପୂର୍ବ ପ୍ରଳୟକାଳ ବେଳେମହୀ ଯେ ଥିଲା ରସାତଳେ

Couplet 26

ତାର ଉଦ୍ଧାରେ ନରହରିତକ୍ଷଣେ କୋଳରୂପ ଧରି

Couplet 27

ଉଦ୍ଧରି ଜଳେ ବସାଇଲାବରାହକଳ୍ପ ବୋଲାଇଲା

Couplet 28

ତୃତୀୟେ ଋଷିସର୍ଗେ ହରିନାରଦ ମୁନି ରୂପ ଧରି

Couplet 29

କୃଷ୍ଣଭକତ ଜନହିତନିଷ୍କାମ ଶାସ୍ତ୍ର କଲେ ଉକ୍ତ

Couplet 30

ଚତୁର୍ଥେ ଜନ୍ମ ଧର୍ମକଳାଦେବ ଉଦ୍ଦେଶ୍ୟେ କର୍ମ କଲା

Couplet 31

ସେ ରୂପ ନର ନାରାୟଣସୃଜିଲେ ଧର୍ମ ଆଚରଣ

Couplet 32

ତପ ସାଧିଲେ ଦୃଢ଼ଚିତ୍ତେସୃଷ୍ଟିକଳ୍ପନା ଅଭିମତେ

Couplet 33

ପଞ୍ଚମେ ସିଦ୍ଧ ଅବତାରେଜନ୍ମିଲେ କର୍ଦ୍ଦମର ଘରେ

Couplet 34

ନାମେ ସେ କପିଳ ବୋଲାଇପିତାମାତାଙ୍କୁ ଜ୍ଞାନ କହି

Couplet 35

ଷଷ୍ଠେ ସେ ଅତ୍ରିପୁତ୍ର ହୋଇଅନସୂୟାଙ୍କ ମାତା ପାଇ

Couplet 36

ପ୍ରହ୍ଲାଦ ଆଦି ଦୈତ୍ୟଗଣେଜ୍ଞାନ କହିଲେ ଜଣେ ଜଣେ

Couplet 37

ସପ୍ତମସର୍ଗେ ନରହରିଆକୂତି ଗର୍ଭେ ଅବତରି

Couplet 38

ଅନେକ ଜ୍ଞାନଶାସ୍ତ୍ର କଲେସ୍ୱାୟମ୍ବୁ ମନ୍ୱନ୍ତ୍ର ପାଳିଲେ

Couplet 39

ଅଷ୍ଟମେ ନାଭିଗୃହେ ଜାତଋଷଭ ମେରୁଦେବୀ ସୁତ

Couplet 40

ଅତି କଠୋର ତପ କଲେଜ୍ଞାନୀଙ୍କି ପଥ ଦେଖାଇଲେ

Couplet 41

ନବମେ ପୃଥୁ ରୂପ ଧରିବଳେ ଦୁହିଁଲେ ବସୁନ୍ଧରୀ

Couplet 42

କ୍ଷୀରେ ଧରଣୀ କଲେ ସମନାମ ବହିଲେ ଉଶମ

Couplet 43

ଦଶମେ ମତ୍ସ୍ୟରୂପ ହୋଇନାବ ପ୍ରଳୟ ଜଳେ ବାହି

Couplet 44

ପ୍ରଳୟ ଜଳେ ବିହରିଲେରବିର ବଂଶକୁ ରଖିଲେ

Couplet 45

ଏକାଦଶରେ ଚକ୍ରଧରଯେ ରୂପେ ଜନ ଉପକାର

Couplet 46

ଇନ୍ଦ୍ରର ଅର୍ଥେ ଦେବାସୁରେକ୍ଷୀରସମୁଦ୍ର ମନ୍ଥିବାରେ

Couplet 47

କପଟେ କୂର୍ମ ରୂପ ହୋଇମନ୍ଦରଗିରି ପୃଷ୍ଠେ ବହି

Couplet 48

ଦ୍ୱାଦଶସର୍ଗେ ବିଶ୍ୱକଳ୍ପେଜନ୍ମିଲେ ଧନ୍ୱନ୍ତରୀ ରୂପେ

Couplet 49

ଅମୃତ କ୍ଷୀରାର୍ଣ୍ଣବୁ ଆଣିଦେବଙ୍କୁ ପିଆଇଲେ ପୁଣି

Couplet 50

ମୋହିନୀ ରୂପେ ତ୍ରୟୋଦଶେଶଙ୍କର ମୋହେ କାମବଶେ

Couplet 51

ଚତୁରଦଶେ ସିଂହବପୁବିଦାରେ ହିରଣ୍ୟକଶିପୁ

Couplet 52

ବାମନ ରୂପେ ଚତୁର୍ଦ୍ଦଶେବଳିକି ଛଳିଲେ ବିଶ୍ୱାସେ

Couplet 53

ଷୋଡ଼ଶ ଅବତାରେ ହରିପରଶୁରାମ ରୂପ ଧରି

Couplet 54

ପିତାବଧରେ ଅହଙ୍କାରେଧରଣୀ ଏକବିଂଶ ବାରେ

Couplet 55

ଭ୍ରମିଲେ ମହାକୋପାନଳେରାଜାଙ୍କୁ ଧରି ବାହୁବଳେ

Couplet 56

ଦୁଷ୍ଟକ୍ଷତ୍ରିୟ କାଟି ମୁଣ୍ତରୁଧିରେ ପୂର୍ଣ୍ଣକରି କୁଣ୍ତ

Couplet 57

ତର୍ପଣ କଲେ ପିତୃଗଣେତପେ ରହିଲେ ଘୋରବନେ

Couplet 58

ସପତଦଶେ ଦେବ କାର୍ଯ୍ୟେଜନ୍ମିଲେ ପରାଶର ବୀର୍ଯ୍ୟେ

Couplet 59

ନିଗମ ବୃକ୍ଷ ଥିଲା ଏକାବିଚାରି କଲେ ଶତେଶାଖା

Couplet 60

ପ୍ରାଣୀଙ୍କି ଦେଖି ଅଳ୍ପବୁଦ୍ଧିଯେ ଧର୍ମ ସଂସାରେ ପ୍ରସିଦ୍ଧି

Couplet 61

ସେ ପୁଣି ଦିବାକର-ବଂଶେଶ୍ରୀରାମଚନ୍ଦ୍ର ଅଷ୍ଟାଦଶେ

Couplet 62

ଜଳଧି ବାନ୍ଧି ସୀତା ଛଳେଲଙ୍କା ଧ୍ୱଂସିଲେ ଭୁଜବଳେ

Couplet 63

ରାବଣ ମାରି ଦେବରାଜଭଲେ ସମ୍ପାଦି ଦେବ କାର୍ଯ୍ୟ

Couplet 64

ଊନବିଂଶତି ରୂପେ ହରିଯାଦବବଂଶେ ଅବତରି

Couplet 65

କୃଷ୍ଣ ସ୍ୱରୂପେ ରାମ ତୁଲେଅବନୀ ଭାରା ଉଶ୍ୱାସିଲେ

Couplet 66

କଳି ଆଗମେ ଭାବଗ୍ରାହୀପାଷା-ଜନ-ମନ ମୋହି

Couplet 67

ବୁଦ୍ଧ ସ୍ୱରୂପ ଅବତାରେଜନ୍ମିବେ କୀକଟ ନଗରେ

Couplet 68

ଜ୍ଞାନ ଉଦ୍ଦେଶ୍ୟେ ଭଗବାନମୋହିବେ ଅସୁରଙ୍କ ମନ

Couplet 69

ଏମନ୍ତେ ଜନ୍ମ ଏକବିଂଶସୁଜନ ହିତେ ହୃଷୀକେଶ

Couplet 70

ସେ ପୁଣି କଳିଯୁଗ ଅନ୍ତେରାଜାଙ୍କୁ ଦେଖିବେ ଜଗତେ

Couplet 71

ନିର୍ଦ୍ଦୟ-ହୃଦେ ପ୍ରଜାମାରିଧନ ଜୀବନ ନ୍ୟନ୍ତି ହରି

Couplet 72

ସେ କାଳେ ବିଷ୍ଣୁଯଶା ଘରେଜନ୍ମିବେ କଳ୍କି-ଅବତାରେ

Couplet 73

ମନହୁଁ ବେଗ ବଳବନ୍ତଅଶ୍ୱ ଆରୋହି ଜଗନ୍ନାଥ

Couplet 74

ସୁନନ୍ଦ-ଖଡ୍ଗ କରେ ଧରିଦୁଷ୍ଟରାଜାଙ୍କୁ ବେଗେ ମାରି

Couplet 75

ଅଳପ ରାଜା-ଜନ-ଦେଶଦୟାରେ କରିଣ ଆଶ୍ୱାସ

Couplet 76

ସେ ସତ୍ୟନିଧି ମାୟାଧରଅଶେଷ କରେ ଅବତାର

Couplet 77

ଯଥା ଜୀମୂତ ବୃଷ୍ଟି ଜଳେସହସ୍ର ନଦୀ ମହୀତଳେ

Couplet 78

ଋଷି ଦେବତା ମନୁରାଜାଯେ ମନୁ ପୁତ୍ରେ ମହାତେଜା

Couplet 79

ଏ ଆଦି ଯେତେ ପ୍ରଜାପତିକୃଷ୍ଣର ଅଂଶେ ଜାତ ହୋନ୍ତି

Couplet 80

କେ ଅଂଶ କେବା କଳା ହୋଇବିଭୂତି ଗୁଣେ କେ ଜନ୍ମଇ

Couplet 81

ସକଳ ଅବତାର ସାରକି ଅବା ଦେବା ପଟାନ୍ତର

Couplet 82

ନୀଳ ଜୀମୂତ ଚକ୍ରଧରସ୍ୱୟଂ ଶ୍ରୀକୃଷ୍ଣ ଅବତାର

Couplet 83

ଏମନ୍ତେ ନାନାରୂପ ଧରିସଂସାରେ ରମେ ନରହରି

Couplet 84

ଦୁଷ୍ଟର ତେଜ ତେଜେ ହରିସଂସାରେ ଖେଳଇ ମୁରାରି

Couplet 85

କୃଷ୍ଣର ଜନ୍ମ-କର୍ମ ବାଣୀଯେ ଏହା କର୍ଣ୍ଣପଥେ ଶୁଣି

Couplet 86

ରାତ୍ର ଦିବସ ମଧ୍ୟେ ଯେବେକାଳ ବଞ୍ଚଇ କୃଷ୍ଣଭାବେ

Couplet 87

ସେ ଦୁଃଖ-ସଙ୍କଟୁ ତରନ୍ତିଜନ୍ମ ମରଣେ ନାହିଁ ଭ୍ରାନ୍ତି

Couplet 88

ଏମନ୍ତେ ନାନାରୂପ ଯେତେବିଷ୍ଣୁ ଧରନ୍ତି ଏ ଜଗତେ

Couplet 89

ସ୍ୱଭାବେ ରୂପ ଯାର ନାହିଁନିର୍ଲେପ ନିରଞ୍ଜନ ସେହି

Couplet 90

ମାୟାର ଗୁଣେ ବିରଚିତମହତ ଆଦିରୁ ସମ୍ଭୂତ

Couplet 91

ଯେମନ୍ତେ ମେଘ ଶୂନ୍ୟେ ଥାନ୍ତିପବନ ବଳେ ସେ ଉଡ଼ନ୍ତି

Couplet 92

ପାର୍ଥିବ ରେଣୁଏ ଯେମନ୍ତେଉଡ଼ନ୍ତି ପବନ ବିଘାତେ

Couplet 93

ଆକାଶ ଧୂସର ଦିଶଇନାନା ବର୍ଣ୍ଣରେ ଆଭାସଇ

Couplet 94

ତାହାକୁ ଦୃଷ୍ଟିଭେଦେ ଦେଖିଯେ ସତ୍ୟ ପ୍ରାୟେ ଉପଲକ୍ଷି

Couplet 95

ସେ ରୂପେ ଆତ୍ମାରେ ଶରୀରକଳ୍ପନା କରନ୍ତି ଯେ ନର

Couplet 96

ତାହାଙ୍କୁ ବୋଲି ଜ୍ଞାନହୀନଏବେ ହୋ ମୁନିଗଣେ ଶୁଣ

Couplet 97

ସ୍ୱଭାବେ ଦୃଶ୍ୟବସ୍ତୁ ନୋହେଗୁଣ ଆବୋରି ଦେହ ବହେ

Couplet 98

ଏଣୁ ସେ ଜୀବ ରୂପ ବହିଜନ୍ମ-ମରଣ ପଥେ ଥାଇ

Couplet 99

ସମ ଅସମ ରୂପ ଯେତେସମ୍ଭବେ ବିଷ୍ଣୁ-ମାୟା-ଗ୍ରସ୍ତେ

Couplet 100

ଆତ୍ମାରେ କଳ୍ପିତ ଈଶ୍ୱରଏ ତତ୍ତ୍ୱେ ବ୍ରହ୍ମର ବିଚାର

Couplet 101

ମାୟା ମିଶ୍ରିତ ମତି ଯେବେନିରସ୍ତ ହୋଇ ଜ୍ଞାନ ଭାବେ

Couplet 102

ତେବେ ଆତ୍ମାରେ ଆତ୍ମା ଦେଖିନିର୍ମଳ ମହିମା ନିରେଖି

Couplet 103

ଏ ମାୟା ଈଶ୍ୱରୁ ପ୍ରକାଶଯେବେ ସେ ହୁଅଇ ବିନାଶ

Couplet 104

ପରମାନନ୍ଦ ରୂପେ ଚିତ୍ତତେବେ ସେ ହୁଅଇ ଭାବିତ

Couplet 105

ତହୁଁ ସମ୍ପନ୍ନ ବ୍ରହ୍ମଜ୍ଞାନଜାଣଇ ତତ୍ତ୍ୱ ଜ୍ଞାନୀଜନ

Couplet 106

ଏମନ୍ତେ ଜନ୍ମକର୍ମ ଯେତେବିଚାର କରି ବେଦପଥେ

Couplet 107

ବୋଲନ୍ତି ଯେତେ ମୁନିଜନେଏ ତ ନ ଘଟେ ଅନୁମାନେ

Couplet 108

ସ୍ୱଭାବେ ଯାର ଜନ୍ମ ନାହିଁବିଚାର କରିବ ତା କେହି

Couplet 109

ଅମୋଘ-ଲୀଳା ନରହରିଆତ୍ମାରେ ବିଶ୍ୱମାୟା କରି

Couplet 110

ବ୍ରହ୍ମା ସୃଜଇ ପାଳଇଅନ୍ତେ ଆପଣେ ସଂହାରଇ

Couplet 111

ପ୍ରାଣୀଙ୍କ ମଧ୍ୟେ ଆତ୍ମତନ୍ତ୍ରେଷଡ଼୍ ବର୍ଗେ ଭୋଗ କରେ ନିତ୍ୟେ

Couplet 112

ଏଣୁ ଈଶ୍ୱର ସେ ବୋଲାଇକିବା ଉପମା ଦେବି ମୁହିଁ

Couplet 113

ଈଶ୍ୱର-ଲୀଳା-କର୍ମ ଯେତେକେ ଜାଣି ପାରେ ତର୍କମତେ

Couplet 114

ଏହାର ଅଛି ଯେତେ ନାମସ୍ୱଭାବେ ଯେତେ ଗୁଣଗ୍ରାମ

Couplet 115

ଅଜ୍ଞାନେ କେ ଜାଣିବ ତାହାଦୁରଧିଗମ୍ୟ ବିଷ୍ଣୁ ମାୟା

Couplet 116

ନଟ ଯେସନେ ମାୟା କରିମୋହଇ କୁହୁକ ବିସ୍ତାରି

Couplet 117

ସେ ଚକ୍ର ପାଣିର ଚରିତକେ ଜାଣି ପାରେ ତ୍ରିଜଗତ

Couplet 118

ଏ କାଳଚକ୍ର ଯାର ହସ୍ତେକେ ଯାଇ ପାରେ ତାର ପଥେ

Couplet 119

ସେ ହରି ପାଦପଦ୍ମଗନ୍ଧଯେ ନିତ୍ୟେ ପିବେ ମକରନ୍ଦ

Couplet 120

ଧନ୍ୟ ଜୀବନ ତାହାଙ୍କରଯେ ହରିଚରଣେ କିଙ୍କର

Couplet 121

ସର୍ବ ଆତ୍ମାକୁ ଆତ୍ମଭାବେଭଜନ୍ତି ନିତ୍ୟେ ବାସୁଦେବେ

Couplet 122

ଏମନ୍ତ ଭାବେ ଯେ ଭଜଇଏ ମାୟା ତାକୁ ନ ଲାଗଇ

Couplet 123

ଏ ଯେ ପୁରାଣ ଭାଗବତନିର୍ମଳପଦ ବ୍ରହ୍ମତତ୍ତ୍ୱ

Couplet 124

କୃଷ୍ଣଚରିତ ପରଶଂସିପ୍ରକାଶ କଲେ ବ୍ରହ୍ମଋଷି

Couplet 125

ଜୀବର ମୋକ୍ଷଫଳ ଅର୍ଥେଧନ୍ୟ ମଙ୍ଗଳ ଏ ଜଗତେ

Couplet 126

ସର୍ବ-ନିଗମ ଇତିହାସେସାର ଉଦ୍ଧାରି ମନତୋଷେ

Couplet 127

ଆତ୍ମଜ୍ଞାନୀଙ୍କ ମଧ୍ୟେ ବରଯେ ଶୁକରୂପେ ଅବତାର

Couplet 128

ତାହାଙ୍କୁ ଭାଗବତ ଦୀକ୍ଷାଦେଇ କହିଲେ ଆତ୍ମଶିକ୍ଷା

Couplet 129

ସେ ପୁଣି ପରୀକ୍ଷିତ ଆଗେକହିଲେ ଆତ୍ମ-ଅନୁରାଗେ

Couplet 130

ବ୍ରାହ୍ମଣ ଶାପେ ସେ ବିକଳେନିବାସ କରି ଗଙ୍ଗାକୂଳେ

Couplet 131

ପରମ-ଋଷି ମେଳେ ଥାଇକୃଷ୍ଣଚରଣେ ମନ ଦେଇ

Couplet 132

ଏ ଭାଗବତ-ରସ ଶୁଣିତରିଲା ଭବ-ତରଙ୍ଗିଣୀ

Couplet 133

ଶ୍ରୀକୃଷ୍ଣ ଗଲେ ନିଜଧାମସଙ୍ଗତେ ଘେନି ଜ୍ଞାନ ଧର୍ମ

Couplet 134

ଏ କଳିଯୁଗେ ଯେତେ ନରେପଡ଼ିବେ ମାୟା ଅନ୍ଧକାରେ

Couplet 135

ତାହାଙ୍କୁ ତପନ ଉଦିତହୋଇବ ଭାବେ ଭାଗବତ

Couplet 136

ରାଜା ସଙ୍ଗତେ ଗଙ୍ଗାତଟେଅନେକ ଋଷିଙ୍କ ନିକଟେ

Couplet 137

ଏ ଭାଗବତ ତତ୍ତ୍ୱବାଣୀଶୁକମୁନିଙ୍କ ମୁଖୁ ଶୁଣି

Couplet 138

ଜାଣିଲି ଶୁକ ଅନୁରାଗେଏବେ କହିବା ତୁମ୍ଭ ଆଗେ

Couplet 139

ଏ ଭାବେ ଚିନ୍ତି ନରହରିଘୋର ସଂସାରୁ ଯିବା ତରି

Couplet 140

ବୋଲଇ ଦାସ ଜଗନ୍ନାଥସୁଜନ-ହିତେ ଭାଗବତ