Adhyaya 2

Couplet 1

ମୁନିଙ୍କ ପ୍ରଶ୍ନ କର୍ଣ୍ଣେ ଶୁଣିହରଷମନେ ମନେ ଗୁଣି

Couplet 2

ଗୁରୁଙ୍କୁ ମନେ ମନେ ଧ୍ୟାୟିପରମ-ପ୍ରୀତି-ବାକ୍ୟେ ଗାଇ

Couplet 3

ଜୀବର ହିତେ କୃତକୃତ୍ୟହସି କହନ୍ତି ମୁନି ସୂତ

Couplet 4

ଯେ ଶୁକ ଏକାନ୍ତ ଗମନକରିଣ ଦେହ କଲେ ଶୂନ୍ୟ

Couplet 5

ପୁତ୍ରର ସ୍ନେହ ମନେ ଧରିବ୍ୟାସ ଡାକନ୍ତି ଉଚ୍ଚକରି

Couplet 6

ପିତାର ସ୍ନେହ ରକ୍ଷା ଅର୍ଥେଉତ୍ତର ଦେଲେ ବୃକ୍ଷ ପଥେ

Couplet 7

ତାହାଙ୍କୁ ମୋର ନମସ୍କାରଯେ ହୃଦ ସର୍ବ ପ୍ରାଣୀଙ୍କର

Couplet 8

ଜୀବର ପରିତ୍ରାଣ ଅର୍ଥେକରୁଣା ବହି ଯେହୁ ଚିତ୍ତେ

Couplet 9

ଅଖିଳ-ବେଦର ଯେ ସାରଯେ ଅନୁଭବ ଆପଣାର

Couplet 10

କହିଲେ ପୁରାଣର ସାରତାହାଙ୍କୁ ମୋର ନମସ୍କାର

Couplet 11

ବାଣୀ ନର ଯେ ନାରାୟଣଯେ ଗ୍ରନ୍ଥ ସଂସାର-ତାରଣ

Couplet 12

ଉଦିତ କଲେ ଏ ସଂସାରେନମଇଁ ତାହାଙ୍କ ପୟରେ

Couplet 13

ଏମନ୍ତେ ନମସ୍କାର କରିକହନ୍ତି ମନେ ମୋଦ ଭରି

Couplet 14

ଶୁଣ ସକଳ ମୁନିଜନସାଧୁ ଏ ତୁମ୍ଭର ବଚନ

Couplet 15

ପରମ-ମଙ୍ଗଳ ଏ ବାଣୀଜୀବ ନିସ୍ତରେ ଯାହା ଶୁଣି

Couplet 16

ପରମଧର୍ମ ଏ ଜଗତେକୃଷ୍ଣ ଭକତି ଯେଉଁ ମତେ

Couplet 17

ଫଳର ଆଶା ଯହିଁ ନାହିଁବିଘ୍ନ ପଶିବ ଅବା କାହିଁ

Couplet 18

ଯେ ଭକ୍ତିବଳେ ଏ ସଂସାରନୁହଇ ପୁଣ ଏ ଜୀବର

Couplet 19

ଭକତି କଲେ ଜ୍ଞାନ ହୋଏଜୀବ ନ ପଡ଼େ ମାୟାମୋହେ

Couplet 20

କୃଷ୍ଣଚରିତ ଶୁଣି ଯେବେଭକ୍ତି ନ ଜନ୍ମେ ମୂଢ଼ଭାବେ

Couplet 21

କେବଳ ଶ୍ରମ ତାହାଙ୍କରକାହୁଁ ତରିବେ ତମଘୋର

Couplet 22

ଅର୍ଥସଞ୍ଚନ୍ତି ଯେତେ ନରକେବଳ ଦୁଃଖ ତାହାଙ୍କର

Couplet 23

ଅର୍ଥେ ନ ପାଇ ଧର୍ମ ମୋକ୍ଷସେ କାମ ଲୋଭଟି ପ୍ରତ୍ୟକ୍ଷ

Couplet 24

ଇନ୍ଦ୍ରିୟ ଅର୍ଥେ ପ୍ରିୟ ଯେତେଲୋଭେ ଭ୍ରମର କାମ ଅର୍ଥେ

Couplet 25

ଯାବତ ଜୀବନ ଧରଇକାମ ଲୋଭରେ ସୁଖ କାହିଁ

Couplet 26

ଜୀବର ତତ୍ତ୍ୱ ଜାଣିବାରେକେ ଜ୍ଞାନୀ ଅଛି ଏ ସଂସାରେ

Couplet 27

ତତ୍ତ୍ୱ ବିଚାରି ଜ୍ଞାନୀ ଯେତେଜ୍ଞାନ କହନ୍ତି ଏ ଜଗତେ

Couplet 28

କେହୁ କହନ୍ତି ବ୍ରହ୍ମତତ୍ତ୍ୱକେ ଅବା ବୋଲେ ପରମାର୍ଥ

Couplet 29

କେହୁ ବୋଲନ୍ତି ଭଗବାନନିର୍ମଳରସ ଗୋପ୍ୟ-ଜ୍ଞାନ

Couplet 30

ସେବୋଲେ ଶ୍ରଦ୍ଧା ଯେ କରନ୍ତିଜ୍ଞାନବୈରାଗ୍ୟ ଆଚରନ୍ତି

Couplet 31

କରନ୍ତି ବିଷ୍ଣୁରେ ଭକତିଆତ୍ମାରେ ଆତ୍ମାକୁ ଦେଖନ୍ତି

Couplet 32

ହରି ଚରଣେ ଭକ୍ତିଜାତଅଜ୍ଞାନେ ନ ଜାଣେ ଜଗତ

Couplet 33

ଏଣୁ ଏ ଅଖିଳ ଜଗତେଅଛନ୍ତି ବର୍ଣ୍ଣାଶ୍ରମୀ ଯେତେ

Couplet 34

ସ୍ୱଭାବ ଧର୍ମ ଆଚରଣେଭକ୍ତି ଉପୁଜେ ନାରାୟଣେ

Couplet 35

ତେଣୁ ସନ୍ତୋଷ କୃଷ୍ଣ ହୋଇପ୍ରାଣୀଙ୍କି ଚଉବର୍ଗ ଦେଇ

Couplet 36

ଏ ଘେନି ହୋଇ ଏକମନଭାବେ ତୋଷିବ ଭଗବାନ

Couplet 37

ଶ୍ରୀକୃଷ୍ଣ ଜନ୍ମ କର୍ମ ଯେତେନିତ୍ୟେ ଶୁଣିବ କର୍ଣ୍ଣପଥେ

Couplet 38

ନିର୍ମଳ କରି ଦୃଢ଼ମନନିରତେ କରିବ କୀର୍ତ୍ତନ

Couplet 39

ଧ୍ୟାନେ ଚିନ୍ତିବ କୃଷ୍ଣରୂପେପୂଜା କରିବ ସୂକ୍ଷ୍ମକଳ୍ପେ

Couplet 40

ଏ ଭାବେ ଭକ୍ତିଯୋଗ ବଢ଼େକର୍ମ-ବନ୍ଧନ-ଗ୍ରନ୍ଥି ଛିଡ଼େ

Couplet 41

ଏଣୁ ଜଗତେ ଜ୍ଞାନୀ ଯେତେକୃଷ୍ଣ ନ ଭଜିବେ କେମନ୍ତେ

Couplet 42

କୃଷ୍ଣକଥାରେ ରତି ଯାରସେ ପ୍ରାଣୀ ଭବ ମଧ୍ୟେ ସାର

Couplet 43

ହରିଚରଣେ ଯାର ଶ୍ରଦ୍ଧାତାକୁ ନ ଲାଗେ ଭବବାଧା

Couplet 44

ସେପୁଣ୍ୟେ ସାଧୁସଙ୍ଗ ମିଳେପୁଣ୍ୟତୀର୍ଥକୁ ଆଶ୍ରେ କଲେ

Couplet 45

ଭକତ ସେଙ୍ଗ ଯେବେ ମିଶେତେବେ ସେ ହରିରସେ ରସେ

Couplet 46

କୃଷ୍ଣର କଥା ଯେ ଶୁଣନ୍ତିବଦନେ ମହିମା ଗୁଣନ୍ତି

Couplet 47

ତାହାଙ୍କ ହୃଦେ ହରି ବସେସକଳ କଳ୍ମଷ ବିନାଶେ

Couplet 48

ସେ ପୁଣ୍ୟ-ଶ୍ରବଣ-କୀର୍ତ୍ତନବେଦେ କହନ୍ତି ମୁନିଜନ

Couplet 49

ସାଧୁଜନଙ୍କ ମିତ୍ର ହରିଏଣୁ ଭକତକୁ ଆବୋରି

Couplet 50

ହେଳେ ତାରଇ ଭବସିନ୍ଧୁଯେଣୁ ଭକତଜନବନ୍ଧୁ

Couplet 51

ଭକତଜନ ସେବା ଫଳେଦହନ ହୋନ୍ତି ଅମଙ୍ଗଳେ

Couplet 52

ତେଣୁ ସେ ଗୋବିନ୍ଦ ବିଷୟେଭକ୍ତି ଉପୁଜେ ନରଦେହେ

Couplet 53

ସ୍ୱଭାବେ ରଜ ତମ ଦୁଇକାମାଦି ଯେତେ ରିପୁ ଥାଇ

Couplet 54

ଚିତ୍ତୁ ବାହାର ହୋଇଯାନ୍ତିସାତ୍ତ୍ୱିକଗୁଣ ଆବୋରନ୍ତି

Couplet 55

ଏହି ପ୍ରକାରେ ଯେବେ ମନହୋଇବ ନିର୍ମଳ ପ୍ରସନ୍ନ

Couplet 56

ତେବେ ସେ ଭକ୍ତିଯୋଗ ବଳେକୃଷ୍ଣଭକତ ସଙ୍ଗମେଳେ

Couplet 57

ନିର୍ମଳ ଜ୍ଞାନ ପ୍ରକାଶଇଜନ୍ମ ମରଣ ଆଉ କାହିଁ

Couplet 58

ଅଶେଷ-କର୍ମ-ଗଣ୍ଠି-ଛନ୍ଦଏଣେ ଛିଡ଼ଇ ସର୍ବଦ୍ୱନ୍ଦ୍ୱ

Couplet 59

ସର୍ବ ସଂଶୟ ତୁଲେ କର୍ମତୁଟଇ ବିଶ୍ୱମାୟାଭ୍ରମ

Couplet 60

ଆତ୍ମାରେ ଆତ୍ମାକୁ ଦେଖନ୍ତିଜନ୍ମ ମରଣେ ନାହିଁ ଭ୍ରାନ୍ତି

Couplet 61

ଏଣୁ ପଣ୍ତିତଜନ ଯେତେଆନନ୍ଦେ ଭକ୍ତିଯୋଗ ମତେ

Couplet 62

ହରି ବିଷୟ ଦୃଢ଼ଚିତ୍ତେନିତ୍ୟେ ଭଜନ୍ତି ଆତ୍ମା ହିତେ

Couplet 63

ବିଷ୍ଣୁର ମାୟାରୁ ସମ୍ଭୂତଆଦି ପ୍ରକୃତି ଜନମାତ

Couplet 64

ଯେ ସତ୍ତ୍ୱ-ରଜ-ତମ ଗୁଣସୃଷ୍ଟି ପାଳନ ସଂହାରଣ

Couplet 65

ଅନାଦି-ପରମ-ପୁରୁଷଏ ତିନିଗୁଣେ ସେ ପ୍ରକାଶ

Couplet 66

ସୃଷ୍ଟି ଉଦୟେ ବ୍ରହ୍ମା ହୋଇପାଳନେ ବିଷ୍ଣୁ ସେ ବୋଲାଇ

Couplet 67

ସଂହାର କାଳେ ରୁଦ୍ର ରୂପେସୁଖେ ବିହରେ ମୋହକଳ୍ପେ

Couplet 68

ସେ ଶୁଦ୍ଧସତ୍ତ୍ୱ ବିଷ୍ଣୁଦେହେଜନ୍ତୁଙ୍କ ଶ୍ରେୟ ଗୁଣ ବହେ

Couplet 69

କାଷ୍ଠ ସଂଯୋଗେ ଧୂମ ଜାତଧୂମରୁ ଅନଳ ସମ୍ଭୂତ

Couplet 70

ତୃତୀୟ ଅଙ୍ଗାର ପ୍ରମାଣତାମସ ରଜ ସତ୍ତ୍ୱ ଗୁଣ

Couplet 71

ଏ ଭାବେ ବ୍ରହ୍ମ ପରିମାଣିଭବସାଗର ତରେ ପ୍ରାଣୀ

Couplet 72

ନିର୍ମଳଚେତା ମୁନି ଯେତେବିଚାର କରି ଆତ୍ମାହିତେ

Couplet 73

ବିଷ୍ଣୁଙ୍କୁ ସତ୍ତ୍ୱଗୁଣେ ଜାଣିଭଜିଲେ ମୋକ୍ଷ ପରିମାଣି

Couplet 74

ତାମସ ରଜଗୁଣେ ଯେତେଯେ ଭୂତପତି ଏ ଜଗତେ

Couplet 75

ସ୍ୱଭାବେ ଘୋର ଭୟଙ୍କରଏଣୁ ନ ଭଜେ ସାଧୁନର

Couplet 76

ଅହିଂସା ଶାନ୍ତିଗୁଣେ ଥାନ୍ତିହରି ଚରିତ ଚିତ୍ତେ ଚିନ୍ତି

Couplet 77

ଧନ ସମ୍ପଦେ ଯାର ଇଚ୍ଛାସେ କରେ ଭୂତପ୍ରେତ ଦୀକ୍ଷା

Couplet 78

ସଂସାରେ ଦେବଯଜ୍ଞ ଯେତେଯୋଗସାଧନ କ୍ରିୟାମତେ

Couplet 79

ପରମଜ୍ଞାନ ତପ ଆଦିକଠୋର ଯେତେ ଧର୍ମ ସାଧି

Couplet 80

ଏ ସର୍ବଗତି ନାରାୟଣଏବେ ହୋ ମୁନିଗଣେ ଶୁଣ

Couplet 81

ଏ ସର୍ବବିଧି ଧର୍ମ ଯେତେକରିବ ବିଷ୍ଣୁ ପ୍ରୀତି ଅର୍ଥେ

Couplet 82

ଏ ତିନିଗୁଣେ ନାରାୟଣସୃଷ୍ଟି ପାଳନ ସଂହାରଣ

Couplet 83

ଏମନ୍ତେ ବିଶ୍ୱରୂପ ଧରେମାୟାସଂସାରେ ସେ ବିହରେ

Couplet 84

ସ୍ୱଭାବେ ନିର୍ଗୁଣ ମୁରାରିଖେଳଇ ତ୍ରିଗୁଣ ଆବୋରି

Couplet 85

ସକଳ ଜୀବ ମଧ୍ୟେ ଥାଇଅଜ୍ଞାନେ ଜୀବ ନ ଜାଣଇ

Couplet 86

ଅଶେଷ ମହିମା ଯେ ଧରେକିବା ଉପମା ଦେବା ତାରେ

Couplet 87

ସେ ହରି-ଚରଣ-ପଙ୍କଜସୁଜନଜନ ନିତ୍ୟେ ଭଜ

Couplet 88

କହଇ ଦାସ ଜଗନ୍ନାଥଗୀତ-ପ୍ରବନ୍ଧେ ଭାଗବତ