Adhyaya 19

Couplet 1

ସୂତ କହନ୍ତି ଅନୁରାଗେଶୌନକଆଦି ଋଷିଆଗେ

Couplet 2

ସେ ମହୀପତି ପରୀକ୍ଷିତଚିନ୍ତା ନିମଗ୍ନ ଦୁଃଖଚିତ୍ତ

Couplet 3

ଏକାନ୍ତେ ବସି ବିଚାରଇନିନ୍ଦିତକର୍ମ କଲି ମୁହିଁ

Couplet 4

ଅର୍ଜିତ-କର୍ମବଶ ହୋଇଗୁରୁ ଯେସନେ ଶିକ୍ଷା ଦେଇ

Couplet 5

ଅନ୍ୟାୟେ ପ୍ରାଣୀଙ୍କ ବେଭାରେକୁକର୍ମ କଲି ଏ ସଂସାରେ

Couplet 6

ନିର୍ଦ୍ଦୋଷ-ବ୍ରାହ୍ମଣର ଗଳେସର୍ପ ଲମ୍ବାଇ ଧନୁହୁଳେ

Couplet 7

ନିଶ୍ଚଳ-ଯୋଗେ ତାର ଧ୍ୟାନନ ଜାଣି ହେଲି ହତଜ୍ଞାନ

Couplet 8

ଦେବହେଳନ କର୍ମ କଲିନିକଟେ ସଙ୍କଟ ଲଭିଲି

Couplet 9

ଏ ପାପ-ବିନାଶନ ହେତୁବେଗେ ବିଧାତା ମୋତେ ଚିନ୍ତୁ

Couplet 10

ଏ କର୍ମ ପୁଣ ମୁଁ ଯେମନ୍ତେକେବେହେଁ ନ କଳ୍ପଇ ଚିତ୍ତେ

Couplet 11

ବ୍ରାହ୍ମଣକ୍ରୋଧ ଦାବାନଳଏ ମୋର ରାଜ୍ୟ-ଧନବଳ

Couplet 12

ଆତ୍ମାର ସଙ୍ଗେ ଦହୁ ମୋତେଏ କର୍ମ ନ କରେ ଯେମନ୍ତେ

Couplet 13

ଗୋଦ୍ୱିଜଦେବଙ୍କ ହିଂସନେଦୁର୍ବୁଦ୍ଧି ନ ସ୍ଫୁରୁ ମୋ ମନେ

Couplet 14

ଏମନ୍ତେ ବିଚାରୁ ବିଷାଦେବୃତ୍ତାନ୍ତ ଶୁଭେ ଜନପଦେ

Couplet 15

ଉରଗ ବ୍ରାହ୍ମଣର ଗଳେରାଜା ଯେ ଦେଲା ଧନୁହୁଳେ

Couplet 16

ତାର ବାଳକ ଶାପ ଦେଲାତକ୍ଷକ ଦଂଶିବ ବୋଇଲା

Couplet 17

ସପ୍ତମଦିନେ କୋପାନଳେତାହାଙ୍କୁ ଦଂଶିବ ସେ ବଳେ

Couplet 18

ଏମନ୍ତ ଜନମୁଖୁ ଶୁଣିମନେ ସାନନ୍ଦ ନୃପମଣି

Couplet 19

ବୋଲଇ ବେଗେ ମୋତେ ଖାଉଏ ମୋର କୁଳେ ତାପ ନୋହୁ

Couplet 20

ଯେଣୁ ବିଷୟା ତ୍ୟାଗ ହେତୁତେଣୁ ଚିନ୍ତଇ ଆତ୍ମାମୃତ୍ୟୁ

Couplet 21

ଯେମନ୍ତେ ଇହ ପରଲୋକେମରଣେ ନ ପଡ଼ଇ ଦୁଃଖେ

Couplet 22

ଏମନ୍ତ ନିଶ୍ଚୟ ବିଚାରିରାଜସମ୍ପଦ ପରିହରି

Couplet 23

ଚିନ୍ତିଲା କୃଷ୍ଣ-ପାଦପୃଷ୍ଠସେବନ ବିନା ନାହିଁ ଶ୍ରେଷ୍ଠ

Couplet 24

କୃଷ୍ଣର ପାଦପଦ୍ମଜଳେପ୍ରବେଶ ଯାଇ ଗଙ୍ଗାକୂଳେ

Couplet 25

ଶ୍ରୀକୃଷ୍ଣ-ଚରଣ-ତୁଳସୀପାଦଉଦକରଜେ ମିଶି

Couplet 26

ଅତି ପବିତ୍ର ବହେ ବାରିଉଭୟଲୋକ ପାପହରି

Couplet 27

ପ୍ରାଣୀର ପ୍ରାଣତ୍ୟାଗ କାଳେକେବା ନବସେ ତାର କୂଳେ

Couplet 28

ପାଣ୍ତବବଂଶେ କୀର୍ତ୍ତିକରସକଳରାଜା ମଧ୍ୟେ ବର

Couplet 29

ସେ ସୁରନଦୀ ତୀରେ ଯାଇଚିତ୍ତେ ଗୋବିନ୍ଦପଦ ଧ୍ୟାୟି

Couplet 30

ବିଷୟସଙ୍ଗ ଦୂର କରିଅନ୍ନ-ଉଦକ ପରିହରି

Couplet 31

ମୁନିଙ୍କ ବ୍ରତେ ସେ ନିଶ୍ଚଳେମନ ନିବେଶି ଗଙ୍ଗାଜଳେ

Couplet 32

ସେ କଥା ଶୁଣି ମୁନିଜନେଯେ ଅବା ଥିଲେ ଗିରିବନେ

Couplet 33

ନିଜ ନିବାସ ଉପେକ୍ଷିଲେହସ୍ତିନା ନଗରେ ମିଳିଲେ

Couplet 34

ଯେ ଅବା ଥିଲେ ଯେଉଁ ଦେଶେରାଜାଙ୍କୁ ଦେଖିବାର ଆଶେ

Couplet 35

ସଙ୍ଗତେ ଘେନି ଶିଷ୍ୟଗଣଅପରେ ଅଶେଷ ବ୍ରାହ୍ମଣ

Couplet 36

ତାଙ୍କ ମହିମା କେବା କହେତୀର୍ଥ ପବିତ୍ର ତାଙ୍କ ଦେହେ

Couplet 37

ଅତ୍ରି ବଶିଷ୍ଠ ଆଦି ମୁନିଚ୍ୟବନ ଭୃଗୁ ବ୍ୟାସ ଘେନି

Couplet 38

ଅଙ୍ଗିରା ପରାଶର ଗାଧିସୁତ ଉତଥ୍ୟ ଯେ ପ୍ରସିଦ୍ଧି

Couplet 39

ଗୌତମ ଭରଦ୍ୱାଜ ମୁନିମୈତ୍ରେୟ ବିଶ୍ୱାମିତ୍ର ଘେନି

Couplet 40

ଅରିଷ୍ଟନେମି ଆର୍ଷ୍ଟିଷେଣଇନ୍ଦ୍ରପ୍ରମଦ ଶରଦ୍ ବାନ

Couplet 41

ନାରଦମୁନି ଆଦି କରିସର୍ବେ ମିଳିଲେ ରାଜପୁରୀ

Couplet 42

ଦେବର୍ଷି ରାଜର୍ଷି ମହର୍ଷିଅପରେ ଯେତେକ ବ୍ରହ୍ମର୍ଷି

Couplet 43

ସକଳ ଋଷି ଏକମେଳେମିଳିଲେ ଜାହ୍ନବୀର କୂଳେ

Couplet 44

ତାହାଙ୍କୁ ଦେଖି ପରୀକ୍ଷିତକପୋଳେ ଦେଇ ବେନିହସ୍ତ

Couplet 45

ବନ୍ଦିଲା ମୁନିଗଣ-ପାଦେଆନନ୍ଦେ ଅଶ୍ରୁ-ଗଦଗଦେ

Couplet 46

ସୁଖେ ବସିଲେ ମୁନିଗଣେପୁଣି ହିଁ ରାଜା ପରଣାମେ

Couplet 47

କର ଅଞ୍ଜଳି ଶିରେ ଦେଇବୋଲଇ କୃତକୃତ୍ୟ ହୋଇ

Couplet 48

ରାଜାଙ୍କ ମଧ୍ୟେ ମୋ ଜୀବନନିଶ୍ଚେ ଜାଣିଲି ଧନ୍ୟ ଧନ୍ୟ

Couplet 49

ମୋହର ପ୍ରାଣତ୍ୟାଗ କାଳେମହାନ୍ତଜନେ ବିଜେ କଲେ

Couplet 50

ବ୍ରାହ୍ମଣପାଦ ଯହିଁ ଧୋଇସେ ସ୍ଥାନେ ନିଜ ଶିର ଦେଇ

Couplet 51

କ୍ଷତ୍ରିୟ ସ୍ୱଭାବ ଏମନ୍ତଆଗମ ନିଗମ ଉକତ

Couplet 52

ଯେ ଏହା ଲଙ୍ଘେ ଦୁଷ୍ଟପଣେଦୂଷିତ ହୋଇ ତତକ୍ଷଣେ

Couplet 53

ସେ ବିପ୍ରେ ଆସି ମୋର ପାଶେବସନ୍ତି ମନର ହରଷେ

Couplet 54

ତାହାର ଭାଗ୍ୟ କି କହିବାଯାହା ନ ପାନ୍ତି ସୁର ଦେବା

Couplet 55

ଅପ୍ରାଧ କଲି ବିପ୍ରକୁଳେଦେଖ ମୋହର ଅନ୍ତକାଳେ

Couplet 56

ସର୍ବ-ବିଷୟ-ସଙ୍ଗ ତେଜିକୃଷ୍ଣଚରଣେ ଚିତ୍ତ ମଜ୍ଜି

Couplet 57

ତୁମ୍ଭେ ଅଶେଷ ବ୍ରହ୍ମଋଷିମିଳିଲ ମୋର ପାଶେ ଆସି

Couplet 58

ବ୍ରାହ୍ମଣ ଶାପ କୋପାନଳଏ ମୋର ବିମୁକ୍ତିର ମୂଳ

Couplet 59

ଯେ କର୍ମ କଲେ ଏ ସଂସାରେପ୍ରାଣୀ ତରନ୍ତି ମାୟାଘୋରେ

Couplet 60

ତୁମ୍ଭର ଅନୁଗ୍ରହ ସେବିପ୍ରସନ୍ନ ହେଉ ଗଙ୍ଗାଦେବୀ

Couplet 61

କୃଷ୍ଣଚରଣେ ପ୍ରୀତି ହେଉକୁହକ ତକ୍ଷକ ବା ଖାଉ

Couplet 62

ତେଣେ ସଂଶୟ ନାହିଁ ମୋରସକଳେ କୃଷ୍ଣକଥା କର

Couplet 63

କୃଷ୍ଣବିଷୟେ ହେଉ ମତିତାର ସେବକ ସଙ୍ଗ ଗତି

Couplet 64

ମୋହର କର୍ମଫଳ ଲଇଜନ୍ମ ଲଭିବି ଯହିଁ ତହିଁ

Couplet 65

ମୁଁ ତହିଁ କୃଷ୍ଣଦାସ ପଣେସେବିବି ଅଭୟ ଚରଣେ

Couplet 66

ଶରଣାଗତ ବୋଲି ମୁହିଁହେ ବିପ୍ରେ ଭାବ ଦୟା ବହି

Couplet 67

ସକଳଜୀବେ ମିତ୍ରଭାବଯେମନ୍ତେ ହୋଇବ ସମ୍ଭବ

Couplet 68

ଏମନ୍ତ ମୋତେ ଦିଅ ବରତୁମ୍ଭ ଚରଣେ ନମସ୍କାର

Couplet 69

ଏମନ୍ତ ମୁନିଙ୍କି ଜଣାଇକୃଷ୍ଣଚରଣେ ମନ ଦେଇ

Couplet 70

ଜାହ୍ନବୀତୀରେ କୁଶଶଯ୍ୟାଶୟନ ଅର୍ଥେ କଲା ରାଜା

Couplet 71

ପୂର୍ବଦିଗକୁ ଶିର କରିଉତ୍ତରମୁଖେ ଦଣ୍ତଧାରୀ

Couplet 72

ଗଙ୍ଗା ଦକ୍ଷିଣକୂଳେ ଶୋଇକାରୁଣ୍ୟଜଳେ ଦୃଷ୍ଟି ଦେଇ

Couplet 73

ଯେ ଜନ୍ମେଜୟ ସୁତ ତାରତା ଶିରେ ଦେଇ ରାଜ୍ୟଭାର

Couplet 74

ଅଶେଷ ଋଷିଗଣ ମଧ୍ୟେମନ ନିବେଶି କୃଷ୍ଣପାଦେ

Couplet 75

ଆକାଶେ ଥାଇ ଦେବଗଣେଆନନ୍ଦେ ପୁଷ୍ପବରଷଣେ

Couplet 76

ଦୁନ୍ଦୁଭି ବାଦ୍ୟନାଦ ତୁଲେସାଧୁଶବଦେ ସ୍ତୁତି କଲେ

Couplet 77

ଯେ ମୁନିଗଣେ ଗଙ୍ଗାକୂଳେଥିଲେ ଯେ ପରୀକ୍ଷିତ ମେଳେ

Couplet 78

ଗଗନେ ଶୁଣି ସାଧୁବାଣୀଆନନ୍ଦମନେ ସର୍ବମୁନି

Couplet 79

ସାଧୁଶବଦ ଉଚ୍ଚସ୍ୱରେଦିଶ ପୂରିଲା ଗଙ୍ଗାତୀରେ

Couplet 80

ପ୍ରଜାଏ ଅନୁଗ୍ରହ ମୁଖେକହନ୍ତି ଏକକୁ ଆରକେ

Couplet 81

ଏ ସାଧୁରାଜା ବିଚକ୍ଷଣଅକାଳେ ଲଭିବ ମରଣ

Couplet 82

ଦେଖ ଏହାର ଭାଗ୍ୟବଳେମୁନିଙ୍କ ମଧ୍ୟେ ଅନ୍ତକାଳେ

Couplet 83

ୟାର ଆସ୍ଥାନେ ସର୍ବରାଜାଶିର ନୁଆଁଇ କଲେ ପୂଜା

Couplet 84

ସେ ରାଜା କାଳେ ହରିଭାବେପଶିବ ଜନ୍ମର ସ୍ୱଭାବେ

Couplet 85

ଏ ନରପତି ଯେତେଦିନେପ୍ରାଣ ଛାଡ଼ିବ କୃଷ୍ଣଧ୍ୟାନେ

Couplet 86

ସୁଖେ ଲଭିବ ବିଷ୍ଣୁଲୋକଯେ ସ୍ଥାନ ବିମୋହ ବିଶୋକ

Couplet 87

ଆମ୍ଭେ ସକଳେ ଏହି ସ୍ଥାନେବଞ୍ଚିବା ଗଙ୍ଗାଜନପାନେ

Couplet 88

ଏ ଭାଗବତର ଉତ୍ତମନିଶ୍ଚେ ଲଭିବ ପ୍ରେମଧାମ

Couplet 89

ଏମନ୍ତେ ପ୍ରଜାମୁଖୁ ଶୁଣିଅମୃତ ସମ ସାଧୁବାଣୀ

Couplet 90

ରାଜା ମଣିଲା ସତ୍ୟ ପ୍ରାୟଛାଡ଼ିଲା ସକଳ ସଂଶୟ

Couplet 91

କୃଷ୍ଣଚରଣ ସେବାଫଳେଅଶେଷ ପ୍ରାଣୀ ମହୀତଳେ

Couplet 92

ପୂର୍ବେ ଲଭିଲେ ହରିଭାବଯେ ବ୍ରହ୍ମାଶଙ୍କରେ ଦୁର୍ଲ୍ଲଭ

Couplet 93

ଦେଖ ମୋହର ଭାଗ୍ୟବଶୁସର୍ବେ ମିଳିଲେ ସର୍ବଦେଶୁ

Couplet 94

ବେଦେ ଯେମନ୍ତ ଦେହବନ୍ତେସ୍ୱର୍ଗେ ବିବୁଧଙ୍କ ସଙ୍ଗତେ

Couplet 95

ବସି କହନ୍ତି ନାନାଧର୍ମଯେ ବର୍ଣ୍ଣେ ଯେବା ନିଜକର୍ମ

Couplet 96

ଯେ ଫଳ ଇହ ପରଲୋକେପ୍ରାଣୀ ଲଭନ୍ତି ସୁଃଖସୁଖେ

Couplet 97

ତେମନ୍ତେ ଅନୁଗ୍ରହ ଚିତ୍ତେତୁମ୍ଭେ ଆଗତ ପରହିତେ

Couplet 98

ଏ ବିନେ ନାହିଁ କାର୍ଯ୍ୟ ଆରଏ ଦେହସ୍ୱଭାବ ତୁମ୍ଭର

Couplet 99

ତୁମ୍ଭଙ୍କୁ ପଚାରଇ ମୁହିଁମରଣେ ଅନ୍ତର୍ଚଳେ ଥାଇ

Couplet 100

ଏବେ କି କୃତ୍ୟ ଅଛି ମୋତେକହ ସକଳେ ଶୁଦ୍ଧଚିତ୍ତେ

Couplet 101

ଏ ଘୋର-ସଂସାର-ସାଗରେମରଣୁ କିବା କରି ତରେ

Couplet 102

ଏମନ୍ତ ପୁଛୁଁ ରାଜଋଷିଶୁକ ମିଳିଲେ ବେଗେ ଆସି

Couplet 103

ମହୀ-ଭ୍ରମଣ ଇଚ୍ଛା ସୁଖେଶ୍ରୀକୃଷ୍ଣନାମ ଗାଇ ମୁଖେ

Couplet 104

ଲକ୍ଷି ନପାରି ଯାର ଅଙ୍ଗକ୍ଷଣକ୍ଷଣକେ ନାନାରଙ୍ଗ

Couplet 105

ନିରତେ ନିଜ ଲାଭେ ତୋଷସ୍ୱଭାବେ ଅବଧୂତ ବେଶ

Couplet 106

ବେଷ୍ଟିତ ବାଳକ ସମୂହେକିବା ଉପମା ଦେବା ଦେହେ

Couplet 107

ସ୍ୱଭାବେ ଷୋଡ଼ଶ ଅବଦସୁନ୍ଦର ସୁକୁମାର ପାଦ

Couplet 108

କର ଯୁଗଳ ବାହୁ ଅଂସଉନ୍ନତ ସୁନ୍ଦର ସୁନାସ

Couplet 109

ନିବିଡ଼ ବେନି ଉରୁ ସାଜେସୁନ୍ଦର କପୋଳ ବିରାଜେ

Couplet 110

ଆୟତ ଚକ୍ଷୁ ଚାରୁକର୍ଣ୍ଣସୁଗ୍ରୀବ ସୁନ୍ଦର ଆନନ

Couplet 111

ମାଂସେ ନିଗୂଢ଼ ଜତ୍ରୁ ସାଜେତୁଙ୍ଗ ବକ୍ଷସ୍ଥଳ ବିରାଜେ

Couplet 112

ତ୍ରିବଳୀ କୁକ୍ଷି ମନୋହରଆବର୍ତ୍ତ ନାଭି ସୁଗଭୀର

Couplet 113

ବିକୀର୍ଣ୍ଣ କେଶ ଦିଗମ୍ବରବିଭୂତି-ଭୂଷଣ ଶରୀର

Couplet 114

ପ୍ରଳମ୍ବଭୁଜ ଜାନୁଯାଏଦିଶେ ଅମରବର ପ୍ରାୟେ

Couplet 115

ଶରୀର ବର୍ଣ୍ଣରୁଚି ଶ୍ୟାମରୂପେ ତୁଳିତ ନୋହେ କାମ

Couplet 116

କି ଅବା ଦେବା ପଟାନ୍ତରକାମିନୀଜନ-ମନୋହର

Couplet 117

ଏମନ୍ତ ରୂପ ତାର ଦେଖିମୁନିଏ ଆସନ ଉପେକ୍ଷି

Couplet 118

ଜାଣନ୍ତି ତାହାଙ୍କ ଲକ୍ଷଣସେ ଯୋଗୀ କୃଷ୍ଣ-ପରାୟଣ

Couplet 119

ଶୁକ ଆଗମ ଦେଖି ରାଜାତକ୍ଷଣେ ଆଣି ଅର୍ଘ୍ୟପୂଜା

Couplet 120

ବିନୟଭାବେ ଦଣ୍ତଧାରୀଚରଣେ ନମସ୍କାର କରି

Couplet 121

ସ୍ତିରୀ ବାଳକ ଯେତେ ଥିଲେତା ଦେଖି ଭୟେ ବାହୁଡ଼ିଲେ

Couplet 122

ରାଜା ପୂଜିଲା ମନତୋଷେଶୁକ ବସିଲେ ରାଜାପାଶେ

Couplet 123

ବେଷ୍ଟିତ ଋଷିଗଣ ମଧ୍ୟେସେ ଶୁକ ବସିଲେ ଆନନ୍ଦେ

Couplet 124

ଶଶାଙ୍କ ଯେହ୍ନେ ତାରାମେଳେବିରାଜେ ଗଗନ ମଣ୍ତଳେ

Couplet 125

ପ୍ରଶାନ୍ତ-ଚିତ୍ତ ମୁନିବରଅକୁଣ୍ଠ-ଧାରଣା ଯାହାର

Couplet 126

ସେ ମୁନିପାଦେ ନମସ୍କାରକରି ଯୋଡ଼ିଲା ବେନିକର

Couplet 127

ନିର୍ମଳବାକ୍ୟ ସୁଧାଧାରମୁନିଙ୍କି ଚାହିଁ ନୃପବର

Couplet 128

ପୁଚ୍ଛଇ ବେନିକର ଯୋଡ଼ିଚରଣେ ପୁଣ ପୁଣ ପଡ଼ି

Couplet 129

ଆଜ ମୋହର ଜନ୍ମ ଧନ୍ୟକ୍ଷତ୍ରିୟବଂଶେ ବିଦ୍ୟମାନ

Couplet 130

ତୁମ୍ଭେ ଅତିଥି ରୂପେ ଆସିନିର୍ମଳଚିତ୍ତେ ବ୍ରହ୍ମଋଷି

Couplet 131

ଦେଖି ମୋ ଆତ୍ମା କୃତକୃତ୍ୟଦେହକୁ କଲି ତୀର୍ଥଭୂତ

Couplet 132

ଯାହାର ସ୍ମରଣ ବିଶ୍ୱାସପବିତ୍ର କରେ ଗୃହୀବାସ

Couplet 133

ତାହାର ଦରଶନ ମାତ୍ରେଦୁରିତ ନ ରହଇ ଗାତ୍ରେ

Couplet 134

ସ୍ପରଶ ପାଦଜଳ ଯହିଁସକଳ ତୀର୍ଥଫଳ ତହିଁ

Couplet 135

ଆଜ ଜୀବନ ମୋର ଧନ୍ୟଦେଖିଲି ତୁମ୍ଭର ବଦନ

Couplet 136

ଯେତେ ଦୁରିତ ଦେହେ ଥିଲାତୁମ୍ଭ ସାନ୍ନିଧ୍ୟେ ଦୂର ଗଲା

Couplet 137

ବିଷ୍ଣୁର ତେଜ ମହାଘୋରେଯେମନ୍ତେ ନଶନ୍ତି ଅସୁରେ

Couplet 138

ଆଜ ଜାଣିଲି ମୋତେ ହରିପାଣ୍ତବ ସ୍ନେହେ ପ୍ରୀତି କରି

Couplet 139

ବାନ୍ଧବପ୍ରିୟ ବ୍ରହ୍ମରାଶିଯେହ୍ନେ ପାଣ୍ତବ ଗୃହେ ଆସି

Couplet 140

ତାହାଙ୍କ ଗୋତ୍ର ଯେଣୁ ମୁହିଁତେଣୁ ସଦୟ ମୋରେ ହୋଇ

Couplet 141

କୃଷ୍ଣର ଦୟା ଯେଣୁ ହୋଇତୁମ୍ଭ ଦର୍ଶନେ ଯୋଗ୍ୟ ମୁହିଁ

Couplet 142

ଅବ୍ୟକ୍ତଗତି ଯେ ତୁମ୍ଭରକେ ତାହା କରିବ ଗୋଚର

Couplet 143

ପୁଣି ମରଣେ ତୁମ୍ଭ ସଙ୍ଗତରିଲି ଏ ଭବ-ତରଙ୍ଗ

Couplet 144

ଯୋଗୀଙ୍କ ମଧ୍ୟେ ତୁମ୍ଭେ ଗୁରୁଯେହ୍ନେ ଅଚଳ-ମହାମେରୁ

Couplet 145

ଦେଖ ଜୀବନ ଯିବା କାଳେକିବା ସାଧିବି ମହୀତଳେ

Couplet 146

କିବା ଶୁଣିବି କର୍ଣ୍ଣପଥେସ୍ମରଣ କି କରିବି ଚିତ୍ତେ

Couplet 147

କିବା ବଚନ ଉଚ୍ଚାରଣେଭଜିବି କାହାର ଚରଣେ

Couplet 148

ତୁମ୍ଭେ ଯେ ପ୍ରାଣୀଙ୍କର ଦ୍ୱାରେଦଣ୍ତେ ନ ରହ ମନସ୍ଥିରେ

Couplet 149

ଗୋଦୋହମାତ୍ରେ ତୁମ୍ଭ ଗତିଏଣୁ ମୋହର ମନେ ଭ୍ରାନ୍ତି

Couplet 150

କହନ୍ତି ସୂତ ଶୁଦ୍ଧମନେଶୁଣ ସକଳ ମୁନିଜନେ

Couplet 151

ଏମନ୍ତ ପରୀକ୍ଷିତ ବାଣୀଆନନ୍ଦେ ଶୁକମୁନି ଶୁଣି

Couplet 152

ହରଷେ ମୁଦ୍ରିତ ଲୋଚନଚିତ୍ତେ ଚିନ୍ତିଲେ ଭଗବାନ

Couplet 153

ସେ ମୁନି ଚରଣ କମଳେସୁଜନେ ଚିନ୍ତ ଧ୍ୟାନବଳେ

Couplet 154

ପ୍ରଥମସ୍କନ୍ଧେ ଭାଗବତବର୍ଣ୍ଣଇ ଦାସ ଜଗନ୍ନାଥ