Adhyaya 1

Couplet 1

ହରି-ଚରଣ ଚିନ୍ତି ଧ୍ୟାନେକୋମଳ-ଗଭୀର-ବଚନେ

Couplet 2

ରୋମପୁଲକ ନିଜଦେହୀଶୁକ କହନ୍ତି ରାଜା ଚାହିଁ

Couplet 3

ହେ ପରୀକ୍ଷିତ ନୃପବରଗରିଷ୍ଠ ପ୍ରଶ୍ନ ଏ ତୋହର

Couplet 4

ପଚାରୁ ଜୀବଲୋକ ହିତେଯେ ପ୍ରଶ୍ନ ଅଛି ତୋର ଚିତ୍ତେ

Couplet 5

ଏ ଆତ୍ମାଜ୍ଞାନୀଙ୍କର ସାରସଂସାରେ ଜନଉପକାର

Couplet 6

ଶ୍ରୋତବ୍ୟ ପ୍ରଶ୍ନ ଅଛି ଯେତେଆଗମ ନିଗମ ଭକତେ

Couplet 7

ସହସ୍ର ସହସ୍ର ପ୍ରକାରେଯେ ପ୍ରଶ୍ନ ଅଛି ଏ ସଂସାର

Couplet 8

ସଂସାର କରିବାର ଆଶେଯେତେ ଅଛନ୍ତି ଗୃହବାସେ

Couplet 9

ଇନ୍ଦ୍ରିୟବଶେ ଗୃହେ ଥାଇଆତ୍ମାର ହିତେ ଜ୍ଞାନ ନାହିଁ

Couplet 10

ଆୟୁଷ କ୍ଷୟ ନ ଜାଣନ୍ତିବିଷୟ ଅର୍ଥ ନିତ୍ୟେ ଚିନ୍ତି

Couplet 11

ନିଶା ହରଇ ଅର୍ଦ୍ଧବେଳନିଦ୍ରା ବା ବଧୂ ସଙ୍ଗ ମେଳ

Couplet 12

ଦିବସେ ଅର୍ଥ ଚିନ୍ତାକୁଳକୁଟୁମ୍ବପୋଷଣେ ବିକଳ

Couplet 13

ସୁତ-କଳତ୍ର ଦେହ ପାଇଆନନ୍ଦେ ତାଙ୍କ ମଧ୍ୟେ ଥାଇ

Couplet 14

ବିଷ୍ଣୁର ମାୟା ସତ୍ୟ ଚିନ୍ତିନିକଟେ ମୃତ୍ୟୁ ନ ଦେଖନ୍ତି

Couplet 15

ମରଣ ଦେଖୁଥାନ୍ତି ଡୋଳେଅଜ୍ଞାନେ ଭ୍ରମେ ସୁଖଭୋଳେ

Couplet 16

ଏଣୁ ସଂସାର ପ୍ରାଣୀଙ୍କରଆତ୍ମାର ଗତି ଅଗୋଚର

Couplet 17

ଏଣୁ ସଂସାର ଭାବ ତେଜିଆତ୍ମାର ଗତି ଚିତ୍ତେ ହେଜି

Couplet 18

ଯେ ହରି ସର୍ବଘଟେ ପୂରେନିର୍ଲେପ ବାହ୍ୟ-ଅଭ୍ୟନ୍ତରେ

Couplet 19

ତାର ମହିମା ଶୁଣି କର୍ଣ୍ଣେନାମକୁ ଉଚ୍ଚାରି ବଦନେ

Couplet 20

ସ୍ମରଣ କର ହୃଦଗତେଯେବେ ଅଭୟ-ଇଚ୍ଛା ଚିତ୍ତେ

Couplet 21

ଏକଥା ସାଂଖ୍ୟଯୋଗେ ଜାଣିସ୍ୱଧର୍ମନିଷ୍ଠା ପରିମାଣି

Couplet 22

ଜନ୍ମର ଲାଭ ଏ ପ୍ରମାଣଅନ୍ତେ ସ୍ମରଣ ନାରାୟଣ

Couplet 23

ପୂର୍ବେ ନିର୍ମଳ-ମୁନି ଯେତେତତ୍ତ୍ୱ ବିଚାରି ବେଦମତେ

Couplet 24

ବିଧି ନିଷେଧ ଦୂର କରିକୃଷ୍ଣର ଭାବ ହୃଦେ ଧରି

Couplet 25

କୃଷ୍ଣର ଗୁଣ ଅନୁକ୍ଷଣେଗୁଣନ୍ତି ଶୁଣନ୍ତି ଶ୍ରବଣେ

Couplet 26

ଏ ଭାଗବତ ଧର୍ମବାଣୀବ୍ରହ୍ମସମାନେ ପରିମାଣି

Couplet 27

ଦ୍ୱାପରଯୁଗ ଅନ୍ତଃକାଳେମୁଁ ଯେ ଅନେକ ଶିଷ୍ୟମେଳେ

Couplet 28

ମୋର ଜନକ ବ୍ୟାସମୁନିତାହାଙ୍କ ଶିକ୍ଷା ଶିରେ ଘେନି

Couplet 29

ନିର୍ଗୁଣ ମାର୍ଗେ ଦୃଢ଼ଚିତ୍ତବିଷ୍ଣୁର ଭାବ ହେଲା ଜାତ

Couplet 30

ନିଶ୍ଚଳ ଯୋଗେ ମନ ଥୋଇଯେବା ଅଭ୍ୟାସ କଲି ମୁହିଁ

Couplet 31

କହିବି ତୋର ଆଗେ ତାହାଶୁଣ ପରୀକ୍ଷ ପୁଣ୍ୟଦେହା

Couplet 32

ଏ ଭାଗବତ ବାଣୀ କର୍ଣ୍ଣେଯେ ଶୁଣେ ଶ୍ରଦ୍ଧା ଅବଧାନେ

Couplet 33

ମୁକୁନ୍ଦପାଦେ ତାଙ୍କ ମନନିଶ୍ଚଳେ ରହେ ଅନୁକ୍ଷଣ

Couplet 34

ମୋକ୍ଷ ଇଚ୍ଛିଲା ପ୍ରାଣୀଙ୍କରହରିକୀର୍ତ୍ତନ ଅଟେ ଫଳ

Couplet 35

ତାକୁ ନ ଲାଗେ ଯମଭୟେନିର୍ଭୟପଥେ ଚିତ୍ତ ରହେ

Couplet 36

ଯୋଗ ଅଭ୍ୟାସେ ଯୋଗୀଜନେଦୀର୍ଘେ ଜୀବନ୍ତି ଯୋଗଧ୍ୟାନେ

Couplet 37

ଯେବେ ସେ କୃଷ୍ଣନାମ ମୁଖେକହନ୍ତି ଏକକୁ ଆରକେ

Couplet 38

ଦିନ ବଞ୍ଚନ୍ତି କୃଷ୍ଣ-ଗାଇଅନ୍ତରେ ତାର ପଦ ଧ୍ୟାୟି

Couplet 39

ଯେ ହରି ନ ବୋଲେ ବଦନେକି ପ୍ରୟୋଜନ ଯୋଗଧ୍ୟାନେ

Couplet 40

କାଳ ନିର୍ଣ୍ଣୟ ନାହିଁ ତହିଁହେ ନୃପ ଶୁଣ ମନଦେଇ

Couplet 41

ମୁହୂର୍ତ୍ତମାତ୍ରେ କୃଷ୍ଣବାଣୀଯେ ଶୁଣେ ଯେବା ମୁଖେ ଭଣି

Couplet 42

ସେ ପ୍ରାଣୀ ଆତ୍ମାକୁ ଉଦ୍ଧରେକି ଭାବ ବହୁ ସମ୍ବତ୍ସ›ରେ

Couplet 43

ଖଟ୍ୱାଙ୍ଗ ନାମେ ରାଜା ଥିଲାସ୍ୱର୍ଗେ ଦେବଙ୍କୁ ହିତ କଲା

Couplet 44

ରିପୁ ସଂହାରି ଦେବପାଶେମିଳିଲା ଭକତି-ବିଶ୍ୱାସେ

Couplet 45

ଦେବେ ବୋଇଲେ ମାଗ ବରଶୁଣି ବୋଇଲା ନୃପବର

Couplet 46

ଆୟୁଷ ଅଛଇ ମୋ କେତେଦେବେ କହିଲେ ଶାସ୍ତ୍ରମତେ

Couplet 47

ମୁହୂର୍ତ୍ତେ ଅଛି ତୋ ଜୀବନତାଣୁଣି ସନ୍ତୋଷ ରାଜନ

Couplet 48

ତକ୍ଷଣେ ଆସି ମହୀତଳେଭାବିଲା ଅକିଞ୍ଚନ ମେଳେ

Couplet 49

ମୁହୂର୍ତ୍ତେ ନାମ ଉଚ୍ଚାରିଲାଅନ୍ତେ ସେ ଗୋବିନ୍ଦେ ପଶିଲା

Couplet 50

ଏବେ ସପତଦିନ ଯାଏଜୀବନ ଥିବ ତୋର ଦେହେ

Couplet 51

ଏବେ ହରିଙ୍କି ଆଶ୍ରେକରକର୍ଣ୍ଣେ ଶୁଣ ମୁଖେ ଉଚ୍ଚାର

Couplet 52

ଯେ ଅନ୍ତଃକାଳେ କୃଷ୍ଣବାଣୀମୁଖେ ଉଚ୍ଚାରେ କର୍ଣ୍ଣେ ଶୁଣି

Couplet 53

ତାହାର ମୃତ୍ୟୁଭୟ ନୋହେଦାରାତନୟ ନିଜ ଦେହେ

Couplet 54

ଯେତେ ବିଷୟ ଆତ୍ମାଭେଦିଅସଙ୍ଗଶସ୍ତ୍ରେ ତାହା ଛେଦି

Couplet 55

ବେଗେ ସେ ପଶେ କୃଷ୍ଣଭାବେଶୁଣ କହିବା ତୋତେ ଏବେ

Couplet 56

ଯେ ପ୍ରାଣୀ ଅନ୍ତଃକାଳ ଜାଣିଆତ୍ମାର ହିତ ମନେ ଗୁଣି

Couplet 57

ଘରୁ ବାହାର ହୋଇ ଜ୍ଞାନେତପଆଚରେ ଘୋରବନେ

Couplet 58

ସ୍ନହାନ ସାରି ତୀର୍ଥଜଳେଆସନେ ବସିବ ନିଶ୍ଚଳେ

Couplet 59

ଏକାନ୍ତେ ଯେ ବିଧି ଆସନେପ୍ରଥମ-ଆଶ୍ରମ ଲକ୍ଷଣେ

Couplet 60

ଅଭ୍ୟାସ କରି ଶୁଦ୍ଧମନେତ୍ରିବୃତ-ବ୍ରହ୍ମ ସୁମରଣେ

Couplet 61

ପ୍ରାଣ ପବନ ଯୋଗେ ରୁନ୍ଧିଚଞ୍ଚଳ ଇନ୍ଦ୍ରିୟ ନିରୋଧି

Couplet 62

ବୁଦ୍ଧି-ସାରଥି ଆଶ୍ରେ କରିବିଷୟ-ସମୂହ ସଂହରି

Couplet 63

କର୍ମେ ଚଞ୍ଚଳମନ ବଳେନିରୋପି କୃଷ୍ଣ-ପାଦତଳେ

Couplet 64

ତାର ଶରୀର ଅବୟବେଚିନ୍ତିବ ଏକେ ଏକେ ଭାବେ

Couplet 65

ମନକୁ ନିର୍ବିଷୟ କରିସକଳଚିନ୍ତା ପରିହରି

Couplet 66

ମନ ପ୍ରସନ୍ନ ଯେତେବେଳେଜ୍ଞାନ-ପ୍ରସରେ ସୁନିଶ୍ଚଳେ

Couplet 67

ସ୍ୱଭାବେ ମନ ଦୁଷ୍ଟପଣେଆବୃତ ରଜ ତମୋ ଗୁଣେ

Couplet 68

ଏଣୁ ଧାରଣା ଆଶ୍ରେ କରିମନର ମଳ ଅପହରି

Couplet 69

ଏମନ୍ତ ଯୋଗର ଧାରଣଯୋଗୀଙ୍କ ଭକତି ଲକ୍ଷଣ

Couplet 70

ଯେ ଭକ୍ତି-ଧାରଣାର ବଳେଯୋଗପ୍ରାପତ ଅଳ୍ପକାଳେ

Couplet 71

ବିଷୟ ଦେଖଇ ମଙ୍ଗଳକୃଷ୍ଣେ କରଇ ସର୍ବମେଳ

Couplet 72

ଏମନ୍ତ ଶୁକ ମୁଖୁ ଶୁଣିବୋଲେ ପାଣ୍ଡବ-ଚୂଡ଼ାମଣି

Couplet 73

ଧାରଣା-ଯୋଗ ଚିତ୍ତେ ଧରିଯେମନ୍ତେ ତରେ ବ୍ରହ୍ମଚାରୀ

Couplet 74

ଯେମନ୍ତ ଧାରଣା ନିଶ୍ଚଳବେଗେ ହରଇ ମନୁ ମଳ

Couplet 75

ଏ ଯୋଗଧାରଣା ସ୍ୱଭାବଯେ ଶାସ୍ତ୍ରମାର୍ଗେ ଅନୁଭବ

Couplet 76

ଗୁରୁ ବଚନେ କିବା ଜାଣିଯୋଗଧାରଣା ପରିମାଣି

Couplet 77

ଯେଣେ ଅଭ୍ୟାସ ପ୍ରାଣୀକରେଯେମନ୍ତେ ମନୁ ମଳ ହରେ

Couplet 78

କହି ପବିତ୍ର ମୋତେ କରନିର୍ମଳ ହେଉ ମୋ ଶରୀର

Couplet 79

ଏମନ୍ତ ରାଜା ପ୍ରଶ୍ନ ଶୁଣିଶୁକ କହନ୍ତି ମନେ ଗୁଣି

Couplet 80

ଜିତ ଆସନ ଜିତ ପ୍ରାଣଜିତ ବିଷୟ ଇନ୍ଦ୍ରିଗଣ

Couplet 81

ସ୍ଥୂଳ ଶରୀରେ ବୁଦ୍ଧିବଳେମନକୁ ସ୍ଥାପିବ ନିଶ୍ଚଳେ

Couplet 82

ବିଶେଷେ ଗୋବିନ୍ଦ ଶରୀରଅତ୍ୟନ୍ତ ସ୍ଥୂଳୁ ସ୍ଥୂଳତର

Couplet 83

ଯହିଁ ସଂସାର ପରମାଣଭୂତ-ଭବିଷ୍ୟ-ବତ୍ତର୍ମାନ

Couplet 84

ବ୍ରହ୍ମାଣ୍ଡ ବସେ ଯାର ଦେହିସପ୍ତାବରଣେ ଯୁକ୍ତ ହୋଇ

Couplet 85

ବିରାଜ-ପୁରୁଷ ଏ ମଧ୍ୟେବସେ ଧାରଣା ଅନୁବାଦେ

Couplet 86

ବ୍ରହ୍ମାଣ୍ଡ ଚତୁର୍ଦ୍ଦଶ-ପୁରପ୍ରମାଣ ଯାହାର ଶରୀର

Couplet 87

ଶୁଣ କହିବା ଅଧଉର୍ଦ୍ଧ୍ୱେବିରାଟରୂପ ଥାଇ ମଧ୍ୟେ

Couplet 88

ପାତାଳ ବୋଲି ପାଦମୂଳପାର୍ଷ୍ଣି ପାଦଗ୍ର ରସାତଳ

Couplet 89

ଚରଣ ଗୁଳ୍‌ଫେ ମହାତଳଜଂଘଯୁଗଳ ତଳାତଳ

Couplet 90

ସୁତଳ ବୋଲି ଜାନୁଯୁଗେବିତଳାତଳ ଉରୁଭାଗେ

Couplet 91

ଜଘନଦେଶ ମହୀତଳନାଭିମଣ୍ଡଳ ନଭସ୍ଥଳ

Couplet 92

ସ୍ୱର୍ଲୋକ ହୃଦୟରେ ବସେଜ୍ୟୋତିସମୂହ ପରକାଶେ

Couplet 93

କଣ୍ଠ ଆଶ୍ରିତ ମହର୍ଲୋକବଦନେ ବଶେ ଜନଲୋକ

Couplet 94

ଲଲାଟେ ତପଲୋକ ବସେସତ୍ୟ କଳ୍ପିତ ଶିରଦେଶେ

Couplet 95

ବାସବ ଆଦି ଦିଗପାଳଯାହାର ଭୁଜ ସୁବିଶାଳ

Couplet 96

କର୍ଣ୍ଣ ଯାହାର ଅଷ୍ଟଦିଶାଅଶ୍ୱିନୀକୁମାରେ ଯା ନାସା

Couplet 97

ଜ୍ୱଳନ୍ତା ଅଗ୍ନି ଯା ବଦନନୟନ ଗୋଲୋକ ଗମନ

Couplet 98

ତପନ ଯାର ଚକ୍ଷୁବେନିଉଦୟ ଅସ୍ତ ପକ୍ଷୁ ବେନି

Couplet 99

ଯାର ଭ୍ରୂଭଙ୍ଗ ବ୍ରହ୍ମପଦସଲିଳ ତାଳୁ ରସଜିହ୍ୱ

Couplet 100

ସକଳ ବେଦ ବ୍ରହ୍ମରନ୍ଧ୍ରବିକଟ ଦନ୍ତ ଯମପଦ

Couplet 101

ଯାହାର ତୁଣ୍ଡେ ସ୍ନେହକଳାଅଧଉଦ୍ଧ୍ୱର୍ରେ ଦନ୍ତମାଳା

Couplet 102

ଜନଉନ୍ମାଦ ଯାର ହାସଯେ ବିଷ୍ଣୁମାୟାର ପ୍ରକାଶ

Couplet 103

ସଂସାର ଯାହାର କଟାକ୍ଷଏ ଜୀବ ଲଭେ ଯା ପ୍ରତ୍ୟକ୍ଷ

Couplet 104

ଉପର ଓଷ୍ଠେ ଲଜ୍ଜା ବସେଲୋଭ ବସଇ ଅଧୋଦେଶେ

Couplet 105

ଧର୍ମ ବସଇ ସ୍ତନଯୁଗେଅଧର୍ମପଥ ପୃଷ୍ଠଭାଗେ

Couplet 106

ଅଣ୍ଡେ ବସଇ ପ୍ରଜାପତିମିତ୍ରାବରୁଣ କୋଷେ ସ୍ଥିତି

Couplet 107

ଉଦଧି ଯାହାର ଉଦରଅସ୍ଥିସମୂହ ମହୀଧର

Couplet 108

ଶିରାସମୂହ ନଦୀଗଣବୃକ୍ଷଔଷଧି ତନୁରୋମ

Couplet 109

ଅନନ୍ତବୀର୍ଯ୍ୟ ଯହିଁ ବସେଶ୍ୱାସପବନ ଅଣଚାଶେ

Couplet 110

ଯାହାର ଗତି ଜାଣ କାଳଜୀବ ସଂସାର ଯାର ଖେଳ

Couplet 111

ଜୀମୂତଗଣ ଯାର କେଶସନ୍ଧ୍ୟା ଯାହାର ନିଜବାସ

Couplet 112

ପ୍ରକୃତି ହୃଦୟ ଯାହାରଯାହାର ମନ ନିଶାକର

Couplet 113

ହେ କୁରୁଶ୍ରେଷ୍ଠ ପରୀକ୍ଷିତଈଶ୍ୱର ସର୍ବ କୋଷଭୂତ

Couplet 114

ବିଜ୍ଞାନଶକ୍ତି ଯା ମହିମାଅନ୍ତଃକରଣ ରୁଦ୍ରସୀମା

Couplet 115

କଲଭ ଅଶ୍ୱ ଅଶ୍ୱତରନଖସମୂହ କରିବର

Couplet 116

ଯେ ପଶୁ ମୃଗାଦି ବିଶେଷେସର୍ବ କଳ୍ପିତ ଶ୍ରୋଣୀଦେଶେ

Couplet 117

ପକ୍ଷିଏ ଯାର ବ୍ୟାକରଣବୁଦ୍ଧି ବିଷୟ ମନୁଗଣ

Couplet 118

ଯାର ନିବାସ ନରଦେହଯହିଁ କଳ୍ପିତ ମାୟାମୋହ

Couplet 119

ଗନ୍ଧର୍ବ ବିଦ୍ୟାଧର ଆଦିଚାରଣ ଗଣିକା ପ୍ରସିଦ୍ଧି

Couplet 120

କିନ୍ନରଗଣ ଯାର ସ୍ୱରବୀର୍ଯ୍ୟରେ କଳ୍ପିତ ଅସୁର

Couplet 121

ବ୍ରାହ୍ମଣ ଯାର ମୁଖୁ ଜାତକ୍ଷତ୍ରିୟ ଭୁଜରୁ ସମ୍ଭୂତ

Couplet 122

ଉରୁରୁ ବୈଶ୍ୟ ଉତପତ୍ତିପାଦରୁ ଜନ୍ମ ଶୂଦ୍ରଜାତି

Couplet 123

ନାନା ପ୍ରକାର ନାମ ବହିଅଭୀଷ୍ଟ ଦେବେ ଯାର ଦେହି

Couplet 124

ନିଗମ-କର୍ମ-କାଣ୍ଡ ଯେତେଯାହାର କର୍ମ ଏ ଯୁଗତେ

Couplet 125

ଏମନ୍ତେ ଈଶ୍ୱରର ଦେହେବସନ୍ତି ଅବୟବ ପ୍ରାୟେ

Couplet 126

ଏମନ୍ତେ ଏ ସ୍ଥୂଳ-ଶରୀରେଧାରଣାଯୋଗେ ନିର୍ବିକାରେ

Couplet 127

ମନ ନିରୋଳ ଯୋଗବଳେଗୋବିନ୍ଦ-ଚରଣ-କମଳେ

Couplet 128

ସର୍ବ ଶରୀରେ ଭଗବାନତା ତହୁଁ କେବା ଅଛି ଆନ

Couplet 129

ସେ ସର୍ବ-ବୁଦ୍ଧି ଅନୁଭବଜୀବ ପରମ ପଦ୍ମନାଭ

Couplet 130

ସତ୍ୟ-ପରମାନନ୍ଦ-ନିଧିତାର ଭଜନ ସର୍ବସିଦ୍ଧି

Couplet 131

ଜନ୍ମମରଣ ତାର ତହୁଁକେବା ଗୋଚରେ ତାହା କହୁଁ

Couplet 132

ଯେ ଅନ୍ୟସଙ୍ଗ ଦାରାସୁତନ କରି ଯେଣୁ ଆତ୍ମପାତ

Couplet 133

ସ୍ୱପ୍ନରେ ଜୀବର ଯେମନ୍ତଦେଖଇ ଇନ୍ଦ୍ରିୟ ବୃତ୍ତାନ୍ତ

Couplet 134

ସେ ସର୍ବମିଥ୍ୟା ଜୀବ ସତ୍ୟଏ ଜ୍ଞାନେ ହୁଅଇ ମୁକତ

Couplet 135

ଏମନ୍ତ କହି ଶୁକମୁନିହରଷେ ହରିଭାବ ଘେନି

Couplet 136

ଆନନ୍ଦେ ପରୀକ୍ଷିତ ମେଳେଯାହା କହିଲେ ଗଙ୍ଗାକୂଳେ