Adhyaya 15

Couplet 1

ଏମନ୍ତ ରାଜାର ବଚନଅର୍ଜୁନ ଶୁଣି ଶୋକମନ

Couplet 2

ଯେତେ କହିଲେ ଧର୍ମସୁତନାନା ଶକୁନ ବିପରୀତ

Couplet 3

କୃଷ୍ଣ ବିଯୋଗେ ଖେଦମନସ୍ୱଭାବେ ଶୁଖିଛି ବଦନ

Couplet 4

ତେଜ ପ୍ରଭାବ ଦୂର ଗଲାଜୀବନ ଥାଉଁ ଦେହ ମଲା

Couplet 5

ଶୋକେ କମ୍ପିତ କଳେବରବଦନୁ ନ ସ୍ଫୁରେ ଉତ୍ତର

Couplet 6

ଲୋଚନେ ଦେଇ ବେନିକରଶୋକ ସମ୍ବରି ବୀରବର

Couplet 7

ଶୋକେ କୁଣ୍ଠିତ କଣ୍ଠଦ୍ୱାରବିହ୍ୱଳେ ନ ସ୍ଫୁରେ ଉତ୍ତର

Couplet 8

ସଖା ସୁହୃଦ ନନ୍ଦବଳାସାରଥିପଣେ ରଥେ ଥିଲା

Couplet 9

ଏ ଆଦି ଯେତେ କୃଷ୍ଣଗୁଣସୁମରି କାନ୍ଦେ ପୁଣପୁଣ

Couplet 10

ରାଜାଙ୍କୁ ଚାହିଁ ମନଖେଦେବୋଲଇ ଶୋକ ଗଦଗଦେ

Couplet 11

ସନ୍ଦେଶ ଶୁଣ ନରନାଥକୃଷ୍ଣେ ମୁଁ ହୋଇଲି ବଞ୍ଚିତ

Couplet 12

ମୋର ଜୀବନବନ୍ଧୁ ହରିତାର ବିଯୋଗେ ହତଶିରୀ

Couplet 13

ବିଶୀର୍ଣ୍ଣ ମୋହର ଶରୀରଦେଖ ପ୍ରତ୍ୟକ୍ଷେ ନୃପବର

Couplet 14

ଯେ ତେଜ ପ୍ରତାପ ମୋହରଦେବ-ଦାନବେ ଅଗୋଚର

Couplet 15

ସେ ତେଜ କୃଷ୍ଣ ସଙ୍ଗେ ଗଲାଜୀବନ ଜୀଉଁ ଜୀଉଁ ମଲା

Couplet 16

କୃଷ୍ଣ ବିଯୋଗେ କ୍ଷଣମାତ୍ରେଶୋକ ପୂରିତ ନିଜ ଗାତ୍ରେ

Couplet 17

ଲୋକେ ଅପ୍ରିୟ ଦରଶନଦେଖି କୁଣ୍ଠିତ ମୋର ମନ

Couplet 18

ମରଣ କାଳେ ପ୍ରାଣୀ ଯେହ୍ନେସମ୍ଭ୍ରମେ କୁଣ୍ଠିତ-ବଚନେ

Couplet 19

ଯାହାର ପାଦେ ଆଶ୍ରେକରିନିଜ ଗାଣ୍ତିବ କରେ ଧରି

Couplet 20

ଦ୍ରୁପଦ ଗୃହେ ରାଜମେଳେଦ୍ରୌପଦୀ ସ୍ୱୟମ୍ବର କାଳେ

Couplet 21

ଯେତେ ମିଳିଲେ ରାଜପୁତ୍ରେକନ୍ୟା ଲଭିବା ଫଳ ଅର୍ଥେ

Couplet 22

କନ୍ୟା ଲଭିବା କାଳେ ଗୋଳଯେସନେ ଜଳଧି ଉଲ୍ଲୋଳ

Couplet 23

ହେଳେ ତାହାଙ୍କ ତେଜ ହରିଲଭିଲି ଲାଖବିନ୍ଧି ନାରୀ

Couplet 24

ଖାଣ୍ତବବନେ କ୍ରୀଡ଼ାରଙ୍ଗେକୃଷ୍ଣ ଯେ ଥିଲେ ମୋର ସଙ୍ଗେ

Couplet 25

ସେ ବନ ଅଗ୍ନିମୁଖେ ଦେଇଲଭିଲି ମାୟାସଭା ମୁହିଁ

Couplet 26

ଅମରଗଣ ତୁଲେ ପୁଣିକିଞ୍ଚିତେ ଇନ୍ଦ୍ରତେଜ ଜିଣି

Couplet 27

ମୟନିର୍ମିତ ସଭା ଆଣିଯହିଁ ସକଳ ନୃପମଣି

Couplet 28

ତୋହର ଯଜ୍ଞକାଳେ ମିଳିତୋ ପାଦେ କଲେ ନିଉଛାଳି

Couplet 29

ଯାହାର ତୁଲେ ବେନିଭାଇଛଦ୍ରମେ ବିପ୍ରରୂପ ହୋଇ

Couplet 30

ଜରାକୁ ବାହୁଯୁଦ୍ଧେ ଜିଣିରାଜାଙ୍କୁ ବନ୍ଦୀଘରୁ ଆଣି

Couplet 31

ତୋହର ଯଜ୍ଞ ନିମନ୍ତ୍ରଣେତୋତେ ଖଚିଲେ ନୃପଗଣେ

Couplet 32

ତୋହର ଯଜ୍ଞସ୍ନାନ କାଳେଦ୍ରୌପଦୀ ଦେଖି ତୋର କୋଳେ

Couplet 33

ସ୍ୱଭାବେ ନାରୀ ଶିରୋମଣିକବରୀ ବେଶେ ଜନ ଜିଣି

Couplet 34

କପଟପଶା କରି ବାଦେକୌରବେ ତୋତେ ସଭାମଧ୍ୟେ

Couplet 35

ଜିଣି ପାଞ୍ଚାଳୀ କେଶ ଧରିବିବସ୍ତ୍ର ସଭାତଳେ କରି

Couplet 36

ଭୟେ ପାଞ୍ଚାଳୀ ସୁମରିଲାସେବେଳେ ଯେ ହରି ରଖିଲା

Couplet 37

ପୁଣି ଅଜ୍ଞାତ-ବନବାସେଦୁର୍ବାସା ଦୁଷ୍ଟଙ୍କ ବିଶ୍ୱାସେ

Couplet 38

ଭୋଜନ ଅନ୍ତେ ଭିକ୍ଷାଅର୍ଥେଅୟୁତ ବିପ୍ର ଘେନି ସାଥେ

Couplet 39

ଭୁଞ୍ଜିବା ପାଇଁ ସ୍ନାନ ସାରିତା ଜାଣି ପ୍ରଭୁ ନରହରି

Couplet 40

ଅତିଥି ରୂପେ ବିଜେ କଲାଶେଷ ଯେ ଶାକଅନ୍ନ ଥିଲା

Couplet 41

କର ପ୍ରସାରି ତାହା ଖାଇମୁନିଙ୍କ ମନମଧ୍ୟେ ଯାଇ

Couplet 42

ସନ୍ତୋଷ କଲା ଜଳ ମଧ୍ୟେତକ୍ଷଣେ ବ୍ରାହ୍ମଣ ଆନନ୍ଦେ

Couplet 43

ସନ୍ତୋଷେ ନିଜସ୍ଥାନେ ଗଲେସେ ଦୁଃଖୁ ଯେ ହରି ରଖିଲେ

Couplet 44

ଯାହାର ତେଜେ ଧନୁ ଟାଣିବନେ ଜିଣିଲି ଶୂଳପାଣି

Couplet 45

ସନ୍ତୋଷେ ମୋତେ ଉମାକାନ୍ତବୋଇଲେ ବରମାଗ ପାର୍ଥ

Couplet 46

ପାର୍ବତୀ ବିଶ୍ୱାସେ ମୋହିତବରେ ପାଇଲି ପାଶୁପତ

Couplet 47

ହର ବିଶ୍ୱାସେ ମୋତେ ପୁଣପାର୍ବତୀ ଦେଲେ ଅକ୍ଷତୂଣ

Couplet 48

ସେ ବେନିଶସ୍ତ୍ର ପାଇ ବନେମିଳିଲି ଇନ୍ଦ୍ରର ଭୁବନେ

Couplet 49

ନର ଶରୀରେ ସୁରଦେଶେମିଳିଲି ଯେ ହରି ବିଶ୍ୱାସେ

Couplet 50

ବିଷ୍ଣୁର ତେଜ ଦେଖି ମୋତେସର୍ବ ଦେବତା ତୋଷଚିତ୍ତେ

Couplet 51

ବିଚାରି ସର୍ବ ଅନୁମାନେବସାଇ ଇନ୍ଦ୍ରର ଆସନେ

Couplet 52

ମୋତେ ପୂଜିଲେ ପୁରସ୍କାରେମୁଁ ପୁଣି ରହି ସ୍ୱର୍ଗପୁରେ

Couplet 53

ସର୍ବ ଦେବତାଙ୍କ ବିଶ୍ୱାସଅସୁରବଳ କଲି ନାଶ

Couplet 54

ଇନ୍ଦ୍ର ସହିତେ ସର୍ବଦେବେମୋତେ ପୂଜିଲେ ଗଉରବେ

Couplet 55

ଯା ତେଜୁ ମୋ ପୁରୁଷକାରସେ ହରି ମୋତେ କଲା ଦୂର

Couplet 56

ଯେଉଁ ଗୋବିନ୍ଦ ବନ୍ଧୁପଣେକୁରୁସାଗର-ଘୋରରଣେ

Couplet 57

ତରଲି ଦୁସ୍ତର-ସାଗରଦେବ-ମାନବେ ଅଗୋଚର

Couplet 58

ସଂଗ୍ରାମେ ରିପୁବଳ ଜିଣିଅନେକ ଧନରତ୍ନ ଆଣି

Couplet 59

ରତ୍ନ ମୁକୁଟ ମଣିପରେଥିଲା ଯେ ରାଜାଙ୍କର ଶିରେ

Couplet 60

ତାହା ହରିଲି ବାହୁବଳେନିର୍ଭୟେ ଅବନୀ-ମଣ୍ତଳେ

Couplet 61

ବିରାଟ-ଗୋଧନ ହରଣେମହାଦୁସ୍ତର ଘୋରରଣେ

Couplet 62

ଗୋଧନ ନେଲି ନିଜପୁରସେ ହରି କଲା ମୋତେ ଦୂର

Couplet 63

ଯେ ହରି ମୋର ରଥେ ବସିଅଗାଧ-କୁରୁବଳେ ଝାସି

Couplet 64

ଭୀଷ୍ମ ସବିତାସୁତ କୃପଶଲ୍ୟ ସହିତେ ଯେତେ ନୃପ

Couplet 65

ତାହାଙ୍କ ଅଗ୍ରେ ରଥ କରିଅଶ୍ୱ ରସନା କରେ ଧରି

Couplet 66

ରିପୁ ଆୟୁଷ ସଙ୍ଗେ ମନହରିଲା ନନ୍ଦର ନନ୍ଦନ

Couplet 67

ଭୀଷ୍ମାଦି ଥିଲେ ଯେତେ ବୀରସେ ଗୁରୁ-ଦ୍ରୋଣଙ୍କ ସଙ୍ଗର

Couplet 68

ଅମୋଘ ଅସ୍ତ୍ର ବରଷନ୍ତିସେ ମୋର ହୃଦେ ନ ଭେଦନ୍ତି

Couplet 69

ଯେସନେ ନୃସିଂହର ପାଦଆଶ୍ରେ ତରିଲା ପ୍ରହଲାଦ

Couplet 70

ଜୟଦ୍ରଥର ବଧ କାଳେଅଶ୍ୱେ ତୃଷିତ ମୋର ହେଲେ

Couplet 71

ତାହାଙ୍କୁ ଜଳ ଦେବା ଅର୍ଥେସଂଗ୍ରାମେ ହେଲି ଭୂମିଗତେ

Couplet 72

ମହାରଥୀଙ୍କ ଚିତ୍ତେ ଯାଇପ୍ରବେଶ ହେଲେ ଭାବଗ୍ରାହୀ

Couplet 73

ନୟନେ ମୋ ରୂପ ଦେଖନ୍ତିଦେଖନ୍ତେ କେହି ନ ମାରନ୍ତି

Couplet 74

ଯାହାର ପାଦପଦ୍ମ ନିତ୍ୟେଜ୍ଞାନୀଏ ଭାବୁଥାନ୍ତି ଚିତ୍ତେ

Couplet 75

କୁମତି-ବଳେ ନ ବିଚାରିତାହାଙ୍କୁ ସାରଥି ମୁଁ କରି

Couplet 76

ସେ କୃଷ୍ଣ ବସି ମୋର ପାଶେଶୋଭନ-ସ୍ମିତ-ମନ୍ଦହାସେ

Couplet 77

ଆନନ୍ଦେ କରେ କର ଧରିବିବିଧ ପରିହାସ କରି

Couplet 78

ହେ ପାର୍ଥ ଅର୍ଜୁନ ହେ ସଖେକୁରୁନନ୍ଦନ ବୋଲି ଡାକେ

Couplet 79

ତାହାର ଗୁଣକର୍ମ ଯେତେସୁମରି କ୍ଷୋଭିତ ମୋ ଚିତ୍ତେ

Couplet 80

ଶୟନ-ଆସନ-ଭୋଜନେମୁହିଁ ଯେ ତାର ସନ୍ନିଧାନେ

Couplet 81

ସଙ୍ଗେ ବିହରି ସଖାପରିତା କରେ କର ଧରାଧରି

Couplet 82

ମୁଁ ପାପୀ କୁମତି ମୋହରକେବେ ବା କରେ ତିରସ୍କାର

Couplet 83

ସେ ଅପରାଧ ମୋର ହରିନ ଘେନେ ମୋରେ ସ୍ନେହ କରି

Couplet 84

ସଖାର ସଖା ଯେହ୍ନେ ସହେପିତାମାତା ବା ଯେହ୍ନେ ପୋଏ

Couplet 85

ନୃପେନ୍ଦ୍ର ଶୁଣ ମୋର ବାଣୀମୋତେ ମୁଞ୍ଚିଲେ ଚକ୍ରପାଣି

Couplet 86

ମୋହର ପ୍ରିୟସଖା ହରିହୃଦୟ ଗଲା ଶୂନ୍ୟ କରି

Couplet 87

ଦେଖ ମୋହର ବୀରପଣମାର୍ଗେ ଗୋବିନ୍ଦ-ପତ୍ନୀଗଣ

Couplet 88

ଆବୋରି ନ ପାରିଲି ବଳେତକ୍ଷଣେ ଲୁଚିଲେ ଗୋପାଳେ

Couplet 89

ସେହି ଗାଣ୍ତୀବଧନୁ ମୋରସେହି ଅକ୍ଷୟ ତୂଣଶର

Couplet 90

ସେହି ବିମାନ ଅଶ୍ୱ ଦେଖକ୍ଷଣକେ ହୋଇଲି ନିରେଖ

Couplet 91

ଯାହାର ତେଜେ ନୃପଗଣେନମନ୍ତି ମୋହର ଚରଣେ

Couplet 92

ତାର ବିଯୋଗେ ତନୁ କ୍ଷୀଣଦିଗେ ଦିଶନ୍ତି ମୋତେ ଶୂନ୍ୟ

Couplet 93

ସେ ପ୍ରାଣବାନ୍ଧବ ବିଯୋଗଭସ୍ମେ ଯେସନେ ହବିର୍ଭାଗ

Couplet 94

କୁହୁକ ବସ୍ତୁ ମୁଷ୍ଟିଗତେପ୍ରତ୍ୟକ୍ଷ ନୋହେ ଦୃଷ୍ଟିମାତ୍ରେ

Couplet 95

ଉଷର ଭୂମିରେ ରୋପିତବୀଜର ପ୍ରାୟେ ମୁଁ ନିହତ

Couplet 96

ଶୁଣ ହେ ନୃପ ଶୁଦ୍ଧଚେତାବନ୍ଧୁବାନ୍ଧବଙ୍କ ବାରତା

Couplet 97

ଅପରେ ଯେତେ ଯଦୁକୁଳେନିଶ୍ଚିନ୍ତେ ଥିଲେ କୁଶସ୍ଥଳେ

Couplet 98

ବ୍ରାହ୍ମଣଶାପ ଅବସାନେମିଳିଲେ ଏରକାର ବନେ

Couplet 99

ବାରୁଣୀମଦ୍ୟ କଲେ ପାନଭୋଳେ ହୋଇଲେ ହତଜ୍ଞାନ

Couplet 100

ଏରକା ମୁଷ୍ଟି କରେ ଧରିଏକ ଆରେକ ମରାମରି

Couplet 101

ଆତ୍ମାକୁ ନ ଜାଣନ୍ତି ଭୋଳେନାଶିଲେ ବ୍ରହ୍ମଶାପ ଫଳେ

Couplet 102

ଏଣୁ ଯାଦବ ବଂଶନାଶରହିଲେ ଚାରିପାଞ୍ଚ ଶେଷ

Couplet 103

ଈଶ୍ୱର କ୍ରୀଡ଼ା ଏ ଜଗତପ୍ରାଣୀଏ ଈଶ୍ୱର ଆୟତ୍ତ

Couplet 104

ମାରନ୍ତି ଏକୁ ଆର ବଳେଜଳ ଜନ୍ତୁଏ ଯେହ୍ନେ ଜଳେ

Couplet 105

ନିର୍ବଳ ଜନ୍ତୁଙ୍କୁ ଗିଳନ୍ତିନିଜ ମରଣ ନ ଜାଣନ୍ତି

Couplet 106

ଦୁର୍ବଳ-ପ୍ରାଣୀଙ୍କି ସବଳେଦର୍ପ ହରନ୍ତି ଅବହେଳେ

Couplet 107

ଏହି ପ୍ରକାରେ ଯଦୁବଳେକଳି ଭିଆଇ ମଦ୍ୟଭୋଳେ

Couplet 108

ଯଦୁଙ୍କୁ ଯଦୁବଳେ ମାରିଭୂମିର ଭାରା ଅପହରି

Couplet 109

ଗୋବିନ୍ଦ କଲେ କର୍ମ ଯେତେଲୀଳା ବିହାରେ ଏ ଜଗତେ

Couplet 110

ତା ଦେଶ-କାଳ-ଅର୍ଥଯୁକ୍ତଶୀତଳବାଣୀ ଜନହିତ

Couplet 111

ସେ ବାଣୀ ସ୍ମରି ମୋର ଚିତ୍ତେପ୍ରାଣ ଦହଇ ଅନ୍ତର୍ଗତେ

Couplet 112

ଏମନ୍ତେ ପାଣ୍ତବ ଅର୍ଜୁନକୃଷ୍ଣ ଚରଣେ ଦେଇ ମନ

Couplet 113

ସୁହୃଦଭାବେ ଗାଢ଼େ ଚିନ୍ତିଲଭିଲା ସୁବିମଳ ଗତି

Couplet 114

କୃଷ୍ଣ ଚରଣ ଅନୁଧ୍ୟାନେଚିତ୍ତ ନିର୍ମଳ ଶାନ୍ତି ଜ୍ଞାନେ

Couplet 115

ଥିଲା ଯେ ଅଶେଷ କଳୁଷଭକ୍ତିମନ୍ଥନେ ଗଲା ନାଶ

Couplet 116

ନିର୍ମଳବୁଦ୍ଧି ପ୍ରକାଶିଲାଗୋବିନ୍ଦ ବାକ୍ୟ ସୁମରିଲା

Couplet 117

ସଂଗ୍ରାମ ମଧ୍ୟେ ରଥେ ରହିଯେ ଗୀତା କୃଷ୍ଣଥିଲେ କହି

Couplet 118

ତାହା ସୁମରି ଶୁଦ୍ଧମନେଶୋକ ଛାଡ଼ିଲା କୃଷ୍ଣ ଧ୍ୟାନେ

Couplet 119

ପ୍ରକୃତି ଲୀନେ ଗୁଣ ଲିଙ୍ଗସ୍ଥୂଳଶରୀର ସଙ୍ଗଭଙ୍ଗ

Couplet 120

ତେବେ ଦ୍ୱଇତ ଭାବ ଯାଇଶୋକ-ସମ୍ଭ୍ରମ ଆଉ କାହିଁ

Couplet 121

ଆପଣା ଅଂଶ ବଂଶ ହରିଶ୍ରୀକୃଷ୍ଣ ଗଲେ ନିଜପୁରୀ

Couplet 122

ଅର୍ଜୁନ ମୁଖୁ ଏହା ଶୁଣିନିର୍ବେଦ ନୃପ-ଚୂଡ଼ାମଣି

Couplet 123

ଆତ୍ମା ନିବୃତ୍ତ ଜ୍ଞାନମାର୍ଗେନିଶ୍ଚୟ କଲେ ସ୍ୱର୍ଗମାର୍ଗେ

Couplet 124

କୁନ୍ତୀ ଯେ ନିଜପୁରେ ଥିଲାଶ୍ରୀକୃଷ୍ଣ ବିଯୋଗ ଶୁଣିଲା

Couplet 125

ତକ୍ଷଣେ ପାଇ ଦିବ୍ୟଜ୍ଞାନଗୋବିନ୍ଦ ପାଦେ ହେଲା ଲୀନ

Couplet 126

ଯେ ଦେହ ଭୂମିଭାର ନାଶେଧରି ଜନ୍ମିଲେ ଯଦୁବଂଶେ

Couplet 127

ଭାରା ନିବାରି ତା ସଂହରେକଣ୍ଟକ ଯେହ୍ନେ କଣ୍ଟକରେ

Couplet 128

ମତ୍ସ୍ୟାଦି ରୂପକୁ ଯେମନ୍ତେଧରି ଛାଡ଼ଇ କାର୍ଯ୍ୟଅନ୍ତେ

Couplet 129

ଯେସନେ ନଟରୂପ ଧରେକ୍ଷଣକୁ କ୍ଷଣ ଆନ କରେ

Couplet 130

ଭୂଭାର କ୍ଷୟ ଯେ ଦେହେଣସେ ଦେହ କଲେ ଅନ୍ତର୍ଦ୍ଧାନ

Couplet 131

ଯେବେ ମୁକୁନ୍ଦ ମହୀତେଜିସ୍ୱଭାବେ ନିଜଧାମ ଭଜି

Couplet 132

ଯାର ମହିମା ନରଲୋକେସାଧବେ ଏକକୁ ଆରକେ

Couplet 133

କହି ତରିଲେ ଭବଜଳୁକଳି ଆଗମ ସେହି ବେଳୁ

Couplet 134

ସକଳ ଦୋଷ ହେତୁ ଯହିଁବେଦ-ପୁରାଣ-ମାର୍ଗେ କହି

Couplet 135

ମିଳିଲା ନରଲୋକେ ଆସିତକ୍ଷଣେ ଗ୍ରାମେଗ୍ରାମେ ପଶି

Couplet 136

ସକଳ ପୁରେ ପ୍ରାଣୀ ଚିତ୍ତେଲୋଭ କପଟ ଦମ୍ଭମତେ

Couplet 137

ପ୍ରାଣୀ ହିଂସନ ଧର୍ମନାଶେପ୍ରାଣୀୟେ କଳିର ବିଶ୍ୱାସେ

Couplet 138

ନିଷ୍ଠୁର ଚିତ୍ତ ସର୍ବଜନତା ଦେଖି ଧର୍ମର ନନ୍ଦନ

Couplet 139

ସ୍ୱର୍ଗ-ଗମନ ମନେ ଗୁଣିତକ୍ଷଣେ ପରୀକ୍ଷିତ ଆଣି

Couplet 140

ଉତ୍ତମ ରାଜଚିହ୍ନ ଦେଖିସକଳ ଗୁଣ ଉପଲକ୍ଷି

Couplet 141

ଆତ୍ମାର ତୁଲ୍ୟପ୍ରାୟ ମଣିଅନେକ ତୀର୍ଥଜଳ ଆଣି

Couplet 142

ହସ୍ତିନାପୁର ନରଲୋକେସ୍ଥାପିଲେ ନୃପ ଅଭିଷେକେ

Couplet 143

ଯାଦବବଂଶେ ଶେଷଥିଲାବଜ୍ର ଯେ ଅନିରୁଦ୍ଧବଳା

Couplet 144

ମଥୁରାପୁରେ ଧର୍ମଚାଟେସ୍ଥାପିଲେ ଶୂରସେନପାଟେ

Couplet 145

ସକଳ ଭୋଗ ଦୂରକରିଶରୀର-ବନ୍ଧ ପରିହରି

Couplet 146

ଆତ୍ମାରେ ଆତ୍ମା-ଅଗ୍ନି ଜାଳିସର୍ବ-ବିଷୟ-ଘୃତ ଢାଳି

Couplet 147

ଜ୍ଞାନଗୋଚରେ ଅଗ୍ନିପାନତକ୍ଷଣେ ଧର୍ମର ନନ୍ଦନ

Couplet 148

ସର୍ବ ସମ୍ପଦ କରି ଦୂରନିର୍ମଳ-ରାଗ-ଅହଙ୍କାର

Couplet 149

ଅଶେଷ କର୍ମ୍ପାଶ ଛେଦିଯୋଗେ ଶରୀରରନ୍ଧ୍ର ରୁନ୍ଧି

Couplet 150

ବଚନ ମନେ ଲୀନ କରିବାୟୁ ଧାରଣେ ମନ ଧରି

Couplet 151

ବାୟୁ ଧାରଣ ପ୍ରାଣ ଯେହିଅପାନେ ତାହାକୁ ମିଶାଇ

Couplet 152

ଅପାନ ଉତ୍ସର୍ଗ ସହିତଯେ ମାର୍ଗେ ହୋଏ ଅନ୍ତର୍ଗତ

Couplet 153

ସେ ମୃତ୍ୟୁଦେବକୁ ପଞ୍ଚତ୍ୱେପଞ୍ଚକୁ ପଞ୍ଚରେ ଏକତ୍ୱେ

Couplet 154

ପୁଣି ପଞ୍ଚକୁ ତିନିଗୁଣେତ୍ରିଗୁଣ ସମସ୍ତ କାରଣେ

Couplet 155

ତାହାକୁ ଜୀବେ ଦେଇ ସ୍ଥାନଯେଣେ ଜୀବର ପରିତ୍ରାଣ

Couplet 156

ସକଳ ଗୁଣ ପରିହରିଆତ୍ମାରେ ଆତ୍ମା ହୋମକରି

Couplet 157

ବ୍ରହ୍ମନିର୍ବାଣେ ଥୋଇ ଚିତ୍ତଉତ୍ତରପଥେ ଉପଗତ

Couplet 158

ଚିରବସନ ନିରାହାରମଉନ ମୁକ୍ତକେଶ ଶିର

Couplet 159

ଜଡ-ଉନ୍ମତ୍ତ-ଜନ ପ୍ରାୟେଲୋକେ ଦେଖାଇ ନିଜକାୟେ

Couplet 160

ଲୋକ ବଦନକୁ ନ ଚାହିଁଅନ୍ଧ-ବଧିର ପ୍ରାୟ ହୋଇ

Couplet 161

ହୃଦେ ନିବେଶି ବେନିପାଣିଉତ୍ତରଦିଗେ ନୃପମଣି

Couplet 162

ପୂର୍ବେ ଅଶେଷ ମୁନି ସନ୍ଥେମୋକ୍ଷହୋଇଲେ ଯେଉଁ ପଥେ

Couplet 163

ପରମବ୍ରହ୍ମ ଚିନ୍ତି ଚିତ୍ତେପ୍ରସ୍ଥାନ କଲେ ସ୍ୱର୍ଗପଥେ

Couplet 164

ପଛେ ଚଳନ୍ତି ଚାରିଭାଇରାଜାର ଅନୁରୂପ ହୋଇ

Couplet 165

ପ୍ରଜାଙ୍କୁ କରି ଆଲିଙ୍ଗନହରଷେ ହରି ତାଙ୍କ ମନ

Couplet 166

ସେ ସାଧୁକୃତ୍ୟ ସତ୍ତ୍ୱ ଗୁଣୀଆତ୍ମାର ହିତ ଚିତ୍ତେ ଜାଣି

Couplet 167

ମନ ନିବେଶି କୃଷ୍ଣପାଦେବିଷ୍ଣୁ ଭକତି ଯୋଗସାଧେ

Couplet 168

ନିର୍ମଳ ଚିତ୍ତ ତାହାଙ୍କରଗୋବିନ୍ଦେ ଧ୍ୟାନ ନିରନ୍ତର

Couplet 169

କୃଷ୍ଣ ପାଦେ ଚିତ୍ତ ଦେଲେପରମଗତି ସେ ଲଭିଲେ

Couplet 170

ଅସତ୍ୟ ଇନ୍ଦ୍ରିୟ ବିଷୟେନିତ୍ୟେ ଯାହାର ଚିତ୍ତ ରହେ

Couplet 171

ସେ ଯେବେ ପାଦହୃଦେ ଚିନ୍ତିସର୍ବକଳୁଷ ନାଶ ଯାନ୍ତି

Couplet 172

ସେପାଦେ ଲଭଇ ସେ ସ୍ଥାନତାହା ପାଇଲେ ପଣ୍ତୁନାନ

Couplet 173

ବିଦୁର ଥିଲେ ବନବାସେପ୍ରଭାସତୀର୍ଥେ ମୋକ୍ଷ ଆଶେ

Couplet 174

ଗୋବିନ୍ଦ-ଚରଣ-କମଳେପ୍ରାଣ ଛାଡ଼ିଲେ ଯୋଗବଳେ

Couplet 175

ପିତୃଗଣଙ୍କ ସଙ୍ଗେ ମିଶିନକ୍ଷତ୍ର ମଧ୍ୟେ ଯେହ୍ନେ ଶଶୀ

Couplet 176

ନିଜ ଭୁବନେ ବିଜେ କଲେବ୍ରାହ୍ମଣଶାପୁ ନିସ୍ତରିଲେ

Couplet 177

ତକ୍ଷଣେ ଦ୍ରୁପଦ କୁମାରୀଭର୍ତ୍ତାଙ୍କ ପଥ ଅନୁସରି

Couplet 178

କୃଷ୍ଣେ ନିବେଶି ପଞ୍ଚପ୍ରାଣପଥେ ଛାଡ଼ିଲେ ନିଜପ୍ରାଣ

Couplet 179

କହନ୍ତି ସୂତ ଶୁଦ୍ଧଚିତ୍ତେସର୍ବମୁନିଙ୍କ ମଧ୍ୟଗତେ

Couplet 180

ଏବେ ହୋ ଶୁଣ ବିପ୍ରଜନେକୃଷ୍ଣ-ମହିମା ଶୁଦ୍ଧମନେ

Couplet 181

ଗୋବିନ୍ଦ ଚରଣ କମଳେପଣ୍ତୁକୁମରେ ଭାବଭୋଳେ

Couplet 182

ସଂସାର ମାୟା ଦୂର କଲେଜଗତ ମଧ୍ୟୁ ନିସ୍ତରିଲେ

Couplet 183

ପରମ ମଙ୍ଗଳ ଏ ବାଣୀଯେ ପ୍ରାଣୀ ଶୁଦ୍ଧଚିତ୍ତେ ଶୁଣି

Couplet 184

ଭକତି ଲଭେ କୃଷ୍ଣପାଦେସଂସାରୁ ତରେ ଅପ୍ରମାଦେ

Couplet 185

କୃଷ୍ଣ-ମହିମା-ସୁଧାରସକହିଲା ଜଗନ୍ନାଥ ଦାସ