Adhyaya 14

Couplet 1

ଅର୍ଜୁନ ରାଜାର ବଚନେଗଲା ଯେ ଦ୍ୱାରକା ଭୁବନେ

Couplet 2

ବନ୍ଧୁବାନ୍ଧବ ଦୃଷ୍ଟି ଆଶେସ୍ନେହ ଜଡ଼ିତ ମୋହପାଶେ

Couplet 3

ମାୟା ମନୁଷ୍ୟ ରୂପେ ହରିଛଦ୍ରମେ ଗୃହବାସ କରି

Couplet 4

ସଂସାର ଯାର ଖେଳଘରବ୍ରହ୍ମାଶଙ୍କରେ ଅଗୋଚର

Couplet 5

ବିଚାର ତାର ଜାଣିବାରେମିଳିଲେ ଦ୍ୱାରକା ନଗରେ

Couplet 6

କେତେହେଁ ଦିନ ତହିଁ ରହିକୃଷ୍ଣର ପଦେ ଚିତ୍ତ ଦେଇ

Couplet 7

ଏମନ୍ତେ ଗଲା ମାସ କେତେଚଞ୍ଚଳ ଯୁଧିଷ୍ଠିର ଚିତ୍ତେ

Couplet 8

ଅର୍ଜୁନ ନ ମିଳିଲା ପାଶେଘୋର ଅଦ୍ଭୁତ ଦେଖି ତ୍ରାସେ

Couplet 9

କାଳର ଗତି ବିପରୀତଅଧର୍ମେ ପ୍ରାଣୀଙ୍କର ଚିତ୍ତ

Couplet 10

ପାପ ଆଚାର କଲେ ଦମ୍ଭେଯନ୍ତ୍ରିତ କାମ କ୍ରୋଧ ଲୋଭେ

Couplet 11

ମିତ୍ର ସୁହୃଦ ଶଠମତିପିତାମାତା ଯେ ଭ୍ରାତା ଜ୍ଞାତି

Couplet 12

ସ୍ୱାମୀ ଭାରିଯା ପୁତ୍ର ମେଳେଧ୍ୱନି ସେ ଉଠଇ କନ୍ଦଳେ

Couplet 13

ନିରତେ ଅରିଷ୍ଟ-ସୂଚକପ୍ରକାଶ ହୋଇଲା ଅନେକ

Couplet 14

ପାପ ପ୍ରକୃତି ପ୍ରାଣୀଙ୍କରଦେଖି ଚକିତ ନୃପବର

Couplet 15

ଭୀମସେନକୁ ରାଇ ପାଶେକହନ୍ତି ଆତ୍ମାର ବିଶ୍ୱାସେ

Couplet 16

ଅର୍ଜୁନ ଦ୍ୱାରକା ଭୁବନେଗଲା ବାନ୍ଧବ ଦରଶନେ

Couplet 17

କୃଷ୍ଣ ମହିମା କୃଷ୍ଣସଙ୍ଗେଜାଣିବା ପାଇଁ ମନରଙ୍ଗେ

Couplet 18

ଏବେ ସପତ ମାସ ଗଲାତେବେ ହେଁ ଅର୍ଜୁନ ନଇଲା

Couplet 19

କିବା କେବଣ ବିପରୀତତେଣୁ ଚଞ୍ଚଳ ମୋର ଚିତ୍ତ

Couplet 20

କି ହେତୁ ମୋର ପାଶ ଛାଡ଼ିଅର୍ଜୁନ ରହେ ଲୋଭବଢ଼ି

Couplet 21

ଏହାତ ଜାଣି ନ ପାରଇଭୟେ ବ୍ୟାକୁଳ ମୋର ଦେହୀ

Couplet 22

ନାରଦ କହିଗଲେ ମୋତେସେ କାଳ ହେଲା ବା ପ୍ରାପତେ

Couplet 23

କ୍ରୀଡ଼ା ଶରୀରର ଉଚ୍ଛନ୍ନକି ବା ଇଚ୍ଛିଲେ ଭଗବାନ

Couplet 24

ହରି ସେନେହ ଅପ୍ରମାଦେମୁଁ ଯେ ବସିଲି ରାଜପଦେ

Couplet 25

ଦାରା ସମ୍ପଦ ପ୍ରାଣ ମୋରସର୍ବ ମଙ୍ଗଳ ଦାମୋଦର

Couplet 26

ସକଳ-ରାଜା ମୋର ପାଦେଖଟନ୍ତି ଯାହାର ପ୍ରସାଦେ

Couplet 27

ତାହାର ଭଲେ ଭଲ ମୋରସେ ହରି ଶରଣ-ସୋଦର

Couplet 28

ଦେଖ ପ୍ରତ୍ୟକ୍ଷେ ବୃକୋଦରଦିଶ ଆକାଶ ଅନ୍ଧକାର

Couplet 29

ତ୍ରିବିଧ ଉତ୍ପାତ ଗଗନେତେଣୁ ସଂଶୟ ମୋର ମନେ

Couplet 30

ଭୂମି ଆକାଶ ପ୍ରାଣୀମନଭୟେ କମ୍ପନ୍ତି ଛନ ଛନ

Couplet 31

ମୋହର ମନ ବୁଦ୍ଧି ଚିତ୍ତେକମ୍ପେ କଦଳୀ ଯେହ୍ନେ ବାତେ

Couplet 32

ଉରୁ ଲୋଚନ ବାହୁମାନବାମେ କମ୍ପନ୍ତି ଘନ ଘନ

Couplet 33

ଭୟେ କମ୍ପଇ ମୋ ଶରୀରଦେଖ ପ୍ରତ୍ୟକ୍ଷେ ବୃକୋଦର

Couplet 34

ଏ ରିଷ୍ଟ ସୂଚକ ସ୍ୱଭାବଏ ସେ ନିକଟେ ଦୁଃଖ ଦେବ

Couplet 35

ରବି ଉଦୟ କାଳେ ଆସିଶୃଗାଳ ଯୂଥେ-ଯୂଥେ ବସି

Couplet 36

ପୂର୍ବଦିଗକୁ ମୁଖ କରିବଦନୁ ଅନଳ ଉଦ୍ଗାରି

Couplet 37

କରନ୍ତି ଭୟଙ୍କର ନାଦଏ ସେ ସୂଚକ ପରମାଦ

Couplet 38

କୁକୁର ମୋର ମୁଖ ଚାହିଁନିର୍ଭୟେ ରୋଦନ କରଇ

Couplet 39

ଶୃଗାଳେ ମୋର ବାମଭାଗେବେଗେ ପଳାନ୍ତି ଦକ୍ଷମାର୍ଗେ

Couplet 40

ଆବର ଶୁଭପଶୁ ଯେତେମୋତେ ଭ୍ରମନ୍ତି ବିପରୀତେ

Couplet 41

ଏ ମୋର ଗଜ ଅଶ୍ୱ ଯେତେମୋତେ ଚାହାନ୍ତି ଅଶ୍ରୁନେତ୍ରେ

Couplet 42

ଯମର ଦୂତ ପ୍ରାୟେ ଆସିଉଲୂକେ ମୋର ଆଗେ ବସି

Couplet 43

ଶବଦେ କମ୍ପାନ୍ତି ମେଦିନୀମୋର ଚାହାନ୍ତେ ନୋହେ ତୁନି

Couplet 44

ପ୍ରତି ଉଲୂକ ମୁଖରାବେରାବଇ ଭୟଙ୍କର ଭାବେ

Couplet 45

ଏହାଙ୍କ ରାବେ ଶୂନ୍ୟ ମହୀପ୍ରଜାଏ ନ ରହିବେ କେହି

Couplet 46

ଦେଖ ଏ ଧୂମ ଦଶଦିଶେଅନ୍ଧାର ପ୍ରାୟେ ମହୀ ଦିଶେ

Couplet 47

ପର୍ବତ ତୁଲେ ବସୁନ୍ଧରୀକମ୍ପଇ ଘୋରନାଦ କରି

Couplet 48

ନିର୍ମେଘେ ନିର୍ଘାତ ଶୁଭଇବିଜୁଳୀ ତେଜ ଝଟକଇ

Couplet 49

ବାୟୁ ବହଇ ଖରତରଧୂଳିରେ ଦିଗ ଅନ୍ଧକାର

Couplet 50

ରୁଧିର ବରଷନ୍ତି ମେଘେଆମିଷ ଗନ୍ଧ ସର୍ବଦିଗେ

Couplet 51

ସୂର୍ଯ୍ୟର ଦେହେ ନାହିଁ ତେଜଦେଖ ଆକାଶେ ଗ୍ରହଯୁଝ

Couplet 52

ଦିଗେ ଦିଶନ୍ତି ଭୂତଗଣେଯେହ୍ନେ ପୂରିତ ଅଗ୍ନିବାଣେ

Couplet 53

କ୍ଷୁଭିତ ଦିଶେ ନଦୀନଦକରନ୍ତି ସିନ୍ଧୁପ୍ରାୟେ ନାଦ

Couplet 54

ଜନ୍ତୁଙ୍କ ମନ ସେହିମତେଅଦ୍ଭୁତ ପୂରିତ ଜଗତେ

Couplet 55

ଅନଳ ଲିଭେ ଘୃତଧାରେକାଳ କି ପ୍ରବେଶ ସଂସାରେ

Couplet 56

ବତ୍ସା ନ କରେ କ୍ଷୀରପାନଗାବ ନ ଦ୍ୟନ୍ତି କ୍ଷୀରଦାନ

Couplet 57

ତୃଣ ନ ଚରି ଅଶ୍ରୁମୁଖେବୃଷଭ ବୁଲେ ମନଦୁଃଖେ

Couplet 58

ହରଷେ ନ କରନ୍ତି ନାଦଦେଖ ଅଦ୍ଭୁତ ପରମାଦ

Couplet 59

ଦେବତା ପ୍ରତିମା ଚଞ୍ଚଳେରୋଦନ୍ତି ତନୁ-ଘର୍ମ-ଜଳେ

Couplet 60

ଏ ଜନପଦ ଗ୍ରାମମାନନଗର ଆବର ଉଦ୍ୟାନ

Couplet 61

ବନ ଆଶ୍ରମେ ଯେତେ ଜନେମୁହିଁ ଯା ଦେଖଇ ନୟନେ

Couplet 62

ସର୍ବେ ଦିଶନ୍ତି ହତଶିରୀଚଳ ଚଞ୍ଚଳ ବନଗିରି

Couplet 63

ବାହ୍ୟ ଅନ୍ତର ସର୍ବ ଚାହିଁମୁହିଁ ଏମନ୍ତ ବିଚାରଇ

Couplet 64

ଶ୍ରୀକୃଷ୍ଣ ପାଦ ଲାଗି ମହୀଅତି ସୁନ୍ଦର ବିରାଜଇ

Couplet 65

ସେ ପାଦ କିବା ଶୂନ୍ୟେ ଗଲାଅବନୀ ଏମନ୍ତ ଦିଶିଲା

Couplet 66

ଏମନ୍ତ କହୁଁ ଭୀମ ଆଗେଧର୍ମନନ୍ଦନ ଉଦବେଗେ

Couplet 67

ଭୟେ କମ୍ପନ୍ତି ଛନ ଛନତକ୍ଷଣେ ମିଳିଲା ଅର୍ଜୁନ

Couplet 68

ରାଜା ଚରଣ ତଳେ ପଡ଼ିଅଜ୍ଞାନେ ନମସ୍କାର ହୁଡ଼ି

Couplet 69

ଲୋଚନୁ ବହେ ଅଶ୍ରୁଜଳଦେହେ ବ୍ୟାପିତ ଶ୍ରମଝାଳ

Couplet 70

ଅର୍ଜୁନ ଦେଖି ଧର୍ମସୁତତକ୍ଷଣେ ଛାଡ଼ି ଭୀମହସ୍ତ

Couplet 71

ନିସ୍ତେଜ ଦେଖି ତାର ଗାତ୍ରବ୍ୟାକୁଳେ ହୃଦୟ କମ୍ପିତ

Couplet 72

ବନ୍ଧୁ-ସୁହୃଦ ମଧ୍ୟେ ଥାଇପୁଚ୍ଛନ୍ତି ଅର୍ଜୁନକୁ ଚାହିଁ

Couplet 73

ନାରଦ ବଚନ ସୁମରିଅନ୍ତରେ ଚିନ୍ତି ନରହରି

Couplet 74

ଅର୍ଜୁନ ମୁଖ ଚାହିଁ ଭଣିଛନ୍ନ ବଦନେ ନୃପମଣି

Couplet 75

ଶୁଣ ଅର୍ଜୁନ ସାବଧାନେଦ୍ୱାରକାପୁରେ ବନ୍ଧୁଜନେ

Couplet 76

ସୁଖେ ଅଛନ୍ତି ନା ସମସ୍ତେଯାଦବବଂଶ ଯେ ସପତେ

Couplet 77

ଶୂର ମୋହର ମାତାମହସେ ଭଲେ ଅଛନ୍ତି କି କହ

Couplet 78

ମାତୁଳ ଅକ୍ରୂରର ତୁଲେସ୍ୱଗୃହେ ଅଛନ୍ତି ନା ଭଲେ

Couplet 79

ଦେବକୀ ଆଦି ପତ୍ନୀ ଯେତେସୁଖେ ଅଛନ୍ତି ନା ସମସ୍ତେ

Couplet 80

ଦେବକ ଉଗ୍ରସେନ ଦୁଇଭଲେ କି ଛନ୍ତି ବେନିଭାଇ

Couplet 81

ଗଦ ସାରଣ ଜୟନ୍ତନଏ ଆଦି ମାତୁଳ-ନନ୍ଦନ

Couplet 82

ଶାମ୍ବ ସାତ୍ୟକି ହଳଧରକହ କୁଶଳ ତାହାଙ୍କର

Couplet 83

ଯାଦବବଂଶେ ମହାରଥପ୍ରଦ୍ୟୁମ୍ନ ରୁକ୍ମିଣୀର ସୁତ

Couplet 84

ତାର କୁମର ଅନିରୁଦ୍ଧଅତି ଗମ୍ଭୀର ଶୂର ଯୋଧ

Couplet 85

ସୁଷେଣ ସୁମିତ୍ର ସହିତେଭଲେ କି ଛନ୍ତି କୃଷ୍ଣ ସୁତେ

Couplet 86

ଋଷଭ ଆଦି ମହାବୀରେସୁଖେ ଅଛନ୍ତି ନା ନଗରେ

Couplet 87

ଗୋବିନ୍ଦ ଅନୁଚର ଯେତେସୁଖେ ଅଛନ୍ତି ନା ସମସ୍ତେ

Couplet 88

ସୁନନ୍ଦ ନନ୍ଦ ଆଦି ଯେତେଉଦ୍ଧବ ମନ୍ତ୍ରୀର ସମେତେ

Couplet 89

ରାମଗୋବିନ୍ଦ ଭୁଜାଶ୍ରିତେସର୍ବେ ଅଛନ୍ତିଟି କି ସୁସ୍ଥେ

Couplet 90

ନିଶ୍ଚିନ୍ତେ ଭୁବନେ ଅଛନ୍ତିଆମ୍ଭ କୁଶଳ ପଚାରନ୍ତି

Couplet 91

କରୁଣାସିନ୍ଧୁ ନନ୍ଦବାଳବ୍ରହ୍ମଣ୍ୟ ଭକତ-ବତ୍ସଳ

Couplet 92

ବନ୍ଧୁବାନ୍ଧବ ତୁଲେ ବସିସୁଧର୍ମା ମଧ୍ୟେ ବ୍ରହ୍ମରାଶି

Couplet 93

ଲୋକ-ମଙ୍ଗଳ-କ୍ଷେମ ଅର୍ଥେଯାହାର ଜନ୍ମ ଏ ଜଗତେ

Couplet 94

ସେ ହରି ଅଛନ୍ତି ନା ଭଲେରୋହିଣୀସୁତ ରାମ ତୁଲେ

Couplet 95

ଯାହାର ଭୁଜ ଆଶ୍ରେ କରିଯାଦବେ ବିଷ୍ଣୁତେଜ ଧରି

Couplet 96

ମହାପୁରୁଷ ଯୋଗବନ୍ଧେକ୍ରୀଡ଼ନ୍ତି ପରମ ଆନନ୍ଦେ

Couplet 97

ଯାର ଚରଣେ ସେବା କରିଷୋଳ ସହସ୍ର କୃଷ୍ଣନାରୀ

Couplet 98

ସତ୍ୟାର ଛଳେ ଇନ୍ଦ୍ର ଜିଣିନନ୍ଦନବନୁ ଚକ୍ରପାଣି

Couplet 99

ଲୀଳାରେ ଜିଣି ଶଚୀନାଥବଳେ ଉପାଡ଼ି ପାରିଜାତ

Couplet 100

ଯାହା ବିଳସେ ଇନ୍ଦ୍ରନାରୀସେ ପୁଷ୍ପ ବିଷ୍ଣୁ ତେଜେ ହରି

Couplet 101

ସହସ୍ରେ ଶାଖା ପରିମାଣିନାରୀଙ୍କି ଦେଲେ ଚକ୍ରପାଣି

Couplet 102

ଯାହାର ଭୁଜଦଣ୍ତ ବଳେଯଦୁ-ପ୍ରବୀରେ ମହୀତଳେ

Couplet 103

ନିର୍ଭୟେ ଜଗତେ ଭ୍ରମନ୍ତିପାଦେ ସୁଧର୍ମା ଆକ୍ରମନ୍ତି

Couplet 104

ହେ ଭ୍ରାତ ଶୁଣ ମହାଭୁଜତୁ ମୋତେ ଦିଶୁ ହତବୀର୍ଯ୍ୟ

Couplet 105

ଲଭିଲା ବସ୍ତୁ କେଣେ ଗଲାତୋତେ ଅବଜ୍ଞା କେହୁ କଲା

Couplet 106

ଚିରପ୍ରବାସେ ଦୁଃଖ ଚିନ୍ତାତେଣୁ ବଦନ ମଳିନତା

Couplet 107

କେବା ଭର୍ତ୍ସନା ଅମଙ୍ଗଳେତୋତେ ଶଂପିଲା ବାକ୍ୟବଳେ

Couplet 108

ଅର୍ଥୀ ପ୍ରାଣୀଙ୍କୁ ଦେବାକଲୁମାଗନ୍ତେ କି ଅବା ନ ଦେଲୁ

Couplet 109

ବୃଦ୍ଧ ବ୍ରାହ୍ମଣ ନିରମାଖିସ୍ତିରୀ ବାଳକ ଗୋରୁ ଦୁଃଖୀ

Couplet 110

ରୋଗ ପୀଡ଼ନ୍ତେ ଯେ ରୋଦନ୍ତିଯେ ଅବା ଶରଣ ପଶନ୍ତି

Couplet 111

ଏହାଙ୍କୁ ଦୟା ବା ନକଲୁତେଣୁ ତୁ ଅଶୁଭ ଦିଶିଲୁ

Couplet 112

ଅଗମ୍ୟେ କଲୁ ବା ଗମନକି ବା ହରିଲୁ ସ୍ତିରୀଜନ

Couplet 113

ମାର୍ଗେ ଆସନ୍ତେ ତୁ ଚଞ୍ଚଳେକେବା ଜିଣିଲା ତୋତେ ବଳେ

Couplet 114

ବାଳକ ବୃଦ୍ଧ ନ ଭୁଞ୍ଜଇଅଗ୍ରେ ଭୁଞ୍ଜିଲୁ ଅବା ତୁହି

Couplet 115

କି ବା ନିନ୍ଦିତ-କର୍ମ କଲୁତେଣୁ ତୁ ଏମନ୍ତ ଦିଶିଲୁ

Couplet 116

ଅତିଥି ଭୃତ୍ୟ ଗର୍ଭନାରୀକନ୍ୟା ବା ଅଭୋଜନ କରି

Couplet 117

କି ବା ତୋ ଜୀବନ ଠାକୁରଗୋବିନ୍ଦ ହୋଇଲେ ଅନ୍ତର

Couplet 118

ତାହାର ଶୂନ୍ୟେ ଶୂନ୍ୟ ତୁହିଏମନ୍ତ ପ୍ରାୟ ମୁଁ ମଣଇ

Couplet 119

ତୋ ମନ ଦୁଃଖ ଏହା ବିନେକେବେହେଁ ନ ଘଟେ ମୁଁ ମଣେ

Couplet 120

ହରିଚରିତ ସୁଧାବାଣୀଶୁଣି ସଂସାରୁ ତର ପ୍ରାଣୀ

Couplet 121

କହଇ ଦାସ ଜଗନ୍ନାଥପ୍ରଥମ ସ୍କନ୍ଧେ ଭାଗବତ