Adhyaya 12

Couplet 1

କୋପେ ଯେ ଦ୍ରୋଣଙ୍କ କୁମରମନ୍ତ୍ରି ପେଷିଲା ବ୍ରହ୍ମଶର

Couplet 2

ତାର ପ୍ରଚଣ୍ତ ତେଜଜାଳେଭୟେ କମ୍ପିଲେ ଦିଗପାଳେ

Couplet 3

ଉତ୍ତରା ଗର୍ଭେ ସେ ପଡ଼ିଲାତକ୍ଷଣେ ଗୋବିନ୍ଦ ରଖିଲା

Couplet 4

ସେ ପୁଣି ଗର୍ଭୁ ଜନ୍ମ ହୋଇପାଳିଲା ରାଜାପଣେ ମହୀ

Couplet 5

ଜଗତେ ଯେତେ କର୍ମ କଲାପ୍ରଜାଙ୍କୁ ଯେମନ୍ତେ ପାଳିଲା

Couplet 6

କେବଣ ହେତୁ ନୃପରାଣକାହିଁ ଛାଡ଼ିଲା ନିଜପ୍ରାଣ

Couplet 7

ଅଳପ ବୟସେ ନୃପତିଅନ୍ତେ ଲଭିଲା କେଉଁଗତି

Couplet 8

ଆନନ୍ଦେ ବ୍ୟାସଙ୍କର ସୁତଯାହାଙ୍କୁ ଦେଲେ ଜ୍ଞାନତତ୍ତ୍ୱ

Couplet 9

ତାର ସକଳ କର୍ମଦୀକ୍ଷାଶ୍ରବଣେ କଲୁ ଆମ୍ଭେ ଇଚ୍ଛା

Couplet 10

ଆମ୍ଭଙ୍କୁ ଯେବେ ଦୟା ବହସଂଶୟ ଯାଉ ମୁନି କହ

Couplet 11

କୁରୁ ନଗରେ ଧର୍ମରାଜାପୁତ୍ରଙ୍କ ପ୍ରାୟେ ପାଳେ ପ୍ରଜା

Couplet 12

କୃଷ୍ଣହୁଁ ନ ଜାଣଇ ଆନବିଷୟା ରସେ ନାହିଁ ମନ

Couplet 13

ଧନ ସମ୍ପଦର ରକ୍ଷଣେଯେ ସ୍ନେହ ଭାର୍ଯ୍ୟା ଭ୍ରାତୃଗଣେ

Couplet 14

ରାଜ୍ୟ ପାଳନେ ଏହିମତେଧର୍ମହୁଁ ଅନ୍ୟ ନାହିଁ ଚିତ୍ତେ

Couplet 15

ଏ ଜମ୍ବୁଦ୍ୱୀପେ ଯେତେ ରାଜାସର୍ବେ କରନ୍ତି ପାଦପୂଜା

Couplet 16

ଯାର ମହିମା ତିନିଲୋକେଘୋଷନ୍ତି ଏକକୁ ଆରକେ

Couplet 17

ଗୋବିନ୍ଦ ଯାର ହୃଦେ ବସେସେ କି ବିଷୟରସେ ରସେ

Couplet 18

କ୍ଷୁଧିତଜନ ମନ ଯେହ୍ନେଅନ୍ନହୁଁ ନ ଲୋଡ଼ଇ ମନେ

Couplet 19

ଏବେ ହୋ ଶୁଣ ବିପ୍ରଜନକହିବା ପରୀକ୍ଷିତ ଜନ୍ମ

Couplet 20

ମାତାର ଗର୍ଭେ ଯେବେ ଥିଲାନୟନେ କୃଷ୍ଣଙ୍କୁ ଦେଖିଲା

Couplet 21

ତେଜେ ଯେସନେ ଦିବାକରଗର୍ଭେ ପଡ଼ିଲା ବ୍ରହ୍ମଶର

Couplet 22

ଉତ୍ତରା ଡାକେ ତ୍ରାହି ତ୍ରାହିତକ୍ଷଣେ ପ୍ରଭୁ ଭାବଗ୍ରାହୀ

Couplet 23

ଅଙ୍ଗୁଷ୍ଠି ପ୍ରମାଣେ ଶରୀରେସୁଦରଶନ ଧରି କରେ

Couplet 24

କିରୀଟ କୁଣ୍ତଳ ବିରାଜେପ୍ରଭା ସବିତାତେଜ ଗଞ୍ଜେ

Couplet 25

ଅପୂର୍ବ ରୂପ ଘନଶ୍ୟାମତଡ଼ିତବାସ କଟିଦାମ

Couplet 26

ଆଜାନୁଲମ୍ବେ ଭୁଜ ଚାରିଶଙ୍ଖ କମଳ ଗଦା ଧରି

Couplet 27

କୋପେ ଲୋହିତ ବେନି ଦୃଷ୍ଟିଗଦା ଭ୍ରମଣେ ଦୃଢ଼ମୁଷ୍ଟି

Couplet 28

ଗଦାର ତେଜ ରବିତ୍ରାସମଣ୍ତଳେ ପୂରେ ଦଶଦିଶ

Couplet 29

ହରିଲେ ବ୍ରହ୍ମଶର ତେଜନୀହାର ଯେହ୍ନେ ଗ୍ରହରାଜ

Couplet 30

ନିକଟେ ଦେଖି ବିତର୍କିତଏ କେ ମୋ ପାଶେ ଉପଗତ

Couplet 31

ନିର୍ମଳଆତ୍ମା ଭଗବାନଧର୍ମ ପାଳକ ଜନାର୍ଦ୍ଦନ

Couplet 32

ତକ୍ଷଣେ ଗର୍ଭ ରକ୍ଷା କରିଅନ୍ତର ହୋଇଲେ ମୁରାରି

Couplet 33

ବାଳକ ଦେଖେ ତା ନୟନେଗୋବିନ୍ଦ ଗଲେ ଅନ୍ତର୍ଦ୍ଧାନେ

Couplet 34

ତକ୍ଷଣେ ସର୍ବଶୁଭ ବେଳେଗ୍ରହ ସକଳ ଅନୁକୂଳେ

Couplet 35

ବାଳକ ହୋଇଲା ବାହାରଗୁଣେ ପାଣ୍ତବ ବଂଶଧର

Couplet 36

ଅତି ସୁନ୍ଦର ବିରାଜିଲାପୁଣି କି ପାଣ୍ତୁ ପ୍ରକାଶିଲା

Couplet 37

ଦେଖି ସନ୍ତୋଷ ଧର୍ମସୁତସଙ୍ଗତେ ଘେନି ପୁରୋହିତ

Couplet 38

ଆନନ୍ଦେ ମିଳି ମହାଜନେସ୍ୱସ୍ତିକ ମଙ୍ଗଳ ବଚନେ

Couplet 39

ଶୁଭଇ ଶଙ୍ଖନାଦ ଭେରୀଶୁଭେଣ ଜାତକର୍ମ କରି

Couplet 40

ସୁବର୍ଣ୍ଣ ମହୀ ଧେନୁ ତୁଲେଅନେକ ଗ୍ରାମଦାନ ଦେଲେ

Couplet 41

ଅଶ୍ୱ କୁଞ୍ଜର ନିଜ ଅନ୍ନସୁମୃତି ମତେ ଦେଲେ ଦାନ

Couplet 42

ସୂତ ମାଗଧ ଆଦି ଲୋକେଯେ ଆସି ମିଳିଲେ ଯାଚକେ

Couplet 43

ଧର୍ମନନ୍ଦନ ସୁଖଚିତ୍ତେଦକ୍ଷିଣା ଦେଲେ ପ୍ରଜାତୀର୍ଥେ

Couplet 44

ସନ୍ତୋଷେ ବସି ବିପ୍ରଗଣବିଚାରି ଜାତକ ଲକ୍ଷଣ

Couplet 45

ଗ୍ରହ ନକ୍ଷତ୍ର ଚିନ୍ତି ଚିତ୍ତେକହନ୍ତି ରାଜାଙ୍କ ଅଗ୍ରତେ

Couplet 46

ଏ ଅଭିମନ୍ୟୁର କୁମରପାଣ୍ତବବଂଶେ କୀର୍ତ୍ତିକର

Couplet 47

ଗର୍ଭସଙ୍କଟୁ ଏ ତରିଲାଏହାକୁ ବିଷ୍ଣୁ ରକ୍ଷା କଲା

Couplet 48

ସର୍ବ ଲକ୍ଷଣେ ଏ ସମ୍ଭୂତଏହାର ନାମ ବିଷ୍ଣୁରାତ

Couplet 49

କୁରୁ ପାଣ୍ତବ ବଂଶଧରଏ ଭାଗବତ ମଧ୍ୟେ ବର

Couplet 50

ଏମନ୍ତେ ବ୍ରାହ୍ମଣଙ୍କ ବାଣୀଶ୍ରବଣେ ସୁଧାପ୍ରାୟ ମଣି

Couplet 51

ହେ ବିପ୍ରବରେ ତୁମ୍ଭ ବାଣୀବୋଲନ୍ତି ଯୁଧିଷ୍ଠିର ଶୁଣି

Couplet 52

ଆଗମ ନିଗମେ ଯା ସାରତୁମ୍ଭଙ୍କୁ ନୋହେ ଅଗୋଚର

Couplet 53

ଗ୍ରହନକ୍ଷତ୍ର ଯୋଗମତେଯାହା କହିଲ ଶାସ୍ତ୍ରତତ୍ତ୍ୱେ

Couplet 54

ଏ ବଂଶଧର ସାଧୁବାଦେସତେ ପାଳିବ ରାଜପଦେ

Couplet 55

ରାଜାବଚନେ ବିପ୍ରଗଣକହନ୍ତି ଜାତକ ଲକ୍ଷଣ

Couplet 56

ଶୁଣ ହେ ଧର୍ମର ନନ୍ଦନଆମ୍ଭର ଆଶିଷ ବଚନ

Couplet 57

ପ୍ରଜାପାଳନେ ଏ ନିୟତଯେହ୍ନେ ଇକ୍ଷ୍ୱାକୁ ମନୁସୁତ

Couplet 58

ବ୍ରାହ୍ମଣ ଜନହିତକରସତ୍ୟପ୍ରତିଜ୍ଞ ଗୁଣଧର

Couplet 59

ଏହାର ଯଶ ସର୍ବଦେଶେଯେହ୍ନେ ଶ୍ରୀରାମ ରଘୁବଂଶେ

Couplet 60

ଶିବି ଯେସନେ ଦାତାବରଦୟାଳୁ ମଧ୍ୟେ ଏ କୁମର

Couplet 61

ଭରତ ପ୍ରାଏ ଯଜ୍ଞକାରୀଅର୍ଜୁନ ସମ ଧନୁର୍ଦ୍ଧାରୀ

Couplet 62

ହୁତାଶ ପ୍ରାୟ ତେଜୋମୟଦୁସ୍ତର ସମୁଦ୍ରର ପ୍ରାୟ

Couplet 63

ବିକ୍ରମେ ଯେସନେ କେଶରୀଆଶ୍ରୟେ ଯେହ୍ନେ ହିମଗିରି

Couplet 64

ପୃଥିବୀ ସମ ଧୀରଚେତାସହିଷ୍ଣୁ ଯେହ୍ନେ ପିତାମାତା

Couplet 65

ସମ ପାଳନେ କି ବିଧାତାଈଶ୍ୱର ପ୍ରାୟ ବରଦାତା

Couplet 66

ଆଶ୍ରୟ ସର୍ବ ପ୍ରାଣୀଙ୍କରଯେହ୍ନେ ସଂସାରେ ରମାବର

Couplet 67

ସର୍ବଲକ୍ଷଣେ କୃଷ୍ଣସମସୁଦୃଢ଼ବ୍ରତ ସତ୍ୟଧାମ

Couplet 68

ଉଦାର ପଣେ ରନ୍ତିଦେବଯଯାତି ପ୍ରାୟେ ଧୀରଭାବ

Couplet 69

ବଳିର ପ୍ରାୟ ଧୀରପଦବୈଷ୍ଣବ ଯେହ୍ନେ ପ୍ରହଲାଦ

Couplet 70

ସଂସ୍କାର ମନ୍ତ୍ର ହବିର୍ଭାଗେଦେବଙ୍କୁ ଅଶ୍ୱମେଧ ଯଜ୍ଞେ

Couplet 71

ପୂଜାରେ କରାଇ ସନ୍ତୋଷବୃଦ୍ଧ ସେବାରେ ସେ ବିଶ୍ୱାସ

Couplet 72

ରାଜଋଷିଙ୍କ ଜାତକାରୀଦୁଷ୍ଟଜନଙ୍କ ଦର୍ପହାରୀ

Couplet 73

ଅବନୀ ଧର୍ମ ରକ୍ଷା ଅର୍ଥେକଳିକି ବାନ୍ଧିବି ଆୟତ୍ତେ

Couplet 74

ବ୍ରାହ୍ମଣ ଶାପ ମହାରୋଷେଲଭିବ ଅଳପ ବୟସେ

Couplet 75

ବ୍ରହ୍ମବଚନ ତୀକ୍ଷ୍ଣବାଣତକ୍ଷକ ହସ୍ତେ ଦେବ ପ୍ରାଣ

Couplet 76

ବ୍ରାହ୍ମଣ ଶାପେ ଭୟ ପାଇତକ୍ଷଣେ ସାଧୁସଙ୍ଗୀ ହୋଇ

Couplet 77

ଜାହ୍ନବୀକୂଳେ ଅନ୍ତର୍ଜଳେହରି-ଭକତି ସନ୍ଥମେଳେ

Couplet 78

କୃଷ୍ଣ-ମହିମା ଶୁକ ମୁଖେଶୁଣି ଛାଡ଼ିବ ପ୍ରାଣ ସୁଖେ

Couplet 79

ଗୋବିନ୍ଦ ଅଭୟ ଚରଣନିଶ୍ଚିନ୍ତେ ପଶିବ ଶରଣ

Couplet 80

ଏମନ୍ତେ ଜାତକର୍ମ କଲେବନ୍ଧୁବାନ୍ଧବ ବିପ୍ରମେଳେ

Couplet 81

ରାଜାଙ୍କୁ ମାଗି ଅନୁଯାନବିପ୍ରେ ଚଳିଲେ ନିଜ ସ୍ଥାନ

Couplet 82

ଗର୍ଭେ ଦେଖିଲା ଚକ୍ରପାଣିସଂସାରେ ଦେଖେ ଯେତେ ପ୍ରାଣୀ

Couplet 83

ଏ ଅବା ସେହି ଅବା ନୋହିଏମନ୍ତ ପରୀକ୍ଷା କରଇ

Couplet 84

ଏ ଘେନି ନାମ ପରୀକ୍ଷିତଲୋକରେ ହୋଇଲା ବିଖ୍ୟାତ

Couplet 85

ଦିନକୁଦିନ ତେଜରାଶିଶୁକଳପକ୍ଷେ ଯେହ୍ନେ ଶଶୀ

Couplet 86

ଦିନକୁଦିନ ପିତୃଗଣେସ୍ନେହେ ପାଳନ୍ତି ଅନୁକ୍ଷଣେ

Couplet 87

ବାଳକ ଦେହେ ପରୀକ୍ଷିତସ୍ୱଭାବେ କୃଷ୍ଣ ଭକତ

Couplet 88

ସକଳ ଲୋକେ ପ୍ରୀତିଦାତାସାଧୁ-ସୁନ୍ଦର-ଶୁଦ୍ଧଚେତା

Couplet 89

ଏବେ ହୋ ଶୁଣ ବିପ୍ରଜନେଧର୍ମନନ୍ଦନ ଚିନ୍ତେ ମନେ

Couplet 90

ଜ୍ଞାତି ମାରଣ ଦ୍ରୋହ ଚିତ୍ତେସର୍ବକଳୁଷ ନାଶ ଅର୍ଥେ

Couplet 91

ପ୍ରଜାଙ୍କ ତହୁଁ ନିଜଧନନକରି ଦଣ୍ତ କରଷଣ

Couplet 92

କୃଷ୍ଣ ଆଜ୍ଞାରେ ଭ୍ରାତୃଗଣେଗଲେ ଯେ ରାଜାଙ୍କ ଚରଣେ

Couplet 93

ରାଜାଙ୍କ ତହୁଁ କେତେ ଆଣିସଙ୍ଗତେ ଘେନି ଚକ୍ରପାଣି

Couplet 94

ପଞ୍ଚଭ୍ରାତାଏ ତୋଷେ ମିଳିବିପ୍ରଙ୍କୁ ଘେନି ବନମାଳୀ

Couplet 95

ଆଗମ ନିଗମ ଯେ ବିଧିକରାଇ ତିନି ଅଶ୍ୱମେଧି

Couplet 96

କେତେହେଁ ଦିନ କୃଷ୍ଣ ରହିଜ୍ଞାତି ସୁହୃଦ ଭାବ ବହି

Couplet 97

ଦ୍ରୌପଦୀ କୁନ୍ତୀ ଅନୁମତେବିଚାର କରି ପଞ୍ଚଭ୍ରାତେ

Couplet 98

ରଥେ ଅର୍ଜୁନ ସଙ୍ଗେ କରିନିଜ ଭୁବନେ ଗଲେ ହରି

Couplet 99

ସେ ହରି-ଚରଣ-ପଙ୍କଜେବ୍ରାହ୍ମଣ ଜଗନ୍ନାଥ ଭଜେ