Adhyaya 11

Couplet 1

ଏମନ୍ତେ ନିଜ ରାଜ୍ୟେ ହରିମିଳିଲେ ଶଙ୍ଖନାଦ କରି

Couplet 2

ସେ ପାଞ୍ଚଜନ୍ୟର ଶବଦହରିଲା ପ୍ରଜାଙ୍କ ବିଷାଦ

Couplet 3

ସେ ଶଙ୍ଖଧବଳ ଉଦରବିରାଜେ ଶ୍ରୀକୃଷ୍ଣର କର

Couplet 4

ଅଧର ରଙ୍ଗେ ରଙ୍ଗ ଦିଶିଉଚ୍ଚ ଶବଦ ସେହୁ ଭାଷି

Couplet 5

ରକତ ପଦ୍ମ କୋଳେ ଯେହ୍ନେଶୋଭିତ ରାଜହଂସ ସ୍ୱନେ

Couplet 6

ସେ ନାଦ ଯେତେଦୂର ସ୍ଫୁରେଜନ୍ମ ମରଣ ଭୟ ହରେ

Couplet 7

ସେ ନାଦ ସ୍ଫୁରେ ଘନଘନଶୁଣି ସକଳ ପ୍ରଜାଜନ

Couplet 8

ଧାମନ୍ତି ପରମ ହରଷେଶ୍ରୀକୃଷ୍ଣ ଦର୍ଶନ ଲାଳସେ

Couplet 9

ବିବିଧ ଉପାୟନ ହସ୍ତେମିଳିଲେ ଗୋବିନ୍ଦ ଅଗ୍ରତେ

Couplet 10

ରବି ସମୀପେ ଦୀପପନ୍ତିଦିବସେ ଯେସନେ ଦିଶନ୍ତି

Couplet 11

ଯେ ହରି ନିତ୍ୟ ପୂର୍ଣ୍ଣକାମଆତ୍ମ ପ୍ରକାଶ ଆତ୍ମାରାମ

Couplet 12

ତାର ନିକଟେ ରୁଣ୍ତ ହୋଇସକଳେ ଶିରେ କର ଦେଇ

Couplet 13

ବାଳକ ପିତା ସନ୍ନିଧାନେଯେମନ୍ତେ ମାନ ଅପମାନେ

Couplet 14

ଆନନ୍ଦେ କୃଷ୍ଣ ମୁଖ ଚାହିଁବୋଲନ୍ତି ଗଦଗଦ ହୋଇ

Couplet 15

ଭୋନାଥ ପରମ କାରଣତୋହର ଅଭୟ ଚରଣ

Couplet 16

ଶିବ ବିରଞ୍ଚି ଆଦି ଦେବେନିତ୍ୟେ ସେବନ୍ତି ଆତ୍ମଭାବେ

Couplet 17

ଯେ ଚିନ୍ତେ ଆତ୍ମାର କାରଣତୋ ପାଦପଦ୍ମ ନାରାୟଣ

Couplet 18

ଯେ କାଳ ସକଳ ସଂହାରେତୋର ସେବକେ ସେ ନପାରେ

Couplet 19

ତୁ ଆମ୍ଭ ପିତାମାତା ପତିସର୍ବ ସଙ୍କଳ୍ପ କ୍ଷେମଗତି

Couplet 20

ପରମଗୁରୁ ଦଇବତସୁହୃଦ ବନ୍ଧୁ ପ୍ରିୟମିତ୍ର

Couplet 21

ତୋ ବିନୁ ଆମ୍ଭେ ନୋହୁ କିଛିତୁ ନାଥ ସର୍ବ-ଆତ୍ମା-ସାକ୍ଷୀ

Couplet 22

ଅନାଥ ନାଥ ତୁ ଆମ୍ଭରଦେବମାନବେ ଅଗୋଚର

Couplet 23

ତୋର ବଦନ ନାରାୟଣପ୍ରେମ ହସିତ ନିରୀକ୍ଷଣ

Couplet 24

ସେ ମୁଖ ଦେଖୁ ତୋର ଦେହେସର୍ବସୌନ୍ଦର୍ଯ୍ୟ ଯହିଁ ରହେ

Couplet 25

ଯେବେ ସୁହୃଦ ଦେଖିବାରେକୁରୁନଗର ମଧୁୁପୁରେ

Couplet 26

ଇଚ୍ଛାରେ କରୁ ତୁ ଗମନତୋତେ ନ ଦେଖି ଆମ୍ଭମନ

Couplet 27

କ୍ଷଣକ କୋଟିଯୁଗ ମଣେରଜନୀ ଦିବସ ନ ଜାଣେ

Couplet 28

କୋଟିନୟନ ପ୍ରାଣୀ ବହିକି କରେ ରବି ଯେବେ ନାହିଁ

Couplet 29

ତୋହର ପ୍ରସନ୍ନ ବଦନଅଖିଳ ତାପ ବିମୋଚନ

Couplet 30

ଚିର ପ୍ରବାସେ ତା ନ ଦେଖିଆମ୍ଭ ଜୀବନ ବଡ଼ ଦୁଃଖୀ

Couplet 31

ଏମନ୍ତ ଜନ ମୁଖୁ ଶୁଣିଆନନ୍ଦ ମନେ ଚକ୍ରପାଣି

Couplet 32

ଅମୃତ ଲୋଚନେ ଅନାଇପୁରେ ପ୍ରବେଶ ଭାବଗ୍ରାହୀ

Couplet 33

ଯାଦବ ସାତବଂଶ ମିଳିଶବଦ ଶୁଭେ କୁଶସ୍ଥଳୀ

Couplet 34

ରକ୍ଷିତ ନିଜ ତୁଲ୍ୟ ବଳେପାତାଳ ଯେହ୍ନେ ନାଗବଳେ

Couplet 35

ମତ୍ତ ମାତଙ୍ଗ ଅଶ୍ୱ ଖରରଥ ଶକଟ ବହୁତର

Couplet 36

ପଦାତିବଳ ଅପ୍ରମିତଧାମନ୍ତି ବୀରେ ଯୂଥଯୂଥ

Couplet 37

ଚଳନ୍ତେ ମୁଖରାବ ଗୋଳପାତାଳେ ଯେହ୍ନେ ନାଗବଳ

Couplet 38

ସକଳ ଋତୁ ପୁଷ୍ପଫଳେଆଶ୍ରଇ ଲତା ଦ୍ରୁମ ମେଳେ

Couplet 39

ଆରାମ ଭବନେ ଶୋଭନଜଳେ ଜଳଜ ହଂସ ମୀନ

Couplet 40

ତୋରଣ ପୁର ଦ୍ୱାର ମାର୍ଗେଉଚ୍ଚେ ବନ୍ଧନ ନବରଙ୍ଗେ

Couplet 41

ଧ୍ୱଜ ପତାକା ଚିତ୍ର ଶୋହେସୁନ୍ଦର ପଥ ମନ ମୋହେ

Couplet 42

ମାର୍ଜିତ ମାର୍ଗ ଦ୍ୱାରେ ଦ୍ୱାରେସିଞ୍ଚା କୁସୁମ ଗନ୍ଧନୀରେ

Couplet 43

ଗୃହମାନଙ୍କ ପ୍ରତିଦ୍ୱାରେଦଧି ଅକ୍ଷତ ଫଳଭରେ

Couplet 44

ପୂର୍ଣ୍ଣ କଳସ ଧୂପଦୀପେଜୟଶବଦ ନାନାରୂପେ

Couplet 45

କୃଷ୍ଣର ଆଗମନ ଜାଣିସଙ୍ଗତେ ବସୁଦେବ ଘେନି

Couplet 46

ରାମ ଅକ୍ରୁର ଉଗ୍ରସେନକୃଷ୍ଣର ଯେତେକ ନନ୍ଦନ

Couplet 47

ହରଷେ ଉଛୁଳିଲା ମନଉପେକ୍ଷି ଶୟନ ଭୋଜନ

Couplet 48

ଉତ୍ତମ ହସ୍ତୀ ସଜ କରିମାଗଧେ ମଙ୍ଗଳ ଉଚ୍ଚାରି

Couplet 49

ମଙ୍ଗଳ ବେଦନାଦ ସ୍ୱରେଅଗ୍ରେ ଚଳିଲେ ବିପ୍ରବରେ

Couplet 50

ଶଙ୍ଖ ମହୁରୀ ଭେରୀ ତୂରୀଯେ ବାଦ୍ୟେ ମଙ୍ଗଳ ଉଚ୍ଚାରି

Couplet 51

ଏମନ୍ତେ ପୁରଜନ ପଥେଆନନ୍ଦେ ମିଳିଲେ ସମସ୍ତେ

Couplet 52

ଶତ ସହସ୍ର ବାରାଙ୍ଗନାଯେ ରୂପେ ଜଗତ ମୋହନା

Couplet 53

କୁଣ୍ତଳ ଲୋଳିତ ଶ୍ରବଣେଲୋଚନ ପୂରିତ ଅଞ୍ଜନେ

Couplet 54

ଅଳକା ତିଳକ କୁସୁମଦେବମାନବେ ମନୋରମ

Couplet 55

ନଟ ନର୍ତ୍ତକ ବନ୍ଦୀ ସୂତେଅଗ୍ରେ ଚଳନ୍ତି ଯୂଥେଯୂଥେ

Couplet 56

କୃଷ୍ଣର ଅଦ୍ଭୁତ ଚରିତଗାୟନ କରି ନୃତ୍ୟଗୀତ

Couplet 57

ମିଳିଲେ ଗୋବିନ୍ଦର ପାଶେସକଳେ ପରମ ହରଷେ

Couplet 58

ଗୋବିନ୍ଦ ଦେଖି ପୁରଜନତକ୍ଷଣେ ଉପେକ୍ଷି ଆସନ

Couplet 59

ଯେ ହରି ସର୍ବ ଗୁଣନିଧିବନ୍ଧୁ ପୂଜିଲେ ଯଥାବିଧି

Couplet 60

କାହାକୁ କରି ନମସ୍କାରଆନନ୍ଦେ ଧରି କରେ କର

Couplet 61

କାହାକୁ କରି ଆଲିଙ୍ଗନକା ଶିରେ ଆଘ୍ରାଣ ଚୁମ୍ବନ

Couplet 62

କାହାକୁ ମନ୍ଦହାସେ ଚାହିଁଭାବେ ତୋଷିଲେ ଭାବଗ୍ରାହୀ

Couplet 63

ଆଶ୍ୱାସ କରି ପୁରଜନେତୋଷିଲେ ସର୍ବ ବାକ୍ୟଧନେ

Couplet 64

ଚାଣ୍ତାଳୁ ବ୍ରହ୍ମଯାଏଁ ପୂଜାକରି ତୋଷିଲେ ଦେବରାଜା

Couplet 65

କୁଳ ପୂଜିତ ଜ୍ଞାନବୃଦ୍ଧକୃଷ୍ଣଙ୍କୁ କଲେ ଆଶୀର୍ବାଦ

Couplet 66

ପୁରେ ପଶନ୍ତେ ଜନାର୍ଦ୍ଦନଦ୍ୱାରକାପୁର ବଧୂଜନ

Couplet 67

ତକ୍ଷଣେ ଲାଜ ଦୂର କରିଆରୋହି ଅଟ୍ଟାଳୀ ପାଚେରୀ

Couplet 68

ଦେଖିଣ କୃଷ୍ଣର ଶରୀରମହାଉତ୍ସବେଣ ଅସ୍ଥିର

Couplet 69

ଯଦ୍ୟପି ନିତ୍ୟେ ନିତ୍ୟେ ପୁରେକୃଷ୍ଣ ବଦନ ନିରନ୍ତରେ

Couplet 70

ଦେଖି ସନ୍ତୋଷ ନୋହେ ମନଯା ଅଙ୍ଗ ସର୍ବ ଶୋଭାବନ

Couplet 71

ଲକ୍ଷ୍ମୀ ବିଳାସ ଯାର ଅଙ୍ଗେଅଦ୍ଭୁତ ବିବିଧ ବିଭଙ୍ଗେ

Couplet 72

ସୁଧା-ସମ୍ପୂର୍ଣ୍ଣ ଯାର ଗାତ୍ରପ୍ରାଣୀ ଲୋଚନ ପାନପାତ୍ର

Couplet 73

ଯାହାର ଚାରିଭୁଜତଳେବାସବ ଆଦି ଦିଗପାଳେ

Couplet 74

ଯାହାର ଅଭୟ ଚରଣଭକତଜନଙ୍କ ଶରଣ

Couplet 75

ଧବଳଛତ୍ର କେବା ଧରେକେବା ଚାମର ବିଞ୍ଚେ ଧୀରେ

Couplet 76

ଜୟଶବଦ କେ କରନ୍ତିକେ ବା କୁସୁମ ବରଷନ୍ତି

Couplet 77

ପଥେ ଗୋବିନ୍ଦ ତନୁ ଶୋଭାକିବା ଉପମା ତାରେ ଦେବା

Couplet 78

ପୀତବସନ ବନମାଳଶ୍ରବଣେ ମକର କୁଣ୍ତଳ

Couplet 79

ପିଶଙ୍ଗ ବସ୍ତ୍ର ମଧ୍ୟଭାଗେଯେହ୍ନେ ବିଜୁଳି ନୀଳମେଘେ

Couplet 80

ରବି ଶଶାଙ୍କ ଶକ୍ରଚାପସ୍ୱଭାବେ ଘନନୀଳ ରୂପ

Couplet 81

ପୁରେ ପଶନ୍ତେ ବ୍ରହ୍ମରାଶିତକ୍ଷଣେ ମାତୃଗଣେ ଆସି

Couplet 82

ଆନନ୍ଦେ କରି ଆଲିଙ୍ଗନକୃଷ୍ଣଙ୍କୁ କରନ୍ତି କଲ୍ୟାଣ

Couplet 83

ଦେବକୀ ଆଦି ସପ୍ତନାରୀଚରଣେ ନମିଲେ ମୁରାରି

Couplet 84

ସକଳ ମାତୃଗଣେ ମିଳିକୋଳେ ବସାଇ ବନମାଳୀ

Couplet 85

ଅତ୍ୟନ୍ତ ପୁତ୍ର ସ୍ନେହଭରେକ୍ଷୀର ସ୍ରବଇ ପୟୋଧରେ

Couplet 86

ଅତି ଆନନ୍ଦେ ଅଶ୍ରୁଜଳେସିଞ୍ଚନ୍ତି କୃଷ୍ଣଙ୍କ ଉପରେ

Couplet 87

ମାତୃଗଣଙ୍କ ସଙ୍ଗୁ ହରିନିଜ ଭୁବନେ ବିଜେ କରି

Couplet 88

ଷୋଳସହସ୍ର ପତ୍ନୀଙ୍କରବିରାଜେ ରତ୍ନମୟ ପୁର

Couplet 89

ସକଳ କାମ ଅର୍ଥ ଧର୍ମଯହିଁ ବିଜୟେ ପୂର୍ଣ୍ଣବ୍ରହ୍ମ

Couplet 90

ମାୟାର ବଳେ ବନମାଳୀପତ୍ନୀ ଭୁବନେ ବେଗେ ମିଳି

Couplet 91

ଅଷ୍ଟ ଅଧିକ ଶତନାରୀଷୋଳସହସ୍ର ମନୋହାରୀ

Couplet 92

ପଶିଲେ ଏତେ ରୂପ ହୋଇହାସ୍ୟ କଟାକ୍ଷେ ମନ ମୋହି

Couplet 93

ଭୁବନେ ଦେଖି ନିଜ ପତିସମ୍ଭ୍ରମେ ସକଳ ଯୁବତୀ

Couplet 94

ଦୂରୁ ଗୋବିନ୍ଦ ମୁଖ ଦେଖିଉଠିଲେ ଆସନ ଉପେକ୍ଷି

Couplet 95

କି ଅବା ଦେବା ପଟାନ୍ତରଚକୋରେ ଯେହ୍ନେ ନିଶାକର

Couplet 96

ତକ୍ଷଣେ ହରିରୂପ ଦେଖିନିର୍ମଳ କରି ବେନିଆଖି

Couplet 97

ଅନ୍ତରେ ସ୍ୱାମୀରୂପ ଧରିନିବିଡ଼େ ଆଲିଙ୍ଗନ କରି

Couplet 98

ପୁଣି କୃଷ୍ଣର ପାଶେ ମିଳିପୁତ୍ରାଦିଦ୍ୱାରା କୋଳ କରି

Couplet 99

ସ୍ୱଭାବେ ସଲଜ୍ଜ ବଦନଲୋତକେ ପୂରିତ ନୟନ

Couplet 100

ଯଦ୍ୟପି ପାଇଲେ ଏକାନ୍ତେତଥାପି କୃଷ୍ଣ ପାଦଗତେ

Couplet 101

ଅତି ପୀରତି ନବନବସ୍ୱାମୀ ଚରଣେ କଲେ ଭାବ

Couplet 102

ପାଦପଦ୍ମରେ ସେବା କଲେକେ ତାହା ଛାଡ଼ି ପାରେ ଭଲେ

Couplet 103

ଲକ୍ଷ୍ମୀ ଯେ ସ୍ୱଭାବେ ଚଞ୍ଚଳାସେ ନ ଛାଡ଼ଇ ଅତିଭୋଳା

Couplet 104

ଏହି ପ୍ରକାରେ ନରହରିଛଳେ ଧରଣୀ ଭାରା ହରି

Couplet 105

ଦଶ ଅୟୁତ ରାଜାଗଣେଉଭାରି ସଂହାରିଲେ ରଣେ

Couplet 106

କଳି ଭିଆଇ ନାରାୟଣଅନଳେ ଯେହ୍ନେ ସମୀରଣ

Couplet 107

ନାଶିଲେ ଅହଙ୍କାର ବାଦେବିମାନେ ବସି ନିରାୟୁଧେ

Couplet 108

ସ୍ୱମାୟାବଳେ ନରହରିମନୁଷ୍ୟ ଦେହେ ଅବତରି

Couplet 109

ଅଜ୍ଞାନୀ ଯେହ୍ନେ ଗୃହେ ରହିବଞ୍ଚଇ ପତ୍ନୀବଶ ହୋଇ

Couplet 110

ପତ୍ନୀର ଭାବ ପ୍ରେମରଙ୍ଗେଯନ୍ତ୍ରିତ ମୋହନ ଅନଙ୍ଗେ

Couplet 111

କୃଷ୍ଣର ଯେତେ ନାରୀଗଣସୁନ୍ଦରେ ମୋହନ୍ତି ମଦନ

Couplet 112

ସ୍ୱଭାବେ ପ୍ରେମଛନ୍ଦେ ରସେନିତ୍ୟେ ସେବନ୍ତି କୃଷ୍ଣପାଶେ

Couplet 113

ବିବିଧ ଆଲିଙ୍ଗନ ଦେଇତା ମନ ନ ପାରିଲେ ମୋହି

Couplet 114

ଏ ଜୀବଲୋକ କାହୁଁ ଜାଣେଆପଣା ତୁଲ୍ୟ ପ୍ରାୟ ମଣେ

Couplet 115

କାହୁଁ ପାରିବେ ବଶ କରିନିର୍ଲେପ ପ୍ରଭୁ ନରହରି

Couplet 116

ସେ ହରି ଚରଣ କମଳେସୁଜନେ ଚିନ୍ତ ଧ୍ୟାନବଳେ

Couplet 117

କହଇ ଦାସ ଜଗନ୍ନାଥପ୍ରଥମ ସ୍କନ୍ଧେ ଭାଗବତ