ସାକ୍ଷୀଗୋପାଳ

ପ୍ରଭୁ ସାକ୍ଷୀଗୋପାଳ (କୃଷ୍ଣ) ହେଉଛନ୍ତି ପୁରୀ ଜିଲ୍ଲାର ସତ୍ୟବାଦୀଠାରେ ବିରାଜିତ ଅତି ପ୍ରସିଦ୍ଧ ପୌରାଣିକ ବିଗ୍ରହ। କିମ୍ବଦନ୍ତୀ ଅନୁସାରେ, ନିଜର ବୃଦ୍ଧ ଭକ୍ତ ବ୍ରାହ୍ମଣଙ୍କର ସତ୍ୟବାଦିତା ପ୍ରମାଣିତ କରିବା ପାଇଁ ଶ୍ରୀକୃଷ୍ଣ ବୃନ୍ଦାବନରୁ ଚାଲି ଚାଲି ଆସି ସାକ୍ଷୀ ଦେଇଥିଲେ, ସେଥିପାଇଁ ତାଙ୍କୁ 'ସାକ୍ଷୀଗୋପାଳ' କୁହାଯାଏ। ପୁରୀ ଶ୍ରୀଜଗନ୍ନାଥଙ୍କ ଦର୍ଶନ ପରେ ସାକ୍ଷୀଗୋପାଳଙ୍କୁ ଦର୍ଶନ ନକଲେ ତୀର୍ଥଯାତ୍ରା ସମ୍ପୂର୍ଣ୍ଣ ହୁଏନାହିଁ ବୋଲି ବିଶ୍ୱାସ ରହିଛି। ଅଁଳା ନବମୀ ଦିନ ଏଠାରେ ଦେବୀ ରାଧାରାଣୀଙ୍କର ଦୁର୍ଲଭ ପାଦ ଦର୍ଶନ (ରାଧାପାଦ ଦର୍ଶନ) ପାଇଁ ଲକ୍ଷାଧିକ ଭକ୍ତଙ୍କ ସମାଗମ ହୁଏ।