ବୁଢ଼ୀ ଠାକୁରାଣୀ

ମା’ ବୁଢ଼ୀ ଠାକୁରାଣୀ ହେଉଛନ୍ତି ଦକ୍ଷିଣ ଓଡ଼ିଶାର ବ୍ରହ୍ମପୁର ସହର ଓ ଏହାର ଆସପାସ ଅଞ୍ଚଳର ଅଧିଷ୍ଠାତ୍ରୀ ଲୋକମାତା। ଦୁଇ ବର୍ଷରେ ଥରେ ଅନୁଷ୍ଠିତ ହେଉଥିବା ମା’ ବୁଢ଼ୀ ଠାକୁରାଣୀଙ୍କର 'ଯାତ୍ରା' ସମଗ୍ର ଓଡ଼ିଶାରେ ଏକ ବୃହତ୍ ଉତ୍ସବ ଭାବେ ପରିଚିତ। ଏହି ଯାତ୍ରା ସମୟରେ ମା’ ନିଜ ବାପଘରକୁ ଆସନ୍ତି ବୋଲି ବିଶ୍ୱାସ କରାଯାଏ। ବ୍ରହ୍ମପୁରର ତନ୍ତୀ (ବୁଣାକାର) ସମ୍ପ୍ରଦାୟ ଓ ସମସ୍ତ ନାଗରିକ ମା'ଙ୍କୁ ଅତ୍ୟନ୍ତ ସ୍ନେହ ଓ ଭକ୍ତିର ସହ ସେବା କରନ୍ତି। ମା’ ବୁଢ଼ୀ ଠାକୁରାଣୀ ସହରବାସୀଙ୍କୁ ସମସ୍ତ ମହାମାରୀ, ରୋଗ ଓ ଆପଦରୁ ସୁରକ୍ଷିତ ରଖନ୍ତି।