Adhyaya 8

Couplet 1

ବୋଲନ୍ତି ଶୁକ ବ୍ରହ୍ମବେତ୍ତାଶୁଣ ରାଜନ ଶୁଦ୍ଧଚେତା

Couplet 2

ହରିତ ରୋହିତର ସୁତଚମ୍ପ ତାହାର ତହୁଁ ଜାତ

Couplet 3

ଗ୍ରାମ ବସାଇ ନିଜ ନାମେରହିଲା ଚମ୍ପାବତୀ ଗ୍ରାମେ

Couplet 4

ସୁଦେବ ତା'ର ସୁତ ହୋଏବିଜୟ ତାହାର ତନୟେ

Couplet 5

ବୃକ ଯେ ତାହାର ସନ୍ତତିସ୍ୱଭାବେ ଅତି ଶୁଦ୍ଧମତି

Couplet 6

ବାହୁକ ତାହାର ନନ୍ଦନତା' କଥା ଶୁଣ ହେ ରାଜନ

Couplet 7

ଶତ୍ରୁ ପୀଡ଼ିତ ବୃଦ୍ଧପଣେଭୟେ ପଶିଲା ଘୋରବନେ

Couplet 8

ପତ୍ନୀ ସହିତେ ପଳାଇଲାଔର୍ବଙ୍କ ଆଶ୍ରମେ ମିଳିଲା

Couplet 9

ନମିଲା ମୁନିଙ୍କ ଚରଣେବୃଦ୍ଧ ଶରୀରେ ଘୋରବନେ

Couplet 10

ସଭୟେ ଛାଡ଼ିଲା ଜୀବନମୁନି ହୋଇଲେ ଦୁଃଖମନ

Couplet 11

ତା'ର କାମିନୀ ଶୋକମନେପଶିବା ବେଳେ ହୁତାଶନେ

Couplet 12

ମୁନି ଜାଣିଲେ ତା'ର ଭାବଉଦରେ ପାଞ୍ଚମାସ ଗର୍ଭ

Couplet 13

ବୋଇଲେ ଅନଳେ ନ ପଶହୋଇବ ଏ ରାଜାର ବଂଶ

Couplet 14

ମୁନି ବଚନେ ସେ ଅବଳାଅନଳକୁଣ୍ତେ ନ ପଶିଲା

Couplet 15

ଶୁଣ ରାଜନ ମନ ଦେଇତା' ଗର୍ଭକଥା ତୋତେ କହି

Couplet 16

ସେ ଗର୍ଭ ସଞ୍ଚରଣ କାଳେସପତ୍ନୀ ପାଞ୍ଚସାତ ମେଳେ

Couplet 17

ଗରଳ ଦେଲେ ଅନ୍ନସଙ୍ଗେବିଷ ନ ଲାଗେ ତା'ର ଅଙ୍ଗେ

Couplet 18

ଗର୍ଭ ରଖିଲେ ଜଗନ୍ନାଥଏବେ ହୋ ଶୁଣ ପରୀକ୍ଷିତ

Couplet 19

ସେ ଗର୍ଭ ପ୍ରସବର କାଳେମୁନି ସକଳ କୁତୂହଳେ

Couplet 20

ବୋଲନ୍ତି ଗରଳ ସଙ୍ଗତେଜନ୍ମ ଲଭିଲା ଏ ଯୁକତେ

Couplet 21

ଗରଳ ସଙ୍ଗେ ଜନ୍ମ ଯେଣୁସଗର ନାମ ହେଉ ତେଣୁ

Couplet 22

ଏମନ୍ତେ ମୁନିଙ୍କ ସଙ୍ଗତେସଗର ରାଜା ଦିନାକେତେ

Couplet 23

ଦିନକୁ ଦିନ ଅତି ତେଜାହୋଇଲା ଚକ୍ରବର୍ତ୍ତୀ ରାଜା

Couplet 24

ତା'ର ତନୁଜେ ବାହୁବଳେସାଗର କଲେ ମହୀତଳେ

Couplet 25

ପିତା ଶତ୍ରୁକୁ ଯୁଦ୍ଧେ ଜିଣିସ୍ୱଗୃହେ ବନ୍ଦୀ କଲେ ଆଣି

Couplet 26

ଯେତେ ତାହାର ରିପୁମାନଶୁଣ ହୋ ତାହାଙ୍କର ନାମ

Couplet 27

ଯବନ ତାଳଜଂଘ ଶକହୈହୟ ବର୍ବର ଯେତେକ

Couplet 28

ଗୁରୁଙ୍କ ବାକ୍ୟେ ନ ମାଇଲାଶୁଣ ଯାହାକୁ ଯାହା କଲା

Couplet 29

ମୁଣ୍ତିତକେଶ କାର କରିକାହାକୁ କଲା ଶ୍ମଶ୍ରୁଧାରୀ

Couplet 30

କାହାର କଲା ମୁକ୍ତକେଶଅର୍ଦ୍ଧମୁଣ୍ତିତ କା'ର କେଶ

Couplet 31

କେତେକ ଅନ୍ତର୍ବାସ ହୀନଅପରେ ବହିର୍ବାସ ଶୂନ୍ୟ

Couplet 32

କାହାର ବସନ ଉତ୍ତାରିବିକୃତବେଶ ତା'ଙ୍କୁ କରି

Couplet 33

ଯବନ ବେଶ କା'କୁ କରିସ୍ୱଧର୍ମ ମାର୍ଗରୁ ଉତ୍ତାରି

Couplet 34

ଏମନ୍ତ କରି ହୀନବେଶଛାଡ଼ିଣ ଦେଲା ତା'ଙ୍କୁ ଦେଶ

Couplet 35

ସେ ପୁଣି ସଞ୍ଚି ନାନାବିଧିକଳ୍ପିଲା ଶତେ ଅଶ୍ୱମେଧି

Couplet 36

ଔର୍ବ ମୁନିଙ୍କି ହୋତା କରିଯଜ୍ଞେ ପୂଜିଲା ନରହରି

Couplet 37

ଉତ୍ତମ ଅଶ୍ୱ ପଶୁ କଲାସେ ଅଶ୍ୱ ଇନ୍ଦ୍ର ଚୋରାଇଲା

Couplet 38

ଷାଠିଏ ସହସ୍ର କୁମରତା'ଙ୍କୁ ଡରଇ ସୁନାସୀର

Couplet 39

କଳ୍ପଇ ମରିବେ ଯେମନ୍ତେଏମନ୍ତ ଭାଳି ସେ ଗୁପତେ

Couplet 40

କପିଳମୁନି ପାଦତଳେଅଶ୍ୱ ବାନ୍ଧିଲା ରାତ୍ରକାଳେ

Couplet 41

ଅଶ୍ୱ ନ ଦେଖି ଯଜ୍ଞଦ୍ୱାରେଖୋଜନ୍ତି ବ୍ରହ୍ମାଣ୍ତ ଭିତରେ

Couplet 42

ସୁମତି ଗର୍ଭେ ଯେତେ ସୁତବଳରେ ଅଟନ୍ତି ଦର୍ପିଷ୍ଟ

Couplet 43

ସେ ପୁଣି ପିତାଙ୍କ ଆଦେଶେଅଶ୍ୱ ଖୋଜନ୍ତି ଦଶଦିଶେ

Couplet 44

ଖୋଳନ୍ତି ମହୀନବଖଣ୍ତଭକ୍ଷନ୍ତି ବିସ୍ତାରିଣ ତୁଣ୍ତ

Couplet 45

ଉତ୍ତରଦିଗେ ଖୋଳିଗଲେକପିଳ ଆଶ୍ରମେ ମିଳିଲେ

Couplet 46

ଦେଖିଲେ ମୁନି ସନ୍ନିଧାନେସେ ଅଶ୍ୱ ଅଛଇଁ ବନ୍ଧନେ

Couplet 47

କପିଳମୁନି ମୁଖ ଚାହିଁବୋଲନ୍ତି ଅଶ୍ୱଚୋର ଏହି

Couplet 48

ଏହାକୁ ରଖି ନ ଯୋଗାଇଏମନ୍ତ ଉଚ୍ଚବାଚ ହୋଇ

Couplet 49

ବୋଲନ୍ତି ଖଡ଼ଗ ଉଞ୍ଚାଇଏହାର ଶିର ଛେଦ ନେଇ

Couplet 50

ଆମ୍ଭଙ୍କୁ ଦେଖି ଚକ୍ଷୁ ବୁଜେଆତ୍ମାକୁ ଦମ୍ଭ ପ୍ରାୟେ ବୁଝେ

Couplet 51

ଏମନ୍ତ ଘୋରନାଦ କରିଧାଇଁଲେ କରେ ଶସ୍ତ୍ର ଧରି

Couplet 52

ଭୂମି କମ୍ପିଲା ତା'ଙ୍କ ପାଦେଧ୍ୟାନ ଭାଜିଲା ଘୋରନାଦେ

Couplet 53

ଚାହାଁନ୍ତେ ଉନ୍ମୀଳ ଲୋଚନେଅନଳ ଉଠିଲା ତକ୍ଷଣେ

Couplet 54

ମହତ ଅତିକ୍ରମ ଦୋଷେନୟନ ଅଗ୍ନି ମହାରୋଷେ

Couplet 55

ଦେଖନ୍ତ ସ୍ୱର୍ଗେ ଦେବଗଣେଭସ୍ମ ହୋଇଲେ ତତ୍‌କ୍ଷଣେ

Couplet 56

ଷାଠି - ସହସ୍ର ଏକାଥରେମରିଲେ ସଗର କୁମରେ

Couplet 57

କେଶିନୀ ଗର୍ଭେ ଏକସୁତଅସମଞ୍ଜସ ନାମେ ଖ୍ୟାତ

Couplet 58

ତା'ର କୁମର ଅଂଶୁମାନସକଳ ଗୁଣେ ଗୁଣଧାମ

Couplet 59

ସେ ଥାଇ ପିତାମହ ହିତେମନ ବଚନ କାୟେ ନିତ୍ୟେ

Couplet 60

ଅସମଞ୍ଜସ ଯା'ର ନାମକରେ ନିନ୍ଦିତ ଆଚରଣ

Couplet 61

ସେ ପୂର୍ବଜନ୍ମେ ଯୋଗୀ ଥିଲାସଙ୍ଗ ଦୋଷରୁ ଭ୍ରଷ୍ଟ ହେଲା

Couplet 62

ଏଣୁ ନିନ୍ଦିତ କର୍ମ କରେଜ୍ଞାତିଙ୍କ ଅପ୍ରିୟ ଆଚରେ

Couplet 63

ଅସମଞ୍ଜସ ନାମ ଯେଣୁଲୋକଙ୍କୁ ହିଂସା କରେ ତେଣୁ

Couplet 64

ଯୋଗବଳରୁ ଜାତିସ୍ମରଏ ଜନ୍ମେ ଅଛଇ ତାହାର

Couplet 65

ତେଣୁ ସେ ସଙ୍ଗ ପରିହରିଲୋକେ ନିନ୍ଦିତ କର୍ମ କରି

Couplet 66

ଶିଶୁମାନଙ୍କୁ ଧରି ବଳେପକାଏ ସରଯୂର ଜଳେ

Couplet 67

ଦେଖି ତାହାର ମନ୍ଦପଣଅଯୋଧ୍ୟାବାସୀ ପ୍ରଜାଗଣ

Couplet 68

ସଗରେ ଜଣାଇଲେ ଯାଇଅତି ଦୁଃଖିତ ରାଜା ହୋଇ

Couplet 69

ସଗର ହୋଇଣ ଦୁଃଖିତପୁତ୍ର ସ୍ନେହକୁ କଲା ତ୍ୟକ୍ତ

Couplet 70

ଘରୁ ବାହାର କରି ଦେଲାଯେଣୁ ସେ ପ୍ରଜାଙ୍କୁ ପୀଡ଼ିଲା

Couplet 71

ସେ ପୁଣି ଯୋଗବଳ କଲାମୃତ ବାଳକମାନ ଦେଲା

Couplet 72

ବାଳକ ପାଇ ତୋଷମନେଅଯୋଧ୍ୟାବାସୀ ପ୍ରଜାଜନେ

Couplet 73

ବିସ୍ମିତ ହୋଇଲେ ସକଳେଅସମଞ୍ଜସ ଯୋଗବଳେ

Couplet 74

ତା'ର ଅଦ୍ଭୁତକର୍ମ ଦେଖିସଗର ହେଲେ ମହାସୁଖୀ

Couplet 75

ଏବେ ହୋ ଶୁଣ ନରନାଥସେ ଅଂଶୁମାନର ଚରିତ

Couplet 76

ସଗର ତା'ର ମୁଖ ଚାହିଁବୋଇଲେ ଅଶ୍ୱ ଆଣ ଯାଇ

Couplet 77

ଏମନ୍ତେ ପିତାମହ ବାକ୍ୟେସେ ଅଂଶୁମାନ ଗଲା ଏକେ

Couplet 78

ପିତୃବ୍ୟ-ଖାତ-ପଥେ ଗଲାପାତାଳେ ଅଶ୍ୱକୁ ଦେଖିଲା

Couplet 79

ଦେଖିଲା କପିଳ-ସମ୍ମୁଖେବାନ୍ଧିଲା-ଅଶ୍ୱ ଅଛି ସୁଖେ

Couplet 80

କପିଳ ପାଦତଳେ ପଡ଼ିସେ ଅଂଶୁମାନ କରଯୋଡ଼ି

Couplet 81

ଅନେକ ସ୍ତୁତିବାକ୍ୟ ବଳେପୂଜିଲା ଚରଣ କମଳେ

Couplet 82

ବୋଲଇ ଶିରେ କର ଦେଇଭୋ ନାଥ କର ମୋତେ ତ୍ରାହି

Couplet 83

ଶକ୍ର ବିରଞ୍ଚି-ମହାଦେବସେ କାହିଁ ଜାଣିବେ ତୋ' ଭାବ

Couplet 84

ତୁ ଜ୍ଞାନଘନେ ମୋହ ନାଶୁସଂସାର ସ୍ୱତେଜେ ପ୍ରକାଶୁ

Couplet 85

ସକକ ଆଦି ମୁନି ଯେତେବିଶେଷେ ଭାବନ୍ତି ସେ ତୋତେ

Couplet 86

ତୋ' ରୂପ ଜୀବ-ମୋକ୍ଷ ଅର୍ଥେମୁଁ ତୋତେ ଜାଣିବି କେମନ୍ତେ

Couplet 87

ତୋ' ମାୟା ଜୀବ ଜ୍ଞାନ ହରେସଂସାରେ ଜନ୍ମ-ମୃତ୍ୟୁ କରେ

Couplet 88

ଜୀବକୁ ଜ୍ଞାନ ଦେବା ଅର୍ଥେତୋ'ର ପ୍ରକାଶ ଏ ଜଗତେ

Couplet 89

ଅବିଦ୍ୟା କର୍ମ ପଥେ ଜଡ଼େତୋ' ମାୟା ଗହନ ନିବିଡ଼େ

Couplet 90

ଜୀବନ ବନ୍ଧନ ବିଶ୍ୱାସେଦାରା-ତନୟ ଗୃହବାସେ

Couplet 91

ଏଣୁ ତୋ' ଚରଣ-କମଳେତା' ଚିତ୍ତ ନ ରହେ ନିଶ୍ଚଳେ

Couplet 92

ଆଜଟି ନିସ୍ତରିଲି ମୁହିଁଭୋ ନାଥ ତୋ' ଚରଣ ଚାହିଁ

Couplet 93

ଏମନ୍ତେ ତା'ର ସ୍ତୁତି ଶୁଣିପ୍ରସନ୍ନଚିତ୍ତେ ମହାମୁନି

Couplet 94

ଅଂଶୁମାନର ମୁଖ ଚାହିଁବୋଲନ୍ତି ଅନୁଗ୍ରହ ବହି

Couplet 95

ହେ ପୁତ୍ର ଅଶ୍ୱ ଘେନିଯାଅତୋ' ପିତାମହ ପାଶେ ଦିଅ

Couplet 96

ଏ ଅଶ୍ୱେ ଯଜ୍ଞ ପୂଜା କରିବିଷମ ସଙ୍କଟୁ ନିସ୍ତରି

Couplet 97

ଏ ଯେ ତୋହର ପିତୃକୂଳେଭସ୍ମ ହୋଇଲେ କୋପାନଳେ

Couplet 98

ଏହାଙ୍କ ମୋକ୍ଷ ଗଙ୍ଗାଜଳେଅନ୍ୟଥା ନାହିଁ ଏ ଶୟଳେ

Couplet 99

ଏମନ୍ତେ କପିଳ ବଚନେସେ ଅଂଶୁମାନ ତୋଷମନେ

Couplet 100

ତକ୍ଷଣେ ଅଶ୍ୱକୁ ଆଣିଲେପିତାମହର ପାଶେ ଦେଲେ

Couplet 101

ସେ ଅଶ୍ୱମାଂସେ ଯଜ୍ଞ କରିବିଷମ ସଙ୍କଟୁ ନିସ୍ତରି

Couplet 102

ଅଂଶୁମାନକୁ ରାଜ୍ୟ ଦେଇକର୍ମବନ୍ଧନୁ ମୋକ୍ଷ ହୋଇ

Couplet 103

ଔର୍ବ-ବଚନେ ବନେ ଗଲାଅନ୍ତେ ସେ ଗୋବିନ୍ଦ ଲଭିଲା

Couplet 104

ସୁଜନେ ଶୁଣିମା ଶ୍ରବଣେଏ ହରିରସ ଅନୁକ୍ଷଣେ

Couplet 105

ଅବିଦ୍ୟା ବନ୍ଧୁ ପାର ହୋଇଅନ୍ତେ ଲଭିବ ଭାବଗ୍ରାହୀ

Couplet 106

ବୋଲଇ ଦାସ ଜଗନ୍ନାଥନବମସ୍କନ୍ଧେ ଭାଗବତ