Skandha 7
Adhyaya 8
Couplet 1
ଏମନ୍ତେ ପ୍ରହଲ୍ଲାଦ ବାଣୀବାଳକେ ସାବଧାନେ ଶୁଣି
Couplet 2
ଭାଳନ୍ତି ପୁଣି ମନେ ମନନିନ୍ଦନ୍ତି ଗୁରୁଙ୍କ ବଚନ
Couplet 3
ଏଣେ ଆମ୍ଭର କାର୍ଯ୍ୟ ନାହିଁଏମନ୍ତ ଭାଳି ସର୍ବେ ଯାଇ
Couplet 4
ଗୁରୁଙ୍କ ଆଗେ ଜଣାଇଲେସଂକ୍ଷେପି ସକଳ କହିଲେ
Couplet 5
ଶିଷ୍ୟଙ୍କ ବାକ୍ୟ ଶୁଣି ଗୁରୁମନେ ପାଇଲେ ଚିନ୍ତାଗରୁ
Couplet 6
ଏକାନ୍ତ ବୁଦ୍ଧି ତ ଏହାରଅନ୍ୟେ ଅଲକ୍ଷ୍ୟ ଅଗୋଚର
Couplet 7
ସତ୍ୟସଂଯୁତେ ଆବୋରିଲାବାଳକବୁଦ୍ଧି ନାଶ କଲା
Couplet 8
ଯେବେ ଏହାର ବୋଲେ ଥିବେସର୍ବ ବାଳକ ନାଶ ଯିବେ
Couplet 9
ଏମନ୍ତ ହୃଦୟେ ବିଚାରିରାଜଦଣ୍ଡକୁ ଭୟ କରି
Couplet 10
ବେଗେ ରାଜାର ଆଗେ ଆସିବିସ୍ତାରି କହିଲେ ବିଶ୍ୱାସି
Couplet 11
ରାଜନ ଶୁଣି ସର୍ବକଥାମନେ ପାଇଲା ଗରୁବ୍ୟଥା
Couplet 12
ପୁତ୍ରର ଅନ୍ୟାୟ ବଚନଶୁଣି ଅସୁର ଛନଛନ
Couplet 13
କ୍ରୋଧେ କମ୍ପଇ ତା ଶରୀରସର୍ପ ଯେସନେ ଫୁଫୁକାର
Couplet 14
ଅନେକ ମତେ ବିଚାରିଲାପୁତ୍ରମାରଣେ ମନଦେଲା
Couplet 15
ଗୁରୁପୁତ୍ରଙ୍କ ବାକ୍ୟ ଶୁଣିପ୍ରଚଣ୍ଡ-କୋପେ ବୀରମଣି
Couplet 16
ଅରୁଣନୟନେ ସେ ଚାହେଁପାପିଷ୍ଠ-ପଣେ କାଳଭୟେ
Couplet 17
ପ୍ରହ୍ଲାଦ ପିତାର ଅଗ୍ରତେକର-ଅଞ୍ଜଳି ଦେଇ ମାଥେ
Couplet 18
ବିନୟଭାବେ ଅବନତସ୍ୱଭାବ ଶୀଳ ଶାନ୍ତ ଦାନ୍ତ
Couplet 19
ଚରଣେ ନମସ୍କାର କଲେସର୍ବବାଳକ ସଙ୍ଗମେଳେ
Couplet 20
ଏମନ୍ତେ ପୁତ୍ରକୁ ଅନାଇଁଚିତ୍ତେ ପ୍ରଚଣ୍ଡ କୋପ ବହି
Couplet 21
ଗର୍ଜଇ ମନେ କରି ତାପପାଦ ପ୍ରହାରେ ଯେହ୍ନେ ସର୍ପ
Couplet 22
ସ୍ୱଭାବେ ଦାରୁଣ ଅସୁରଦିଶଇ ଯେହ୍ନେ ଦିବାକର
Couplet 23
ପ୍ରଳୟାଳନ-କୋପ ବହିବୋଲଇ ପୁତ୍ର ମୁଖ ଚାହିଁ
Couplet 24
ଆରେ ଦୁର୍ବୃତ୍ତ ମନ୍ଦବୁଦ୍ଧିଅଧମ ଦୁଷ୍ଟ କୁଳଭେଦୀ
Couplet 25
ମୋହର କୋପେ ତିନିପୁରଭୟେ କମ୍ପନ୍ତି ଥରହର
Couplet 26
ତ୍ରାସେ କମ୍ପନ୍ତି ଦିଗପାଳେନକ୍ଷତ୍ରେ ଗଗନମଣ୍ଡଳେ
Couplet 27
ନିର୍ଭୟଚିତ୍ତେ ମୂଢ଼ପଣେମୋ ଆଜ୍ଞା ଭାଙ୍ଗି ଅପ୍ରମାଣେ
Couplet 28
କୁପୁତ୍ର ମୋର କୁଳାଙ୍ଗାରଆଜି ପେଷିବି ଯମପୁର
Couplet 29
କାହାର ବୋଲେ ଦୁଷ୍ଟପଣେମୋ ଆଜ୍ଞା ଭାଙ୍ଗୁ କି କାରଣେ
Couplet 30
ଶୁଣ ପିଅର ମୋର ବାଣୀତୁ ଯେ ତ୍ରୈଲୋକ୍ୟେ ବୀରମଣି
Couplet 31
ଏ କଥା ଅନୁଚିତ ତୋରକହଇ ଶୁଣ ନୃପବର
Couplet 32
ଯେଉଁ ପ୍ରଭୁର ବଳେ ମୁହିଁଜୀବକୁ ସମାନ ମଣଇ
Couplet 33
ତୋର ମୋହର ଆଦି କରିଅପରେ ଯେତେ ଦେହଧାରୀ
Couplet 34
ଜଗତେ ମହାବଳୀ ଯେତେସ୍ଥାବର ଜଙ୍ଗମ ସହିତେ
Couplet 35
ବ୍ରହ୍ମାଦି ଯେତେ ସୁରଦେବାଯାର ଚରଣେ କରେ ସେବା
Couplet 36
ଯେ ହରି କାଳ-କର୍ମରୂପୀଜଗଦୀଶ୍ୱର ବିଶ୍ୱବ୍ୟାପି
Couplet 37
ପ୍ରାଣୀଙ୍କ ବଳ ପ୍ରାଣ ସେହିବାହ୍ୟ ଅନ୍ତରେ ଶୁଦ୍ଧଦେହୀ
Couplet 38
ଇନ୍ଦ୍ରଦେବତା ଇନ୍ଦ୍ରିଗଣଇନ୍ଦ୍ରିୟ-ବିଷୟ କାରଣ
Couplet 39
ସେ ବିଷ୍ଣୁ ସଂସାର ସର୍ଜଇତ୍ରିଗୁଣ ମାୟା ସଙ୍ଗେ ଲଇ
Couplet 40
ଭୁଞ୍ଜଇ ଅଶେଷ ଶରୀରେକ୍ରୀଡ଼ାର ଅନ୍ତେ ଅନ୍ତଃକରେ
Couplet 41
ହେ ତାତ ଜାଣି ତାଙ୍କୁ ସ୍ମରଅସୁରଭାବ ଦୂର କର
Couplet 42
ଆତ୍ମାକୁ ଆତ୍ମଜ୍ଞାନେ ରଖସକଳଘଟେ ସମ ଦେଖ
Couplet 43
ଯେ ଭାବେ ରିପୁ-ମିତ୍ର ନାହିଁସେ ଭାବେ ରହ ମନ ଧ୍ୟାୟି
Couplet 44
ମିତ୍ର ଉଦାସ ଶତ୍ରୁପଣେମନହୁଁ ଅନ୍ୟ ନାହିଁ ଜଣେ
Couplet 45
ଏ ଭାବେ ଚିନ୍ତି ହୁଅ ସ୍ଥିରକୃଷ୍ଣ-ସନ୍ତୋଷେ କର୍ମ କର
Couplet 46
ତୁ ଯେ ବୋଲାଉ ବୀରମଣିଏ ତିନି ଭୁବନେ କାରେଣୀ
Couplet 47
ଏ ତିନିଭୁବନ ଆବୋରିଭୁଞ୍ଜୁ ତୁ ଅକଣ୍ଟକ-ଶିରୀ
Couplet 48
ମନେ ବିଚାର କରୁ ତୁହିସଂସାରେ ରିପୁ ମୋର ନାହିଁ
Couplet 49
ଭୋ ତାତ ଦୋଷ କର ତ୍ରାହିକହିବି ଶୁଣ ମନ ଦେଇ
Couplet 50
ବ୍ରହ୍ମାଣ୍ଡେ ଯେତେ ଗୁଣ ଅଛିସେ ଗୁଣ ପିଣ୍ଡ ମଧ୍ୟେ ଲକ୍ଷି
Couplet 51
ଯେ ଷଡ଼ରିପୁ କାମ ଆଦିହୃଦୟମଧ୍ୟେ ଛନ୍ତି ଭେଦି
Couplet 52
ମନକୁ କରି ସେନାପତିଆତ୍ମାର ସମ୍ପଦ ଲୁଟନ୍ତି
Couplet 53
ଏ ଦଶଇନ୍ଦ୍ରି ଦିଗପାଳେଆତ୍ମାକୁ ନାଶନ୍ତି ସମୂଳେ
Couplet 54
ଏହାଙ୍କୁ ଦେହେ ନ ନିବାରୁମୁଁ ବୀର ବୋଲି ଗର୍ବ କରୁ
Couplet 55
ଏହାକୁ ଜିଣିବୁ ଯେମନ୍ତେଏବେ ହୋ ଦୃଢ଼କର ଚିତ୍ତେ
Couplet 56
ଏମନ୍ତେ ପ୍ରହଲ୍ଲାଦ ବାଣୀଅସୁର ଦେହ କମ୍ପେ ଶୁଣି
Couplet 57
ବୋଲଇ ପୁତ୍ରମୁଖ ଚାହିଁନିଶ୍ଚେ ମରିବୁ ଆଜ ତୁହି
Couplet 58
ଅଧିକ ଯେତେକଥା କହୁତୁ ଏ ଅସୁର ଜନ୍ମ ନୋହୁ
Couplet 59
ମୃତ୍ୟୁ ଯାହାର ସନ୍ନିଧାନମନୁଁ ହରଇ ତାର ଜ୍ଞାନ
Couplet 60
ଆତ୍ମାର ଗତି ନ ପ୍ରମାଣିବାତୁଳଭାବେ କହୁ ବାଣୀ
Couplet 61
ଜୀବନ୍ତେ ଭାଗ୍ୟ ନାହିଁ ତୋରବଚନ କହୁ ଅଗୋଚର
Couplet 62
ଏ ତିନିପୁରେ ମୁଁ ଈଶ୍ୱରମୋ ତହୁଁ କେବା ଅଛି ଆର
Couplet 63
କାହାର ବୋଲେ ତୁ ପାମରମୋ ବାକ୍ୟେ ଅବଜ୍ଞା ତୋହର
Couplet 64
ସ୍ଥାବର ଜଙ୍ଗମ ସହିତେମୁହିଁ ପାଳଇ ଏ ଜଗତେ
Couplet 65
ମୋ ତହୁଁ ଯେବେ ଅଛି ଭିନ୍ନେଈଶ୍ୱର ଏ ତିନିଭୁବନେ
Couplet 66
ତୁ ଯେ ବୋଲୁ ମୋ ପ୍ରଭୁ ହରିଦୃଶ୍ୟେ ଅଦୃଶ୍ୟେ ଛନ୍ତି ପୂରି
Couplet 67
ଆଜ ତୁ ମୋହର ସମକ୍ଷେହରିଙ୍କୁ ଦେଖାଅ ପ୍ରତ୍ୟକ୍ଷେ
Couplet 68
ସେ ଯେବେ ସର୍ବ ବ୍ୟାପି ଥାଇଏ ସ୍ତମ୍ଭେ କିମ୍ପା ନ ଦିଶଇ
Couplet 69
ତୁ ଯେବେ ବୋଲୁ ମୋର ସଖାପ୍ରତ୍ୟକ୍ଷେ ସ୍ତମ୍ଭମଧ୍ୟେ ଦେଖା
Couplet 70
ଆଜ ଛେଦିବି ତୋର ଶିରଆସି ରଖୁ ତୋ ଚକ୍ରଧର
Couplet 71
ଏମନ୍ତେ ପିତାର ବଚନେପ୍ରହ୍ଲାଦ ଭୟ କଲା ମନେ
Couplet 72
ବାଳକ କୃଷ୍ଣର ବିଶ୍ୱାସେଚଞ୍ଚଳେ ଚାହେଁ ଦଶଦିଶେ
Couplet 73
ଦେଖିଲା ସ୍ତମ୍ଭମଧ୍ୟେ ହରିଶଙ୍ଖ କମଳ ଚକ୍ରଧାରୀ
Couplet 74
ଉଦ୍ଦଣ୍ଡ-ଗଦା ଶୋହେ କରେପ୍ରକାଶ ସ୍ତମ୍ଭର ଭିତରେ
Couplet 75
ବୋଲଇ ପିତାମୁଖ ଚାହିଁକପାଳେ ବେନିକର ଦେଇ
Couplet 76
ଭୋ ତାତ ସ୍ତମ୍ଭ ମଧ୍ୟେ ହରିଦେଖ ପ୍ରତ୍ୟକ୍ଷେ ଛନ୍ତି ପୂରି
Couplet 77
ଏମନ୍ତେ ପୁତ୍ରମୁଖୁଁ ଶୁଣିକୋପେ ଅସୁର ନୃପମଣି
Couplet 78
ଡେଇଁ ଉଠିଲା ଶିରଝୁଣିଖଡ଼ଗ କରେ ବୀରମଣି
Couplet 79
ପୁତ୍ରକୁ ଚାହିଁ କୋପ ଦୃଷ୍ଟିଓଷ୍ଠେ ଚାପିଣ ଦନ୍ତ ପାଟି
Couplet 80
ତୀକ୍ଷ୍ମ ଖଡ଼ଗ ଧରି କରେଅସୁର ଉଠି କୋପଭରେ
Couplet 81
ସ୍ତମ୍ଭକୁ ଚାହିଁ କୋପ ଦୃଷ୍ଟିପ୍ରହାର କଲା ପାଦ-ମୁଷ୍ଟି
Couplet 82
ତକ୍ଷଣେ ଘୋରନାଦ କରିସ୍ତମ୍ଭ ଭିତରେ ନରହରି
Couplet 83
ଅତି ଭୀଷଣ ଘୋରନାଦେବ୍ରହ୍ମାଣ୍ଡ ପୂରିଲା ଶବଦେ
Couplet 84
ବ୍ରହ୍ମାଦି ଭୁବନପାଳକେଭୟେ କମ୍ପିଲେ ଏକେ ଏକେ
Couplet 85
ଶବଦ ଶୁଭେ ଘଡ଼ଘଡ଼ିବ୍ରହ୍ମାଣ୍ଡ ପଡ଼ିଲା କି ଝଡ଼ି
Couplet 86
ଅଦ୍ଭୁତ ଘୋରନାଦ ଶୁଣିକୋପେ ଧାଇଁଲା ଖଡ୍ଗ ଘେନି
Couplet 87
ଦେଖି କମ୍ପିଲେ ଦିଗପାଳଧଇଲା ପ୍ରହଲ୍ଲାଦ ବାଳ
Couplet 88
ଦେଖିଲା ସ୍ତମ୍ଭେ କେହି ନାହିଁବୋଲଇ ପୁତ୍ରମୁଖ ଚାହିଁ
Couplet 89
ଆଜ ପେଷିବି ଯମପୁରଦେଖା ତୁ ସ୍ତମ୍ଭେ ଚକ୍ରଧର
Couplet 90
ସେ ପ୍ରଭୁ ଭକତବତ୍ସଳଦେଖିଲେ ଭୃତ୍ୟର ବିକଳ
Couplet 91
ଯେ ହରି ସର୍ବଭୂତେ ପୂରିଭକ୍ତ ବଚନ ସତ୍ୟ କରି
Couplet 92
ସ୍ତମ୍ଭର ମଧ୍ୟେ ଦଇତ୍ୟାରିନରକେଶରୀ ରୂପ ଧରି
Couplet 93
ଅଦ୍ଭୁତ ରୂପ ଦେବରାୟେଶୋହେ ମନୁଷ୍ୟ-ପଶୁକାୟେ
Couplet 94
ଅଦ୍ଭୁତ ରୂପ ଭୟଙ୍କରଦେଖି ବିଚାରଇ ଅସୁର
Couplet 95
ଏ ରୂପ ଦେଖିଲା ତ ନାହିଁସ୍ତମ୍ଭେ ଏ ପ୍ରକାଶିଲା କାହିଁ
Couplet 96
ଦଗ୍ଧସୁବର୍ଣ୍ଣ ପ୍ରାୟେ ବର୍ଣ୍ଣକର୍କଶ-ପିଙ୍ଗଳ-ଲୋଚନ
Couplet 97
ସ୍ଫୁରିତ-କେଶର କମ୍ପନେଜଳଦେ ଉଡ଼ିଲେ ଗଗନେ
Couplet 98
ବିସ୍ତାରତୁଣ୍ଡ ବେନିକଳେଜିହ୍ୱା ବୁଲାନ୍ତି ଅନ୍ତରାଳେ
Couplet 99
ବିକଟ-ଦନ୍ତ ବେନିପାଟିନିଷ୍ଠୁର ଚଞ୍ଚଳ ଭୂକୁଟୀ
Couplet 100
ଊର୍ଦ୍ଧ୍ୱେ ଚଳଇ କର୍ଣ୍ଣ ଦୁଇଗିରି-ଗୁହାର ପ୍ରାୟେ ହୋଇ
Couplet 101
ନାସିକା-ରନ୍ଧ୍ର ଅନ୍ଧକାରବିସ୍ତାର ହନୁ ମହାଘୋର
Couplet 102
ଅଦୀର୍ଘ ସ୍ଥୂଳ ଗ୍ରୀବାଦେଶଶରୀର ସ୍ପରଶେ ଆକାଶ
Couplet 103
ବିସ୍ତାର ବକ୍ଷସ୍ଥଳ ସାଜେକ୍ଷୀଣ-ଉଦର ଯେ ବିରାଜେ
Couplet 104
ଚନ୍ଦ୍ରଗଉର ତନୁରୁହେବିଶ୍ୱ ପୂରତି ବିଶ୍ୱଦେହେ
Couplet 105
କର ଚରଣ ନଖାୟୁଧତା ଦେଖି କମ୍ପିଲେ ବିବୁଧ
Couplet 106
ଅସୁର ପଳାଇଲେ ତ୍ରାସେଭୟେ ଲୁଚିଲେ ଦଶଦିଶେ
Couplet 107
ଏମନ୍ତ ରୂପ ଦେଖି ଆଗେଦାନବପତି ମହାରାଗେ
Couplet 108
ଗଦା ବୁଲାଇ ଅତି ଖରେଧାଇଁଲା ନୃସିଂହ ଉପରେ
Couplet 109
ଘୋର ଶବଦେ ମହାବୀରଦେଖି କମ୍ପିଲେ ସୁରନର
Couplet 110
ଯେ ହରି ମାୟାବୀଙ୍କ ବରତା କାହିଁ ଜାଣିବ ଅସୁର
Couplet 111
ଧାମଇଁ ଗଦା ତୋଳି ହସ୍ତେଅଗ୍ନିକି ପତଙ୍ଗ ଯେମନ୍ତେ
Couplet 112
ଗଦା ଉଞ୍ଚାଇ ମହାବୀରପିଟିଲା ନୃସିଂହ ଉପର
Couplet 113
ପୁଣି ପ୍ରହାରେ ବାମ-ଦକ୍ଷେଦେବେ ଦେଖନ୍ତି ଅନ୍ତରୀକ୍ଷେ
Couplet 114
ଅତି ବିକ୍ରମ-ତେଜ ଦେଖିନୃସିଂହ ଉନ୍ମୀଳେ ନିରେଖି
Couplet 115
କର ପ୍ରସାରି ନରହରିତକ୍ଷଣେ ଅସୁରକୁ ଧରି
Couplet 116
ଗଦାଏ ଅଛି ତାର ହସ୍ତେସର୍ପକୁ ଗରୁଡ଼ ଯେମନ୍ତେ
Couplet 117
ତକ୍ଷଣେ ଦାନବ ନୃପତିହସ୍ତରୁ ଗଳି ଚିତ୍ରଗତି
Couplet 118
ଗରୁଡ଼ ହସ୍ତୁ ଯେହ୍ନେ ନାଗପଡ଼ି ଧାମଇଁ ଅତି ବେଗ
Couplet 119
ଓଷ୍ଠ କାମୋଡ଼ି ଅତି ବଳେଦେଖି ଡରିଲେ ଦିଗପାଳେ
Couplet 120
ଅସାଧ୍ୟ ଦେଖି ଦେବଗଣେମେଘେ ଲୁଚିଲେ ତତକ୍ଷଣେ
Couplet 121
ନୃସିଂହ ହସ୍ତୁ ଯାନ୍ତେ ଗଳିଦେବେ ଭାଳନ୍ତି ଶୂନ୍ୟେ ମିଳି
Couplet 122
ପୁଣି ଅସୁର ନାଦ କରିତକ୍ଷଣେ ଖଡ୍ଗ-ଚର୍ମ ଧରି
Couplet 123
ଚର୍ମେ ଶୋଭିତ ଶତଚନ୍ଦ୍ରଦୁର୍ଜୟ ଅସୁର ନରେନ୍ଦ୍ର
Couplet 124
ଖଡ୍ଗ-ମଣ୍ଡଳ ଗତି ଦେଖିଭୟେ ବୁଜିଲେ ସର୍ବେ ଆଖି
Couplet 125
ଶୂନ୍ୟେ ଉଡ଼ଇ ବାହୁବଳେପୁଣି ମିଳଇ ଭୂମିତଳେ
Couplet 126
ଚଣ୍ଡାଟ୍ଟହାସେ ନରହରିକୋପେଣ ଅସୁରକୁ ଧରି
Couplet 127
ଦୃଢ଼େ ଚାପନ୍ତେ ପୁଣି ଗଳିତଳେ ପଡ଼ିଲା ମହାବଳୀ
Couplet 128
ପୁଣି ଧରନ୍ତି ଅତିବେଗେବଳେ ଉଛୁଡ଼େ ଦଶଦିଗେ
Couplet 129
ପୁଣିହିଁ ଚାପିଲେ ଅଧରେମୂଷିକେ ଯେହ୍ନେ ସର୍ପଧରେ
Couplet 130
ସ୍ୱଭାବେ ଦୁର୍ଜୟ ଅସୁରବଜ୍ରହୁଁ କଠିନ ଶରୀର
Couplet 131
ନୃସିଂହ-ହିରଣ୍ୟର ଯୁଦ୍ଧଗଗନେ ଦେଖନ୍ତି ବିବୁଧ
Couplet 132
ସଂକ୍ଷେପି କହିବଇଁ କେତେପୁରାଣମତେ ଭିନ୍ନ ଯେତେ
Couplet 133
ଉରୁ ଉପରେ ନରହରିଉତ୍ତାନ କରି ତାକୁ ଧରି
Couplet 134
ବାମ ଦକ୍ଷିଣ ବେନିକରେଲୀଳାମାତ୍ରକେ ନଖାଙ୍କୁରେ
Couplet 135
ରୋଷେ ହୁଁକାର ନାଦକରିହୃଦୟକମଳ ବିଦାରି
Couplet 136
ଦେବେ ଦେଖନ୍ତି ଥାଇ ଶୂନ୍ୟେସର୍ପକୁ ଗରୁଡ଼ ଯେସନେ
Couplet 137
ଅସୁର-ହୃଦୟ-ରୁଧିରେତିନ୍ତିଲା ଲଲାଟ-କେଶରେ
Couplet 138
ସିଂହ ଯେସନେ ଗଜ ମୁଣ୍ଡେବସି ବିଦାରେ ଧରି ତୁଣ୍ଡେ
Couplet 139
ଅସୁର ହୃଦୟକମଳବିଦାରି ଅନ୍ତ କଲେ ମାଳ
Couplet 140
କୋପେ ଚାହାଁନ୍ତେ ଦଶଦିଶେଦୈତ୍ୟେ ମିଳିଲେ ଆସି ପାଶେ
Couplet 141
ନାନା ଆୟୁଧ ଧରି କରେପିଟିଲେ ନୃସିଂହ ଉପରେ
Couplet 142
ତାହାଙ୍କୁ ଧରି ତତକ୍ଷଣେନଖେ ବିଦାରିଲେ ଆପଣେ
Couplet 143
ସହସ୍ର ସହସ୍ର ଅସୁରସମରେ ଗଲେ ଯମପୁର
Couplet 144
ଅସୁରବଳ ରଣେ ମାରିକୋପେ ଧାଇଁଲେ ନରହରି
Couplet 145
କଟା କମ୍ପନ ଘୋରବାତେମେଘେ ଉଡ଼ିଲେ ଶୂନ୍ୟପଥେ
Couplet 146
ଶବଦ ଶୁଭେ ଘଡ଼ଘଡ଼ିଗଗନମାର୍ଗେ ପଡ଼େ ହୁରି
Couplet 147
ଗ୍ରହ-ନକ୍ଷତ୍ର ମାଳମାଳସ୍ୱର୍ଗୁ ପଡ଼ିଲେ ମହୀତଳ
Couplet 148
ଊର୍ଦ୍ଧ୍ୱେ ଚାହାଁନ୍ତେ କୋପାନଳେଦେଖି ଡରିଲେ ଦିଗପାଳେ
Couplet 149
ନିଃଶ୍ୱାସବାତେ ସିନ୍ଧୁଜଳଉଲ୍ଳୋଳ ଲହରୀ ସଙ୍କୁଳ
Couplet 150
ଦେବେ ଗଗନୁ ଗଲେ ତ୍ରାସେଗଜେ ଉଡ଼ିଲେ ଅଷ୍ଟଦିଶେ
Couplet 151
ଶ୍ୱାସ-ପବନ-ଘାତ-ବଳେବିମାନେ ଆକାଶ ମଣ୍ଡଳେ
Couplet 152
ଉଡ଼ିଲେ ସ୍ଥାନଭ୍ରଷ୍ଟ ହୋଇପାଦ ବିଘାତେ କମ୍ପେ ମହୀ
Couplet 153
ନୃସିଂହ ଶରୀର ପବନେପର୍ବତେ ଉଡ଼ିଲେ ଗଗନେ
Couplet 154
ଦିଶ ଆକାଶ ତେଜ ନାଶେଧୂମ ଯେ ପ୍ରକାଶେ ଆକାଶେ
Couplet 155
ଦିଗ ଅଦୃଶ୍ୟ ଧୂମାକୁଳେନିଃଶ୍ୱାସ ପବନ ନ ଚଳେ
Couplet 156
ଏମନ୍ତେ ଅସୁର ସଂହାରିସଭାର ମଧ୍ୟେ ବିଜେକରି
Couplet 157
ବସିଲେ ଅସୁର ଆସନେଯେହୁ ପୂଜିତ ତ୍ରିଭୁବନେ
Couplet 158
ଦେଖି ଅସୁର ପଳାଇଲେଯେ ଅବା ଅବଶେଷ ଥିଲେ
Couplet 159
ଶସ୍ତ୍ର ଧରନ୍ତା ନାହିଁ କେହିଭାଜିଲେ ଚଉଦିଗେ ଚାହିଁ
Couplet 160
ହିରଣ୍ୟକଶିପୁ ଅସୁରତ୍ରୈଲୋକ୍ୟ କଲା ସେହୁ ଜୂର
Couplet 161
ସଂଗ୍ରାମେ ହରି ତା ଜୀବନସୃଷ୍ଟି ରଖିଲେ ଭଗବାନ
Couplet 162
ଅସୁର-ନିଧନ-ସମ୍ବାଦେବିବୁଧେ ପରମ ଆନନ୍ଦେ
Couplet 163
ନନ୍ଦନବନୁଁ ପୁଷ୍ପ ତୋଳିଶୂନ୍ୟେ ସକଳ ଦେବେ ମିଳି
Couplet 164
ହରଷ ଲୋଚନେ ଅନାଇଁମଙ୍ଗଳସ୍ୱରେ ଗୀତ ଗାଇ
Couplet 165
ମିଳି ସକଳ ସୁରନାରୀସାନନ୍ଦେ ପୁଷ୍ପବୃଷ୍ଟି କରି
Couplet 166
ଶୂନ୍ୟେ ଅସୁରେ ଭୟେ ଭାଳିଥିଲେ ଯେ ଦଶଦିଗେ ମିଳି
Couplet 167
ଗଗନେ ବିମାନ-ସଙ୍କୁଳେମିଳିଲେ ଦଶଦିଗପାଳେ
Couplet 168
ଦୁନ୍ଦୁଭି ବାଦ୍ୟନାଦ କଲେଗନ୍ଧର୍ବେ ଅପସରା ମେଳେ
Couplet 169
ହରଷେ ନୃତ୍ୟ-ଗୀତ କରିଚିତ୍ତ ଆନନ୍ଦେ ମୋଦଭରି
Couplet 170
ବ୍ରହ୍ମା ଶଙ୍କର ଇନ୍ଦ୍ର ତୁଲେଋଷିଏ ପିତୃ ସିଦ୍ଧ ମେଳେ
Couplet 171
ଉରଗ ବିଦ୍ୟାଧରଗଣମନୁଏ ପ୍ରଜାପତି ପୁଣ
Couplet 172
ମିଳିଲେ ଗୃହ୍ୟକ ଚାରଣଯକ୍ଷ କିଂପୁରୁଷ ଏମାନ
Couplet 173
ଆବର ବେତାଳ କିନ୍ନରଏ ଆଦି ଅଶେଷ ଅମର
Couplet 174
ମିଳିଲେ ବିଷ୍ଣୁ-ପାରିଷଦସନକ ସୁନନ୍ଦ କୁମୁଦ
Couplet 175
କର ଅଞ୍ଜଳି ଶିରେ ଦେଇମିଳିଲେ ବିଷ୍ଣୁପାଶେ ଯାଇ
Couplet 176
ପ୍ରଚଣ୍ଡ ତେଜ ମହାଘୋରଭୟେ ରହିଲେ କିଛି ଦୂର
Couplet 177
ରହିଲେ ସ୍ତମ୍ଭୀଭୂତ ହୋଇସମୀପେ ନ ପାରିଲେ ଯାଇ
Couplet 178
ଭୟେ ଶଙ୍କିତ ଦିଗପାଳେସ୍ତୁତି କରନ୍ତି ପାଦମୂଳେ
Couplet 179
ବ୍ରହ୍ମା ନୃସିଂହ ମୁଖ ଚାହିଁବୋଲନ୍ତି ଶିରେ କର ଦେଇ
Couplet 180
ନମସ୍ତେ ଅନନ୍ତ ମୂରତିଦୂରନ୍ତବୀର୍ଯ୍ୟ ତୋର ଶକ୍ତି
Couplet 181
ବିଚିତ୍ରବୀର୍ଯ୍ୟ ଶୁଦ୍ଧକର୍ମାଅଶେଷ ତୋହର ମହିମା
Couplet 182
ଗୁଣ-ସଂଯୋଗେ ଲୀଳାମତେସଂସାର ସୃଷ୍ଟି-ସ୍ଥିତି-ଅନ୍ତେ
Couplet 183
ଅଶେଷ ଯାହାର ମହିମାକେ କହିପାରେ ଗୁଣସୀମା
Couplet 184
ସେ ପ୍ରଭୁ ଚରଣାରବିନ୍ଦେପ୍ରସନ୍ନ ଅର୍ଥେ ମୁହିଁ ବନ୍ଦେ
Couplet 185
ସେ ହରି ପ୍ରସନ୍ନ ହୁଅନ୍ତୁସକଳେ ଅଭୟ ଦିଅନ୍ତୁ
Couplet 186
ଯୁଗାନ୍ତକାଳ ତୋର କୋପସ୍ୱଭାବେ ଅସୁର ଅଳପ
Couplet 187
ହେ ପ୍ରଭୁ ଭକତବତ୍ସଳଦୁଷ୍ଟ-ଅସୁର ବିନାଶିଲ
Couplet 188
ତା ପୁତ୍ର ଭକ୍ତ ପ୍ରହଲ୍ଲାଦଆଶ୍ରା ନେଇଛି ତୁମ୍ଭପାଦ
Couplet 189
ତା ସମ ଭକ୍ତ କେହି ନାହିଁରଖ ତାହାକୁ ଭାବଗ୍ରାହୀ
Couplet 190
ଏ ସର୍ବ ତୋହର କିଙ୍କରଜଗତ ତୋର ଲୀଳାଘର
Couplet 191
ଇନ୍ଦ୍ର ଅଞ୍ଜଳି ଶିରେ ଦେଇବୋଲେ ନୃସିଂହ କର ତ୍ରାହି
Couplet 192
ଏ ମହାସୁର ମହାବେଗେଯଜ୍ଞ ଆରମ୍ଭେ ହବିର୍ଭାଗେ
Couplet 193
ବଳେ ଭୁଞ୍ଜଇ ଏ ଆକର୍ଷିଆମ ହୃଦୟପଦ୍ମେ ପଶି
Couplet 194
ତୁ ନାଥ ସର୍ବ ପ୍ରାଣୀଙ୍କରହୃଦୟପଦ୍ମେ ତୋର ଘର
Couplet 195
ସେ ପଦ୍ମ ଅସୁର-ଶଶାଙ୍କେମୁଦ୍ରିତ ଥିଲା ଅତିରେକେ
Couplet 196
ତୁ ଏବେ ସୂର୍ଯ୍ୟ ରୂପ ଧରିହୃଦୟପଦ୍ମ ଭେଦ କରି
Couplet 197
ତୁ ତୋର ଗୃହ ସମାର୍ଜିଲୁଆମ୍ଭଙ୍କୁ ଯଜ୍ଞଭାଗ ଦେଲୁ
Couplet 198
ଏ ଘୋର-ସଂସାର-ସାଗରେପ୍ରାଣୀ ଜୀବନ ନିରନ୍ତରେ
Couplet 199
ଗ୍ରସ୍ତ କରଇ କାଳ ବଳେକିବା କହିବୁ ଅନ୍ତରାଳେ
Couplet 200
ତୋର ସେବକ-ପ୍ରାଣୀଙ୍କରତୁ ନାଥ ଶରଣ ସୋଦର
Couplet 201
ଋଷି ସକଳ ଏକମେଳେସ୍ତୁତି କରନ୍ତି ପାଦତଳେ
Couplet 202
ତୋର ଚରଣ ଧ୍ୟାନ ଅର୍ଥେତପ ସମ୍ପାଦି ଏ ଜଗତେ
Couplet 203
ତୋର ବଚନେ ଆମ୍ଭେ ରହିସଂସାରେ ବିପ୍ରଦେହ ବହି
Couplet 204
ସେ ତପ ସାଧିବାର କଷ୍ଟବଳେ ହିରଣ୍ୟ କଲା ନଷ୍ଟ
Couplet 205
ତୋର ବଚନେ ତୋତେ ଭାବିଦୃଢ଼େ ପଦାରବିନ୍ଦେ ସେବି
Couplet 206
ସେ ତପ ହରିଲା ଆମ୍ଭରନିଜ ପ୍ରତାପେ ଏ ଅସୁର
Couplet 207
ଏବେ ଏହାକୁ ନାଶକରିଆମ୍ଭର ତପସ୍ୟା ଉଦ୍ଧରି
Couplet 208
ରଖିଲୁ ବିପ୍ର ଋଷି ଧର୍ମତୁ ନାଥ ସର୍ବ-କୁଳ-କର୍ମ
Couplet 209
ଆମ୍ଭର ଶ୍ରାଦ୍ଧକର୍ମ ଯେତେପୁତ୍ରେ କରନ୍ତି ବେଦମତେ
Couplet 210
ଆମ୍ଭ ଦିବସା-ଶ୍ରାଦ୍ଧକାଳେଅସୁର ଭୁଞ୍ଜେ ଆସି ବଳେ
Couplet 211
ତିଳଉଦକ ଯେତେ ତୀର୍ଥେପୁତ୍ରେ କରନ୍ତି ଧର୍ମମତେ
Couplet 212
ସେ ଶ୍ରାଦ୍ଧଜଳ ପାନ କରେଅର୍ପିତ ଦାନ ବଳେ ହରେ
Couplet 213
ଆମ୍ଭର ଜଳପିଣ୍ଡ ଯେତେଥିଲା ଅସୁର ଗର୍ଭଗତେ
Couplet 214
ନଖଅଙ୍କୁରେ ତାହା ଚିରିଆମ୍ଭଙ୍କୁ ଦେଲୁ ନରହରି
Couplet 215
ସିଦ୍ଧେ କହନ୍ତି ଯୋଡ଼ି କରଶୁଣିମା ଦେବ ଚକ୍ରଧର
Couplet 216
ଆମ୍ଭର ଯୋଗସିଦ୍ଧି ଗତିବଳେ ହରିଲା ଦୈତ୍ୟପତି
Couplet 217
ତାହାକୁ ନଖେ ବିଦାରିଲୁତୁ ନାଥ ଆମଙ୍କୁ ରଖିଲୁ
Couplet 218
ତୋର ଚରଣେ ନମସ୍କାରଯେଣୁ ତୁ ଶରଣ ସୋଦର
Couplet 219
କର ପ୍ରସାରି ବିଦ୍ୟାଧରେବୋଲନ୍ତି ନୃସିଂହ ଛାମୁରେ
Couplet 220
ଆମ୍ଭର ଅନ୍ତର୍ଦ୍ଧାନ-ଗତିତୋର ପ୍ରସାଦେ ସେ ପ୍ରାପତି
Couplet 221
ତାହାକୁ ପଶୁବଧ ପ୍ରାୟେସଂହାର କଲୁ ଦେବରାୟେ
Couplet 222
ମାୟା-ନୃସିଂହ-ଅବତାରଆମ୍ଭେ ଯେ ଶରଣ ତୋହର
Couplet 223
ନାଗ ସକଳେ ଜଣାବନ୍ତିଶୁଣ ହେ ପ୍ରଭୁ ଲକ୍ଷ୍ମୀପତି
Couplet 224
ଆମ୍ଭ ଫଣାରେ ଯେତେ ମଣିଯା ଗୃହେ ଉତ୍ତମ ରମଣୀ
Couplet 225
ସର୍ବ ହରିଲା ବାହୁବଳେଅଜେୟ ଭୁବନ ମଣ୍ଡଳେ
Couplet 226
ସେ ଭୟ ନିବାରି ଗୋବିନ୍ଦଆମ୍ଭଙ୍କୁ ଦେଲୁ ତୁ ଆନନ୍ଦ
Couplet 227
ତୁ ନାଥ ସଂସାର ଉଦ୍ଧରତୋର ଚରଣେ ନମସ୍କାର
Couplet 228
ବିଧାତା-ବଂଶେ ଅବତରିତୋହର ଆଜ୍ଞା ଶିରେ ଧରି
Couplet 229
ମନୁ ବୋଲାଉଁ ଏ ଜଗତେଆମ୍ଭେ ଯେ ତୋହର ଆୟତ୍ତେ
Couplet 230
ଧର୍ମେ ସଂସାର-ଜନ ପାଳୁତୁ ନାଥ ପରମ ଦୟାଳୁ
Couplet 231
ତୋର କିଙ୍କର ଆମ୍ଭ ଦେହକିବା କରିବୁ ଆଜ୍ଞା ଦିଅ
Couplet 232
ପ୍ରଜାପତିଏ ସ୍ତୁତି କରିବୋଲନ୍ତି ଶୁଣ ନରହରି
Couplet 233
ତୋ ପ୍ରଜାସୃଷ୍ଟିର ପାଳନେଆମ୍ଭଙ୍କୁ ସୃଜି ବିଦ୍ୟମାନେ
Couplet 234
ରଖିଲୁ ପ୍ରଜାପାଳ କରିଆମ୍ଭେ ତୋ ଆଜ୍ଞା ଶିରେ ଧରି
Couplet 235
ସୃଷ୍ଟି-ପାଳନ କରୁ ଭଲେମାନବ-ପ୍ରଜାପତି ତୁଲେ
Couplet 236
ଅସୁର-ଭୟ ଚିତ୍ତେ ବହିସ୍ଥାନେ ନ ପାରୁ ଆମ୍ଭେ ରହି
Couplet 237
ସେ ବୀର ତୋର ନଖଘାତେମରି ପଡ଼ିଛି ଭୂମିଗତେ
Couplet 238
ତୁ ସତ୍ତ୍ୱମୂର୍ତ୍ତି ଦାମୋଦରଏ ତୋ ନୃସିଂହ-ଅବତାର
Couplet 239
ଜଗତ-ମଙ୍ଗଳ-ବିଧାନସଂସାର ରଖ ଭଗବାନ
Couplet 240
ଗନ୍ଧର୍ବେ ନୃସିଂହ ଚରଣେକହନ୍ତି ଭକ୍ତି ଅନୁମାନେ
Couplet 241
ଭୋ ନାଥ ତୋହର ବଚନେନିତ୍ୟେ ଦେବଙ୍କ ସନ୍ନିଧାନେ
Couplet 242
ନୃତ୍ୟ-ଖଟଣି ଗୀତ ସ୍ୱରେଖଟୁ ଯେ ଥିଲୁ ନିରନ୍ତରେ
Couplet 243
ଏବେ ତାଣ୍ଡବେ ଦୈତ୍ୟ ପାଶେନିରତେ ଖଟୁ ଅବକାଶେ
Couplet 244
ଭୟେ ନପାରୁ ସ୍ଥାନେ ରହିତାହାର ଆଜ୍ଞା ଶିରେ ବହି
Couplet 245
ଉତ୍ପଥଗାମୀ ଜନଙ୍କରକେବେହେଁ ନାହିଁ ସୁଖସାର
Couplet 246
ତୋହର ଚରଣ ପ୍ରସାଦେଆମ୍ଭେ ବର୍ତ୍ତିଲୁ ଅପ୍ରମାଦେ
Couplet 247
ଚାରଣେ ମିଳିଣ ଜଣାନ୍ତିଶୁଣ ହେ ପ୍ରଭୁ ଶିରୀପତି
Couplet 248
ଭୋ ହରି ଚରଣ ତୋହରଚତୁରବର୍ଗ ସୁଖକର
Couplet 249
ସଂସାର ନିବୃତ୍ତି କାରଣଭୋ ନାଥ ତୋହର ଚରଣ
Couplet 250
ସେ ପାଦସେବା ଆମ୍ଭେ ଛାଡ଼ିଅସୁରଘରେ ବନ୍ଦୀ ପଡ଼ି
Couplet 251
ସେ ଘୋର ଦୁଃଖ ଏବେ ଗଲାଯେଣୁ ଅସୁର ବୀର ମଲା
Couplet 252
ଯକ୍ଷ ସକଳେ ମନ ସ୍ଥିରେକହନ୍ତ ନୃସିଂହ ଛାମୁରେ
Couplet 253
ସେବକ ଲୋକ ଆମ୍ଭେ ତୋରନିରତେ ଚରଣେ କିଙ୍କର
Couplet 254
ଅନେକ ପୁଣ୍ୟ ସାଧି ପୂର୍ବେତୋର ଚରଣ ସେବୁ ଆମ୍ଭେ
Couplet 255
ଆମ୍ଭକୁ ଦିତିସୁତ ନେଇବାହାନ କରେ ଦୁଃଖଦେଇ
Couplet 256
ସେ ଦୈତ୍ୟ ଜନ ପରିତାପେପ୍ରାଣ ଛାଡ଼ିଲା ତୋର କୋପେ
Couplet 257
କହନ୍ତି କିଂପୁରୁଷ ମାନଶୁଣିମା ପ୍ରଭୁ ଭଗବାନ
Couplet 258
ତୁ ମହାପୁରୁଷ ଈଶ୍ୱରଆମ୍ଭେ କିଙ୍କରଗଣ ତୋର
Couplet 259
କୁତ୍ସିତ-ପୁରୁଷ ଏ ନଷ୍ଟସାଧୁ ବର୍ଜିତ ମହାଦୁଷ୍ଟ
Couplet 260
ଅନ୍ୟାୟକର୍ମ ଆଚରିଲାତୋର ପ୍ରତାପେ ନାଶଗଲା
Couplet 261
ଆମ୍ଭେ ସାଧୁଙ୍କ ସଭାମଧ୍ୟେଯଜ୍ଞ-ଆରମ୍ଭ-ପରିବନ୍ଧେ
Couplet 262
ତୋର ନିର୍ମଳ-ଯଶ ଗାଇସତ୍କାର-ପୂଜା-ଧର୍ମ ପାଇ
Couplet 263
ଆନନ୍ଦେ ଭୁଞ୍ଜୁ ସାଧୁମେଳେଏ ମହାସୁର ତାହା ବଳେ
Couplet 264
ତୋହର ଯଶ ନାଶ କଲାଆମ୍ଭକୁ ମହାଦୁଃଖ ଦେଲା
Couplet 265
ଏ ଆମ୍ଭ ଦେହେ ବ୍ୟାଧି ଥିଲାତୋ ଉଗ୍ରତେଜେ ନାଶଗଲା
Couplet 266
କିନ୍ନରଗଣ ହରି ଚାହିଁବୋଲନ୍ତି ଶିରେକର ଦେଇ
Couplet 267
ତୋର କିଙ୍କରଗଣ ଆମ୍ଭେତୋ ଅନୁଗ୍ରହେ ଥାଉଁ ଦମ୍ଭେ
Couplet 268
ଏ ଦିତିସୁତ ମହାନଷ୍ଟଆମ୍ଭଙ୍କୁ ଦେଲା ଅତି କଷ୍ଟ
Couplet 269
ଏବେ ଅସୁର ନାଶ କଲୁଆମ୍ଭର ମାନ ଉଦ୍ଧରିଲୁ
Couplet 270
ତୁ ନାଥ ଦେବଙ୍କର ଦେବଆମ୍ଭର ମଙ୍ଗଳ-ବିଭବ
Couplet 271
ଶ୍ରୀବିଷ୍ଣୁ-ପାରିଷଦ ଗଣବୋଲନ୍ତି ଦେବଦେବ ଶୁଣ
Couplet 272
ଭୋ ନାଥ ଏ ରୂପ ତୋହରଅଦ୍ଭୁତ ମହାଭୟଙ୍କର
Couplet 273
ନୟନେ ଦେଖି ସର୍ବଜନେଭୟେ କମ୍ପିଲେ ତ୍ରିଭୁବନେ
Couplet 274
ତାହାଙ୍କ କର୍ମଦାତା ତୁହିଆମ୍ଭକୁ କଲୁ ନାଥ ତ୍ରାହି
Couplet 275
ଯେଣୁ ନାଶିଲୁ ମହାସୁରଆମ୍ଭଙ୍କୁ ଅନୁଗ୍ରହ କର
Couplet 276
କହେ ନାରଦ ମହାଋଷିଶୁଣ ପାଣ୍ଡବ ସୋମବଂଶୀ
Couplet 277
ଏମନ୍ତେ ନୃସିଂହ ସମ୍ମୁଖେସ୍ତୁତି ବଚନେ ଏକେ ଏକେ
Couplet 278
କହି କରାଇ ତୋଷ ମନଏବେ ହୋ ସାଧୁଜନେ ଶୁଣ
Couplet 279
ନାରଦ ଯୁଧିଷ୍ଠିର ଆଗେଯାହା କହିଲେ ଅନୁରାଗେ
Couplet 280
ସୁଜନେ ଜନେ ଏହା ଶୁଣିତରିବେ ଭବ ତରଙ୍ଗିଣୀ
Couplet 281
ଅଦ୍ଭୁତ ନୃସିଂହ-ଚରିତକହିଲା ଦାସ ଜଗନ୍ନାଥ