Skandha 11
Adhyaya 12
Couplet 1
ଶୁଣିଣ ଉଦ୍ଧବ ବଚନବୋଲନ୍ତି ଶ୍ରୀମଧୁସୂଦନ
Couplet 2
ତୁ ଯାହା କଲୁ ହେ ପ୍ରଶନଜୀବ ଆତ୍ମାର ତତ୍ତ୍ୱଜ୍ଞାନ
Couplet 3
ଜୀବର ବନ୍ଧ-ମୋକ୍ଷ ବେନିବିଚାରୁ ଯେତେ ଶାସ୍ତ୍ରଘେନି
Couplet 4
କେହି ନ ପା'ନ୍ତି ତା'ର ଅନ୍ତତେଣୁ ସେ ବୋଲାଇ ଅନନ୍ତ
Couplet 5
ତ୍ରିଗୁଣେ ବନ୍ଧ-ମୋକ୍ଷ ହୋଇଯେଣୁ ସେ ଗୁଣ ମାୟାମୟୀ
Couplet 6
ବସ୍ତୁ ବିଚାରେ ବନ୍ଧ-ମୋକ୍ଷଜୀବକୁ ନ ଲାଗେ ପ୍ରତ୍ୟକ୍ଷ
Couplet 7
ଜନ୍ମ-ମରଣ ଶୋକ ମୋହସୁଖ-ଦୁଃଖ ଆଦି ସଂଶୟ
Couplet 8
କେବଳ ମାୟାଭ୍ରମ ଏହିଏଣେ ଜୀବନ ଭେଦ ନାହିଁ
Couplet 9
ସ୍ୱପ୍ନେ ଦେଖଇ ପ୍ରାଣୀ ଯାହାନିଦ୍ରା ବୋଧନେ ହୋଏ ମାୟା
Couplet 10
ବିଦ୍ୟା ଅବିଦ୍ୟା ମୋ'ର ଦେହବନ୍ଧ ମୋକ୍ଷ ହିଁ ମାୟାମୟ
Couplet 11
ଏ ଦୁଇ ମଧ୍ୟେ ମୋ'ତ ଅଂଶଜୀବନ ସ୍ୱରୂପେ ପ୍ରକାଶ
Couplet 12
ଅବିଦ୍ୟା ବଳେ ବନ୍ଦୀ ହୋଇହୀନ କୁମତି ଭାବ ବହି
Couplet 13
ତେଣୁ ଭ୍ରମଇଁ ମାୟାଭ୍ରମେକର୍ମ ଅର୍ଜିତ ପଥଶ୍ରମେ
Couplet 14
ମଜ୍ଜଇ ମାୟା ଅହଙ୍କାରେନିଜ ମହିମା ନ ସୁମରେ
Couplet 15
ସ୍ୱଭାବେ ଏ ନିତ୍ୟ ମୁକତଯଦ୍ୟପି ଜୀବ ବିଦ୍ୟାଯୁତ
Couplet 16
ଆତ୍ମାକୁ ଆତ୍ମା ଯେବେ ସ୍ମରେପରମ ଆନନ୍ଦେ ବିହରେ
Couplet 17
ଏବେ ତୁ ଶୁଣ ହେ ଉଦ୍ଧବଜୀବ ପରମ ବେନିଭାବ
Couplet 18
ଯେଣୁ ସେ ବେନି ସଙ୍ଗ ହୋଏବଦ୍ଧ ବିମୁକ୍ତ ଭାବ ବହେ
Couplet 19
ଏକଇ ବୃକ୍ଷେ ହଂସ ଦୁଇବସନ୍ତି ପ୍ରିୟଭାବ ବହି
Couplet 20
ଏକ ଆରେକ ନ ଛାଡ଼ନ୍ତିସ୍ୱଭାବେ ବେନି ସଖା ହୋ'ନ୍ତି
Couplet 21
ସମାନ ଶକ୍ତି ସେ ବହନ୍ତିବଦ୍ଧ ବିମୁକ୍ତ ବେନି ଗତି
Couplet 22
ସେ ବୃକ୍ଷେ ଯେତେ ଫଳଫଳେଏକ ଭୁଞ୍ଜଇ ତାହା ବଳେ
Couplet 23
ଏକ ବଞ୍ଚଇ ଉପବାସେନିର୍ଲେପ ନିରଞ୍ଜନ ଅଂଶେ
Couplet 24
ନିତ୍ୟ ଆନନ୍ଦ ପରିପୂର୍ଣ୍ଣେସକଳ ଦେଖଇ ନୟନେ
Couplet 25
ସେହୁ ନ ଜାଣେ ନିଜ ପରଯେଣୁ ନିର୍ମଳ ଜ୍ଞାନ ତା'ର
Couplet 26
ଯେ ହଂସ ବୃକ୍ଷଫଳ ଖାଇଲୋଭେ ବନ୍ଧନ ତା'ର ଦେହୀ
Couplet 27
ଅଜ୍ଞାନେ ନ ଜାଣଇ କିଛିଏମନ୍ତେ ବେନିଆତ୍ମା ଲକ୍ଷ୍ୟି
Couplet 28
ପରମ ପରମାଅନନ୍ଦୀଅବିଦ୍ୟା ସଙ୍ଗେ ଜୀବ ବନ୍ଦୀ
Couplet 29
ପ୍ରତ୍ୟକ୍ଷେ ଦେହେ ସେ ବସଇନ ଥିଲା ପ୍ରାୟ ଲକ୍ଷ୍ୟ ହୋଇ
Couplet 30
ଏ ଭାବେ ଥା'ନ୍ତି ଯେତେ ପ୍ରାଣୀପଣ୍ତିତ ବୋଲି ତାଙ୍କୁ ଜାଣି
Couplet 31
ଦେହେ ନ ଥାଇ ଥିଲା ପ୍ରାୟଯେ ମଣେ ସେ ବଞ୍ଚିତକାୟ
Couplet 32
ସ୍ୱପ୍ନ ଜାଗ୍ରତେ ଯେହ୍ନେ ମିଛକୁମତି ମଣେ ତା' ପ୍ରତ୍ୟକ୍ଷ
Couplet 33
ଏଣୁ ବିଷୟ ଇନ୍ଦ୍ରିଗଣେଭୁଞ୍ଜନ୍ତି ବିଧି ଆଚରଣେ
Couplet 34
ଜୀବ ସେ ଉଦାସୀନ ରୂପେବସନ୍ତି ତାହାଙ୍କ ସମୀପେ
Couplet 35
ଏଣୁ ପରମ ନାମ ତା'ରନିର୍ଲେପ ନିତ୍ୟ ନିତାକାର
Couplet 36
ଯେ ଭାବେ ଅହଙ୍କାର ମିଶେଇନ୍ଦ୍ରି ବିଷୟରସେ ରସେ
Couplet 37
କୁମତି ଅଦୃଷ୍ଟି ଅଧୀନକର୍ମର ଫଳେ ସେ ବନ୍ଧନ
Couplet 38
ଏଣୁ ସେ ଗୁଣ କର୍ମମୟେପ୍ରକାଶେ କର୍ତ୍ତା-ଭୋକ୍ତା ପ୍ରାୟେ
Couplet 39
ଏଣୁ ପରମଆତ୍ମା ପ୍ରାୟେଉଦାସୀ ମତେ ସର୍ବ ଠାଏଁ
Couplet 40
କେବେହେଁ ନ କରିବ ସଙ୍ଗସମୁଦ୍ରେ ଯେସନେ ତରଙ୍ଗ
Couplet 41
ସର୍ବ ବିଷୟ ପରବଶକେବେହେଁ ନୋହିବ ବିଶ୍ୱାସ
Couplet 42
ଆସନ ଶୟନ ମାର୍ଜନେଭୋଜନ ପାନ ଅବଧାନେ
Couplet 43
ଶ୍ରବଣ ସ୍ପର୍ଶନ କୀର୍ତ୍ତନେପ୍ରପଞ୍ଚ ରୂପ ଦରଶନେ
Couplet 44
ଏ ସର୍ବ ଭାବେ ଉଦାସୀନଯେ କରେ ସେହୁ ମହାଜନ
Couplet 45
ଯେହ୍ନେ ଆକାଶ ସବୁଠାରେଅଛି ସେ ନ ଲାଗି କାହିଁରେ
Couplet 46
ସୂର୍ଯ୍ୟର ପ୍ରତିବିମ୍ବ ଜଳେଅଛି ସେ ନ ଲାଗି ନିଶ୍ଚଳେ
Couplet 47
ସକଳ ସ୍ଥାନେ ସଞ୍ଚରଇପବନ କାହିଁ ନ ଲାଗଇ
Couplet 48
ତେସନେ ସର୍ବ ବିଷୟରେଇନ୍ଦ୍ରିଗଣଙ୍କ ନିରନ୍ତରେ
Couplet 49
ଭୁଞ୍ଜାଇ ସାକ୍ଷୀ ରୂପେ ଥାଏଅଜ୍ଞାନୀ ପ୍ରାୟ ବଦ୍ଧ ନୋହେ
Couplet 50
ସ୍ୱପ୍ନ ଜାଗ୍ରତ ପ୍ରାୟ ହୋଇତା'ର ସଂସାର ନିବର୍ତ୍ତଇ
Couplet 51
ନିରଭିମାନ ଗୃହେ ଦେହେକରି ଭ୍ରମିବ ସର୍ବ ଠାଏଁ
Couplet 52
ସଙ୍କଳ୍ପ ନ ଭାବିବ ମନେଗୃହ ଶରୀର ଅଭିମାନେ
Couplet 53
କେ କରେ ହିଂସା ଅହଙ୍କାରକେ ପୁଣ କରେ ନମସ୍କାର
Couplet 54
କେ ଅବା କରେ ନିନ୍ଦା ସ୍ତୁତିଏଣେ ନୋହିବ ଭେଦମତି
Couplet 55
ଅଦୃଷ୍ଟ ମାନି ଅବଧାନଚିତ୍ତେ ଧରିବ ଦିବ୍ୟଜ୍ଞାନ
Couplet 56
ସମେ ଦେଖିବ ସର୍ବ ଅଂଶଭେଦ ନ କରି ଗୁଣ ଦୋଷ
Couplet 57
ଚିତ୍ତ ନିରୋଧି ଏ ଶରୀରେଯେ କିଛି ନ ବୋଲେ ନ କରେ
Couplet 58
ଅସାଧୁ ସାଧୁ ଭେଦ ନାହିଁସ୍ତୁତି ନିନ୍ଦନ ନ କରଇ
Couplet 59
ତାହାଙ୍କୁ ବୋଲିବା ପଣ୍ତିତସେ ଆତ୍ମାରାମେ ଜଡ଼ମତ
Couplet 60
ସଂସାର ମଧ୍ୟେ ସେ ଆନନ୍ଦଦେଖଇ ପ୍ରାଣୀ ଭଲ ମନ୍ଦ
Couplet 61
ହୃଦରେ ତାହା ନ ଧରଇଯେଣୁ ସେ ନିଜ ଭାବେ ଥାଇ
Couplet 62
ଯେ ସର୍ବଶାସ୍ତ୍ରେ ସୁପଣ୍ତିତଜାଣଇ ସର୍ବ ଧର୍ମତତ୍ତ୍ୱ
Couplet 63
ସେ ଯେବେ ଏତେ ଗୁଣ ଘେନିପରମାନନ୍ଦଙ୍କୁ ନ ଚିହ୍ନି
Couplet 64
ସକଳ ଶାସ୍ତ୍ର ବ୍ୟର୍ଥ ତା'ରକେବଳ ଶ୍ରମ ମାତ୍ର ସାର
Couplet 65
କୁଧେନୁ ବାନ୍ଧି ଗୃହେ ଯେହ୍ନେନିରାଶ ହୋ'ନ୍ତି କ୍ଷୀରପାନେ
Couplet 66
ଦୁଷ୍ଟ ଭାରିଜା ଶୋଭା ଦେଖିଯେ ଗୃହେ କାମଲୋଭେ ରଖି
Couplet 67
ସକଳ ଧର୍ମ ତା'ର ନାଶନରକେ କରେ ଗୃହବାସ
Couplet 68
ଯା'ର ଶରୀର ପରାଧୀନକୁପୁତ୍ର କରେ ଯେ ରକ୍ଷଣ
Couplet 69
ମୋ ନାମ ନ ଶୁଣି ଯା' ମୁଖେଯେ ଲୋଭେ ଗୃହେ ଧନ ରଖେ
Couplet 70
ପାତ୍ରେ ନ କରେ ସମର୍ପଣକୁମତି କୁତ୍ସିତ କୃପଣ
Couplet 71
ଦୁଃଖିହୁଁ ଦୁଃଖୀ ସେ ବୋଲାଇଉଭୟ ଲୋକେ ସୁଖ ନାହିଁ
Couplet 72
ମୋର ନିର୍ମଳ ଯଶ ନାମଯେ ଅବା ଅଛି ଗୁଣଗ୍ରାମ
Couplet 73
ଯାହାର ମୁଖେ ତା' ନ ଶୁଣିବ୍ୟର୍ଥ ଜୀବନ ସେହୁ ପ୍ରାଣୀ
Couplet 74
ଯେବା ପଣ୍ତିତ ଇହଲୋକେମୋ' ନାମ ଧରେ ନିତ୍ୟେ ମୁଖେ
Couplet 75
ମୁଁ ସର୍ବଭୂତେ ଅଛି ପୂରିଏ ଭାବେ ମନ ମୋରେ ଧରି
Couplet 76
ଶ୍ରୀମଦେ ନ ଭୁଲେ ଶରୀରଭିକ୍ଷାରେ ପୋଷଇ ଉଦର
Couplet 77
ପୁଣ ଭିକ୍ଷୁକ ମୋ'ର ଧନତାକୁ ରମଇ ମୋ'ର ମନ
Couplet 78
ତତ୍ତ୍ୱ ବିଚାରେ ତୁଟେ ଭ୍ରାନ୍ତିଭବ ସାଗରୁ ତରିଯା'ନ୍ତି
Couplet 79
ବୋଲନ୍ତି ଜଗତ ଜୀବନଏ ଯୋଗଗତି ତତ୍ତ୍ୱଜ୍ଞାନ
Couplet 80
ଯେ ଏହା ନ ଧରନ୍ତି ଚିତ୍ତେସଂସାରୁ ତରିବେ କେମନ୍ତେ
Couplet 81
ତୁ ଯେବେ ମନ ମୋର ଦେହେଧରି ନ ପାରୁ ମାୟାମୋହେ
Couplet 82
ତେବେ ସକଳ କର୍ମ ମୋତେସମର୍ପି ରହ ଦୃଢ଼ଚିତ୍ତେ
Couplet 83
ସକଳ କର୍ମ ଏ ଜଗତେଭାବେ କହିଲି ମୁହିଁ ତୋତେ
Couplet 84
ମୋହର ଜନ୍ମକର୍ମ ନାମସତ୍ୟ ପବିତ୍ର ପୁଣ୍ୟଧାମ
Couplet 85
ଆବର ଗୁଣ ଅଛି ଯେତେଉଦ୍ଧବ ଶୁଣ ଏକଚିତ୍ତେ
Couplet 86
ସ୍ମରଣ ଶ୍ରବଣ କୀର୍ତ୍ତନଯେ ତୋର ଧର୍ମ ଆଚରଣ
Couplet 87
ତାହା ସମର୍ପି ମୋ'ର ପାଦେସଂସାରୁ ତର ଅପ୍ରମାଦେ
Couplet 88
ଏ ରୂପେ ଉପାସନା କରନିଶ୍ଚେ ଲଭିବୁ ମୋ' ପୟର
Couplet 89
ସାଧୁଙ୍କ ସଙ୍ଗ କର ନିତିଲଭିବୁ ନିର୍ମଳ ଭକ୍ତି
Couplet 90
ଭକତି କରି ଶୁଦ୍ଧଚିତ୍ତେଜ୍ଞାନ ଲଭିବୁ ତୁ ସାକ୍ଷାତେ
Couplet 91
ଜ୍ଞାନେ ସଂସାରୁ ହେବୁ ପାରଶୁଣି ଉଦ୍ଧବ ଯୋଡ଼େ କର
Couplet 92
ବୋଲଇ କୃଷ୍ଣ ମୁଖଚାହିଁଭୋ ନାଥ ମୋତେ କର ତ୍ରାହି
Couplet 93
ମୁଁ ତୋର ଚରଣେ ଶରଣକହ ତୋ' ଭକତି ଲକ୍ଷଣ
Couplet 94
କି ରୂପେ ଭକତଙ୍କୁ ଜାଣିଭକତି କି ରୂପେ ପ୍ରମାଣି
Couplet 95
ତୁ ପରିପୂର୍ଣ୍ଣ ବ୍ରହ୍ମସାରସ୍ୱଭାବେ ପ୍ରକୃତିରୁ ପର
Couplet 96
ଭକତ କରେ ତୋତେ ବଶତା'ର ରକ୍ଷଣେ ତୋ' ପ୍ରକାଶ
Couplet 97
ଭକତି ହିତେ ତୋ'ର ତନୁତେଣୁ ଭକତ ବାକ୍ୟ ମାନୁ
Couplet 98
ପ୍ରତ୍ୟକ୍ଷେ ଭକତ ପାଳନତୁ ନାଥ ପୁରୁଷ ପୁରାଣ
Couplet 99
ଅନାଦି ପ୍ରଭୁ ଭଗବାନକରୁଣାସିନ୍ଧୁ ଦିବ୍ୟଜ୍ଞାନ
Couplet 100
ରୂପ ଅରୂପ ବ୍ରହ୍ମରାଶିତୁ ଏ ସଂସାର ମଧ୍ୟେ ପଶି
Couplet 101
ସକଳ ତୋହର ଭିଆଣଏଣୁ ତୁ ପରମ କାରଣ
Couplet 102
ଭକଟ ଲକ୍ଷଣ ଯେମନ୍ତେମଣାଇଁ କହ ଦୟାଚିତ୍ତେ
Couplet 103
ଭକ୍ତି ଲକ୍ଷଣ ମୋତେ କହଯେଣେ ଖଣ୍ତିବ ମାୟାମୋହ
Couplet 104
ଶୁଣି ଉଦ୍ଧବର ବଚନକହନ୍ତି ଶ୍ରୀମଧୁସୂଦନ
Couplet 105
ସମଦରଶୀ ସତ୍ୟସାରଶୁଦ୍ଧ ବିବେକ ମତି ଯା'ର
Couplet 106
ଦ୍ରୋହ ବର୍ଜିତ ଶାନ୍ତିପରତ୍ୟାଗ ସ୍ୱଭାବ ମହାଧୀର
Couplet 107
କୃପାଳୁ ସର୍ବଜୀବ ହିତଶୁଚି ଦରିଦ୍ର ଦୃଢ଼ବ୍ରତ
Couplet 108
ଅଳ୍ପଭୋଜନ ଧର୍ମେ ସ୍ଥିରମୃଦୁ ପ୍ରସନ୍ନ ଧୃତିଶୀଳ
Couplet 109
ସୁକଲ୍ୟ ଅମାନୀ ମାନଦକବି ମଇତ୍ର ଶୁଦ୍ଧବୋଧ
Couplet 110
ଚିତ୍ତ-ସଙ୍କଳ୍ପ ଅପ୍ରମାଦୀଗଭୀରଚିତ୍ତ ଧୀରବୁଦ୍ଧି
Couplet 111
ଏ ଆଦି ସପ୍ତବିଂଶ ଗୁଣବିଶେଷେ ମୋହର ଶରଣ
Couplet 112
ଏତେ ଲକ୍ଷଣ ଲକ୍ଷ୍ୟି ଯହିଁନିଶ୍ଚୟ ବୈଷ୍ଣବଟି ସେହି
Couplet 113
ମୁଁ ବେଦରୂପେ ଅଛି ଭଣିଧର୍ମ ଅଧର୍ମ ପରିମାଣି
Couplet 114
ତହିଁରେ ଦୋଷ ଗୁଣ ଯେତେନିର୍ଣ୍ଣୟ କରି ଶାସ୍ତ୍ରମତେ
Couplet 115
ସକଳ ଧର୍ମ ତେଜି ଚିତ୍ତେଯେ ମୋତେ ଭଜେ ଦୃଢ଼ବ୍ରତେ
Couplet 116
ସେ ପ୍ରାଣୀ ଭକତ ଉତ୍ତମକହିଲେ ଶ୍ରୀପୁରୁଷୋତ୍ତମ
Couplet 117
ଜାଣି ନ ଜାଣି ମୋ ମହିମାଭଜନ୍ତି ଭକତ ଉତ୍ତମା
Couplet 118
ବିଚାରି ସର୍ବଧର୍ମ ତେଜେମୋତେ ଏକାନ୍ତଭାବେ ଭଜେ
Couplet 119
ମୋ'ର ମଧୁରରୂପ ଦେଖିସକଳ ସୁନ୍ଦର ଉପେକ୍ଷି
Couplet 120
ବେଗେ କରିବ ଦରଶନବନ୍ଦନ ସ୍ମରଣ କୀର୍ତ୍ତନ
Couplet 121
ନାନା ପ୍ରକାରେ ସେବା ଯେତେଭାବେ କରିବ ଶୁଦ୍ଧଚିତ୍ତେ
Couplet 122
ମୋ'ର ଅମୃତ କଥାସାରଶ୍ରୁତି ପୀରତି ନିତ୍ୟେ ଯା'ର
Couplet 123
ମୋ' ରୂପ ଧ୍ୟାନେ ଦୃଢ଼ମତିସକଳ ମୋତେ ସମର୍ପନ୍ତି
Couplet 124
ସେବକଭାବେ ଆତ୍ମାମନମୋ' ପାଦେ କରେ ନିବେଦନ
Couplet 125
ମୋ' ଜନ୍ମ କର୍ମର କଥନମୋ'ର ଉତ୍ସବେ ହୃଷ୍ଟମନ
Couplet 126
ନାନା ସୁବାଦ୍ୟ ନୃତ୍ୟଦୀତେକୀର୍ତ୍ତନ କରି ମୋ' ଅଗ୍ରତେ
Couplet 127
ଗୋଷ୍ଠୀ କରିବ ବହୁ ମିଳିମୋ' ଗୃହେ ଦେଇ ଦୀପାବଳୀ
Couplet 128
ଆନନ୍ଦେ କରି ମହୋତ୍ସବଦିବସ ରଜନୀ ବଞ୍ଚିବ
Couplet 129
ମୋହର ଯାତ୍ରା ପର୍ବାପର୍ବେବିଧିବିଧାନ ଯଥାପୂର୍ବେ
Couplet 130
ଯେବା ବୈଦିକ ଧ୍ୟାନ ମାନକରିବ ମନ୍ତ୍ର ତନ୍ତ୍ର ଧ୍ୟାନ
Couplet 131
ବୈଷ୍ଣବ ଲକ୍ଷଣ ମୋ' ବ୍ରତସେ ରୂପେ ଥିବ ଦୃଢ଼ଚିତ୍ତ
Couplet 132
ଗୃହେ ସ୍ଥାପିବ ରୂପ ମୋ'ରଅତି ସୁନ୍ଦର ମନୋହର
Couplet 133
ଆପଣା ହସ୍ତେ ନିର୍ମାଣିବନୋହିଲେ ପରେ କରାଇବ
Couplet 134
ନାନା କୁସୁମବନ ରୋପିସୁସ୍ୱାଦୁ ଫଳବୃକ୍ଷ ସ୍ଥାପି
Couplet 135
ମାର୍ଜନୀ ଘେନି ନିଜ କରମାର୍ଜନା କରିବ ମୋ' ପୁର
Couplet 136
ଗୋମୟେ ଲିପିବ ମୋ' ଘରଦିବ୍ୟମଣ୍ତଣି ମନୋହର
Couplet 137
ବାଳକ ଗୃହ ଯେହ୍ନେ ଦାଣ୍ତେଲେଖିବ ନାନା ଚୂର୍ଣ୍ଣପିଣ୍ତେ
Couplet 138
ଏ ଆଦି ପୁଣ୍ୟକର୍ମ ଯେତେସାଧିବ ଗୃହାରମ୍ଭ ମତେ
Couplet 139
ମାନ କୈତବ କୂଟ ଦମ୍ଭଚିତ୍ତେ ନ କରିବ ଆରମ୍ଭ
Couplet 140
ମୋ' ପ୍ରୀତିଅର୍ଥେ କର୍ମ କରିମୋର ଚରଣ ଚିତ୍ତେ ଧରି
Couplet 141
ଯେ ପୁଣ୍ୟ ଆପଣେ କରିବକେବେହେଁ ପରେ ନ କହିବ
Couplet 142
ଯେ ଦୀପ ମୋତେ ସମର୍ପିବତା' ଆନ କାର୍ଯ୍ୟେ ନ ଜାଳିବ
Couplet 143
ପୁଣି ଯା' ଅନ୍ୟେ ଭୋଗ ଦେବତା' ମୋତେ କେବେହେଁ ନ ଦେବ
Couplet 144
ଯେ ଦ୍ରବ୍ୟ ମୋତେ ସମର୍ପିବପୁଣ ଗ୍ରହଣ ନ କରିବ
Couplet 145
ମୋ' ଦ୍ରବ୍ୟେ ଅଧିକାର ଯେତେକେବେହେଁ ନ କଳ୍ପିବ ଚିତ୍ତେ
Couplet 146
ଆତ୍ମାର ପ୍ରିୟବସ୍ତୁ ଯେତେଉତ୍ତମ ବସ୍ତୁ ଯା' ଜଗତେ
Couplet 147
ଯେବା ମିଳିବ ଅକସ୍ମାତେଆନନ୍ଦେ ସମର୍ପିବ ମୋତେ
Couplet 148
ମୋର ପ୍ରସନ୍ନେ ତା'ର ଫଳହୋଇବ ଅନନ୍ତ ନିଶ୍ଚଳ
Couplet 149
ମୋ'ର ମନ୍ଦିର ମନୋହରକରିବ ବିଚିତ୍ର ସଂସ୍କାର
Couplet 150
ମୋତେ ପୂଜିବ ଯେତେ ସ୍ଥାନେଉଦ୍ଧବ ଶୁଣ ସାବଧାନେ
Couplet 151
ଗୋରୁ ବ୍ରାହ୍ମଣ ମୁନି ରବିଗଗନ ପବନ ପୃଥିବୀ
Couplet 152
ଜଳ ବୈଷ୍ଣବ ହୁତାଶନେବିଷ୍ଣୁପୂଜିବ ଏତେ ସ୍ଥାନେ
Couplet 153
ଯାହାକୁ ଯେମନ୍ତେ ପୂଜିବକହିବା ଶୁଣ ହେ ଉଦ୍ଧବ
Couplet 154
ଶୀତଳ ଜଳ ତୃଣ ଦାନେଗୋରୁଙ୍କୁ ପୂଜିବ ଗୋସ୍ଥାନେ
Couplet 155
ଅତିଥିମତେ ନାନାଦ୍ରବ୍ୟେବିପ୍ରେ ପୂଜିବ ବିଷ୍ଣୁଭାବେ
Couplet 156
ମୁନି ପୂଜିବ ମନ୍ତ୍ରତନ୍ତ୍ରେସଂସ୍କାର ଦ୍ରବ୍ୟ ଦେଇ ଯେତେ
Couplet 157
ପବିତ୍ର ପୁଷ୍ପ ଗନ୍ଧ ଅର୍ଘ୍ୟେରବି ପୂଜିବ ବେଦମାର୍ଗେ
Couplet 158
ଆକାଶବର୍ଣ୍ଣ ହୃଦେ ଧରିଧ୍ୟାନେ ପୂଜିବ ନରହରି
Couplet 159
ପବନେ ଗନ୍ଧ ଆମୋଦନେପୂଜିବ ଚିତ୍ତ ସମାଧାନେ
Couplet 160
ମୃତ୍ତିକା କରି ଲିଙ୍ଗ ପ୍ରାୟେମୋତେ ପୂଜିବ ଶିବଧ୍ୟାୟେ
Couplet 161
ବୈଷ୍ଣବ ଆଣି ନିଜସ୍ଥାନେପୂଜିବ ବାନ୍ଧବ ବିଧାନେ
Couplet 162
ଅଭିଗମନ ଅନୁଯାନେଅନ୍ନଭୋଜନ ଜଳପାନେ
Couplet 163
ଜଳେ ପୂଜିବ ମୋତେ ଭାବେବିବିଧ ଜଳମୟ ଦ୍ରବ୍ୟେ
Couplet 164
ଆରମ୍ଭି ସଂସ୍କାର ଅନଳେଘୃତ ଇନ୍ଧନ ଚରୁ ତିଳେ
Couplet 165
ଅଗ୍ନି ପୂଜିବ ମୋର ଧ୍ୟାନେନିର୍ମଳ ନିଶ୍ଚଳ ଭୁବନେ
Couplet 166
ଆତ୍ମାକୁ ଆତ୍ମାରୂପେ ଧ୍ୟାୟିପୂଜିବ ନାନା ଭୋଗ ଦେଇ
Couplet 167
ସକଳ ଭୂତେ ମୁଁ ବସଇଅନ୍ତରେ ଅନ୍ତଯ୍ୟାମୀ ହୋଇ
Couplet 168
ଏଣୁ ଅନନ୍ତ ରୂପେ ମୋତେଧ୍ୟାନେ ପୂଜିବ ସର୍ବଭୂତେ
Couplet 169
ଏ ବିଧିମତେ ନାନାଠାବେମୋତେ ପୂଜିବ ପ୍ରିୟଭାବେ
Couplet 170
ଯେତେ କହିଲି ପୂଜାସ୍ଥାନେମୋତେ ପୂଜିବ ଏ ବିଧାନେ
Couplet 171
ନୀଳଜୀମୃତ କଳେବରରାଜୀବଲୋଚନ ସୁନ୍ଦର
Couplet 172
ଶଙ୍ଖ କମଳ ଚକ୍ର ଗଦାଚତୁରଭୁଜେ ଶୋହେ ସଦା
Couplet 173
ସୁଗନ୍ଧ ବନମାଳା କଣ୍ଠେରତ୍ନମେଖଳା କଟୀତଟେ
Couplet 174
ଶ୍ରବଣେ ମକରକୁଣ୍ତଳଯେସନେ ଗଗନମଣ୍ତଳ
Couplet 175
ରବି ଶଶାଙ୍କ ବିରାଜଇଏମନ୍ତ ଧ୍ୟାନେ ମନଦେଇ
Couplet 176
ଏ ବିଧିମତେ ପୂଜା କରିମୋ'ରୂପ ମନେ ଅବଧାରି
Couplet 177
ମୋ' ଭାବେ ଥିବ ନିରନ୍ତରେଶୁଣ ଉଦ୍ଧବ କହୁଁ ତୋ'ରେ
Couplet 178
ତୀର୍ଥଗମନ ଯଜ୍ଞଦାନକୂପ ତଡ଼ାଗ ଦେବସ୍ଥାନ
Couplet 179
ଏ ଆଦି କର୍ମ କରି ଯେତେମୋ' ପାଦେ ସମର୍ପିବ ନିତ୍ୟେ
Couplet 180
ଏ ରୂପେ ପୂଜି ମୋ' ଚରଣେଲଭି ଭକତୋ ଦୃଢ଼ମନେ
Couplet 181
ନିରତେ ଥିବ ସାଧୁସଙ୍ଗେନିର୍ମଳ ଭକ୍ତିଯୋଗମାର୍ଗେ
Couplet 182
ଏ ଭାବେ ପ୍ରାଣୀ ମୋତେ ପାଇଏ ବିନୁ ଅନ୍ୟଗତି ନାହିଁ
Couplet 183
ଯେଣୁ ତୁ ମୋର ନିଜ ଦାସତୋତେ କହିଲି ଉପଦେଶ
Couplet 184
ଆଉ କହିବି ମୁହିଁ ଯେତେଶୁଣ ଉଦ୍ଧବ ଏକଚିତ୍ତେ
Couplet 185
ବୋଲଇ ଦାସ ଜଗନ୍ନାଥସଂସାରହିତେ ଭାଗବତ
Couplet 186
କୃଷ୍ଣବଚନ ଏକାଦଶେଯେବା ଉଦ୍ଧବେ ଉପଦେଶେ
Couplet 187
ସୁଜନ ଶୁଣି କର୍ଣ୍ଣପୁଟେସଂସାରୁ ତରିବ ନିକଟେ