ମା’ ତାରାତାରିଣୀ

ମା’ ତାରାତାରିଣୀ ହେଉଛନ୍ତି ଗଞ୍ଜାମ ଜିଲ୍ଲାର ପୁରୁଷୋତ୍ତମପୁର ନିକଟସ୍ଥ ଋଷିକୁଲ୍ୟା ନଦୀ କୂଳରେ ଥିବା କୁମାରୀ ପାହାଡ଼ରେ ବିରାଜମାନ ଦୁଇ ଜଣ ଜାଆଁଳା ଭଗିନୀ ଦେବୀ। ସେମାନଙ୍କୁ ସତୀଙ୍କର ସ୍ତନପୀଠ ବୋଲି କୁହାଯାଏ, ଯାହା ଭାରତର ଅନ୍ୟତମ ପ୍ରଧାନ ଶକ୍ତିପୀଠ ଓ ତନ୍ତ୍ରସାଧନାର କେନ୍ଦ୍ର ଅଟେ। ଅତୀତରେ ଓଡ଼ିଶାର ସାଧବପୁଅମାନେ ଜଳଯାତ୍ରା କଲାବେଳେ ମା’ ତାରାତାରିଣୀଙ୍କ ଆଶୀର୍ବାଦ ନେଉଥିଲେ। ଚୈତ୍ର ମାସର ପ୍ରତ୍ୟେକ ମଙ୍ଗଳବାର ଦିନ ଏଠାରେ ଏକ ବିଶାଳ ଯାତ୍ରା ଓ ମେଳା ଅନୁଷ୍ଠିତ ହୁଏ, ଯେଉଁଥିରେ ଲକ୍ଷାଧିକ ଭକ୍ତ ଆସି ମା'ଙ୍କ କୃପା ଲାଭ କରନ୍ତି।