ମା’ ହିଙ୍ଗୁଳା

ମା’ ହିଙ୍ଗୁଳା ହେଉଛନ୍ତି ଅନୁଗୋଳ ଜିଲ୍ଲାର ତାଳଚେରସ୍ଥିତ ଗୋପାଳପ୍ରସାଦଠାରେ ବିରାଜମାନ ପ୍ରାକୃତିକ ଅଗ୍ନିସ୍ୱରୂପା ଦେବୀ। ଏଠାରେ କୌଣସି ପାଷାଣ ମୂର୍ତ୍ତି ବଦଳରେ ସ୍ୱୟଂଭୂ ପ୍ରାକୃତିକ ଅଗ୍ନିଶିଖାକୁ ମା’ ହିଙ୍ଗୁଳା ଭାବରେ ପୂଜାର୍ଚ୍ଚନା କରାଯାଏ। କିମ୍ବଦନ୍ତୀ ଅନୁସାରେ, ପୁରୀ ଶ୍ରୀମନ୍ଦିର ରୋଷଘରର ଅଗ୍ନି ମା’ ହିଙ୍ଗୁଳାଙ୍କର ଦିବ୍ୟ ଅଂଶ ଅଟେ। ବିଷୁବ ସଂକ୍ରାନ୍ତି ସମୟରେ ଏଠାରେ ହିଙ୍ଗୁଳା ଯାତ୍ରା ଅତି ଧୁମଧାମରେ ପାଳିତ ହୁଏ, ଯେଉଁଥିରେ ଲକ୍ଷାଧିକ ଭକ୍ତଙ୍କ ସମାଗମ ହୋଇଥାଏ। ମା’ ହିଙ୍ଗୁଳା ଭକ୍ତଙ୍କ ହୃଦୟରୁ ପାପ ଓ କାଳୁଷ୍ୟ ଦୂର କରି ଶୁଦ୍ଧତା ଓ ଶାନ୍ତି ପ୍ରଦାନ କରିଥାନ୍ତି।